玉桃軒酒家 (鱷魚恤中心)

營業中

休息中

玉桃軒都唔係第一次嚟食啦，但係今次就 同咗屋企人一齊嚟食。 一張枱四個人，叫咗一個套餐，足足有七道菜呀。媽咪最鍾意食龍蝦，所以就專登黎同佢黎食龍蝦伊麵。 龍蝦伊麵絕對冇令到我哋失望呀!龍蝦份量足，肉質彈牙，有豐富嘅龍蝦味，滲入啲上湯度真係好好食呀。伊麵煮得啱啱好又唔太林又唔太硬口感十足。 第二道菜係醬皇頭抽雞半隻。嘩!半隻雞已經成大大碟。 豉油味好重但又唔算太鹹，雞皮好入味，雞肉都好嫩滑，唔使點豉油已經夠曬未， 但就嫌過油，老人家唔食得多。 估唔到呢個餐仲有紅燒鮑參肚翅。呢個翅煲做得好濃郁 仲好入味， 雖然嘅份量唔係好多，已經值回票價啦。 食小菜又點少得蒸魚呢?呢條蔥油蒸海斑仔唔算話好大條，但係啲蔥油好香，啲魚浸落啲汁度好鮮味。魚肉有少少韌，可以接受。魚皮又滑亦亦好香，算係做得唔錯㗎啦。 依碟咁色彩繽紛嘅係西蘭花帶子珊瑚蚌。碟菜唔算好有特色，但都算做得幾好食。西蘭花夠新鮮爽脆，珊瑚蚌有咬口，帶子亦見鮮甜。 上湯浸白菜仔不過不失，食咗太多肉可以清清腸胃。 最後就係碟桂花糕。桂花糕味道清甜，入口好香桂花味，甜度適中， 飯後品嚐的確唔錯。咁既份量，四個人埋單都唔使一千蚊。爸爸媽媽都好滿意，食

在apm瘋狂購物后，的確有需要找個地方來祭我的肚子😂這酒家在鱷魚恤中心，要乘電梯上去的。酒家裝修很美，充滿了婚宴的佈置。內𥚃也很寬敞，掛著很多水晶燈。今次點的點心不多，但點的卻算是精緻而考功夫的點心。玉桃蝦餃王 - 皮夠薄，填滿著蝦肉餡料，滿滿的。花膠瑤柱灌湯餃 - 灌湯餃真的很大隻噢😋上湯鮮甜，送上時也夠熱騰騰。你看! 花膠也是大大隻而又厚厚的，很黏😋😋果然是真材實料👍👍若加上紅醋，更是錦上添花。薑蔥牛柏葉 - 分量多，牛柏葉夠爽及彈牙，蒸得剛剛好。北茹棉花雞 - 雞肉腍而入味，菇味夠香。酒家的餐牌。除了點心，也有小菜及炒粉麵的孖寶供選擇👍 總括而言，好味道，上餐快及食物夠熱辣辣，中等價錢，值得一試。

朋友相約去觀塘飲茶， 好彩朋友一早搵定位， 如果唔係可能有排等。 先來一份 蜜汁叉燒皇， 蜜汁味十足， 叉燒又夠淋月，半肥瘦嘅叉燒真係叉燒王之中嘅叉燒王。再黎清蒸海斑仔一條， 條魚細細條， 勝在性價比較高， 個豉油經過烹煮， 連埋舊魚一齊食更加好食。醬油金蒜脆皮雞半隻， 脆皮雞最緊要，雞皮夠脆， 佢就做得啱啱好雞皮夠曬脆， 內裏肉汁又夠多同鮮嫩。蜜桃咕嚕黑豚肉， 其實即係咕嚕肉， 不過將佢個名改得冠冕堂皇咗， 不過依然都咁好食，咕嚕肉點會有得說，最重要過茄汁底，酸酸甜甜， 送飯一流。有機會都要再來不過希望可以試下食早茶可能會有更多驚喜。

