王將精點 (已結業)

有時一個人食lunch唔知食咩好, 都會黎到呢間王將蒸點, 呢d點心店好就好在可以食到新鮮點心之餘, 仲有唔同款既蒸飯, 唔洗下下去酒樓飲茶呀嘛! 一個人都輕鬆食到好味點心!👍🏾今日好肚餓, 所以叫左1個飯同埋3個點心, 等左15分鐘就有得食, 見到有位坐, 所以直接食埋先走人。個蒸雞飯好有誠意, 有荷葉墊底, 雞肉滑身, 加埋甜豉油真係好好送飯! 另外叫左鮮蝦脆皮腸, 山竹牛肉, 同埋牛肚。特別推介鮮蝦脆皮腸, 因為真係即整先有呢個脆卜卜口感!🤤 山竹牛肉賣相好靚成個福袋咁, 口感彈牙, 相當唔錯架!平時已經好少見到羅白絲酥餅, 所以食完就買左一個外賣做下午茶, 估唔到放左幾個鐘仲係脆身, 無出油, 入面羅白絲好多, 好正喎!!😍

喺油麻地地鐵站口好方便，放工去上堂之前經過就買黎試一試。雖然細細間，但係五臟俱全，隔離仲有一啲位俾大家坐低食選擇都有幾多，唔輸蝕比酒樓架，有包，點心，飯等等。仲有一啲新式嘅飲品，好似楊枝甘露咁。夜晚好肚餓，所以叫咗一個蒸飯同埋幾個點心，等左20分鐘左右就有得食，因為係即叫即蒸，所以都要俾啲耐性㗎。臘腸蒸雞飯好大份， 好足料，蒸雞都好滑，好正！另外推介嘅就係流沙包同埋炸兩腸粉，流沙包真係好流沙，果然係主打，炸兩腸入邊嘅油炸鬼好脆好新鮮！

某連鎖店既店心已經食到好厭，外賣點店真係好少，而呢間位於油麻地地鐵站口旁既點心店除左可以堂食之外，仲可以外賣！夠晒方便，而全部點心、蒸飯都係即叫即蒸，能確保新鮮👍🏻《豬嘜包拼啜啜包》$25/2黎之前一心想嗌呢一款，太可愛！豬嘜包內饀係叉燒，份量好多，仲係流質狀添，好惹味！啜啜包係流沙包，流沙效果一流！稍微一咬開就洶湧而出，超正！食既時候要小心。《山竹牛肉粿》$18呢個同平時食既唔同，外面有一塊厚身既腐皮包住，樣貌可愛得黎又好食。牛肉粿入面有好多馬蹄粒，多汁爽口！《蘿蔔絲酥餅》$18呢個相對較一般，外皮較厚，酥脆度一般，可能我唔係即食既原因～不過入面既餡好多，仲有蝦米👍🏻。《蟹籽鮮蝦脆皮腸》$30呢個好好食！一定要試👍🏻腸粉皮好薄滑，包住超香脆既油炸鬼同蝦膠，面頭既蟹籽更提升味道層次，一啖過唔點豉油都好惹味！ 呢度既點心好有gimmick，選擇又多，整體味道十分唔錯，一定會再幫襯！

早幾天見到同事帶個粉紅色豬仔包做早餐，個樣Q到爆，乜咁早就去酒樓食點心打埋包，佢話冇咁嘅事，只不過係返工路過買咗份外賣，原來同事住油麻地，粉紅豬仔包就係喺 碧街地鐵口嘅［王將精點］ 度買嘅。今日去開嗰邊預咗一試，果然一出A1 地鐵口 就見到間舖，門面設計好古裝下，粉紅豬仔正名係粉豚豬嘜包，實質係叉燒包來的，落左單原來係即叫即蒸，Counter旁邊仲有悠閒吧枱座，可以好casual 咁食下點心又幾好啊🥰除咗粉豚豬嘜包，我仲點左蟹子鮮蝦脆皮腸，嘩，絕對可以話係一試難忘，通透嘅腸粉皮內包着層層薄脆，仲食得出係好似網絲咁，逐漸爆開，再嚟鮮甜蝦仁，粒粒蟹籽霹靂啪喇，好好食呀👍👍👍講番隻粉豚豬嘜、熱呼呼個樣成隻豬八戒咁好得意，我一口咬開，义燒醬汁好似火山岩咁瀉出來，蜜汁餡料甜甜地，唔肥唔瘦，兜住個包一啖啖咁駁住食，唔係誇張，味道係超級咁正 ⭐️⭐️⭐️⭐️⭐️睇下睇下點解兩隻豬嘜唔同樣🤪，原來西化啲果隻叫啜啜流沙包，又好正咁，呢間［王將精點］高質非凡，真係後悔❤️愛得太遲👑👑👑

