王家沙 (已結業)

因為其中一個朋友突然說很想吃王家沙, 所以我們一行4人就相約到此晚飯談天. 老實說, 自去年的農曆新年後, 我也沒有幫襯過了! 我一直都只會吃位於旺角的這一家店, 因為朋友們試過其他的店都說不好吃... 是夜order:- 酸辣湯- 必點order! 而且也覺得王家沙是其中一家做得很出色的上海菜館! 雞絲粉皮- 沒味沒道.... 不好吃.... 鮮肉小籠飽- 好吃! 一貫水準! 三鮮水餃- 不過不失, 但還是小籠飽比較好吃. 干煸四季豆- 另一去上海菜館的必食order, 很難做得不好吃的一道菜! 三鮮炒年糕- 很好吃! 我們一桌人都很喜歡吃炒上海年糕, 大家搶着吃的一菜色是也! 鱔糊- 她們點的, 不吃魚的我當然不知味道如何, 不過記得之前跟爸爸來過, 他說過做得很不錯! 咸肉津白- 我覺得做得很不錯的一道菜. 高力豆沙- 做得不錯, 不太甜, 豆沙也多, 不會只吃到麵粉, 好吃! 這家店的菜上得真的超快, 因為我們邊吃邊聊, 所以令到上菜的速度遠超過我們吃的速度! 堆得滿桌都是連放盤子都沒地方放... 而且四周的環境很嘈吵... 我們都覺得這裡絕對不是可以"傾計"的地方... 而最

呢間野無論食物,招呼,環境都好惡劣,食物又難食,冇招呼可言,想受氣就去啦,我就發誓永世都唔會去!!!!!d侍應雞手鴨腳,仲差d倒瀉湯,同埋唔知係撞聾定扮聽唔到呢?叫極都冇人應=.=!特別安排座位果方面,我地6個人等左成個中先有位,唔知係咪未試過有6個咁多既人幫襯~同我地一齊等位果d2-5個人既人已經入左去食緊喇,一肚氣!!!!6個人叫左5個菜,食到好似去左一間好高級既西餐廳咁,d人慢到我地可以食完一個菜之後要等幾個字先有另一樣野到,攪到我地要好珍惜逐樣遂樣慢慢食,可能佢地想我地好好享受掛,哈哈!!叫左小龍包,唔掂,擔擔面,一般(唔好食),小菜普通野,羅白絲,好難食,鍋貼,超難食,d皮厚到可以掟死人,勁少(咸)料,d野食同個價錢好唔成比例囉!!好啦,一肚氣咁埋單,收錢果陣同朋友爭俾錢,果條"收錢女人仕"見錢開眼望都唔望下我呢邊,咁我叫住佢啦,佢明知我叫佢架啦,居然扮聽唔到,走左去,幾咁無禮貌(可能係聾既)!所以希望大家真係唔好再去呢間野喇!我講既野句句屬實

20070204與honey在旺角行街，將歸家之前先來這裏晚餐，應該是因地利之故吧，門口一直有小小的人龍不散，但味道其實一般。上個月曾經在星期六的午市來此一試，當時真正是門可羅雀，直入basement找一個卡位，大有包場之感。還記得點了一個蟹粉兩面黃，一個雪菜炒年糕，印象頗佳。今晚的氣氛完全不同，兩個人只能安排到一張小小的方桌，要小心與隔壁的兩位食客“劃清界限”：）一籠鮮肉小籠包：正常的好吃，皮薄汁香。一碗大排魚湯麵：五六件炸得焦黃的豬排，浮在奶白的魚湯之上，逼honey一個人全部吃掉顯得有點過多：）另有小棠菜一棵，一分為二。面底普通得緊，軟得毫無質感，是整碗面最失敗之處。一盤話梅骨：純粹是因為被標記了“本店推介”才選擇它，端上來的時候分量也不算少，但吃過以後……我想我再也不會點了。炸得太過，有些發硬，酸甜的醬汁雖然還好，也掩蓋不了它已經失去原味的事實……還要收五十多元……此前也試過黃埔花園與香港仔的分店，都是比上不足、比下有餘的感覺，如果就腳，還是選回“翡翠”吃得更滿意些：）

