玉桃軒酒家 (利舞臺廣場)

營業中

休息中

呢間點心水平正常啦⋯但係唔係呢間鋪既重點！呢間酒樓啲員工，態度係極差啲部長經理全部都好似發晒脾氣，語氣惡劣！話說我坐低第一張單已經落左一份魚餃，所有野到齊份魚餃都未嚟，我未去催第一次。過左15分鐘後都未嚟，我再催第二次。之後我再加單叫其他野食，第二張單既野食都嚟晒，份餃依然未到。講緊係差唔多過咗第一張單落單時間既45分鐘。之後我再催多次，啲經理部長係咁話整緊整緊。過多10分鐘後，我因為趕時間要走，所以叫買單。跟住就經典喇！個部長行嚟，我叫佢買單，順便話份魚餃未嚟，幫我取消啦。點知個部長唔知發咩神經，冇啦啦聲大夾惡話：「我未話左幫無睇下囉！我都催左廚房，點知佢地咁耐都未得！」大哥，呢啲係唔係做樓面應有既態度啊？咁樣既態度同客講嘢？總之呢間野，大家想嚟受氣就嚟幫襯

秋季到來，又係品嚐大閘蟹的最佳季節，係時候要搵間酒樓食下咁岩之前係利園買野儲落 D 積分可以換大閘蟹咁就可以去食下大閘蟹，食下小菜，輕鬆一下食物方面:太湖大閘蟹 : 大閘蟹約4兩，雖然唔算大隻，但新鮮多膏，絕對值得一試砂窩什菌牛肉煲 : 砂窩上枱夠曬熱辣辣，牛肉鮮嫩，有多款什菌一起係砂窩炒一炒，加個白飯味道一流瑤柱扒豆苗 : 豆苗新鮮翠綠，加入大量既瑤柱絲及大大粒草菇，簡單又美味網址 : https://www.instagram.com/thegracesrestauranthk/

中秋節正日同屋企人做節🌕通常做節都係食中菜，哩間係利舞臺，不過上到去又唔算好裝潢。仲好熱鬧，比較親民感覺。😋北京片皮鴨二食+香辣珍菌炒鴨粒 $446包片薄，熱辣辣包住d鴨肉，加埋青瓜條韮黃條乳豬醬，好好味。本身我唔係好食鴨，但間中又幾鍾意食片皮鴨。不過要塊包皮夠薄先好食。同埋哩隻鴨食落唔會好蘇，好怕陣蘇味。不過哩度d鴨就片得唔夠薄。😋菠蘿咕嚕肉 $138酸甜味好適中，咕嚕肉亦唔會好肥，脆漿唔會好厚。啖啖肉，正。配菜菠蘿青椒都好爽脆好味。😋白飯魚煎蛋 $128經耐冇食過哩味菜啦，不過白飯魚唔夠多，味道亦唔算重，所以好似只食到蛋。😋西蘭花炒帶子 $238西蘭花爽脆唔會太淋，帶子都中size ，不過不失。份量就比較少。但唔算好油。😋蒜香脆燒雞半隻 $168哩道雞反而炸得好嫩口，同埋唔會好肥。雞皮亦炸得剛剛好。😋金絲雞蛋散 $24又係懷舊野，糖膠加蛋散，我口味唔係食得太甜，唔係太岩我，不過哩d懷舊野真係見少買少，都要珍惜下。總括中評啦，唔算話超好食，但每道菜都算ok， 價錢銅鑼灣黎講都算經濟既。⭐️⭐️⭐️（5星為滿）玉桃軒酒家 (利舞臺廣場) (銅鑼灣)銅鑼灣波斯富街99號利舞臺廣場20樓#飲飲食