星期日，周為都係人，想同女朋友飲茶，又好難等到位，向油麻地行行下見到有一間食點心既餐廳，餐廳外觀好靚，而且重提無堂食坐位，咁岩無咩人坐，個個都買外賣😂😂我地坐底左就攞張餐牌慢慢睇，佢地啲點心好有特色，不但賣相吸引，改既名重好有創意。從餐廳既設計同菜色名字賣相，我可以肯定老闆係好有心做點心，真心鍾意點心。呢個就係將工作睇成事業既結果👍🏻👍🏻睇得出老闆既心思😂我地叫左幾樣野食，有一啲出面真係食吾到，一陣大介紹埋比大家。👍🏻👍🏻我地點左玄米茶同埋鐵觀音，熱辣辣一大杯，正。茶用茶包裝好，等客人易飲啲，有心👍🏻食物方面，我地第一樣叫左棒棒拉芝長春卷。好香脆，咬落去，芝士既香味衝晒出黎，重要有芝士絲連住口同春卷，好好味。第二樣野食，我地叫左啜啜流沙包，如果你用筷子刺穿豬鼻，你會發現當你咬落去或者按落去果時，啲奶皇會從豬鼻流出黎，好cute又好味。😂😂同女朋友係咁玩隻豬同埋影相，極力推介。第三樣野，我地叫左牛肉球，佢地用腐皮包住牛肉黎蒸，賣相好吸引，而且味道都吾差。第4 樣食物，我地叫左蟹子鮮蝦脆皮腸。佢地用鴡粉包住油炸鬼，但個油炸鬼係脆嫁，吾係淋嫁👍🏻👍🏻👍🏻，重要向上面加入蟹子，真係好好味，呢一

油麻地地鐵站一出就見到呢間人氣點心店，方便又就腳，可以外賣或者堂食，啱哂喜歡食點心的客人👍🏻一見到張Poster，已經滿心歡喜，心諗一定要試呢款粉豚豬🐷嘜包，超級可愛，仲有嗰個啜啜流沙包😍全部點心都係廿零元左右，好抵食👍🏻佢地除左外賣，旁邊仲有位置比客人堂食，雖然地方不算大，但就好企理乾淨，落左單之後就可以等食😬我兩款最可愛的包包終於上場了，真係見到都開心🥳好可愛喔，好似望住我笑咁，真係唔係幾捨得食😍粉紅色嗰個其實係叉燒包餡料，除咗賣相靚之外，原來仲好好味㗎，叉燒餡咸味適中，包皮仲好軟熟添😋另外呢個啜啜流沙包，白色配上粉紅色的耳朵和咀仔，裏面嘅流沙蛋黃醬酥香味美，好正啊👍🏻再試多兩個點心，一個係蝦餃，大大粒，熱辣辣，皮薄兼鮮蝦爽口彈牙👍🏻另一個係山竹牛肉粿，特別之處係用山竹包裹著整個山竹球，好考功夫，夾起都唔會散，食落仲有好香的陳皮味，唔錯😍臨走見到呢張海報，下次一定要試下呢個龍蝦🦞籠仔飯先😬

