王子廚房 (已搬遷) 新店位置

第二次來王子廚房了，記得上一次無論對它的價格還是食物品質，評價還滿高分的。今次的用餐體驗，職員的服務態度更讓我留下美好的印象。星期五晚上六點半到達，店內已經滿座，剛好有客人離座，要不然就得等位子了。整個餐廳只有兩名職員，一位在廚房裡專注處理食物，另一位則在店面和廚房兩邊走。雖然很忙，但女職員仍然保持好態度、好笑容、好服務，在這個高怨氣的香港裡，越來越少見。由於肚子還沒餓，所以我和朋友都點了包類套餐。點餐後就送上紅菜湯和白忌廉湯。兩款用料足，紅湯像羅宋湯，較酸但不辣；白湯中有洋蔥碎、玉米粒，減少油膩感。主菜點了一個手打蝦漢堡 ($70)我非常欣賞餐廳用心做菜的態度，儘管有多忙，也絕不馬虎，每塊麵包兩邊都烘到焦黃、暖暖脆脆的。手打蝦漢堡扒打入蔬菜粒，添加口感之餘，也讓營養增高；漢堡扒紮實、彈牙、有微蝦味。漢堡配料還有新鮮生菜、蕃茄片、芝士和重點像千島醬的醬汁，讓整個包濕潤不乾。另一個是煎雞扒貝果包 ($90)雞扒煎到非常焦香、脆脆，調味不會太鹹，肉質軟滑、不乾，簡單配個生菜、焦糖洋蔥已經好好吃。不過整個包最讓我驚訝的還是麵包的部分，外脆內軟的暖貝果包，增加了不少分。喜歡小店不時更換菜單，讓

荃灣又有另一小店值得支持💪🏻午餐款式每星期換一次，weekend都有供應❣️蜜餞菠蘿醬燒荷蘭豬肩肉🐷，難得地豬肉都做到唔鞋口，肉味較重，菠蘿醬少少甜夾埋豬肩肉食都幾新奇！法式牛油甜麵包🥐落足牛油，細細件易入口👍🏻仲要配埋煙肉忌廉天使麵🍝超愛creamy既飯或意粉🤪呢個岩晒口味！一個餐有咁多樣食物好滿足呀😋.另一主打雙層芝士手打牛肉漢堡包🍔都好食，牛肉軟綿綿，非常厚身，🧀芝士份量夠多夠rich！好欣賞個薯條🍟因為好粗身而且落左調味粉，基本上唔落茄汁都好香了😁大家經開荃灣廣場都可以試試❣️

一位住荃灣既朋友介紹我黎依間餐廳, 話D野食好正, 就同佢黎試下啦~事前有個同事講依間西餐已經冇以前響舊舖咁正, 所以我都冇抱太大既期望。晚上七點半去到, 要等一陣先有位, 都幾多人幫襯啊!! 舖頭細細, 但turnover rate幾高門口有個餐牌可以睇定有咩食, 其實佢個FACEBOOK PAGE都有每日UPLOAD餐牌, 可以去食之前就諗定食乜架喇!好快老闆娘就安排到位比我地入去, 態度都好親切, 係注重街坊生意既感覺!我同朋友分別點左 杏仁龍利柳+黑松露煙肉蘑菇忌廉扁意粉 &  王子SUPER COMBO黎到我首先試左個蒜蓉包, 佢做到外脆內軟, 超香~ 仲可以同兜好好食既芝士醬一齊食!個黑松露炒蛋就比較油, 搞到成個碟都係油, 依點可以改善下呀!個沙律方面都幾特別, 有沙律菜, 木耳絲, 同幾片雪梨, 響依D差唔多入秋既天氣岩哂食佢啦! 好清新同潤呀整體好好食, 份量都幾足夠,  可能係因為有好多薯角既關係。之後既杏仁龍利柳+黑松露煙肉蘑菇忌廉扁意粉我就非常滿意喇!好有心思, 用杏仁包住舊魚, 味道唔會太咸, 好有口感, 好特別!個忌廉意粉都好正, 好CREAMY。如果再黎食

