玉桃軒酒家 (鱷魚恤中心)

營業中

休息中

We have not been here since covid because the standards dropped so badly. I am glad to say we had great Dim Sum this lunchtime.Steamed cake, spring rolls, egg white dumplings with extra chilli sauce, peppers stuffed with fish paste, xiao long bao.The xiao long bao was not perfect due to slightly thick pastry but for me was a good 9/10. Everything else was close to perfect like it used to be before covid.My wife and her friend were happy enough to stay for 2 extra dishes after the first lot.

觀塘放工後想食羊腩煲，同朋友揀咗一間位於APM鱷魚裇中心樓上嘅酒樓 -- 【玉桃軒】。【玉桃軒】的格局明亮光猛，整間餐廳通透明亮，營造出一種溫馨又有情調嘅感覺。入座之後，熱情嘅侍應即刻奉上熱茶，服務態度令人舒服。呢次試咗幾道招牌菜，每一道都值得細味！▪️雙冬羊腩煲天氣涼涼嘅時候，點煲仔菜真係最啱不過。雙冬羊腩煲一上枱就香氣撲鼻，羊腩用料非常足，肥瘦比例啱啱好，炆得淋而唔爛，入口仲保持住少少咬口。配料方面，「雙冬」即係冬菇同冬筍，兩者嘅鮮甜同羊腩嘅濃郁味道互相平衡，帶出一種暖胃嘅感覺。湯底滲透咗羊腩嘅精華，飲落濃而唔膩，配埋白飯一齊食，真係非常滿足！值得一提嘅係玉桃軒另外配送一碗湯汁，就算食耐咗羊腩煲燒走啲汁都可以加湯，非常貼心！▪️脆皮燒腩仔燒味系列點咗脆皮燒腩仔，呢道菜真係出乎意料地好味！燒腩仔嘅外皮脆卜卜，咬開會聽到清脆嘅聲音，而內裏嘅肉質鮮嫩多汁，肥而不膩。最欣賞係佢將脆皮燒到乾爽得嚟，肉汁同油脂完全冇被犧牲，食落係濃濃嘅豬香，口感層次分明。蘸少少芥末醬，都係另一番風味。▪️贈送的紅豆沙最後嚟一碗酒樓招待嘅紅豆沙，作為飯後甜品，份量剛好，暖暖地收尾。紅豆沙質地幼滑，帶有適中嘅甜度，仲隱

一行15 人一早book 咗一張大枱，但最後無大枱比到我哋，要分開兩張坐，不過見佢哋新年忙到團團轉，態度都好好，無所謂la..! 我哋叫咗好多嘢食，個蛋散同叉燒酥、春卷、同炸雲吞都被秒清，炸嘢都新鮮鬆脆👍🏻個炒飯都唔錯，炒得粒粒分明👍🏻其他蒸點心都唔錯，正常發揮😊全場爆滿🧧🧧

想不到鱷魚恤中心有這麼一間高質的中菜，特別適合新春與親朋好友喜慶一聚！我們首先點了發財好市大利！這道菜使用髮菜炆蠔豉豬脷，象徵繁榮吉祥，選用的食材新鮮且富有風味，醬汁亦見濃郁，擺盤令人垂涎。而鮮准山鮑魚雞煲，是高級食材的完美結合，鮮鮑魚的鮮香與雞肉的嫩滑交融，烹調時間恰到好處，食材的味道充分釋放。湯汁濃郁，搭配米飯簡直不可多得，既暖身又令人滿足。至於翡翠花姿珊瑚蚌，蚌肉鮮嫩，口感滑順，與清脆的西蘭花相得益彰，每一口都令人驚喜。作為餐後甜品，紅豆糕的口感柔軟，甜度適中，非常適合用來平衡前面的別具口味的菜品。紅豆的香甜與糕點的細膩相互輝映，令人愉悅。玉桃軒酒家 (鱷魚恤中心) (觀塘)地址：觀塘開源道79號鱷魚恤中心6樓

今晚同個fd食團年飯,想坐得舒服d，係觀塘都好多選擇,今次決定試下呢間玉桃軒酒家佢既普洱茶幾好飲，茶香味濃，環境都幾舒服今日清清地叫左兩個餸發財好市大利 $388朋友做生意既，想食d意頭野，就試下呢個發財好市大利，份量好充足，有金蠔、髮菜、豬脷、冬菇同埋菜苗，個汁濃得黎唔會太咸，蠔豉隻隻都金黃飽滿，豬脷厚切爽口翡翠花枝珊瑚蚌 $168呢個菜清清地好唔錯，花枝片爽脆新鮮，珊瑚蚌都好正，玩埋荷蘭豆好fresh