星期日既活動離唔開飲茶，唔想去茶樓等位，但又想食點心，上OpenRice 搵到呢間王將精點地點好方便，港鐵油麻地站A1出口一出左手邊就係餐廳地方唔算好大，應該主力做外賣多，想堂食既朋友可以行去右手邊，都有位置坐呢度賣既點心唔係普通蝦餃燒賣咁簡單！仲有其他係出面比較難食到既點心，而且全部即叫即蒸，唔係蒸定一大堆即刻拎到比你果d首先就食左個春卷先，佢唔係普通既春卷黎架，平時食既春卷可能都係得蝦肉，呢度既春卷除左蝦肉之外仲有拉絲芝士，非常好味同有特式，仲係原條上添之後就係蟹籽鮮蝦脆皮腸，佢唔係春卷黎架，佢係腸粉包住一層炸過既米槳，再包住蝦肉，腸粉好滑，食落去外軟內脆，再加埋面頭既蟹籽，口感真係好豐富跟住就係豬豬流沙包，好衰既我用筷子吉穿左佢個鼻窿，然後用手㩒左d流沙餡黎影相，個包真係皮薄餡靚，而且賣相可愛，又係呃like既時候最後主角出場，就係龍蝦籠仔飯！估唔到可以係小店食到咁特別既籠仔飯！而且半隻龍蝦連埋個飯只係賣$80，非常抵食！龍蝦肉彈牙，而且個醬汁十分好味，非常推薦呢個龍蝦飯，但呢個係限量供應，售完即止，好彩我地今日早黎咋！最後點少得杯茶，叫左玄米綠茶同鐵觀音，茶味都幾香店員既服務都

約左牙醫睇牙，早左到，要揾地方攝時間，順便食個早餐，今次睇中左油麻地A出口的一間點心鋪。見到豬仔包幾可愛，即叫即蒸，就心動要叫一份試下，店內座位不算太多，但都算乾淨企理。野食都算多，有蒸野又有炸野，餐牌用左歷史上大將軍的名字命名，幾有特色。六韜蝦餃王，新鮮蒸出爐，熱辣辣，蝦仁飽滿大粒，推薦！古法馬拉糕，黑糖味濃郁，香！少少甜，蒸得夠透，賣相不錯。左邊粉色豬仔系粉豚豬嘜包，右邊咪咪眼的豬仔糸啜啜流沙包。流沙包爆漿，餡流出來好熱，要小心，味道不錯的，夠流心!豬嘜包即系叉燒包，叉燒餡份量不俗，蜜汁juice,小豬要被吃掉了！

最近成日行過呢間點心舖，佢嗰個豬豬做型嘅包好吸睛，但我見佢店面唔大只有十零個位，所以一直都冇去幫趁。今晚放工係科學園番到出市區已經八點幾，身心俱疲都懶得番屋企煮食， 忽然想起呢個豬仔包， 於是就走去買外賣。點心舖其實都幾多選擇，亦有蒸飯， 點心去係走創新路線。我雖然肚餓， 不過都只係買左三樣，其中仲諗住同媽咪分享添😝。呢個粉豚义燒包真係好得意， 我為左影打咭相， 仲專登拎左隻豬豬碟出嚟襯佢。玩完一輪， 我就分左一個俾媽咪， 估唔到玩左咁耐，包都凍哂喇， 但都仲好軟熟喎，而個义燒餡亦冇結到一舊舊。肉餡調味唔錯，肉粒都算多，好味👍。我另外仲點多份炸蝦餃， 原本我以為個樣會似炸蝦角， 點知唔係， 佢真係成隻蝦餃原裝掉去炸， 所以蝦餃皮只係帶微脆口感， 唔會好炸好熱氣， 蝦餃餡都算穩打穩紮，好實在。到主食喇， 我點左煎肉餅蒸飯。佢係荷葉蒸飯所以好香， 但我點呢個煎肉餅， 味道雖然不俗，但佢大大一個拎去煎，食起上嚟好麻煩， 如果可以分幾個細嘅煎肉餅會較好。偶爾轉轉口味，晚飯買外賣點心我覺得都唔錯。

