王將精點 (已結業)

今日又來到朋友屋企打機，打機之前當然要搵個地方填飽個肚先。朋友話附近有一間好好食的點心專門店，一於試下呢間「王將精點」。餐廳主打點心，仲有介紹點心二字的由來。可堂食可外賣，我地唔趕時間一於堂食。我地點了一個鳳爪排骨飯 $32，超大碟！排骨、鳳爪都好足料，加少少豉油食真係一流。我地仲點咗幾個點心，share食。蟹皇燒賣王 $28，有四粒，賣相十分精緻。沙嗲金錢肚 $28，有四件，金錢肚煮得超入味！索晒啲汁，好juicy。伴碟的蘿蔔夠淋，真係可以汁都撈埋。蟹子鮮蝦脆皮腸 $30，呢個有驚喜呀！蟹子多到滿瀉咁濟，咬落蝦球啖啖肉，外皮係好似炸兩的質感，咁香脆可口。真係好豐富的口感。奇趣炸蝦餃 $32，有三件。蝦肉足料，啖啖肉，而且新鮮即炸，熱辣辣。伴碟嘅係炸蒜頭，十分惹味！棒棒拉芝長春卷 兩件 $22。店員提醒，因為係即炸，咬落去時要小心，啲拉芝會漏出黎，小心燙口。堅正，估唔到傳統點心有呢個創新製法！配合芝士真係口感一流。朋友最後點了一杯草莓楊枝甘露 $25，粉紅色真係少女心大爆發，味道都幾好。當日都見到好多街坊外賣幫襯，選擇又多，係大件夾抵食嘅。

今日同朋友仔去左油麻地覓食，一出地鐵站A1出口就見到呢間點心鋪。門面裝潢好吸引，似係新潮點心鋪，就一於試下先。由於我地今朝無食早餐，一餐brunch過，所以叫多d野食share食先。鳳爪排骨飯 比想像中大兜，用荷葉包住，d飯有陣陣荷葉香味，加埋豉油食，好味道。蟹子鮮蝦脆皮腸 呢份脆皮腸並唔係腸仔，而係類似炸兩，個點心賣相唔錯，幾有創意。沙嗲金錢肚 金錢肚煮得夠lum，同時亦好爽口，配菜蘿蔔亦唔失色，好入味。奇趣炸蝦餃 呢個炸蝦餃好有驚喜，層皮炸得好香脆，蝦ge份量十足，下次可以encore。棒棒拉芝長春卷 兩件 上枱時岩岩炸起，熱辣辣，店員提醒小心入面d芝士好熱。呢個都係幾有創意，芝士味足，一人一條岩岩好。蟹皇燒賣王 燒賣有4粒，食落都好彈牙。草莓楊枝甘露 $25呢個配搭幾得意，大大杯，好cum飲我地兩個人食晒以上所有點心，食到捧住個肚走，下次又多左間點心鋪ge選擇。

星期六接完呀媽放工, 由佐敦慢慢行落旺角, 中途見到呢間似似地唐記果D FRD既點心店, 仲有得坐, 所以就是但叫幾樣野食下!呢間野都幾多選擇, 有飯有湯有粥仲有好多點心, 有D仲好得意, 比起大型果幾間點心店仲多選擇!!因為每樣點心都係即叫即蒸, 所以都等左大概15分鐘!因為仲未食晏, 所以就叫左個飯, 個臘腸蒸雞飯都係$32, 但係有成條臘腸!! 見到都好驚訝! D雞都好滑, 同埋飯超級多!雞扎都有2大舊, 而且係用雞件, 所以雞肉特別滑!豬豬包, 佢可以每款揀一個, 左邊係流沙包, 右邊係叉燒包, 個流沙包超級流沙, 而且好香蛋黃味, 超好食呀!!同埋個樣真係好得意另外仲叫左個羅白絲酥餅, 呢個都真係幾抵食, 好似$18, 係兩大舊, 酥皮做得唔錯, 香脆但唔油膩, 呢個幾驚喜, 媽媽都大讚!

