犀牛犀牛 (中環街市)

營業中

休息中

以前食過其他分店，一直都覺得好好食，揾到附近有就即刻沖去買😂呢間選擇相對少，冇小食同熱壓吐司😢淨係叫咗個薯泥燒肉起司蛋餅就算。keep到水準，同我係其他地方食嘅冇分别，薯泥好滑肉好多，起司包係熱辣辣嘅蛋餅入面有啲溶，配埋生菜以免太膩😋對食量細嘅人黎講，$49買呢個蛋餅已經夠飽，係個唔錯嘅選擇。

我嗌左一杯烏龍歐蕾正常冰少甜 拎到之後即刻飲一大啖 嘩 懷疑30%都係糖我驚自己味覺有問題叫朋友都試一啖佢都覺得甜到飲唔到 咁唯有同收銀姐姐講我講完杯嘢太甜啦 佢企左係到睥住我我問可唔可以沖過杯 佢就話咁你係咪要微甜 唔係少甜 搞到好似我講錯咁 仲要同佢解釋杯嘢已經超越左正常甜然後佢求其擺低左新個杯係張外賣平台 單上面 搞到我唔知係咪我既 白等左15分鐘 我又驚問佢比佢鬧其實一杯奶茶33蚊都唔係特別平 附近又多選擇 加上我唔係無理取鬧 態度應正常 唔明點咁都要受氣我唔會再幫襯

忍唔住第一次打食評極難食，作為一個芋泥控，我真係未食過芋泥係呢隻味，一啲芋頭味道都冇，加咗奇怪嘅奶味同糖 好人造嘅質感！質感係粉粒狀，唔好誤會，唔係一般食到嘅芋頭粒/泥質感，真係好怪肉鬆就唔知係咪加咗糖，總之就超級甜！係我食過最甜嘅肉鬆之前買過犀牛嘅其他分店，未至於好食，但都唔會咁奇怪！送俾我都唔食🤮🤮🤮🤮浪費quotaWorst ever taro product I have ever had🤢🤢

在lunch time有event，需要一個疾速午餐，便想到了犀牛犀牛。12:00到達門市，午餐的人潮還未至，無需排隊。旁邊就有尚未滿座的Open area用餐座位🍴💺，和垃圾桶🗑️～快快手點完 - 花生培根蛋捲餅 + 白桃烏龍 （跟餐價$20選購正價$30元以下的飲品，多了補差價）5分鐘左右拿到餐，15分鐘以內可搞定的午餐～ 捲餅的花生味太濃郁，會遮蓋其他食材的味道，若沒有特別喜歡花生味的人，建議可選別款。白桃烏龍 - 適合喜歡咬有碎渣渣的人，不會太甜膩。

假日同朋友去中環行街😋 經過見到呢間好多人排隊所以忍唔住都買返過嚟試吓～ 本身仲以為咁多人等緊肯定有排都未叫到我哋啦😢 點知10分鐘都無就有得攞嘢食！韓式泡菜起司豬呢款有得揀捲餅或蛋餅做底😛 不得不讚捲餅的確做得幾出色！落上手已經聞到好香嘅葱花味❣️ 厚度適中而且煎得好脆～ 入面包住韓式泡菜，芝士🧀️，豬🐷同蛋🥚 雖然餡料嘅份量較少但整體味道唔錯，好在卷餅夠飽肚中和返🤣

中環街市有好多唔同既外賣店，依間來自台灣嘅小食，都算幾特別，因為今日好趕時間，我只選擇左其中一個蛋蛋餅，好彩只係等左幾分鐘，熱辣辣嘅肉鬆蛋蛋餅就有得食，整體都算足料，不過份量就有啲細，只可以當小食!

犀牛犀牛是一間位於中環街市二樓的台灣小吃店，主打各式各樣的卷餅、吐司、蛋餅、厚切吐司和茶飲。他們的菜單有很多選擇，可以滿足不同的口味和需求。吃了牛肉蛋吐司，這是一個烘烤方包，夾著洋蔥、燒牛五花和雞蛋。這個吐司的肉質很嫩，醬汁很香，蛋也很滑。這個吐司的份量很足，可以當作一頓豐富的早餐或午餐。也吃了起司蛋捲餅，這是一個煎熟拌勻的雞蛋，中間捲著芝士。這個捲餅的口感很軟，芝士很濃郁，適合喜歡起司的人。這個捲餅的份量比較小，可以當作一個小吃或點心。喝了金萱烏龍，這是一種台灣特有的茶種，有淡淡的奶香和花香。這種茶飲很清爽，可以解渴和消除油膩感。這種茶飲也有很多好處，可以提神、美容、降血壓等。

Taiwanese wrap stuffed with bacon, peanut butter, cheese, egg and a tiny bit of pork floss in the middle. Tasted really delicious and it was steaming hot. Huge queue during lunch hours.

