玉桃軒酒家 (鱷魚恤中心)

營業中

休息中

今天閒日和家人去了觀塘玉桃軒食點心下午茶，這裏地方寬敞，樓底高，還安排了近窗的位置，坐得舒服。共叫了六款點心，全部也是新鮮熱辣。咸水角熱辣辣，足料，大大嚿好好味。柴魚花生粥煲得好棉，也同樣足料。點心拼盤有五件點心，還包括了蝦餃， 已經值回票價。豉汁煎釀茄子 一共有四大嚿，釀魚肉足料彈牙，配上茄子海王脆脆腸外軟內脆，內裡包著蔬菜類和蟹柳，比起傳統的腸粉添了一份新鮮感。香芋鴨腳扎現在的酒樓已經很少食到， 芋頭炆得很淋很入味，佩上鴨腳和腐皮是完美的配搭， 食回昔日的味道。

我今日下午致電觀塘店查詢晚飯事宜，但接聽嗰位女士好唔客氣，態度傲慢，語氣好差。對話如下。我：想查詢一下今晚有冇冬瓜盅？她：要訂。我：咁請問今晚有冇？她：有，要？我：哦，好吖。她：姓！我：X 先生她：電話！我：XXXXXXXX。她：幾點！我：7 點。她：你真係嚟先好，預訂要落訂金。然後我已經抵受唔住佢嘅態度，取消咗預訂晚飯，她先至話「先生你誤會啦」。估唔到未食都已經飽晒，一肚氣！睇番其他食客最近嘅食評，呢間嘢真係好有問題，有一兩位員工應該經常「上榜」。

今次係本人第一次寫食評，原因好簡單，就係「中伏」，未食過咁難食嘅酒樓！😡真係唔寫唔得，唔想再有人受害⋯原本純粹諗住同屋企人出街食餐晚飯，屋企長者話想食中式，就去OpenRice apps search觀塘區中式類食店，見呢間玉桃軒咁多好評，就即管試吓，點知就食到一肚氣⋯當晚我們一行人（5大2小）book了7:00pm枱，不過成晚都係得嗰幾枱客！另外我哋仲訂了佢哋所謂嘅熱門菜式「片皮鴨」和點了幾個家常小菜，結果⋯片皮鴨一隻，原來只係片鴨背肉，鴨髀、鴨胸肉是沒有的，問片鴨個侍應點解唔片鴨髀、鴨胸啲肉，佢竟然扮聽唔到，一枝箭咁推返架車入廚房，我行去問多次嗰個侍應，跟住有個睇嚟似係經理個女人答我話嗰啲位未熟透，唔食得，我話吓唔係片皮鴨一隻咩？點解淨係食背脊肉，佢答我係一食，唔係一隻（明明訂嗰陣和張單都係講緊一隻），佢叫我嗌多個二食（即係用嗰隻鴨餘下部份整多個餸），雖然感到唔合理，但我唔想同佢地嘈，諗住同屋企人食飯食得開開心心，所以我嗌多個二食，點知佢個二食鴨崧生菜包份量係好少嘅😢之後嚟嗰幾個餸，更加係惡夢嘅開始……脆皮炸豬手隻豬手根本冇炸過，冇脆皮之餘，個口感好似食緊燻蹄咁，吉x島買嗰隻豬手仲

其實飲茶最怕等位，不過今天因有公事在身約咗客人要在午膳時間到酒樓一敍，來到觀塘就想起從前讀書時候的工廠區已搖身一變已成為今日商業為主的寫字樓區了，等等等，在酒樓呆等咗半個多鐘還要搭枱才能坐下來😂我的点心到啦：$45 花雕醉雞，濃濃藥材花雕酒浸滿雞肉，好香$26.5 香芋糯米包，夠飽肚😋$30.5 薑蔥牛柏葉：牛柏葉爽脆👍$26.5 安蝦鹹水角：熱熱地，外皮炸得軟糯👍$42 干扁四季豆：肉碎同豆角炒得好乾身，不過有点辣👍

當晚我們點了母親節餐。7時坐下，但那些餸竟然每半小時才逐碟逐碟上菜，難以忍受。以下是我們吃的東西:1. 扁皮鴨。2. 蟹肉翅3. 黃金百花球4. 鮑魚5. 老虎斑7. 荷葉飯8. 壽包總括來說，食物還可以，但服務不好，上菜太慢，臨走前還熄冷氣!!