一直都知道有喱間食店，但因地區問題，一直都未有機會去試食，終於的起心肝，專程前往去食一個晚餐。我和老公二人，每人叫咗一個套餐 ：1 香蒜牛柳粒飯2 紅咖喱豬肩肉飯首先來個湯，真的非一般的好味，他們不是用人家一般的罐頭忌廉湯，而是自家制作。而羅宋湯裡頭的料，真心的多，而且非常美味。跟著來杯飲料，藍莓果茶，非常有藍莓味而不太甜。之後來個主菜，牛柳嫩滑冇根，熟成程度掌握得十分好，醬汁美味。紅咖啡辣度適中，猪肩肉軟硬適中。食食下見到有埋甜品，之後叫咗一客抹茶心太軟，等候時間大約15分鐘，抹茶味香濃，但可惜略為甜了一些。但整體黎講，這頓飯十分滿意，比一些大集團大餐廳還好上不知多少倍。

半個月前黎到，適蓬小店休息幾日，摸左釘😣；今次黎之前都擔心佢又休息…好彩已經開左門，而且已經半滿😮。小店唔係好大，大概只有20個座位；去到7點左右，門外已經有唔少人等位，不過好在人流快，唔駛等太耐小店地點唔算方便，附近有好多車房，入黑之後人流亦都比較少，但仍然吸引到唔少人黎光顧，應該係因為價錢經濟、選擇又多、食物質素又唔錯；店內有張漢堡既照片，望落好似唔錯，但由於是日套餐較有特色，所以我同朋友都放棄左漢堡餐飲 – 凍檸茶+凍百香果茶後者齋聞已經有彼濃既百香果味，飲落唔會太甜，味道清新餐湯 – 洋蔥湯呢個幾好味，洋蔥雖然已經攪成蓉，但細嘗仍然食到佢既存在；湯內有好多粟米粒，添加口感之餘，亦無咁油膩，不過嫌個湯甜左DE餐 – BBQ醬豬肶肉+朱古力醬裸麥包+牛肝菌汁長通粉+有機三色藜麥沙律 ($70)呢個餐好健康，而且細細份，食完岩岩好唔會太飽；用料豐富，岩哂樣樣都想食d既朋友；沙律菜新鮮，配上酸酸地既醬汁，開胃又好味豬肶肉比相象中既細塊，而且有D韌，但個BBQ醬好好味，所以整體唔錯長通粉裡裡外外都掛滿汁，而且牛肝菌味濃，好食裸麥包有輕微烘過，外層有少少脆，估唔到小店連個包仔都有用心整F餐

Happy saturday，餐湯：甘荀忌廉湯+是日特飲蜜桃茶美式煙肉雙層芝士手打牛肉漢堡包🍔+香料炸薯條🍟$68有機沙律菜🥗*炭燒西冷牛肉🥩*薯餅*茄茸天使麵🍝$48我鍾意黎呢度食因為一個set可以試好多野又性價比高🤣🤣🤣，佢塊炸薯餅入面有沙律醬架👍🏻而且每日都有好多唔同選擇，岩哂貪新鮮又想試好多唔同款既我