難得今天放假，便約了母親一起飲茶，也選擇了在觀塘鱷魚恤中心的［ 玉桃軒 ］，因他的位置及交通相當方便，也聽聞這店的叉燒很有名，所以也來一試花膠瑤柱灌湯餃絕對係真材實料，餃子不單大隻，材料也很豐富，再配上彈牙的花膠，口感一流燒汁釀茄子原條的茄子上面釀滿了魚肉，再灑滿了花生粒和淋上燒汁，很有和式味道蝦籽燒賣皇本身鍾意食燒賣既我，這一定要試，一口咬落這大大粒彈牙而又紮實，口感很正沙薑豬手皇豬手不算太大隻，但勝在啖啖肉，味道剛好而又不會太個肥油雞湯米線雞肉嫩滑香口，米粉方面也很爽，軟硬剛好叉燒湯米線叉燒不愧為皇牌，雖比湯浸過，但叉燒味和肉汁仍然保持，入口仍然鬆化柔嫩環境很整潔及寬堂想不到在工廠區附近，也有一些有水準食品與環境企理食府，他也有不同的午市及晚膳的套餐工客人選擇。

又是玉桃軒，對她真的很有情意結為了慶祝朋友辭職脫苦海，大家決定要大擦一餐！一直都是光顧銅鑼灣分店，第一次來到apm分店，裝潢一樣富麗堂皇，環境乾淨。小吃棄用花生等乏味前菜，改用涼拌木耳，健康又好味玉桃軒雖然高級食府，但價錢其實很大眾化。叉燒皇更加是必叫菜式！招牌叉燒的確肥瘦均稱，叉燒醬比坊間的惹味！用上好蜜糖，甜而不膩叉燒啖啖肉，一點都不韌紅燒乳鴿炸得略乾，但勝在夠大隻啖啖肉，$96兩隻價錢算合理。鎮江香醋排骨煲同樣為送飯之選，排骨用上鎮江香醋，酸酸甜甜又香！大大煲夠扺食，排骨啖啖肉。蔬菜方面點了個瑤柱海皇雜菜煲，足料不在話下，湯頭清甜濃郁，加上鮮蝦及蝦乾，鮮上加鮮！

星期六陪屋企人去觀塘的工廈開倉掃平貨，當然要先醫飽肚子，早前有在觀塘工作的朋友說玉桃軒食物不錯又抵食，今日順道一於一試。本來我們打算飲中午茶吃點心，但見有個龍蝦4-5人套餐價錢相當吸引，所以最後決定點套餐。套餐先來蟹肉粟米羮，足料五大碗，蟹肉不少，可一舊舊夾起。接著就是主角波士頓龍蝦伊麵，龍蝦一大隻切件，份量不少，伊麵沾上上湯及龍蝦的鮮味，非常美味。再來就是三個小菜。秘製欖角醬燒骨 - 口味獨特，香口得來排骨亦非常入味。頭抽醬皇雞 - 用頭抽煮的豉油雞充滿鮮味，肉質亦嫩滑。最後就是山珍泡菜苗 - 翠綠的小白菜上鋪滿野菌，正好平均一下之前的肉類菜式。雖然是中午飯，能以約四百元這價錢吃龍蝦及幾味出色小菜，的確能以抵食來形容呢。

星期六中午通常都會約埋長輩飲茶吃中午飯，今個週末也不例外。今日下午來到觀塘玉桃軒，原本只是想簡簡單單飲飲茶、吃些點心，但眼見午市套餐，又有龍蝦，又有雞，都只不過是$398，那就一試吧！酒樓的上菜速度迅速，點菜後一陣子，各碟餸菜便璇即上枱。蟹肉粟米羹份量充足，上枱時陣陣香氣噗鼻，羹上蟹肉絲絲可見，味道亦調得剛剛好。上湯焗波龍蝦伊麵起初看見菜牌寫上“波龍蝦”，百思不得其解，奶奶即想到是“波士頓龍蝦”，疑團終於解開了。龍蝦算是大隻，有很有肉，4-5人亦足夠分享。秘製欖角醬燒骨最有驚喜的一道菜式，上菜時還以為黑色的是豆豉，原來是欖角。燒排骨除了用上欖角來醃製，還有蜜糖調味，甜甜的，用來送飯吃一流。頭抽醬皇雞雖然只是半隻，但雞肉嫩滑，肥肉不多。山珍泡翠苗想不到菇類配上白菜仔是如此清甜，讓人刮目相看。總體而言，食物質素佳，服務迅速，價格合理。