觀塘鱷魚恤大廈玉桃軒選擇少，價錢貴母親節前夕和家人一起來觀塘玉桃軒吃晚飯，平時只會用這𥚃午餐，第一次來觀塘玉桃軒吃晚飯，非常失望。首先，餐牌選擇不多，一份叉燒要$158 + 10%，份量很少。蠔餅一份要$188 + 10%。另外，另外強制要收兩碟前菜費用 $32！侍應說明不吃也要收費，這是劏客的表現。最後，兩大兩小吃了普通幾個餸才收費也要超過$1300！性價比十分低。不用來，沒有下次。

今日臨時臨急嚟到玉桃軒食飯，都預咗冇片皮鴨食。我哋8點鐘嚟到，職員已通知我哋快點菜，9點關門，求其點了幾個小菜，原本覺得其中王牌好食嘅菜，黑松露炒蝦球，今次味道好一般，粟米斑塊都還可以，如果咁貴嘅價錢食呢個質素，比較失望。

約朋友2:00 去觀塘飲下午茶，諗住飲完行APM, 好方便, 坐位寬敞, 見張點心紙, 有好多選擇，先點了香煎腐皮卷$17.8, 好脆口, 裡面羅漢齋材料爽口, 有木耳同紅蘿蔔絲,海皇脆脆腸 $20.8, 腸粉好滑, 中間同樣鬆脆。叫埋雞扎和瑤柱鮮蝦灌湯餃, 兩樣都係點心中的代表, 而家唔係好多間茶樓有呢兩樣點心了, 雞扎好大隻, 外面腐皮香腐竹香味, 魚肚又淋, 入曬味, 瑤柱鮮蝦灌湯餃, 好大隻, 材料豐富, 有花膠, 蟹柳, 牛柏葉$26.5，好惹味, 彈牙, 今餐真係好豐富, 食左咁多款點心, 服務都好周到,待應不時收碟, 沖水, 下次要帶家人來飲先得。

平日夜晚去食飯，點知上菜慢到死。吹一樣（餸）先至嚟一樣7點半叫上菜叫到9點半先上完。啲餸唔跟次序上都算，上到亂七八糟，上左定未上都唔知。仲有啲職員做錯嘢都冇句道歉說話，呆嘅呆，燥嘅燥，冇個樓面贊得過。冇時間冇耐性嘅話真係唔使諗。

臨近新年，年飯總是特別多，觀塘人午飯飯聚總是離不開鱷魚恤中心，整棟基本都是茶樓，價格也不盡相同。今次四人選擇了價格較實惠，性價比較高的茶樓「玉桃軒」，快速點了四人套餐。精選四人午市套餐 Set A是日精選老火湯清蒸沙巴仔整條魚有個半手掌長，偏窄身厚肉。香蔥灑滿魚身，蒸煮時間及火喉剛剛好，魚肉咬下柔軟嫩滑，魚肉鮮甜。精美點心任點三款點心，當然選擇大眾最為喜愛的三寶，蝦餃、燒賣、小籠包。單點價格較貴，列入套餐內也算是很不錯！玉桃蝦餃王蝦餃四件每件都大粒飽滿，皮晶瑩剔透厚度適中，內里蝦仁原粒爽口彈牙，肉汁豐富不乾身。蝦籽燒賣王豬肉碎作基底，面鋪豐富蝦籽。豬肉綿絮肥瘦適中，肉質富彈性，蟹籽與豬肉夾雜增添口感。上海小籠包小籠包皮厚度適中，每粒平均十多摺，肉餡及湯汁比例剛好，肉餡較綿絮富肉香，味道不錯。不過一籠只有三件小籠包，實在不夠分。特色小菜薑蔥斑頭腩煲斑頭腩份量足，有魚腩亦有魚骨，肉鮮骨香。薑蔥香氣滲透魚肉內。精選主食法式芝士焗蝦球伊麵整體來說，四人套餐有湯、有魚、有飯有點心，若果還增添糖水就更完美了。