去到荃灣，經常都會食王子廚房。由佢係荃昌中心食到佢搬左去車房附近都經常去食。可能食到老闆都認得我地😂。因為佢啲菜式比較特別，第二度食唔到，而且賣相靚又好味，性價比又高，所以我會推介朋友去食。經常食佢唔同既菜式，今日就試下佢話限量供應既兩個餐。C & F餐。之前餐湯有紅湯同白湯選，今晚冇紅湯揀。我平時飲紅湯多啲，因為紅湯感覺好足料同埋健康。而今晚既餐湯係南瓜粟米湯，都幾好飲，粟米好飽滿😋。雞脾扒煎得好好，其中兩塊煎得特別脆，脆到連皮食左都唔覺。好味。忌廉通粉都幾好，平時唔多鍾意食通粉既我都會食晒。至於口袋夾餅入面塞左健康既生菜同蕃茄，都幾吸引，但size太大，上Facebook 睇以為好細，冇諗過咁大份，所以就算我咁大食都食唔晒😅。石班手造意大利蛋麵，賣相好靚。我成日覺得手造麵好西利，因為係人手造💪🏻💪🏻。所以要試下佢，但食完又唔係我想像中咁好味。感覺有少少似伊麵，但石班片幾好味。最搞笑既係隔離左右都係叫呢兩個餐😂。

到荃灣，周圍都是好吃的嘢食，自從吃了這小店的午餐，每次只要下午在荃灣，都一定會到這間店吃午餐。店內座位不多，大概20個位，不過通常都很快有位，店員招乎也不錯。高水準set lunch，醬汁配菜很用心，豬扒夾著半溶芝士配上特製的番茄醬，小小心思帶出不同層次的味道和口感，午餐每次都會配一個湯和當日特色飲品！每次不同，今天是藍莓茶：）除了飯套餐，這店的burger和咖喱飯也十分出色！上次吃白咖喱豬扒飯，白咖哩汁不只是簡單的汁，每一淡都有粒粒的洋蔥，很香！

見到新小店咁多好評，而我又好懷念好好味嘅漢堡，就試試佢啦首先講最期待嘅主打：芝士漢堡+薯條雖然張相影得差，不過個包嘅賣相好好，手工無馬夫。個包好香包味，外碎內軟，熱辣辣，加上芝麻，香味十足牛肉嘅肉味唔係太濃（不過收咁嘅價錢唔好太高要求），肉有肉汁，調味做得好好，唯一美中不足係我覺得係煎得未夠膿，未能好好咁完全帶到個味。中間有小小驚喜嘅係竟然芝士係可以拉絲，唔係平價一塊芝士。至於薯條，可能用新鮮油炸，薯味比較濃，感覺新鮮，無油膉味。另外一個咖哩羊第一下咬落去嘅，就聞到香料，好多香料，落足料去整，嗰震香味 ，不過自問食得辣，都覺得佢有d偏辣，美中不足。可能漢堡做得好有驚喜，反而呢個咖哩同出面其它X龍咖哩差不多味道，所以只可以話，做得好，不過味道就好大眾。順帶一提，service好好，有禮貌下次會再返黎試其它野

呢間細細的西餐廳隱身係一條不太顯眼的橫街裡,要不是之前係附近的吉列牛店等位時四圍逛逛,我真係唔會發現佢.難得係呢道發現新大陸(?),當然要揾日去試下啦~平日下午都幾多人去食,第一次想去食時就係因為無位所以食唔到.過幾日後再到訪,幸好只等了10分鐘就可以入座.午餐價錢由$48-68, 包餐湯同飲品. 我地叫左香草田螺忌廉汁西冷牛肉飯同埋王子魚湯忌廉煮海鮮意粉.首先上的係餐湯.羅宋湯同椰菜花忌廉湯都好足料.羅宋湯酸酸甜甜,好開胃.椰菜花忌廉忌湯好香滑,湯中有椰菜花蓉同粟米.從湯就睇得出呢間餐廳的心思.香草田螺忌廉汁西冷牛肉飯忌廉汁的味道不太濃,有淡淡的香草味,但撈埋飯食就顯得有啲淡.醬汁中有4-5粒田螺,幾爽口彈牙.牛肉就有少許韌同埋無咩牛肉味,係比較失色左啲.王子魚湯忌廉煮海鮮意粉魚湯好濃,充滿了海鮮味.海鮮料主要係蝦同釀蟹蓋,蝦都幾大隻幾彈牙.蟹蓋係釀了魚肉,都幾有心思.整個意粉的感覺不錯,只係放左白蘿蔔同意粉一齊食的感覺怪怪的。