．鳳尾魚～係冷盆泥的...咁多樣野我最鍾意既一樣...望落去好熱氣...但係食落口又唔會有ｄ咁既感覺...同埋你可以食左佢\半排魚骨...．擔擔麵～叫左個中辣...點知一ｄ辣味都冇...湯底好濃味...其實我覺得個麵個質地都幾黏...但整體泥講都ｏｋ呀...．蘿蔔絲酥～內餡同平時係酒樓食果ｄ好唔同...佢\唔係全蘿蔔絲...已經唔記得左仲有ｄ咩啦...都幾好味我覺得...只係餡太少...．王家沙蔥油餅～食落口感覺到都幾油...同埋舊野可以話係完全冇味...但係個質地軟綿綿咁...當包食都唔錯既...．酒釀丸子～哈哈～我唔鍾意食...我覺得似藥水味...但係ｈiｔ拿話本身味道正常...所以應該係我既口味問題...＃服務態度：勁差！

(29/12)今天要與幾位朋友出外，由於友人正值搏鬥期，故要選擇一些較清淡的食店，結果又要……朋友訂了座，仍需等候15至20分鐘，只因有很多食客，油尖旺仍有很多好食店。不幸地見到一位憎惡的人物一起等位，很少人會令我反感，這人都……時運滯過後，坐下便叫了鎮江肴肉、蟹粉小籠包、醉雞、西湖脆膳、上海湯年糕、炸春卷、上湯津白、紅油抄手輪流上場，鎮江肴肉，外觀切得整齊，鮮肉味道保留，入口爽嫩適中，蘸上鎮江醋後，肉味更加提升，算是不錯；蟹粉小籠包，內裡灌湯，我不太喜歡那刻意灌湯的做法，味道似乎並不是甚麼出色，內裡肉質並不算鮮嫩；醉雞，雞件並不鮮嫩，酒味過輕，雞皮浸得並不薄；西湖脆膳，入口味道有點灼喉嚨，似乎是炸膳的油混濁，而應有的酸甜汁料，似乎是甜多於其他，可以不叫。上海湯年糕，火腿、津白、白菜、上海年糕等以湯上，入口的湯味道清甜，不是滾上十數小時的骨湯，只是簡簡單單的上湯，配以鹹的金華火腿，提升味道，入口的湯年糕韌口嫩滑，不算差；炸春卷，炸至香脆，有感火侯過盛，上桌時顏色過深，幸好餡料並未因此影響，仍留有肉汁，蘸上鎮江醋更易入口；而上湯津白，與上湯年糕的味道相約，入口的津白完全迎合清淡的原則，但

同男友係旺角唔知食乜, 行完朗豪坊見到呢間野, 唔知點解有少少想試下.由於唔係好餓, 所以唔叫小菜, 而係一人一碗麵加一籠蟹粉小籠包同埋一碟三絲粉皮.男友要左上海x肉湯麵, 我要左酸辣湯麵. 好大碗! 味道ok啦, 冇咩特別. 蟹粉小籠包麻麻地, 個皮好厚, 唔得! 粉皮幾好啦.不過呢間野都算貴, 又唔係特別好食, 應該唔會有下次.我去霸王山莊好過.

好耐無幫襯過這裡,見唔駛等位,就幫襯下嘩,1點幾得4,5桌客!小籠包,要了最普通那種,OK擔擔麵,湯好杰,味道又差,唔推介夫妻肺片,幾辣,不過用料麻麻馬蘭頭-OK芝麻XX餅-麻麻由於味道麻麻,所以每次幫襯完要好耐才會再幫襯,但感想係每下愈況

未試過誠心咁等一家好似好好食的鋪頭等成個鐘~唔問多句都唔知等到位~ 都知道企出面的姐姐叫得辛苦, 但應該一有位就叫人入去~小籠包~ 唔夠湯汁, 普通料什麼馬拉盞菠菜~ 食左好耐都唔知咩係馬拉盞~ 只知有好多蒜蓉~ 同埋係好油, 完全係油浸~咕嚕肉, 都係普通料~ 較乾身豆沙窩餅~ 上係熱的, 值得一讚, 但都係普通貨色~擔擔麵(唔辣), 呢個可取d, 好夠味~ d麵好正~自己唔食得辣, 朋友試罷酸辣湯大叫"好正"~唔知係咪叫唔中佢d好食的野~真係好普通貨仔lor~ 去普通上海鋪食都係差唔多味道je~

