犀牛犀牛 (中環街市)

營業中

休息中

之前每星期食最少兩日，因為塊捲餅皮好脆又乾身，厚度足夠，食落去外脆內軟好好食，但最近轉左捲餅皮配方，又淋又濕又薄，好難食，如果因為成本問題而將質素降低，我覺得非常之差，寧願佢加價，佢咁樣直接破壞左佢既品質，永遠都唔會再幫襯，希望佢地做返好d, 可以改善品質，老實講中環區一定係品質行先，為左賺到盡去亂改配方真係唔可取，難得一間好好嘅餐廳，就咁樣比佢地破壞左，如果係特許經營但係應該考慮要收返佢個牌，咁樣完全係做壞咗個招牌

繼續中環街市系列這家同是位於2樓的茶飲小店 犀牛犀牛各款台式茶飲出色之餘食物也很不錯❤️韓式泡菜芝士豬吐司餡料有蛋、豬肉片、泡菜等等醬汁很惹味份量也很足夠不過我外帶回家吃需時20分鐘路程吐司有點軟掉了但整體也不錯❤️芋泥生菜沙律沙律菜很新鮮芋泥份量充足甜甜的很好味❤️白桃烏龍最愛的茶飲之一無糖少冰茶味濃郁❤️炸蕃薯角新鮮炸起應更好吃跟吐司一樣帶回家已經有點軟掉❤️招牌肉蛋蛋餅這次是帶回公司吃5分鐘路程所以仍是熱辣辣蛋餅煙韌香口夾上蛋及肉片很好吃❤️鮪魚生菜沙律鮪魚本身已有調味沙律不用加醬汁都很夠味個人更愛這個口味❤️熟成百香除了果茶外熟成系列都常飲無糖少冰剛剛好不過這家店的職員手腳有點慢中午買茶飲人超級多等上25至30分鐘以上是閑事但晚上沒什麼人下單後都需要30分鐘所以建議大家用手機先下單預時間去取就比較好啦

食物本身無咩問題，最大既問題係

叫咗杯 芋圓波波熟成歐蕾話就話用meiji 4.3奶沖，但實情係成杯嘢好似只係用幾滴奶同十分一茶沖出嚟嘅咁，淡到用一杯有色嘅水形容絕對唔過份囉 得少少茶水味 好似糖都無落咁 （利申無叫少糖或者無糖）啲芋圓波波同佢 杯嘢毫無違和感，因為係一樣咁淡茂茂，0芋頭味，反而有啲芋頭碎細到沙咁，飲落會卡喉嚨😓唔明點解咁多分店🥶係中環街市呢間仲keep住好多人排隊 係咪大家都俾啲廣告ig fake咗😒總結：$39買杯水。永遠blacklist，永無下次。係試過最難飲嘅台式茶飲店。

最鍾意就係食台式嘅熱壓吐司🍞厚切面包烘到好香脆 咬落又鬆軟🔥內餡揀左花生醬棉花糖😍鹹香濃郁嘅花生味🥜再加埋拉絲甜甜嘅棉花糖🍬加埋外層麵包 食落完全唔會好甜膩🤤

🦏//🥪韓式泡菜起司豬吐司完全被驚豔❤️口感豐富 好好味！😋麵包好厚好鬆軟🍞豬肉片大塊而且肉嫩沙律醬甜甜地配上半溶芝士🧀泡菜唔辣 怕食辣嘅都唔驚蛋唔係全熟 🍳 少少糖心效果 落左黑椒調味唔知點解食到淡淡既蒜蓉味🧄所有配料都好平均 唔會搶左任何一樣嘅味道-🧋白珍珠烏龍奶茶 飲到茶味 但奶茶味偏淡🙈珍珠尚算彈牙 職員話白珍珠係蜂蜜味🍯但我就食唔出啦-一定會再食佢哋個吐司🍞 但下次應該會試下佢地其他嘅飲品😝