同朋友經過油麻地附近，見肚子餓就Serach下附近有咩好食。呢間點心睇落啲賣相好靚，就過去試下啦😍。小店裝修門面，方便客人堂食或者外賣都得。個裝修都好有中式大宅門咁既風格❤️。細細間但唔會俾你有好逼感覺，都幾好坐。點心既由來，我都係今日先知道。點點心意，有意思吖。兩個人食叫幾樣就夠啦，好有趣既係佢餐牌係一啲中國古代人物既字號，好睇下大家熟唔熟歷史了。我就叫左 趙雲、郭嘉、太公望、岳飛同周瑜😂😂😂。北菇滑雞飯上枱先知咁大份，個籠仲大過塊面🙈好鬼抵食！雞肉嫩滑又重雞味，個飯有荷葉襯住有陣陣香味，朋友仲話有少少糯米雞既風味😆。蝦餃一籠三隻，粒粒好大粒飽滿，未食睇到個Size都幾吸引。咬開入面，我估入面應該足足有兩隻蝦。啲蝦食落好彈牙仲好新鮮！最後到牛肉腸，上碟幾大份，入面啲牛肉饀好多仲好好味。青紅蘿蔔湯湯面無乜油，望落好清但飲落好濃味，仲好少見青紅蘿蔔會加馬碲。亦可能係呢粒馬碲，個湯有種清甜既感覺。最後食大大籠馬拉糕，亦係朋友至愛。香香甜甜，鬆鬆軟軟，都唔錯。呢間點心絕對可以再翻食，行過買個外賣蝦餃行住食都得😆。下次試下佢呢個龍蝦系列期間限定先！

今日同朋友去咗呢間鋪頭食lunch，原來呢到既蒸飯係即叫即蒸架😍😍佢裡面仲有個牌解釋咗“點心”既來源😊都幾特別鋪頭簡約得黎都乾淨企理，有d高櫈比人坐係到食😊我拎咗將餐牌黎睇，覺得都幾精緻，仲有埋食物圖片比人參考，幾好👍👍 同埋都好多款式揀除咗餐牌，仲有螢幕比我地睇下有咩款式既食物，都幾方便我地最後叫咗鮑片滑雞粥同埋北菇滑雞飯，我朋友話鮑片滑雞粥好足料，飽片滑雞嘅味滲曬落粥到，好入味😍😍 同埋係甘凍既天氣，食碗熱辣辣嘅粥，令到個人暖返晒，好正呀！呢碟北菇滑雞飯都好大碟呀！仲係荷葉飯黎😍😍 都幾好食，估唔到甘大碟都係$32😋我地另外仲叫咗杯黑糖檸檬薑茶，都幾好飲，甜甜地又好有薑味👍叫咗3樣野，又粥又飯又野飲都係$87咋，好抵😊 我地食完都好滿足好飽

今日做完GYM 夜夜地, 又好想食茶樓點心, 朋友之前去過一間係油麻地開到10點既點心專門店(王將精點), 佢話幾扺食所以去試下~ 去到裝修簡潔舒服, 😚👍🏻👍🏻👍🏻有一排高BAR枱好闊落~ 幾好坐~ 睇下餐牌, 價錢好扺食下~ 籠仔荷葉蒸飯32蚊, 蝦餃王燒賣王各28蚊~ 山竹牛肉粿$18,香茜叉燒腸$25蚊, 鴛鴦蒸軟糕22蚊, 最後我地叫咗兩個飯, 咸魚肉餅飯, D咸魚好惹味~ 仲諗住食唔哂~ 因為都幾大籠下~ 有一個8吋PIZZA咁大~ 扺食~ 蝦餃王燒賣王用料好新鮮, 入面D蝦肉粒好爽口彈牙~ 質素真係好過X香酒樓~ 山竹牛肉粿, 賣相非常討好~ 牛肉球有芫茜既清香~ 好好味~ 鴛鴦蒸軟糕, 紅棗薑汁味好香~ 值得一試~ 我地仲叫多咗2個好可愛既豬豬包, 一個係叉燒包(豬嘜包) 另一個係流沙奶皇包(啜啜包) 兩個雙併$22蚊~ 哩一餐好滿足丫~~ 值得推介的~

