王林記潮州魚蛋粉麵

營業中

休息中

！為何早收工硬系肚餓🤐🤐今日去試地雷🤣就叫三併炸醬+雲吞+豬手, 樓面啊姐話要問下可唔可以轉頭距話得,講豬手要加12蚊我話OK, 點知嚟到發覺碟野唔對路🤨唔系豉油撈嚟既🖕🤨🖕無計肚餓試左味先算！得一粒皮包骨積你個福！🤬🤬 12蚊食層皮😡😡，麵:爽口但重梘味，炸醬：食入口甜味佔50%酸辣各25%左右😑失敗！果舊價值12蚊既豬手真真正正系皮包骨！入味但唔系好淋重五香粉味😑湯正常大路野無特別！雲吞2粒入面得一隻蝦仁肉多🚁🚁🚁🚁🚁中伏！親身踩地雷成功😁😁🤣報告完畢！

💛王林記聽講王林記係筲箕灣好出名，專程過海嚟試不過好唔好彩切腩賣哂😭😭五香牛腩撈粗 $47份量多，好大碟麵:唔重規水味，質感爽彈醬油:徧重甜味，麻油勁香，好好味💯牛腩:肉質軟淋，肥瘦適中，唔痴牙撈麵同醬汁好夾，唔油膩。清湯不過不失凈雲吞 $55 有6粒大粒雲吞魚湯底鮮味十足，冇乜味精味凍檸茶 $20正常發揮，徧貴😔2個人埋單 $122餐廳裝修好有本地特色📸食物好味，除咗野飲外價錢都合理撈粗真係好好味，必食🌟🌟🌟🌟大家一定要呢試吓

✨本土風味 切腩撈撈撈✨~~~~~~~~~~~~~~~~~~~~~~🔷切腩片頭撈米 $60🔷切腩魚蛋撈河 $60呢家最出名係切腩，魚片頭，魚蛋！平時大多數人都會叫撈粗，其實撈米，撈河粉都好好食，而且更考技巧，如果唔係d 米粉就會斷晒。米粉煙韌彈牙，撈得好乾身。 河粉相對失色，比較散。魚片頭，魚蛋連湯分開上， 浸住湯熱辣辣👍🏻爽彈的魚片頭及彈牙的魚蛋，味道不腥！Keep 得住水準大地魚湯底鮮味十足而且少油，可惜少少偏鹹。牛腩好入味，炆得夠淋，一絲絲層次分明的肉質食落依然有咬口。可惜...價錢略貴...~~~~~~~~~~~~~~~~~~~~~~~~👅味道 🌕🌕🌕🌕🌑🥳環境 🌕🌕🌕🌕🌑🐋服務 🌕🌕🌕🌑🌑👛抵食 🌕🌕🌕🌑🌑🔄回頭率 75%~~~~~~~~~~~~~~~~~~~~~~~~📍 王林記潮州魚蛋粉麵 (筲箕灣)筲箕灣東大街10號東寶大廈地下A號舖📞 28860068

魚蛋雖然有魚味，但很重胡椒粉以及味精 ，食完想勁飲水。仲話自己有幾出名，真的難食到死，反而切腩河，切腩還可以，湯底勁唔掂，咸及超勁味精，還有猪扒包都可以接受，在其次杯奶茶都係唔掂當，一文不值

筲箕灣好西名不虛傳(⁎⁍̴̛ᴗ⁍̴̛⁎)星期六想食沙嗲牛脆豬就要11點前叫了，我哋11點半到達，不用排隊，但已經賣光光了。(´･_･`)店內裝修有本地特色。🐓雞扒脆豬 $28皮脆，豬扒厚，分量大，長型甜麵包，中間有沙律醬，麵包沾上了雞扒的雞油，熱辣辣，香噴噴，令人愛不釋口。🍜切腩撈粗 $52麵條彈牙爽口，沒有過淋問題，牛腩爽，肉質沒有太過煙靭，切腩目測大概十一二條，麵大碗，麻甩佬份量，夠哂飽肚，一分錢確有一分貨🤩