經濟既價錢，食到美味既食物，係出面一個餐既價錢，係度可以食到食兩個餐，而且食物質素好，賣相與味道成正比，好食😢唯一唔好既地方便是搬舖後位置較隱蔽，路痴我自己一個人係唔路識行過來的😆

聽同事講王子廚房幾好味，所以決定試吓希望可以搵到午餐嘅新餐廳，我哋平時食飯都大約有10多人， 同埋餐廳面積比較細，所以同事話最好早少少book定位。餐廳好好，因為我哋多人，怕到時煮唔切要等好耐，所以提前send咗個餐牌俾我哋，等我哋可以先落order,選擇都幾多，有7款。我哋大約有12至14個人，我地已經佔左餐廳嘅一半位子。首先有餐湯，今日既係南瓜湯，好濃郁，味道好好。落定order果然好，坐低之後等左大約5分鐘到就已經有得食。我叫左炭燒荷蘭豬肩肉+法式牛角包+黑陳醋意粉+楓樹蜜糖蕃茄沙律，個蜜糖蕃茄非常好味😍甜甜地，蕃茄唔會太林，仲幾爽口。牛角包都算脆身無咩特別。個豬肩肉配埋個特製醬汁都幾好味。😋最特別係個陳醋意粉，酸酸甜甜甘幾開胃，仲要配埋爽口既木耳絲，令到個麵更有咬口。環境雖然細小，但整體感覺幾好，店員都好nice~但太多人一齊去的確有d 逼，下次約埋幾個朋友再去食～

荃灣都好多好嘢食, 仲有唔少係小店, 好似呢間咁, 朋友介紹話唔錯, 之前都想去, 不過兩次去到都太多人, 因為店內坐位唔多, 所以一到食飯時間就好多人 今次我地點咗 3 款嘢鴛鴦黑白咖喱腰果魚柳 , 個口感幾得意, 因為有腰果在外, 所以都有咬口, 入面魚柳唔會太油, 唔沾咖喱味道都唔錯, 唔會話冇味, 唔錯海鮮天使麵(忘記咗個名) , 個人對個汁就一般, 不過就喜歡麵質個軟硬程度 , 加上都算足料的, 唔會細細份

荃灣近期開了很多漢堡店，店子細細，只有幾張枱，最多可坐十幾人，雖則店子細細，但都坐得舒服，食物水準都不錯。這間王子廚房漢堡系列大約$66-$128, 還跟埋薯條； 咖喱飯系列大約$45-60 (分大，中，小辣)。我和朋友2人星期五晚大約7:30 去到，幸運地唔使等位，我們點了芝士煙肉手打牛肉漢堡包和咖喱豬肩肉飯，漢堡牛肉夠厚，肉質ok, 但煙肉側太乾太硬；咖喱豬肩肉飯， 咖喱味很濃很香，豬肩肉普通，我們叫了小辣還可以接受，如果食唔到辣既話，我見意叫不辣好了。 這餐連埋餐飲埋單都唔使$140, 晚飯黎講算便宜了。

王子廚房變成假日食堂後,每個週未都要來吃他們的漢堡！皆因他們每星期的款式也不同🤤再次光臨，這個星期換上了泰式豬肉蝦肉漢堡。包依舊烘得溫而不乾；豬x蝦的肉扒更是有驚喜！混進了香茅等泰國香料，更沒有牛肉般滯。加入了甘荀絲，還配上了生菜和蕃茄。選了沙律代薯條，沙律依舊誠意十足，沙律菜新鮮，且不是一般茶餐廳頹貨(普通生菜沙律醬等等)自調黑醋汁已驚喜不已💕💕(應該是)老闆娘的態度一直都很好，這間店實的很親切👍🏻