朋友突然想食點心，聽講附近開了一家手工點心店，即刻帶朋友一齊試試！店子不大，只有約10個坐位，但環境十分乾淨企理，而且全部都是bar檯櫈，完全不似一間點心店，很特別兩人十分肚餓，點了很多點心：臘腸排骨飯鹹魚肉餅飯蝦餃王燒賣王山竹牛肉流沙包豬嘜包香茜叉燒腸鴛鴦蒸軟糕最推薦的是流沙包及叉燒豬嘜包，咬落奶黃味香濃，質素跟高級茶樓不相伯仲山竹牛肉造型亦精緻，像一個福袋，咬落不粉，彈牙，不錯以每人一百蚊能吃到這麼高質素點心，實在超值，十分推薦大家一試！

中午來到油麻地, 吃的選擇不少, 跟朋友選擇了這間新開的點心店, 可以吃點心又可以吃蒸飯, 原來還有燉湯, 岩晒愛湯的我。蟲草花滑雞飯$32: 比我的臉還大的蒸飯, 這麼大個真的嚇一跳, 用荷葉包著蒸, 甚有心思, 比一般蒸飯更香, 而飯被鋪得平平淺淺的, 也較能吸收更多荷葉味。滑雞沒有浪得虛名, 的確是很滑, 蟲草花份量甚多, 而且夠粗身, 口感好, 如不夠味可自行添加豉油, 兩個人吃都很夠了。油菜+是日燉湯 +茶  $33: 最初以為飯加$18 就有湯, 原來要先加$15要茶和菜, 不緊要, 反正也想吃菜, 生菜沒有很油, 也沒什麼調味, 適合愛健康的我, 是日燉湯是西洋菜雞腳馬蹄湯, 很甜, 飲完後不口渴。阿里山烏龍茶: 用很熱很熱的水沖, 要小心啊, 烏龍茶清香, 來配點心吃一流。山竹牛肉棵 $18: 用山竹包著牛肉去蒸, 頗特別的做法, 牛肉咬落帶爽, 咬到有馬蹄, 記得落喼汁更好吃。流沙包 $12: 真有流沙效果, 鹹蛋黃漿汁比平常見到的顏色較金黃, 不過鹹蛋味不太夠濃香, 有點甜。

收工經過油麻地見到有間專做點心外帶的店鋪，裝修又好得意，吸引到我行過去，買外賣回家食先原來吾系只做外賣，旁邊仲有位坐低食，但地方吾大，都系買回家食算拉佢地寫明即叫即做，等要時間，但比較新鮮拉，還是可以等等既睇睇餐牌食咩先晚上揀個蒸飯食，因為好中意食蟲草花，所以揀左個蟲草花蒸肉餅飯，仲叫左山竹牛肉，店員仲推介佢地個豬嘜包，要左一個試下，如果買兩個會便宜點啊，但我一個人實在食吾哂拉仲有我最中意既芝士：芝士春卷，要左兩條！芝士不能抗拒啊等大約15分鐘就可以拎拉，包裝好整齊呀，吾錯。春卷耐左會吾脆，決定一路行一路食即炸系吾同d，好脆好新鮮，芝士味夠，岩哂我呀平時出面食既都系鮮蝦加埋其他配料，呢到系芝士加蝦。春卷真系好長呀，但淡淡都食到蝦呀，超中意，甘樣既配搭好match呀！強烈建議大家要買呢個，平時經過買來當小食過口癮也很返到屋企馬上開餐牛肉球肉質夠彈，好味，吾會似出門爛patpat用枝竹甘包住牛肉樣又令，這樣包法亦更適合外賣蒸飯用荷葉一齊蒸，d飯吸收哂荷葉既香味，肉餅配蟲草花，一流豬嘜包真系食吾落拉，豬嘜包外型很可愛，好有心機，入面系叉燒包來的呀明早叮熱做早餐先