噚晚睇完Viu tv嘅唔試唔知份工好節目，介紹制造魚蛋過程，真係要用好多工序同功夫，老板娘亦好大愛每日自己做糧然後坐船上岸去餵浪浪，今晚就專登嚟到筲箕灣東大街王林記試下佢哋嘅魚蛋，坐底睇餐牌太多嘢想食，最後揀左魚片頭撈粗同淨魚唇，魚片頭用湯浸同麵係分開上枱，麵條先用秘制醬油撈過，麵質爽口彈牙而且好滑，醬油味香甜濃郁，魚片頭爽脆魚味十足，魚唇係第一次食，口感有少少似花膠，用上湯煮過，一啲都唔會腥幾好食，下次再試其他魚蛋。

呢一晚剛去完行山出返黎筲箕灣係網上見到人講話黎筲箕灣要食片頭撈粗仲話呢間王林記既味道唔錯 所以就黎試下唔知點解呢 條東大街有好幾間餐廳唔開星期日既晚上7點左右可能呢邊黎搵食既人都唔算好多直接有位可以入座👏👏餐廳既裝修幾新淨😍又有幾張有趣既壁畫不過座位既舒適度就普通la圓膠櫈無得挨 食完都唔會坐太耐～～我地叫左一個片頭撈粗一個云吞湯河云吞河先到， 幾好wor👍份量幾夠 有5粒然後河粉都算正常份量片頭粗呢 略嫌片頭太少🥺得幾塊仔放係個湯入面個撈麵係幾好味既🥰彈牙，d 汁唔會太咸，剛剛好👍👍無收加一撈麵47 河35 蚊， okay 啦👌👌如果下次黎會試埋切腩同鮮油厚多士🤪🤪

諗住趁放假去行下龍脊難得出到港島就去左出名多野食既東大街食下野先搵到有兩間食粉麵既零舍出名今次就試下哩間先星期六晏晝點零鐘去到都要輕輕等一等位不過好快就入得喇——————————切腩撈粗（$52）牛腩牛味濃 肉質軟冧嫩口完全唔會有條條肉絲卡死係牙隙到撈粗其實個人黎講真係無嘜點食過所以比較唔到但男朋友同我都覺得哩間好好食豉油撈得均勻掛麵 濃而不咸麵質爽口無嘜鹼水味魚旦河（$35）魚蛋咬落爽彈 魚味頗重 魚片如果切得厚番少少口感會更好河粉薄幼滑溜 不過食到後面會略嫌碎左啲要用匙羹幫手先食到———————————-佢啲辣椒油都幾唔錯姐姐問我地要想大辣定小辣我地揀左大辣辣得黎香 錦上添花如果咁岩經過都會再戰佢既撈粗

筲箕灣東大街多美食就係人都知!今日阿姐由大西北去到港島搵食首先要去王林記食左個正餐先!星期六午飯時間黎到,當然係人山人海!等左大約20分鐘就入得啦!好期待呀!到底會唔會排左咁耐失望而回呢!!!今次叫左呢度最出名既切腩魚片頭撈粗!切腩魚片頭撈粗D魚片頭連湯另上，切腩撈粗有少少芽菜鋪側邊解下油膩感!切腩一D都唔UN,十分之淋!撈粗果然真係非常有水準！！！！完全唔乾，冇鹼水味，加埋辣椒油一流！！！魚片頭都唔錯，爽彈，但加埋個湯就有少少鹹，所以撈粗都係就咁食最好!唔洗撈埋落湯度食!好好味呀!好想食多兩碟!筲箕灣筲箕灣東大街10號東寶大廈地下A號舖Shop A, 10 Shau Kei Wan Main Street East, Shau Kei Wan

東大街係條出曬名嘅食街！ 其中最為人街知巷聞的人氣粉麵店就分別係 <王林記> 及 <安利> ！次次<安利> 都排曬長龍，見<王林記> 唔係太多人排隊，一於走去試試佢！<王林記> 最出名的就係撈粗同魚片頭 ，另外都見切腩好多人推介，於是我地就叫左一碗魚片頭撈粗同一碗切腩撈粗～魚片頭撈粗就D魚片頭連湯另上，切腩撈粗就上淨湯～撈粗果然真係非常有水準！！！！完全唔乾，冇鹼水味，重有甜甜地的味，一流！！！魚片頭都唔錯，爽彈，但加埋個湯我覺有少少鹹，都好彩係食得出唔係味精湯，就算飲曬碗湯都唔會口渴。切腩就不過不失，叫做有少少乾，但都係爽口嘅！撈粗都好夠份量！食完撈粗再飲埋碗湯，真係好飽好滿足！！！要留意返～呢間舖淨係收現金~ 