得閒係附近行開街想試下片皮鴨，上網見呢間comment唔差，又就腳，所以book左試下，點知中伏。本新已經先打去問定駛唔駛預訂左先，聽電話個姐姐態度已經麻麻，好唔耐煩咁，不過費事煩再諗，所以照訂。我地叫左個片皮鴨268+薑葱爆炒鴨件兩食78,可能因為已經預訂左，所以片皮鴨上得好快，但唔係熱辣辣，只可以話仲暖。但鴨肉偏鞋，而且鴨唔知有冇醃到，感覺冇咩底味，要全靠個醬先有味。呢個都算，仲要都幾un下，有好幾次都咬唔開。食到呢度已經幾失望，諗住等埋個炒鴨件睇下會唔會好d, 結果等左半粒鐘都未等到，明明場內空位頗多，唔係好多人食野，而且有店員同熟客係度吹水。食片皮鴨塞到飽哂本新谷鬼氣想叫經理未有炒鴨件既話索性取消，但阿媽想試埋，唯有叫經理催單，經理態度都麻麻地咁話跟下啦。但比我媽見到佢行去督電腦，疑似岩岩先落單。最後終於等到個炒鴨件，肉仍然都係un, 同埋冇咩味，我媽話去燒味舖買既都仲好食過佢多多聲。最後真係無心機再食落去，叫姐姐比個外賣盒同袋拎番去，都係等勁耐先有。總結唔好食又受氣，唔會再黎第二次。

我都未食過啲咁老嘅片皮鴨，啲肉仲老過我呀嫲，咬到我牙都軟，好似食緊香口膠咁，嗰塊餅皮又厚，仲有個醬汁勁鹹，最好食就係個青瓜架啦，都算係我人生食過最難食嘅片皮鴨叫咗個六人套餐，個龍蝦伊麵同條魚唔錯嘅，但係揀三個小菜嗰度，全部得啲齋既小菜，得個咕嚕肉同埋豬頸肉炒雜菇叫有啲肉，不過味道還算可以既。性價比黎講絕對極低，場地環境唔靚，一入到去就感覺到伏，酒樓黎講都算係最差，總括嚟講唔會再去，唔怪得知去到冇乜人。

看到openrice人人都讚玉桃軒片皮鴨出色，於是逛街後的我，經過都忍不住要試一試。環境開揚，樓底高，冷氣充足，坐得舒服。要了香片茶，還有菊花，歎一口清茶，慢慢看著店員一片一片在片鴨😍眼見枱枱都有叫鴨，等了片幾隻，終於等到我的😂北京片皮鴨好香呀🥰足料1隻份量，份量不可少看，完全可以三人分享。鴨身顏色富光澤，用青瓜條鴨肉甜醬蔥絲等包起來享用，真是未食口水已狂流。鴨肉味足，皮脆肉嫩，在口腔內肉味大爆發，十分滿足，滋味無窮。乾隆鴨崧生菜包平日也好喜歡吃生菜包，鴨肉做的今次卻是第一次。炒過的鴨粒更重鴨肉味，配上西芹香菇甘荀和脆脆，吃起來扎實有口感，再用生菜🥬包起來，份外清新，完全不油膩，令鴨崧咸味亦平衡得剛好。食後感：好友說如果吃飽了還是想不停吃，那一定是很不錯，今天小妹正有這種感覺。

話說老婆想食片皮鴨，就諗起玉桃軒性價比甚高的片皮鴨，訂好檯，但就是忘記了女人善變的特質，幸好玉桃軒都多了不同的套餐選擇，今次就先試這個包括了一品蒜香雞半隻，清蒸沙巴班及自選的菠蘿咕嚕肉。一品蒜香雞色澤金黃，已經看到皮薄香脆，咬下去第一啖蒜香四射，加上雞皮下薄薄的油脂，甘香十足，雞肉非常幼嫩多汁，輕微咬一口雞肉已經化開，就算雞胸肉都有同樣效果。雞翼位置燒得閒吹，為了雞轉灣位置，我同老婆更加鬥到你死我活。清蒸沙巴班其實二人套餐有這麼一條大班感覺已經非常優良，如果再加埋美味就真的不得了。一上枱老婆已經以專家口吻說這條魚很新鮮，魚蒸得剛好的程度，皮肉分離但依然水嫩，配上一啖薑蔥絲加上蒸魚豉油更加是停不了口。菠蘿咕嚕肉光澤十足，賣相吸引，每一件咕嚕肉的脆皮上都平均包上甜酸醬，脆皮下的肉沒有偷工減料（笑），咬下去依然保留香脆，同時醒胃的酸度剛好再次喚醒胃口，將僅餘的白飯也全掃清光。今次可以說是滿足的放過片皮鴨一馬！