喺油麻地搭地鐵返屋企，喺A1入口嘅地面見到呢個廣告牌寫住＂獨特餡料，即叫即蒸＂，望真啲原來喺間賣蒸飯加埋有廣東式點心嘅鋪頭，門面都幾好睇，有種金光閃閃嘅感覺，不過最重要喺呢度啲嘢好唔好食。收銀員見我望住餐牌揀食乜嘅時候就介紹左梅菜肉餅飯，佢話啲梅菜喺自家製之外，肉餅都喺自家手打製作，咁我就買左個，成為三十二大圓，另外我又要一籠燒賣，另外再加多二十八大圓，比💰時原來唔需要加一服務費，我喺外賣攞走，都冇另外有附加費，抵讚。燒賣一籠有四粒，唔算話好大粒，不過啖啖肉，啱我口味。蒸梅菜肉餅飯賣相都幾吸引，成盒飯脹卜卜，有好多梅菜，同埋好大塊肉餅，個肉餅啲肉比較軟身，食入口唔駛點樣用力趙就已經可以吞落肚，味道還不錯呢。

落雨天，又凍凍地，喺油麻地地鐵站出口見到呢間可以外賣嘅點心同埋蒸飯專門店，是旦買左個梅菜排骨飯($32)丶蝦餃王($28)丶同埋椒鹽炸雞翼($24)，冇加一，加埋都係八十四蚊，價錢尚算可以。比左錢之後先知道佢係即叫即製，不過等左十五分鐘左右已經有得攞，都0k啦。話時話，等嘢期間發現原來隔離鋪位都係佢哋嘅，可以現場食，不過坐位唔多，十個位左右。講番啲嘢食都唔差，蝦餃一籠有三粒，粒粒都飽滿大粒，同埋皮夠薄。椒鹽炸雞翼有三隻，即叫即炸，熱辣辣，都幾好食。餐牌上寫住梅菜排骨飯，打開飯盒發現原來有驚喜，個飯係用荷葉一齊蒸㗎，即係荷葉梅菜排骨飯先啱，成盒飯好滿，啲梅菜唔會太咸，排骨唔會有好多肥肉嗰隻，味道都算唔錯。

<即叫即蒸 好味點心>😆呢間喺油麻地站 a1出口一出就係既王將精點 有好多傳統點心 點 主要做外賣 亦有少少位置可坐喺高櫈上面享用食物😃 而且食物平靚正 推介💪🏻 牆身仲寫左點心歷史 類似係打勝仗 將軍叫 d民眾整糕點獎賞士兵就變左點心😂🍴粉豚豬嘜包 🐷 12 蚊個 圖左既叉燒包 外表得意 剛蒸起包皮軟熟 咬開入面叉燒醬好香甜 入面充滿豬肉 有肥而瘦好有口感 熱辣辣 正😃🍴啜啜流沙包🐷 12 蚊個右邊既係流沙奶皇包 佢會用牙籤 拮左豬嘴先 然後可以慢慢啜入面既流沙 所以先叫啜啜包， 但大家記得 啜完先好撕掉 底下個包紙 如果唔係 d流沙就會喺下面唔受力爆出黎😂 講番味道 佢既包皮夠軟熟 流沙奶皇好夠甜 傳來沙沙口感 蛋皇味香 好食🥚🍴蝦醬豬頸肉飯 36 蚊🐷🍚 好大個籠😆 飯個面積大 但其實唔係好高 所以份量其實只係比正常多少少 豬頸肉都好多 切成幼身 口感爽滑 豬肉味適中🐷 飯同豬肉 被剛蒸上黎既荷葉攻上來既煙令食落更香☘而中間嗰 d調味料係我自己放 放 d辣油豉油更惹味🌶🍴蟹皇燒賣皇 28 蚊🔥四粒燒賣 算一般大細 但即叫即蒸 蟹子味香🦀 而佢入面既蝦肉彈牙 豬肉厚