東大街貴為東區既食街，最近幾次黎，都會幫襯王林記既名物🍜佢哋撈粗真係出晒名，隔離枱一家四口仲要專程係荃灣過嚟食，知佢咩料啦🤭坊間既撈粗好易做到油膩或太咸，呢間完全無呢個問題👍👍👍至於配料，上圖既牛腩有半碟腩咁多，相當足料，淋得黎好入味😋不過略肥，食到最尾有啲膩，另外叫左個魚蛋同魚片頭，比較一般。

最近都陸續有不少好友移民或到外國升學，因此，我總會把握時間跟她們吃外國較難有機會吃到的港式風味美食，其中一樣便是魚蛋粉。記得小時候，總是不太了解魚蛋粉的好，總覺得味道較為清淡、份量只夠攝牙罅；但現在的我反而彷彿了解到魚蛋粉的情懷，面對漁獲日漸變少，能吃到真正手打魚蛋嘅機會亦都變得珍貴，我也總比從前更珍惜吃魚蛋粉的機會，每次更會細味碗中之物，和珍惜與好友飯聚的時光。-到訪當日跟友人遠足過後，本來想吃著名的安利，可惜適逢店家的休息日（星期四），但又不想掃友人的雅興，因而試了王林記。-粉麵下午茶餐（雙拼）$50 4/5當日試咗香蔥魚蛋拼韭菜餃河粉，湯底清澈帶點大地魚的香氣，加上潮州粉麵店必備的辣椒油，只需一小匙，便有5小辣的程度，十分刺激味蕾，再混合滿滿的香蔥，真係昇華不少。湯河煮得適中，除咗入口順滑之餘，更唔會一夾就斷。香蔥魚蛋形狀呈不規則，睇得出係手打魚蛋，食落更彈牙爽口、有魚味，混合埋香蔥，增添咗唔少層次。另一款餸，我叫咗韭菜餃，呢個組合係有啲奇怪嘅，不過我見佢話自己包就想一試！皮薄餡靚，韭菜同肉嘅比例啱啱好，而且仲有3－4隻，份量以一個下午茶餐來講都算多。-奶油多 4/5呢度都有得揀

今日去左東大街覓食~一向東大街都多食，個度都有另一間出名既魚蛋粉，不過今次我就想試下呢一間老字號，果然無令我失望~我地叫左碗魚片頭麵同埋牛筋腩麵～🐠 魚片頭麵魚片頭麵有成７粒魚片頭，粒粒都係魚片頭，爽口彈牙~魚片頭夠晒鮮味~另外佢地有冬菜加~辣椒醬仲有分大辣同小辣~🐮 牛筋腩麵牛筋腩炆到入晒味，牛腩夠晒腍，又唔算好多肥膏；牛筋腍得來好似啫喱狀，腩汁湯無得輸~好食！下次要試下個香葱魚蛋麵！一定會再回頭既麵店~

王林記 聽就聽得多，但真係未食過，今次專登黎試下佢出名原因🤨同朋友2人黎食，叫左一個傳說中必點既角切腩撈粗，然後再叫左碗崩沙腩河，黎多碗淨香蔥魚蛋Share☺️又真係大部分人坐低都係嗌角切腩撈粗，牛腩入味、淋得黎又有d咬口，真係好味錯，如果牛味再濃d更好😄崩沙腩河，河粉都幾靚，夠煙韌 湯低有dd味精，D牛腩同角切腩撈粗既機符一樣，都係好食既😋香蔥魚蛋好彈牙，加埋有香聰喺啲魚蛋入面幾特別👍👍👍

今日返嚟東區食嘢一直係安利粉絲嘅我終於試下筲箕灣東大街嘅王林記😂晚飯時間仲有位👍🏻👍🏻雖然今日冇食粉麵但佢地嘅魚片真係都好好味😋直得一讚👍🏻👍🏻👍🏻原來佢地仲有其他飯叫！成日以為得粉麵食！我老公話下次要試豬手飯🤣我地今次叫咗淨雲吞、淨一條魚片、灼芥蘭、我老公就叫蔥蛋河但我冇影到佢碗麵，但佢話好味魚蛋爽😂凈雲吞⭐️⭐️⭐️⭐️（唔太大粒好啱我唔係好肚餓食😬）淨魚片⭐️⭐️⭐️⭐️（好好味😋一定要叫嚟試）灼芥蘭苗⭐️⭐️⭐️（冇渣！爽甜）