王將精點 (已結業)

喺油麻地搭地鐵返屋企，喺A1入口嘅地面見到呢個廣告牌寫住＂獨特餡料，即叫即蒸＂，望真啲原來喺間賣蒸飯加埋有廣東式點心嘅鋪頭，門面都幾好睇，有種金光閃閃嘅感覺，不過最重要喺呢度啲嘢好唔好食。收銀員見我望住餐牌揀食乜嘅時候就介紹左梅菜肉餅飯，佢話啲梅菜喺自家製之外，肉餅都喺自家手打製作，咁我就買左個，成為三十二大圓，另外我又要一籠燒賣，另外再加多二十八大圓，比💰時原來唔需要加一服務費，我喺外賣攞走，都冇另外有附加費，抵讚。燒賣一籠有四粒，唔算話好大粒，不過啖啖肉，啱我口味。蒸梅菜肉餅飯賣相都幾吸引，成盒飯脹卜卜，有好多梅菜，同埋好大塊肉餅，個肉餅啲肉比較軟身，食入口唔駛點樣用力趙就已經可以吞落肚，味道還不錯呢。