玲玲制作 (已結業)

見新開張試吓。叫咗醉三寶（無骨豬手、雞翼、鴨胸）飯餐、半隻沙薑雞同埋花膠響螺雞湯。首先講個湯，不過不失，但係冇湯料實在有點可惜。隻沙薑雞完全冇沙薑味！至於個飯餐，本身就咁醉三寶小食$50，跟餐有飯有是日飲品無糖菊花茶$58。當啲食物嚟齊嘅時候，我話爭個飲品，個侍應先話暫時賣晒未有，我問幾時有，佢話晏啲又或者會冇㗎。咁我問佢點，佢話冇就冇，一係加錢改飲湯（咁我本身都單叫咗個湯）。最後到我食完走埋個飲品都係冇出現過。我見另外一枱又係咁，個客問是日飲品係咪無糖菊花茶，個侍應話冇晒一係加$5轉盒裝菊花茶。我實在接受唔到咁嘅服務態度同食物質素。如果賣晒又提供唔到另外一款是日飲品點解唔係叫個客唔好叫餐？收咗人餐錢然後答冇餐飲就冇餐飲係咩玩法？新開張希望可以檢討下!仲有，個無骨豬手有好多骨呢😑

本身同男朋友諗住去Add Some Thai Restaurant 食飯，點知9點半已last order，於是去左東廣場食野。見到玲玲製作，未食過，而且都幾乎坐滿，就試試，小店唔算有咩特別裝潢，坐位舒舒服服我就覺得滿足，可以了。雞全部都係雞~一家主打雞嘅鋪。價位公道嘅，跟飯，跟時日飲料。今日係羅漢果茶。蔥油手撕雞飯 （$48 ），手撕雞好滑，同蔥油好正，男朋友狂偷食！醉鮮雞飯 （$68 ），雞都好滑，但酒味可以再重d。男朋友明明自己有醉雞食🤣，佢果個都唔差，但係我果個好食d，就係咁解。有羅漢果茶同花膠響螺頭湯飲，一飲就知好足料！如果佢可以俾埋花膠我地食就好啦！

東廣場一向好多有誠意既小店，今晚見到呢間玲玲未見過，講自己用新鮮靚雞，諗住雖然貴d $68都試下，點知一試就中伏🤦🏻‍♂️上圖就係價值$68既醉雞飯，份量其實係將一隻雞全翼斬開，我心諗當你個碗仔白飯收我$8，咁一隻翼你咪收左我$60？！ 你一隻雞咪賣$5-600，你隻雞點新鮮都唔係呢個價啦！講味道，老實講，d肉少到我根本唔係好食到雞味，而且d酒味都蓋過哂d雞味，總而言味道只可以講普普通通。食完谷鬼氣，睇返師兄師姐d食評如出一轍，唉。事後一諗，其實如果係食新鮮雞一定係食白切雞，你賣既全部都係d重味既醉雞、沙薑雞、葱油雞，根本就哂左隻雞。唔會推介，毫無誠意

晚上9時在觀塘想找個地方快快醫肚，想起成業街的東廣場有food court，走進去看見還有些餐廳在營業。看見玲玲制作的晚餐餐牌覺得吸引，點了個口水手撕雞飯，店員很熱情推銷，加$20有無味精靚湯。但因為太晚了不想吃太飽所以放棄。附送了冰凍無糖菊花茶，很適合配口水雞，清熱涼爽。口水雞份量適中，口水汁很夠辣，送飯一流。

今晚食鹹菜胡椒豬肚湯飯+無糖菊花茶$48第1次黎呢間食幾多人食喎仲有花膠湯試飲😍個胡椒湯辣到我差啲流眼淚個侍應/老闆娘仲話今日師傅整得重手左平時無咁辣仲問我要唔要加飯😂啲豬肚幾好食但食到有1舊肥豬肉

今日約左一大班老友去觀塘啲工廈入面的Party Room 開P，觀塘多Party room就係人都知，但呢類型的隱世小店就唔係咁多人識喇！因為早左到見未拎得場，就係隔離的東廣場搵食，今次食既呢間係主打本地農場新鮮雞，我叫左個下午茶的口水手撕雞粉皮，呢到的手撕雞同出面食到的好唔同，雞夠滑又食到新鮮雞的味道，平時成日都食冰鮮雞，好懷念呢種味道啊！呢到好在仲會送自家煲的無糖菊花茶，夠晒健康，加$20仲可以有碗鮑魚嚮螺花膠湯，我朋友叫左，偷偷飲左一啖，兩個字形容：足料！ 好後悔我無加到，下次會再去食😋😋

兜左東廣場一個圈，係咁多小店中，最後比呢間玲玲製作餐牌所寫「本地農場雞」，「無鹽純原味靚湯」吸引而停低，等我一試就知堅定流。叫左口水手撕雞飯餐$48（唔想食太濃味，汁可另上）再+$20換是日靚湯之鮑魚鮮雞湯，盛惠$68。好期待佢隻本地雞同埋無味精湯究竟會係咩味呢？燈燈燈燈：由賣相就睇得出好住家式（如果唔係即棄餐具就更好）。 先飲啖靚湯，wow~果然係不加味精，食得出果份原汁原味，加廿蚊換都係值嘅👍🏻再試口水手斯雞，首先我要求唔高只要雞肉唔會鞋身、加上知佢用本地雞就更安心。個辣醬另上，可按個人口味加減。☝🏻要一提手斯雞下面全部都係菜，係生嘅生菜（如果想食熟菜就要另加錢改上湯浸菜）👅利申：本人覺得多菜小肉呢個比例係ok的（好多時出街食菜仲貴過食肉）最後如果以$68呢口價食晚餐，有菜有肉有飯仲有靚湯，飽肚得黎又相對小味精，都無咩可以彈啦？！p.s. 見到好多著住運動衫嘅人係度食，可能想運動前後吸收優質蛋白質黎增肌，有緣嘅話可能會遇到大隻仔或者fit 女💪🏻