農曆新年去旅行，所以提早慶祝團年，找到觀塘玉桃軒酒家，已經開始有新年的菜式 。餐牌/❤️沙巴龍躉自選組合/（升級為大龍躉兩味）升級了兩味，一條魚兩個煮法，以炒和蒸去做，炒龍躉調味適中，鑊氣十足，配菜甜豆清甜爽脆。 另外蒸的效果令魚的水份及膠質得以充分保存，可以吃到魚的新鮮 ，配菜有大量雲耳和一些炸蒜粒，夠睇頭 。❤️黃金蝦球/賣相吸引炸到金黃色，炸漿夠薄而且炸到外脆內軟，鹹蛋黃味重，蝦肉爽彈鮮美 無雪藏味，鹹鹹香香的令我垂涎欲滴。❤️發菜蠔豉大利/蠔豉圓潤飽滿，蠔味濃厚；與豬脷相隔擺放，賣相加分，中間有發菜潤滑爽口，寓意新一年發大財；配菜底下的豆苗也不錯，幼嫩爽脆。❤️紅豆沙/食飽飯後一定要吃甜品才是完美，紅豆足料 還有蓮子、陳皮，煮到有沙狀口感。

今晚去觀塘玉桃軒食晚飯，事關朋友話俾我聽呢度啲片皮鴨好抵食，所以今晚專程去光顧。果然去到真係好抵食，事關做緊晚市套餐。👍🏻京烤片皮鴨：親眼睇住師傅整片皮鴨真係好治癒，鴨子經過掛爐烤制，外皮酥脆，肉質鮮嫩，薄餅全程有蒸氣keep 住個溫度，好有誠意。再加埋青瓜條和甜麵醬一起食用，令人一口接一口。清蒸沙巴龍躉：龍躉好鮮，肉質結實，而且都幾大條。當然最正就係豉油加埋姜絲和葱段，鮮味大大提升。玉桃軒小炒皇：呢個小炒王好口功夫，未食已經聞到香噴噴。蔬菜鮮綠、配搭鮮甜的帶子、蝦、魷魚和極具口感的腰果等，簡直色香味俱全，真心欣賞！整體而言，餐廳座位舒適，上菜快，而且侍應殷勤，加上食物高質，所以下次都會再嚟。

冬天最啱就係食暖笠笠嘅羊腩煲啦羊腩煲 $338全部都係腩嘅部位，羊腩炆得恰到好處，肉質軟嫩，個汁係靈魂，入味的湯汁讓每一口都充滿了香氣，入邊仲有腐竹，竹筍同馬蹄等配料，加上鹹香嘅腐乳，正。唐生菜清脆爽口，完美中和了羊肉的油膩感，👍組合 沙巴龍躉 $288魚肉鮮嫩，蒸得剛剛好，加點豉油，鮮香十足。野菌雜菜煲融合了多種野菌和新鮮蔬菜的自然鮮甜。清爽的高湯，帶有一點點的鹹香，煮後的蔬菜更是吸收了湯汁的精華，又不會過於油膩，非常清新。

我最近約了爸爸去飲茶👔我爸爸好喜歡吃傳統中菜及點心🫖所以我就在他工作的地方附近找酒樓 位於觀塘鱷魚恤的玉桃軒喜宴專門店其點心做到即叫即蒸，也不用等太久中菜做得大獲好評，真材實料味道剛好，不會太過濃或油膩完全滿足關注健康，愛飲茶吃點心的爸爸我每次去飲茶，我最喜歡看優惠點心紙早晨孖寶有一款蒸飯配一款貴點心$45.8 我當然叫最貴的蝦餃 配 鳯爪排骨飯現在點一款蝦餃已經優點$46.8了😘 經常吃點心的我，今次想試中湯這款鹹菜豬肚湯，不會太鹹或重黑椒味非常適合現正濕氣重的冬季時飲用帶有鹹菜的酸甜味，非常暖胃驅寒! 而我非常喜歡吃香滑又熱呼呼的流沙包吃下去有暖和的蛋黃流沙醬，份外滋味!今次又試中式小食之老乾雞粒四季豆四季豆口感爽脆，不過腍，果然好廚藝!而醬香的雞粒份量最多，非常惹味香甜!我看見我爸爸吃得非常滿足和滋味😘又可以坐得非常舒服，邊吃邊聊天♥️ 到最後我點了薑汁燉鮮奶$24.8以這個價格有這麼一大碗，足夠二人分其滑嫩的鮮奶配上淡淡的薑汁，非常養顏!

星期日座位安排超級差勁！！！4人台全部加凳坐5-7人酒樓又傾向叫大台先所以5-8人叫到13號飛3-4人台都係一張都未開始叫咁請問3-4個人係咪唔洗食？？？？😡最諷刺係等左半個鐘見到前人例子我地跟隊禁左5人台D飛唔洗5分鐘即刻有台等緊嘅時候叫埋我地手持嘅4人台飛結論係咩？無論5人飛定4人飛都係比同一張台我地😀但係酒樓會選擇叫大台先大台不斷有人應細台就無機會😀所以大家自己斟酌下究竟要點禁飛啦😀