犀牛犀牛💛R6 鮪魚吃玉米捲餅 $42人均消費: $21 (2人)-R6 鮪魚吃玉米捲餅佢啲鮪魚(吞拿魚)好多🤤有啲似平時市面上吞拿魚/三文魚餅餅嗰啲吞拿魚啲魚係多到蓋過咗陣蛋味🤣(對我個friend🦩嚟講 係好事)落好足料同好大卷食極仲有咁但係好似青瓜多過粟米🌽不過去到最後先見到啲粟米啲粟米跌晒落個底🥺仲有個膠袋袋住個紙袋嘅捲餅 好方便😚·以上評價 同🦩一齊寫所以帶返頭盔先👷🏽‍♀️-29/6/2022 ate-好味程度：🌕🌕🌕🌕🌑抵食程度：🌕🌕🌕🌑🌑環境靚靚：🌕🌕🌕🌑🌑服務態度：🌕🌕🌕🌑🌑會回頭率：🌕🌕🌕🌑🌑·#od中環覓食之旅 #od食台灣嘢·希望疫情快啲完結啦💛大家都要身體健康💛

-犀牛犀牛又出左新既 #期間限定 冬瓜茶飲品係咁鬱悶嘅天氣 飲奶茶又解唔到喝 最啱就係來一杯冰凍冬瓜茶😍😍用上純手工製作古早冬瓜糖磚⋯古早味🆙🆙🆙💛檸檬冬瓜寒天超清爽檸檬配上甜甜嘅冬瓜茶加埋勁有咬口勁煙韌嘅寒天😍呢個配搭我好中意🫶🏻💛古早冬瓜茶呢款就會比較偏甜 鍾意飲甜度高少少嘅朋友仔就啱晒啦好香冬瓜茶嘅味道👍🏻💛韓式將燒牛五花吐司呢個口味真係 ⭐️必點⭐️之前幾次都系食蛋餅 今次就試下夾吐司🍞甜甜的洋葱配搭埋牛肉 份量都好多味道依然無變😋一樣咁好食 💛朱古力棉花糖厚切吐司同事揀左呢個超邪惡既選擇⋯超甜超膩超滿足😂我地4,5個人share⋯每人少少🤏🏻分享快樂///

食得好野多都要中下伏❗️早排去中環街市想飲珍珠奶茶🧋老實講本身諗住去茶古道買，但可惜佢太多訂單暫時唔接單😮‍💨，所以就去咗犀牛犀牛買珍珠奶茶。講真呢杯珍珠奶茶真係冇乜茶味🙁味道又太甜，珍珠太腍唔夠煙韌，整體來講真係好一般🙈*･゜ﾟ･*:.｡.☻.｡.:*･☆･*:.｡. ☻.｡.:*･゜ﾟ･*😋#kellydiscovery_food 🫶🏻#kd_food_central🫶🏻#kd_food_中環

本人好鍾意食蛋餅，經過中環街市，呢度有好多唔同嘅小店，唔夠有啲咩嘢食嘅時候，見到呢一間店舖因為有蛋餅，即刻點左一個。點了個肉鬆蛋蛋餅。唔知係咪外買嘅關，定係我冇提出，定係店舖根本冇醬汁，普通喺台式舖頭食嘅時候通常都會有啲醬汁點嘅。不過唔緊要啦打開嚟睇，份量唔算多，不過比普通的蛋餅較粗身。裏面有蛋，青瓜同埋肉鬆，可能冇咗醬汁嘅高層，略嫌有啲乾，但係整體都可以，味道OK。唔算太油膩，喜愛蛋餅的朋友都不妨可以喺呢度一試。

係中環街市嘅外賣店食飯時間1點半左右去買，等左大慨15分鐘。見到有手抓餅同吐司都好吸引，但因為已經食飽，今次唯有叫杯野飲try try先。一眼睇到就睇中左芋圓波波芋頭奶！而牛乳底就有明治無乳糖牛乳同明治4.3特濃牛乳揀。揀左明治4.3特濃牛乳，微糖微冰芋泥同芋圓份量十足👍🏻芋圓質地有咬口但糖度方面就唔似微糖，比較似正常糖，偏甜，甜到有啲蓋過左牛乳同芋泥。如果甜度可以再調整一下或者無糖可能會更好。

係完全無人排隊下，員工都可以咁唔耐煩，咁無禮貌，真係令我大開眼界，其實呀收錢員小姐，你唔想做可以辭職的。我點左芋泥肉鬆蛋吐司，淨係食到肉鬆同沙律醬既味，一d都食唔出芋泥既味道，有小小失望。整體黎講唔叫難食，但未至於好食到想成日翻食。（加上 貴店員工咁有性格，就算D野好好食都唔會再幫襯）希望 貴店重視員工對客人既態度，由第一句已經想趕我走唔做我生意咁（全程對話都無五句，可能我第一句‘唔該’已經得罪左收錢員小姐），真係好後悔點左餐。

