玲玲制作 (已結業)

今日約左一大班老友去觀塘啲工廈入面的Party Room 開P，觀塘多Party room就係人都知，但呢類型的隱世小店就唔係咁多人識喇！因為早左到見未拎得場，就係隔離的東廣場搵食，今次食既呢間係主打本地農場新鮮雞，我叫左個下午茶的口水手撕雞粉皮，呢到的手撕雞同出面食到的好唔同，雞夠滑又食到新鮮雞的味道，平時成日都食冰鮮雞，好懷念呢種味道啊！呢到好在仲會送自家煲的無糖菊花茶，夠晒健康，加$20仲可以有碗鮑魚嚮螺花膠湯，我朋友叫左，偷偷飲左一啖，兩個字形容：足料！ 好後悔我無加到，下次會再去食😋😋