同朋友來飲下午茶，2:00 便開始計，有優惠，比起一般酒樓更早，見點心有好多選擇，海皇脆脆腸 $20.8腸粉好滑，中間有脆網同西芹，同樣爽口。香煎羅漢果腐皮卷$17.8腐皮卷煙韌，中間包了羅漢齋，藥膳蒸鳳爪$18.8成碗藥材湯，夠足料，有杞子、桂圓，雞腳都好淋，入曬味，牛柏葉$26.5，好彈牙，好入味。瑤柱鮮蝦灌湯餃$30.5，湯底好清甜，而且驚喜地發現仲有大片花膠，真材實料。招牌煎焗魚雲$55，冇諗過原來係炸過的咁香脆，好惹味，有幾塊大的還有啖啖魚肉。薑汁燉奶$16.8薑汁燉奶好滑，有微微薑味，又唔會太辣。

今天來了觀塘探姨媽，當然要和她吃埋午餐先走，和老人家吃飯，當然首選便是去嘆下茶啦我們去了姨媽帶路的玉桃軒，嘩！一入門口，便感到這裡非常寬敞，枱與枱之間的位置很潤落，坐得非常舒服。我們叫了海皇脆脆腸、鮮蝦菠菜餃、北菇綿花雞、潮州蒸粉果、野菜鴛鴦蝦炒年糕，及薑汁燉鮮奶。點心新鮮，份量十足，上枱時熱騰騰的，味道也非常不錯海皇脆脆腸很有驚喜，吃時真的卜卜脆，口感非常好內裡還有大大嚿蝦肉，難怪那麼有鮮味啊這個炒年糕香口及惹味到不得了，不消五分鐘已整碟吃光潮州粉果外皮煙靭，餡料亦多鮮蝦菠菜餃口感很好，老人家很like 啊綿花雞非常美味，冬菇大大件薑汁燉奶很滑，滋補養顏

午市時間全場爆滿，好彩一早已訂位，所以唔需要等已可入座。點心款式很多，還有多款午市套餐，適合一班上班人士，方便快捷又唔使諗。店員有禮而且收碟又快，送菜阿姐非常有禮貌又好口。蝦餃：皮薄半透明，透出蝦肉，每隻都脹卜卜，蝦仁爽口彈牙。鮮蝦春卷：一碟四條，比平時的細一點，炸至金黃香脆，裏面包滿了蝦肉。叉燒酥：表面呈金黃色帶點蜜香，中間的叉燒不油膩。叉燒包：新鮮熱辣，麵包鬆軟帶點甜。四寶雞扎：有魚肚、冬菇、芋頭及雞肉，十分足料。鳳爪：炆至很腍帶點辣，非常惹味。脆皮燒腩仔飯：燒腩仔皮脆肉嫩，一層脂肪一層肉，入口不肥膩。

BOOK左枱食晚飯, 非圍餐事前連打2次比人CONFIRM BOOKING  十分細心當晚上到去D枱係亂加上去 為左坐多D人點完菜, 每半個鐘上一碟  份量比平時少一半 5個人6個菜 無人食得飽叫左3個飯 吹左5次先上到2個, 再吹先上齊落單又唔話牛肉無, 等左2.5HR 捉到個經理先知無牛肉 落單條友無講周圍D人叫圍餐 大家都係你眼望我眼  都係每半個鐘上一個菜,  半間餐廳都係得個等字好彩我地唔係叫圍餐, 但係1100係無人食得飽!!想去食野既人考慮清楚除左服務生啊姐, 幫我追左3, 4次 其他人都係垃圾.

觀塘區出名好多商貿工廈，就到聖誕節好多唔同既品牌都做開倉優惠,梗係要約朋友掃下貨，買D聖誕禮物俾自己同屋企人啦😄，我地買完野，就去附近嘅鱷魚恤中心嘅玉桃軒酒家飲茶，我地之前來過,鍾意呢度嘅裝修清雅高貴，濶落光猛,攪婚宴的話，都係幾好嘅場地。中午時段，客人已經好多，我地等左一陣,先可以安排到座位。紅燒乳鴿，上次食過，皮脆肉嫩又多汁，今次再叫一隻，一樣咁好食😋我地一人一隻花膠瑤柱灌湯餃,灌湯餃夠哂足料，有原隻花膠仔、蟹柳、冬菇粒、瑤柱、鮮蝦同瘦肉，清湯底又鮮甜😋海皇脆皮腸,喺呢度嘅招牌點心,今日又Encore ,粉皮包住用蝦仁、帶子粒、红、白蘿蔔絲造嘅脆脆，好鬆脆👍🏻桂花紅豆糕清甜，有兩層，上層桂花糕下層紅豆糕，紅豆夠腍😋酒家勝在座位多，我地唔需要因為多食客等位而趕住埋單，可以傾耐D🤭