芋泥肉鬆蛋吐司🥪($35)因為即叫即做既關係, 所以等左大概10分鐘先有, 但係我覺得係值得等緊☺️ 多士熱辣辣, 用印左店舖logo 既牛油紙包住再擺落紙盒，食既時候就可以唔洗整污糟隻手😎 芋泥勁creamy同埋濃郁, 再配埋乾身既肉鬆同滑溜既蛋, 食完一個真係好滿足, 如果麵包可以烘得脆少少就perfect 喇😍白桃烏龍🍑($32)超大一杯既白桃烏龍加寒天(+$6)簡直係絕配, 今次揀左正常甜走冰, 飲落都唔會太甜仲帶有少量桃肉, 而且寒天既份量都幾多, 所以飲完一杯都幾飽😂除左中環街市之外, 仲有其他分店遍佈新界同港島, 下次有機會想試埋蛋餅😍 手搖仲有好多其他選擇添嫁😉

中環街市翻新左之後都係第一次嚟，二樓一列外賣小食店，而呢間台灣過江龍主要賣台式蛋餅、吐司、小食炸物同茶飲之類_➤芋泥肉鬆蛋吐司🥪$35即叫即做，都等左15分鐘左右，暖笠笠，餡料份量都唔少，幾乎每啖都食到餡吐司厚度適中，但吐司似就咁加熱，冇點烘過完全唔酥脆，普通方包咁。芋泥軟綿，冇乜顆粒感，唔會噎口，但芋頭味唔算重，帶少少奶味，略嫌太甜，第一次食芋泥，比較唔到算好唔好食。肉鬆夠乾身酥脆，唔會黐埋一舊，鹹鹹嘅肉鬆加埋甜甜嘅芋泥都幾特別嘅。蛋比較薄身同過熟，對比其他配料嚟講存在感較低，比其他搶曬味，唔係好食得出蛋味。另外冇其他醬汁，好在芋泥嘅濕潤令到成件事冇咁乾，而且肉鬆好大程度上carry左件包整體食落覺得有啲甜膩，食左半件都幾滯，而且麻麻地芋泥肉鬆呢個配搭，唔太岩我地口味，價錢一般，未必會食第二次_🍽味道指數:★★★☆☆📷環境指數:★★☆☆☆🛎服務指數:★★★☆☆💰抵食指數:★★☆☆☆😋推薦指數:★★☆☆☆📍中環皇后大道中93號中環街市2樓242A號舖📍其他分店：沙田沙田正街21-27號沙田廣場3樓31E號舖沙田石門安群街3號京瑞廣場1期1樓162號舖天水圍濕地公園路9號Wetland

我好少寫食評，但係今次都真係唔寫條氣唔順。今日喺附近食完晏，想買杯台式飲品做甜品。中環街市內選擇頗多，最後揀咗呢一間。我行過去同收銀員講：「要一份白珍珠烏龍奶茶及鮪魚玉米卷。」佢即時反應係先嘆一聲長氣，再黑住面咁講（係，戴住口罩都見到佢黑面）：「你下次講咗要咩嘢食，先好叫嘢飲啦。」（按：我估因為食物同飲品可以當一個餐咁叫，但係因為我唔跟「規矩」，打亂佢入電腦嘅順序，所以嬲嬲豬🙄）我當堂呆咗，因為我係攞住張雙面外賣餐單黎叫，餐單上亦都冇寫明需要顧客叫咗嘢食先，再叫嘢飲。當下感覺非常不良好，點解呢個服務員嘅態度可以咁差！不過我冇即刻反駁佢（雖然而家諗返都有少少不忿），之後等候期間，發現佢連張單都出錯。我明明係要白珍珠，佢就出咗黑珍珠。我再走過去提醒佢，佢當時喺度同其他職員嘻嘻哈哈，對落錯單一點都不在乎，連基本禮貌都冇。如果呢間店主睇到呢個post，請你重新檢視你旗下嘅店員工作態度及表現！疫情期間，真係唔需要去幫襯呢種貼錢買難受嘅舖頭！