尼間外賣點心店，主打即叫即蒸，即使要等，但都心甘情願，因為可以食到熱辣辣，新鮮出爐既點心。亦可以選擇堂食，有10個座位左右。其他外賣連鎖點心店，點心放哂入熱爐，只為保暖。叫左北菇滑雞飯($32)，奇趣蝦餃($32)，山竹牛肉粿($20)，蟹皇燒賣王($28)。點完餐係隔離有高枱位，可以坐住食。一上枱嚇一嚇，因為冇諗過係會用荷葉包住，用大點心籠蒸。蒸飯充滿荷葉香味，蒸完之後d雞油滴落係飯入面，所以蒸飯都有陣油香味。而且白飯仍然粒粒分明，唔會過濕/軟。雞件蒸完嫩滑，送飯一流。蝦餃有蒸/炸，尼個炸蝦餃特別在於，外皮脆，而且薄，入面既蝦肉，好似蝦膠一樣，打到非常彃牙，而且一大粒蝦肉，好足料。加埋炸蒜，更滋味。牛肉粿好有驚喜，一直食既係牛肉球，但尼次係福袋外型，用山竹包住牛肉。夾起好"聚"手，有重量，因為d肉汁包住係入面，唔怕蒸完之後，d肉汁流走哂。一咬開，就可以吸d肉汁，而且好香牛肉味，juicy。燒賣面頭有蟹膏，而入面既肉結實，4大粒啖啖肉。整體，估唔到可以將點心推高左層次，唔係平時既做法，而家新穎更好食。而且用心煮，其他點心係display show出黎都好靚添。有賣相有味道。

最近連鎖外賣中式點心鋪愈開愈多，今日俾我係油麻地到發現依間新開嘅獨立點心鋪，係A1出口一出就會見到，裝潢非常中式化，標榜即叫即蒸，而且見到螢幕上嘅點心做工精緻，吸引咗我買黎食~首先介紹佢嘅蒸飯 – 臘腸排骨飯($32)，用荷葉包住蒸，一打開已經聞到陣陣飯香味，排骨好淋又入味，好中意佢唔太肥嘅臘腸，暖粒粒好窩心。我嘅至愛係粉豚豬嘜包($12/個)，係螢幕上見到隻豬仔好得意，估唔到出到黎都係咁QQ。入面係叉燒餡，鬆軟又香口。亦都叫咗其他點心試下，香滑牛肉腸($25)，皮滑餡靚，牛肉餡多到爆。秘製酸汁蒸土魷($26)，土魷上嘅刀絞好巧功夫，而秘製酸汁就更加無得頂，酸得黎係有少少辣，好惹味。王將雞扎($25)，有原隻雞肉、火腿、豬皮，非常大件厚身。P.S. 因為係即叫即蒸，所以可能要等15分鐘以上。

見到開咗間新鋪頭就諗住幫襯下，但係真係完全唔掂。外觀設施簡陋，冇裝修可言，是但喺收銀機後面放幾個雪櫃味道我分別叫咗燒賣、蝦餃、艇仔粥，跟咗杯冷泡茶。燒賣同蝦餃慘過喺超級市場買嘅叮叮點，而艇仔粥就完全冇味。咁唔使諗啦，冷泡茶又點會有咩特別呢？咪就係用茶包沖完，雪凍左但係又完全冇茶味嘅一杯有顏色既水囉等候時間佢寫住話大約10分鐘就有，但係企左係度足足20分鐘，完全係白等價錢食咗70幾蚊唔算好貴，但係咁嘅價錢識到啲咁嘅質素，其實都幾失望大家如果經過真係唔建議大家去食，不如行遠少少坐低去傳統酒樓都冇咁嬲。