我們一家似是跟龍蝦有段宿世情仇，家母酷愛吃龍蝦，尤其上湯龍蝦伊麵，百吃不厭。早前有親戚在這間酒樓設婚宴，今晚就來嚐嚐龍蝦的滋味裝潢充滿粉嫩嫩的鮮花色彩，還有用絲花砌成的玫瑰花拱門，浪漫優雅。一看Menu, 龍蝦、雞、蒸魚、菜，這份套餐完全滿足了媽媽的N個心願那就不用多想啦！每檯規定一碟前菜-涼拌雲耳，雲耳爽脆，拌少許菜甫，帶點辣味，很開胃主菜-上湯焗波士頓龍蝦伊麵，一整隻波士頓龍蝦不算很大，但肉結實，味道不錯，伊麵底尚算彈牙期間侍應生也很勤快換碟，不怕吃到滿碟龍蝦殻豉油皇雞做得皮滑肉嫩，豉油香濃卻不會太咸沙巴海斑仔雖然未算很嫩滑，但咸淡適中，不「鞋」，不過不失吧！而這味紅燒鮑蔘肚翅材料頗足，有瑤柱、菇絲、鮑魚絲和少量魚翅，不像平常吃的酒席般黏稠，粉明顯較少不錯大魚大肉過後，終於來一碟蔬菜類，西蘭花翠綠爽脆，帶子、珊瑚蚌、燈籠椒也不會Overcook再來一碟濃湯浸鮮蔬，白菜仔浸泡在米白色濃湯內，有淡淡金華火腿和蒜味。最後以一件清甜冰涼的桂花糕作結—有淡淡桂花香，內有水果增加糕點口感，用叉子取不會散又不會太硬*註：四人套餐另收茶芥和一碟前菜加一

媽媽最近要上學，所以基本上日日都不煮飯。這天我們一家便到觀塘吃晚餐。這家酒樓在價格上較連鎖酒家高一點點，但勝在食物質素有保證，服務良好，而且環境衛生乾淨！價錢不是太貴的，只是略高一點點。晚飯孖寶則是抵食之選！孖寶有一條魚及半隻雞。魚比我想像中的大，味道鮮甜，不錯。脆皮雞，十分美味，外皮香脆，雞肉軟滑。家人想吃叉燒。我見到叉燒的時候，有一刻擔心過會太瘦，怕會乾。但雖然叉燒看起來沒有肥肉，吃起來卻十分鬆軟。咕嚕豚肉，甜甜酸酸，蜜桃很香甜。松露菌皇炒蝦球，味道不錯，份量頗多。前菜味道微辣，很爽口，好味！這家酒家食物味道，及衛生程度都使人十分滿意，所以雖然價格是略略高一點點的，但我還是覺得值得。

觀塘酒樓多不勝數如果你對點心係有要求既呢間既點心真係值得去好精緻! 真係食得出嫁!燒賣王-特 $32.5蝦餃可以唔叫 但燒賣一定要叫好彈牙~~!而且好大粒!鮮蝦波菜餃 - 大 $28.5我好中意點呢個我覺得比蝦餃抵食好多! 多左菜=)健康D~依然又有大大粒又彈牙既蝦!山竹牛肉球 - 中 $23.5飲茶必點之一!超大粒 好味醬皇蒸鳳爪 中 $23.5超入味 好香 個醬調得好正除左點心 可以試下呢到皇牌之一櫻花蝦雞粒炒飯每粒飯都好香 雞粒都唔少賣相幾靚 一啲都唔油膩茶錢六蚊位 午市其實唔算貴!比起好多酒樓十聲先有人應一聲既服務好太多了!~~推介！

在觀塘區工作，有時會跟同事食點心小菜。apm隔離的Crocodile Center好多選擇，層層餐廳，今日去都算比較平的玉桃軒酒家。整體來說這裡的食物比較便宜低食之餘質素都不錯，門面算ok乾淨，正常酒樓格，有落地玻璃八倒吓觀塘個景咁。見到個個都點鯪魚釀茄子同炸物類既野（炸魚雲似乎很不錯但沒有試），而且望落很不錯，我地都跟跟風點了。鯪魚釀茄子很長很大份很好吃，又不會因為炸過而令人有熱氣的感覺。南乳酥炸骨酥脆夠味，有點juicy，$48 有4件，很不錯。另外我們都覺得好的是淮山班頭腩（裡面有我最喜歡的年糕），炒芥蘭。全部都只是$48。會回頭。