早排經過呢到附近，見到呢間餐廳寫住即點即蒸，好似幾好，就去試下😊 我叫做個北菇滑雞飯，估唔到好大碟😂😂份量都幾多😂😂幾入味，食完好飽肚，都係$32，幾正喎😍😍

好流...流....流沙包今日經過油麻地，試咗呢間點心店，店舖本身主要做外賣，如果堂食亦都有大概七至八個座位。地點就係地鐵站出邊，都幾方便。附近有中港巴士上落車站，所以上車之前返大陸玩都可以買個包醫肚。。點心種類都幾多，除咗一般包點之外，仲有啲特色點心同埋蒸飯， 而且都有一啲gimmick，春卷仲可以芝士拉絲，下次有機會再試下。啲點心係即叫即整，所以點餐之後大概都要等10分鐘。.$24/2件🐷粉豚豬嘜包(叉燒包)啜啜流沙包(流沙奶黃包)..奶黃包估唔到流到咁激動一摵開嘅時候流到一手都係🙈但係個奶黃會比較稀身多啲流 “沙”更好連叉燒包都被染污😂叉燒包入邊就比較多肥肉但係表面嘅光滑麵包發酵同埋蒸嘅時間都剛剛好個人鍾意奶皇包多啲.$12@味道唔錯影相唔錯.回頭率： 80%

收工成八點幾鐘,,去到yau ma tei地鐵站,,想求其搵啲嘢食,,見到依間點心鋪個樣好似唔錯,,又未試過,,所以就膽粗粗買咗來食..因為嗰日已經好肚餓,,但好彩佢都唔算要等太耐～～～不過鋪面唔大,,可以坐嘅位多,,見係咁,, 所以就叫咗外賣返屋企慢慢嘆🤭🤭不過因為太肚餓,,食之前都唔記得相機食先,,所以食到一半先影哈哈!!><<但部機又壞壞哋唔係好Focus,,所以影到朦晒arrrr...😢😢😢叫左炸蝦餃,, 燒賣王,, 腸粉,, 仲有杯雪梨山楂茶😋😋 因為間野都係即叫即蒸煮,, 所有就算外賣返屋企食,, 都仲熱既好彩👍🏼👍🏼 宜間點心店真的不錯哦,, 下次放工又係諗唔到食咩, 可以返泥再encore😆😆

I haven’t eat dim sum for long.. but my parents always love to eat, so we tried this dim sum restaurant together in Yau Ma Tei.There’s always long queue in this restaurant with limited seats, we decided to buy takeaway~~Didn’t take many photosWe didn’t wait long for the food, the waiters there are quite efficient!~And overall, the food are quite good n yummy haha

某日經過油麻地, 見到呢間點心店門口裝修幾靚, 仲有得坐, 不過只係bar枱, 所以就買左幾款番屋企食!其實因為見到門口擺左2隻豬豬包, 賣相好得意, 所以就叫左2個, 仲可以mix2款! 一款係叉燒包一款係奶王包!奶王包係流沙的!!叉燒包都好多餡!另外叫左1個蒸雞飯, 叉燒腸, 同牛肚~ 都係around $100, 夠晒2個人食! 因為個飯都幾大份, 而且好多料!!叉燒腸皮好薄, 粉漿做得唔錯!牛肚個汁做得好特別, 幾好食!

在油麻地想快快趣趣吃過午飯，一出地鐵閘口，見到王將精點，不用排隊，不用等候；亦有很多飯類及點心選擇，於是立即付費、取票、等開餐。能夠以這種便利的方式食到酒樓先至有的選擇，好方便趕時間的香港人。唔使幾耐，飯、點心和飲品陸續上枱。 蝦醬豬頸肉飯看似很大盤，白飯是平平的擺放，其實沒有很多，但以荷葉墊底，要這樣平平的鋪一層，才能夠更均勻地吸取荷葉香氣。豬頸肉份量多，肉質彈牙他，蝦膏濃淡得宜，鹹香吸引，是個很好的調味。六韜蝦餃皇一籠有三隻，名副其實蝦餃皇，每隻非常大隻，份量十足。要挑剔的話，大概是蝦餃皮可以做得薄一點。飲品要個養生一點，玫瑰人參紅茶，材料都放在茶包中，乾淨企理，茶味誘人，帶點人參甘甜和玫瑰清香。能夠在快餐店環境飲到這種滋味，實在有點偷閒的感覺。