今日放工同朋友去觀塘行街，見到東廣場開左好多食店。平時成日出街食日本韓國野，今次換下口味，試下醉鮮雞&醉無骨豬手飯，仲加多左個上湯時菜$18，不過份量有啲少。呢到既白飯可以任加，岩晒啲大食既朋友。另外跟飯會送多杯無糖菊花茶，因為係無添加，所以唔會好似紙包飲品咁重口味，入口感覺清新上菜時聞到淡淡酒香。豬手份量都多，雞肉嫩滑，不過同豬手一樣唔算好入味以呢個價錢黎講唔算話好抵食，如果有多啲配菜既話可能會更好

今晚走到東廣場，本來想吃手卷但坐满了人，然後隔離一家新店的一名不知是店員還是老闆，十分落力地「拉客」，悉心為客人介紹菜單。一向支持小店的我即時坐下，點了店員落力推介的手撕雞飯及口水手撕雞，加$5轉撈粉皮。其實最吸引我的是「自家無味精湯品」，因為家裡已經太久沒湯水喝了她給我們試喝了一口，味道感覺很健康，所以加$20是日靚湯。手撕雞飯很少雞，全部用生菜絲墊高。淋上店員聲稱秘製醬汁，但味道只是普通超市也可找到的日式麻醬，沒啥特別口水手撕雞可能選用的雞肉很貴🤔同樣用大量生菜絲墊高稀少的雞肉，但吃不出雞肉有什麼特別高級的質素。口水汁不夠惹味，像是普通辣椒汁的味道，感覺有點失望這個加$5的粉皮等了很久，雞肉都吃完了才到，還是溫熱的，感覺怪怪地，個人比較習慣粉皮是凍食的。看了看帳單，還計多了$5，跟店員提了一次又一次，她不斷忘記補回$5給我們，可能是工作太累了吧⋯還有加$20換的是日靚湯是響螺湯，她首先只給我們3份1碗😐讓我們邊喝邊等，說會再煲雞湯給我們。最後我們等到吃完了才煲好，還只盛了半碗🤥湯喝下去感覺是沒有味精，淡淡的，不太夠味總括，店員的勤奮熱情實在值得加許，惟食物才是一家食店的靈魂，如能放

咁啱唔想食飯，見到單點例牌嘅"鮮雞"$60, 加個菜$18, 都ok, 個門口阿姐又聲大大狂sell, 諗住試試。去counter落單，叫3樣嘢，位小姐反應其慢咬字不清，要一個手撕雞飯，一個淨雞，加個菜，淨係聽得清佢"無晒醉雞"呢個訊息已經聽到我眉頭夾死烏蠅。門口阿姐狂sell 醉雞然後原來無晒醉雞，焗轉沙薑，算啦，希望好味。下面呢碟，就係價值$60 六件，有一件係頸，一件係翼尖，雞皮極厚，醬汁騎呢嘅所謂鮮雞。旁邊係$18 用甜品兜裝嘅雞湯蛙蛙菜。一見到，我呆咗。個阿姐問我咩事。我話呢個叫例牌呀？佢就話啲鮮雞來貨幾貴幾貴同外面啲冰鮮唔同云云。又話咩佢地都無乜得賺淨係想做個名blah blah blah.我都費L事再講，當我時運低，我個人好間單，一食到唔好食嘅嘢就唔開心，唯有成程黑住面食咗三舊雞，$60 六件唔好食嘅淨雞，真係中環都買唔到，背脊骨落晒。中途阿姐仲好好心咁同新坐落嚟隔離兩位女士講又係啲雞幾鮮成本幾貴仲話"哎吔隔離個女仔就係覺得例牌好少呀但係呢鮮雞好貴㗎嘛係好唔同㗎嘛啦啦啦。。。"成場喺度嘈。我嘅不滿升溫，令件雞難食多兩度。如果有半粒星我係唔會俾一粒呢間嘢。東廣場咁多選擇，應

點左胡椒豬肚雞湯飯，湯半碗都無，豬肚四舊到，原來係無雞嫁，一堆咸菜，一個白飯，個味尚可，但認真唔值48元叫多個手斯雞飯，個雞味道怪，又唔新鮮，食左小小就食唔落好難食🤮仲有個加錢嘅例湯，好清，無料，好淡，總之就係伏，一定無下次

以無味精的菜式為主。下午茶吃醉三寶湯烏冬，醉三寶有淡淡酒香，不太喜歡酒味的人都可一試。此冷食：雞翼和無骨豬手都能做到皮爽肉嫰，唔肥膩，而鴨胸肉也無浸到縮細和靱，咬落都有彈性，且份量也不少。熱湯烏冬無乜特別味，有幾多菜，用作伴食和飽肚之用也不錯。手撕雞粉皮，是全冷吃。麻醬汁偏甜，雞肉較嚡，份量ok，如麻醬汁放旁會好些，唔駛迫住吃太多醬汁。粉皮薄滑，微暖，好吃過烏冬。加$20有椰青椰子雞湯，標明無味精，仲係無加鹽，於是試吃。巳有心理準備偏淡，但意外的是一些椰青或椰子味都無法嚐到，只有微微的雞湯味。可能加鹽調味會好些吧！送羅漢果茶，也是無添加的，有本身的微甜味，好飲。