番工番到好肚餓，突然間好想食片皮鴨，見到利舞臺玉桃軒有得食，啲評價都唔錯！同我起OpenRice 見到一樣！$248 就有片皮鴨食！！北京片皮鴨$248二百幾蚊有隻片皮鴨食， 十分抵！片皮鴨份量多，表皮燒到金脆，啲鴨油好香！中間的是大大塊的皮，一咬落去滿口油香，啱晒鍾意香口嘅人！上下的是連住鴨肉，咬落啖啖肉，啱晒食肉獸！鴨皮燒得好香潤皮份量好足，而且熱辣辣，加上其他配料和醬汁，包埋一齊食好滿足！呢個價錢，呢個份量，好抵食！乾隆鴨崧生菜包 (二食) 加$78叫完片皮鴨，可以加錢有二食！都幾多款式可以挑選，有鴨骨湯、鴨絲羹、炒鴨架等！最後我哋選了生菜包，因為可以乘機食多一點菜！每片生菜都剪成圓圓的，大小適中，可以輕易包着鴨崧。這個乾隆鴨崧入面有西芹、其他配菜和脆條，因為有脆條的緣故，咬落去口感更豐富，而生菜亦可以中和鴨崧的濃味！菠蘿咕嚕肉$128我哋叫了個小菜，菠蘿咕嚕肉酸酸甜甜好開胃，咕嚕肉應該係即刻炸，所以個皮都係微脆，食落去啖啖肉，味道不錯！兩個人食好抵！其實兩個人真係食唔晒，可以多一兩個人食都無問題除咗片皮鴨，仲有晚市套餐，望落都幾抵食！服務值得一讚，好有禮貌，又快手！

今晚開始全部人都要打第三針，正苦真是害人不淺！阿爸很久沒有吃片皮鴨，就帶他到這間酒樓吃晚飯。人數明顯減少了不少，店員超有禮貌又殷勤。【燉湯】有瘦肉淮山栗子等材料，沒有大量的鹽味，味道剛剛好，這裏的燉湯不錯。【北京片皮鴨】差不多每台都有點，價錢真是經濟實惠，整隻片皮鴨分開成20-30片，這裏是連鴨肉一起，中和一下皮的油脂，配上青瓜、香蔥和海鮮醬，簡單結實飽滿。三個人已經很飽。【乾隆鴨鬆生菜包】炒香的鴨肉很好吃，用來配飯一流，鴨油爆香哂。【蟠龍百花釀茄子】睇得又食得，醬汁是酸甜醬，茄子中間夾着蝦滑，酸酸甜甜很易入口，茄子又夠爽。【蜜味脆蛋散】份量大足，又甜又脆出色的懷舊甜品。

母親節前放寬限聚令，一家人唔洗分開坐，食得好開心🥳叫了套餐。燒味拼盤高質，叉燒燶邊，肉味香濃，面層少少甜味，有驚喜。龍蝦伊麵夠多肉，芝士汁又夠多夠好味。燒雞皮脆肉嫩。

好耐無食片皮鴨！睇下片皮鴨既皮幾有光澤又脆！😍 早前去左銅鑼灣呢間玉桃軒，叫左呢個套餐，一菜兩食😋 呢份片皮鴨足足4人份量！但我地兩個食🙈 連麵皮都有好多塊，欣賞在於麵皮同片皮鴨真係一樣數目，之前去過其他酒樓。往往都係得幾片，最後無得包住來食！片皮鴨好食，鴨皮好脆卜卜，連埋甜醬同搞瓜條同蔥包住一齊食，無得頂！..第二味係乾隆鴨崧生菜包，好多料！好豐富口感，生菜好新鮮好清爽！貼心在生菜全部都裁剪成圓形，方便客人包住鴨崧，好味😋..最後來多碗清熱又清甜既綠豆沙，滿足🥳 呢度服務都唔錯～當晚見到差不多枱枱都叫片皮鴨套餐🤣