特色大閘蟹餐$188:清蒸大閘蟹(六両)一隻-- 好細隻, 冇乜膏, 只有約一小茶匙; 蟹身冇肉, 失望之作.鮮拆蟹粉白玉盅-- 是湯羹, 不是'盅', 好'稀', 唔足料, 跟平日餐牌上的其他湯羹差不多, 只是換了橙色的獻汁, 太多薑粒, 個人覺得太辣.鮮拆蟹粉小籠飽(兩隻) -- 跟平日餐牌上的'招牌蟹粉小籠包' 一樣, 不像時令食品.鮮拆蟹粉獅子頭-- 跟平日餐牌上的'獅子頭' 一樣, 只是換了橙色的獻汁, 有乜特別.鴛鴦湯圓-- 青荳蓉湯圓+ 芝麻湯圓+ 薑茶糖水薑茶一杯-- = 薑茶糖水這個價錢吃大閘蟹, 本已期望不大, 但大閘蟹的質數比預期中更差; 而其他大閘蟹食品跟平日餐牌上的差不多, 欠了時令的感覺; 其他食物失水準, 未能保持從前吃王家沙的味道.茶位$4酸茶$10加一服務費

個侍應送左份好好o既禮物比我，佢兩三杯豆槳咁倒落我個身度，衫褲鞋濕晒，之後我整番乾少少d 衣服先叫過經理黎投訴，點知佢一開口同我講話我之後先叫佢，佢呢d 真係咩態度呀，我個身濕晒緊係整番乾先架啦，唔通企o係度罷post 同人影相呀？之後佢叫我第二日拿d 衫去洗，叫我比番張單佢claim 錢，呢d 咁叫賠償？後來我個friend 提出話有冇d 甜品送番佢先話有。呢d 都唔知咩野服務，唔係話貪佢送d 乜送d 物，但係攪成我咁，佢一d 賠償都冇諗過架喎，黎晒鋪！

我同老公叫了個二人套餐, 一大堆頭上晒, 都食得幾飽, 但毫無驚喜. 待應態度不專業. 若果有睇這個網址, 一定唔會幫襯! 在此多謝網主創辦此處, 讓我們能交流意見.

剛剛開業時，就試過一次，當時覺得好好味架。但昨天再去食啦，點知個水準差左勁多，好多食物個味道很淺，好似冇味咁，超難食，真係估唔到點解會變成咁。<br />我食完離開時，還見到好多人仕在門外等候，都唔知點解仲會有咁多人架?

又係與銀行界靚女朋友午膳,正值下雨天,靚女唔想行得遠,於是過對面王家沙開餐.此上海名牌年前由蔡瀾生引入,初開張果時去過一次,還不錯的,年前再去黃埔店,水準插水式下跌.兩點鐘算係Late lunch吧,所以有下午茶餐吃,兩個人一人一個set,再加個蝦仁兩面黃,同一籠小籠包.咁多麵條之中,上海麵可以話係最乏味的其中之一種,本身點煮都無味.任你用咩湯底去煨,只會將麵條越煨越爛.呢一次在點菜方面,有點失手.小籠包還能交到貨,無穿無爛,湯汁夠濃夠熱.餡料夠鮮.蝦仁兩面黃,底下的炸麵同童星點心麵無異,炸得唔夠脆.蝦仁肉質霉霉地.唔多掂.難怪網上劣評如潮,係有原因的,下次就算撞正下雨天,打死都唔會再去.最多我幫你擔遮.

兩個人叫左1) 小籠包- 都ok, 冇問題2) 干煸四季豆- 有煙出但唔成碟都唔熱,乾"真""真",同個o的人講,佢話炒過俾我地,我地話唔係嘛,已經咁乾,仲炒,佢地先話cancel左去3) 秘製醬咕嚕肉- o的肉好乾,唔juicy4) 蔥油餅- 好油,食左半件都已經唔想食落去最後叫左個雞煨麵- 極度普通,冇乜味都唔明點解仲咁多人排.太古城個度唔係咁架.

晚上七個人去食飯，不用等位。點了兩個擔擔麵，一辣一不辣，一個蟹粉湯飯，一個炒飯，兩籠小籠包，鍋貼，王家沙xx餃，排骨炒年糕，咸肉津白，上海粗炒，幾杯豆漿。小籠包不錯，皮夠簿，汁多;煎鍋貼略賺太油;蟹粉湯飯有點家常菜的感覺，但蟹粉不夠香濃;上海粗炒和炒年糕味道有點似，後者比前者出色，而上海粗炒多油得嚇人。津白弄得不錯，若想點些蔬菜會是個不錯的選擇。炒飯普普通通，擔擔麵略賺麻醬味不夠香。是次消費每人$80-90。整體來說，我還是喜歡翡翠拉麵小籠包。