夜晚黎到觀塘APM買野，朋友講起隔離的鱷魚恤中心有啲酒樓的晚餐好抵食，反正係APM的餐廳食野都唔平，就搵咗呢間出名的玉桃軒酒家試下。夜晚未見好满座，唔逼，坐得幾舒服餐牌可以揀好多小菜，亦有龍蝦套餐，或者片皮鴨食一坐低就有酸菜，開胃小食砂窩干蔥燒汁牛仔⻣，今餐最惹味最值得一讚就係呢個餸，牛仔⻣煮得又淋又入味，配咗蒜頭同姜一齊炒，爆香，夠鑊氣滑蛋炒蝦球，蛋炒得滑身有奶味，食落一啲都唔鞋，蝦球鮮甜爽脆蒜蓉炒豆苗，蒜蓉味重，豆苗新鮮，咬落爽口玉桃軒小炒皇，有西芹，腰果，蝦，紅黃椒，珊瑚蚌，材料新鮮，好豐富的一道餸。

今次好想推介下呢間酒樓比大家除左點心絕對係水准之上外特色小食都非常正! 非常有質素!冷盤 : 五香鹵牛展 ($48)真係好入味! 好香既鹵水味!個味調得岩岩好~本身對唔係太大興趣既我都搶左兩舊黎試!脆皮素鵝 ($38)外面炸得真復好脆~但一D都唔會覺得大油膩!D料切得好碎~易入口~好入味! 要點呀!七味黃金炸豆腐粒($38)堅辣口嫁~要小心XD豆腐真係超滑! 加左少少七味粉更惹味!誠意推介! 絕對唔會失望!而且酒樓黎講服務態度真係幾好!推介!!

Heard that this Chinese Dim Sum restaurant served outstanding Cha Siu, so I planned to visit here on a weekdays afternoon for lunch. Ordered other delicate dishes such as the 波菜燒賣，灌湯餃，and other authentic dim sums. Out of my expectation, the dishes were all luscious! All in all, this Chinese dim sum restaurant served pleasing food that were reasonably priced! Two of us paid $250 in total, which was reasonable as we ordered more than what we could finish. Pleasant dining experience!

貴為叉燒迷，整個月沒吃叉燒，渾身不自在。據聞玉桃軒的叉燒不錯，跟媽來飲個茶。布拉米皇腸粉最簡單的腸粉，只加了少許豉油，然後瘋狂點甜醬和麻醬。雖然厚，但腸粉都幾滑，最重要是有少少米香，已算難得。明爐叉燒皇終於吃到叉燒，滿足心願。$70一碟不便宜，但實在不錯。即使全塊瘦肉，既腍又有嚼勁。有半碟是半肥瘦，比全瘦腍一點，多一份油香，油而不膩。蜜糖甜甜的，時有時無，再多一點點更好。咬下咬下，有咔嚓聲，是旁邊的少少燶。還有伴碟的豆，很久沒有吃過了，現在的叉燒得少配這個。硬硬的，黏黏的，很甜的蜜味，配叉燒一流。上湯菠菜浸在湯裡的菠菜不會太腍，尚帶點爽。上湯夠味，不濃不淡。海蜇芹香手撕雞有點普通，份量亦少。味道不過不失，雞絲不嚡，西芹刨成絲，爽脆，清香。跟海蜇一併放入口，各有不同口感。濃湯淮山斑頭腩煲配料很多，都幾足料。斑頭腩表面炸過，厚滑的皮滑又稠，似乎膠質豐富。肉多骨不同，都是大骨，吃得方便。新鮮淮山咬下去爽，然後黏黏滑滑的，好吃。還有煙韌的年糕，再喝碗味濃的湯。總覺得酒樓飲茶都是隨隨便便，多油又鹹，只是傳統讓人喜歡去飲茶，吃一盅兩件，但這間典型的酒樓，食物有點不同。沒有甚麼大驚喜，但每一道菜水準