朋友放咗工之後 就去銅鑼灣搵好嘢食我哋今次分左玉桃軒聽人講片皮鴨好出名 一於試一試佢啦片皮鴨一隻$248 價錢都幾合理由於我哋得兩個人 就冇叫到二食啦除咗片皮鴨之外 我哋仲要多咗一個甜豉油海蝦粉絲煲片皮鴨好精美而且外皮10分香脆燒得好香比其他餐廳燒得出色雖然我覺得片皮鴨就咁食已經好好食但加上麵皮， 青瓜，甜醬，蔥，又係另一種風味大家相輔相成之下 令到片皮鴨冇咁油膩甜醬更加令片皮鴨更加惹味而海蝦粉絲煲亦都好香每一啖嘅粉絲都索晒海蝦嘅精華而且海蝦都好新鮮 好彈牙最後埋單大約$450以兩位食客嘅價錢嚟講 價錢都幾合理

很久沒有和媽咪去街街，親今日放假，和她行下銅鑼灣，順道在玉桃軒嘆下茶啦我們大約一時半到達，幸好剛有吉枱，坐下後，便叫了兩款媽咪的至愛，便是豉椒斑頭腩炒河，及香煎金粟花姿餅，甜品叫了金絲雞蛋散。豉椒斑頭腩炒河：這個炒河非常出色，河粉質數高，條條分明，不會黏在一起，加上炒豉椒惹味，而斑頭腩真材實料，夠曬大件，實在是我們的首選食品香煎金粟花姿餅：一碟有三件，煎得非常甘香，口感煙靭，加上粒粒粟米，食落爽口金絲雞蛋散：入口充滿蛋香，甜蜜蜜的，是不錯的甜品啊我們都吃得飽飽的，下次再來食過。

今日放工同男朋友去咗銅鑼灣食晚餐好耐未食過片皮鴨所以嚟咗酒樓搵好嘢食呢度嘅片皮鴨 $248一份 加多$78仲有兩味添 我哋就揀咗麻辣醬炒鴨件片皮鴨即燒即食超脆皮 見住侍應喺樓面片完即刻上枱 而且份量好大份 片皮鴨有一半係齋鴨皮為主 一半係鴨皮連鴨肉 啱曬有啲人鍾意只食油脂脆皮 又或者有啲人鍾意有啲肉中和油膩感 而且呢度跟嘅餅皮口感煙韌 包埋京蔥青瓜甜醬等食 好好味麻辣醬炒鴨件麻辣醬夠香 用嚟炒鴨件就夠曬惹味黑椒牛柳炒西芹份量唔算大 不過叫做又有牛肉又有蔬菜食下 味道正常 不過不失埋單嗰陣仲送埋綠豆沙 我就鍾意佢呢度嘅綠豆沙有啲豆蓉豆衣咬下 夠曬口感又唔會過甜

每次想食片皮鴨，就諗起玉桃軒，見咁耐冇出去食飯，所以決定約埋朋友食返餐。餐廳位於利舞台廣場，鄰近地鐵站，地點非常方便。座位寬敞舒適。多款本月推介，價錢超值。北京片皮鴨色澤紅潤，鴨身脹卜卜，鴨皮鬆脆，油香豐富每片有皮有肉，鴨肉嫩滑，餅皮厚薄適中，柔軟有彈性，大葱青瓜份量十足。可有二食。薑蔥醬爆鴨架姜蔥辛香，鴨肉鮮嫩，油光透亮，肉汁豐富，醬香濃郁。懷舊千層糕千層糕熱辣辣，口感軟嫩，充滿鹹蛋黃香味，一試難忘。