天氣漸冷, 就想吃一些可以暖身的食物, 放工後, 我和好友便在觀塘鬧市中找了一間中式酒樓, 期待著一頓溫暖的晚餐。羊腩煲 $338上菜時, 濃烈的香氣便撲鼻而來, 一看就可以看出是一道精心烹調的佳餚，滿滿一盤羊肉，濃厚的醬汁, 煲裡有大量馬蹄，枝竹，青蔥，中和了羊肉的燥熱和羶味，每一口羊腩都融化在口中，羊肉質的鮮嫩與多汁感在嘴裡融化，沒有一絲過於肥膩的感覺，馬蹄的清脆口感和軟軟的枝竹吸滿了醬汁的味道完美地融合在一起，吃出豐富的層次感。濃郁的湯汁則是菜品的靈魂，每一口湯汁都包裹著濃厚的羊肉風味，讓人回味無窮。羊腩煲的靈魂是那碟腐乳醬，它為整道菜增添了一絲特別的風味，混合著辛香料的香氣，讓整個菜餚更加豐富多彩。每一口與白飯一同入口的瞬間，味蕾都被激起 。西施柚子蝦球 $168橙橙黃黃的醬汁包著卜卜脆的蝦球，散發出清新的柚子香氣。蝦球鮮嫩多汁，搭配著柚子的酸甜，帶來一絲清新的風味 。

臨近做冬時節，同朋友去咗酒樓食中菜。主要點咗羊腩煲、清蒸沙巴龍躉🐟配菠蘿咕嚕肉，兩道菜都好夠份量。冬天最嗰食羊腩煲$338，羊腩煲真係一大煲，份量十足，啱晒一班朋友圍住枱邊慢慢嘆。羊腩煮得非常軟腍，毫無羶味，湯底濃郁帶甘香，暖胃又滋補。配料方面，除咗羊腩仲有支竹、筍、冬菇，支竹吸滿湯汁，入口爆香。呢個羊腩煲性價比極高，啱晒冬天嚟食。清蒸沙巴龍躉配菠蘿咕嚕肉$288，抵食。沙巴龍躉清蒸得恰到好處，魚肉嫩滑鮮甜，配埋豉油同蔥花，一啖一啖食得好滿足。至於菠蘿咕嚕肉就酸酸甜甜，咕嚕肉香脆，肉質唔會太油膩，外層炸得脆口但內裡仍然保留咗嫩滑嘅口感。

近來天氣轉冷，又是食暖笠笠羊腩煲的時候了，今晚相約朋友到觀塘食羊腩煲。酒樓門面裝修華麗，地方寬敞開揚，座位空間闊落。我選了個合時羊腩煲，再加個比較清淡的小菜平衡一下。「雙冬羊腩煲」一大鍋上枱，下面用石油氣爐滾住來食，熱焫焫，香噴噴，讓人食指大動。附上一碟生菜及一碗豆乳汁，讓客人隨意加添。材料豐富，除羊腩外，還有冬菇、冬筍、枝竹、馬蹄.......等配菜。羊腩份量不少，大大件，半肥瘦，口感腍軟，完全無羶味。配菜之中的冬筍及馬蹄又爽口，加上大大隻日本花菇，濃味的豆乳汁，非常惹味。「金湯鮮茄浸斑球」材料有石斑塊、勝瓜、新鮮番茄。斑塊煎過，特別爽口，加上清甜的勝瓜及番茄，滋味的金湯，清淡之餘又美味。「紅燒BB鴿」皮脆肉嫩，入口帶來陣陣酥香，口感讓人有驚喜。這家酒樓的烹調有水準，用料上乘，有機會再來嚐嚐其他菜式。

今日放工約左老公嚟左觀塘食晚飯，我地黎左位於鱷魚恤中心嘅王桃軒酒家。酒家燈光光猛，檯與檯之間嘅距離足夠，坐得好舒服。羊腩煲天氣轉涼，我地叫左個羊腩煲。羊腩煲大大煲，盛惠$338。羊腩好大件，每件都好厚肉，炆到好入味，肉質好淋。而皮嘅位置就好有咬口，爽爽地。另外，配料有有冬菇、筍、馬蹄、枝竹同蔥。冬菇味道香濃，枝竹吸滿湯汁嘅美味。而家食羊腩煲會送唐生一碟。紅燒BB鴿1隻乳鴿即叫即炸，上檯時非常香，油脂感十足。乳鴿好香脆，乳鴿肉好嫩滑，充滿肉質，油香滿滿。翡翠花姿珊瑚蚌我地再叫左疊蔬菜。荷蘭豆好新鮮，條條都脆卜卜，用上左蒜頭炒，香氣十足。花姿蚌同珊瑚蚌大大就，好彈牙。

這家酒樓位於觀塘站附近，交通方便，室內裝修華麗，場地適合舉行婚禮。環境衛生，座位舒適，服務員有笑容。雙冬羊腩煲：份量大，熱辣辣，香氣撲鼻，羊皮彈牙，羊肉嫩滑，羊腩沾點腐乳醬一起吃，十分滋味。枝竹爽口，馬蹄清甜，醬汁濃味。送唐生菜一碟，味道鮮甜。菠蘿咕嚕肉：豬肉外層香口，內層肉嫩多汁，洋葱很甜，菠蘿味道酸甜，青椒爽脆，醬汁味道酸甜。蒜茸油麥菜：油麥菜新鮮，顏色翠綠，蒜茸份量適中，很美味。花生：口感脆，有少少咸味。