玲玲制作 (已結業)

本身同男朋友諗住去Add Some Thai Restaurant 食飯，點知9點半已last order，於是去左東廣場食野。見到玲玲製作，未食過，而且都幾乎坐滿，就試試，小店唔算有咩特別裝潢，坐位舒舒服服我就覺得滿足，可以了。雞全部都係雞~一家主打雞嘅鋪。價位公道嘅，跟飯，跟時日飲料。今日係羅漢果茶。蔥油手撕雞飯 （$48 ），手撕雞好滑，同蔥油好正，男朋友狂偷食！醉鮮雞飯 （$68 ），雞都好滑，但酒味可以再重d。男朋友明明自己有醉雞食🤣，佢果個都唔差，但係我果個好食d，就係咁解。有羅漢果茶同花膠響螺頭湯飲，一飲就知好足料！如果佢可以俾埋花膠我地食就好啦！