王將精點 (已結業)

喺油麻地地鐵站口好方便，放工去上堂之前經過就買黎試一試。雖然細細間，但係五臟俱全，隔離仲有一啲位俾大家坐低食選擇都有幾多，唔輸蝕比酒樓架，有包，點心，飯等等。仲有一啲新式嘅飲品，好似楊枝甘露咁。夜晚好肚餓，所以叫咗一個蒸飯同埋幾個點心，等左20分鐘左右就有得食，因為係即叫即蒸，所以都要俾啲耐性㗎。臘腸蒸雞飯好大份， 好足料，蒸雞都好滑，好正！另外推介嘅就係流沙包同埋炸兩腸粉，流沙包真係好流沙，果然係主打，炸兩腸入邊嘅油炸鬼好脆好新鮮！