自從中環街市翻新咗之後時不時會走過嚟搵食🍻🍻成日下晝買雞蛋仔經過都留意到隔離賣台式蛋餅同爆餡吐司🥪咁啱見今日中午唔算好餓一份吐司就啱啱好一於試吓犀牛犀牛😋 .🍽️ 招牌肉蛋吐司🥪.作為食肉獸嘅我加上驚唔夠飽一間好快又肚餓😫😫就試吓招牌肉蛋味道配合得幾好有滿滿嘅菜 肉 蛋加上醬汁味道係清新嘅🫶🏻🍽️ 韓式醬燒牛五花吐司🥪.同樣地爆餡 滿足到我食慾牛五花肉夠香 配上韓式醬汁不過 一款係豬一款係牛但係兩款吐司食落味道好似差唔多🧐🧐另外買吐司或者蛋餅可以加$20自選$30以下嘅飲品一杯🥤我揀咗萃茶茉香蘋果唔難飲但都唔係好飲唔會值得俾$20❌.🌟 我當日遇到嘅店員唔差正常喎😆😆

❥芋泥肉鬆蛋三明治（$40）三文治有輕輕烘過，表面微微香脆🍞芋泥調味偏甜味道唔算好出，不過勝在份量多，加埋蛋同埋肉鬆好厚一份，妥妥嘅一份台式風味吐司🇹🇼一個女仔食嘅話真係幾飽🤣

犀牛犀牛味道評分:☄️(highest_surprise)/☀️/🌤(pass)/⛅️/💨(lowest)☀️芋泥肉鬆蛋吐司 $40一入口有種令人幸福既甜味😇係嘉頓麵包綠色包裝果隻蜜糖味，好味！芋泥好滑，少少甜甜地，可惜冇乜芋泥味🥲整體係好食既🙈開心！⛅️白珍珠烏龍奶茶(少甜少冰) 套餐+$23白珍珠個size會比我地平時啲黑珍珠大粒少少😂茶味較重會有少少苦，奶味好淡(有種用水溝落啲奶度既感覺🥲)唔識得好具體咁形容，但飲落有少少怪🥹❤️‍🔥等候時間:~10mins(應該係即叫即整👍🏻)❤️‍🔥❤️‍🔥❤️‍🔥既然你睇到尼度，不妨比個like & comment & follow me~話比我知你有睇，比啲動力我 ❤️‍🔥最後既最後，口味尼家野因人而異啦~

Weekend同朋友周圍行下，行到去中環街市，星期六日呢度都幾熱鬧，地下嗰層有陣時會有人唱吓歌，鍾意飲下酒嘅，可以落地下嗰層。一樓嗰層就有好多唔同種類嘅小食，有雞蛋仔格仔餅，炸雞，糖水，雪糕，咖啡，見到好多人買咗小食會喺側邊啲枱企喺度食，我同朋友都去湊熱鬧😆好想飲甜嘢，但係啱啱個lunch食得太飽其實都未落格，不過朋友好想飲，咁同佢一齊share 一杯啦😆買咗杯黑珍珠岩鹽厚鮮奶，好鍾意佢啲珍珠呀，好煙韌，雖然飽，但係都覺得好好飲！少食多滋味， share一半，罪惡感冇咁重。買嘢飲嗰陣，見到佢原來有賣蛋餅，即刻勁掛住台灣嘅蛋餅，忍唔住走去買咗個芝士蛋餅，個皮就薄咗啲，都好食嘅，當止吓口癮。企係側邊一路飲一路食，傾吓計，望住前面啲人行嚟行去，呢個體驗都唔錯😆

夜晚收工諗住去中環街市諗住食少少嘢跟住就去咗叫一份芝士蛋蛋餅。點知個蛋餅嘅份量係勁細份，用料亦好普通，就係可以喺超市買到嘅印度薄餅，再加雞蛋同埋芝士，同我上年食係超大對比。雖然唔係話要好似台灣嗰啲咁，但係都唔係咁過分😫！😮‍💨食落去係無味，原本以為佢會有啲特別嘅調味料，點知原來只係食到少少鹽味，更加唔好講蛋香同芝士香，😫以$32呢個價錢絕對係超貴，而且以呢個價錢會有更加好嘅選擇，以後唔會再幫襯。🫠🫠🫠🫠

今日我試咗一份套餐，有一杯伯爵歐蕾同三件炸雞塊，但係令我有啲失望嘅係炸雞塊係凍咗，好難食。首先，讓我講下伯爵歐蕾。呢杯飲品味道還可以，口感算清新。呢杯伯爵歐蕾嘅甜度剛剛好，唔會太甜，但都唔會太淡。特別係依家咁熱嘅天氣，飲一啖凍凍嘅伯爵歐蕾，都舒服同清爽。不過，呢份套餐入面嘅炸雞塊就令我有啲失望。因為佢係凍嘅，所以口感好硬，唔夠鮮嫩。雖然炸雞塊表面有啲酥脆，但裏面就好難嚼動，令我感到好難食。而且，炸雞塊嘅味道都比較單調，唔夠多元化。如果炸雞塊係新鮮嘅，味道同口感應該會更加出色。最後，我覺得呢份套餐嘅搭配唔太啱。如果炸雞塊係熱嘅同埋新鮮嘅，同伯爵歐蕾搭配都唔錯。但係由於炸雞塊係凍嘅，所以佢嘅口感同味道都好差，令整份套餐嘅口感有啲混亂。總括而言，呢份套餐入面嘅伯爵歐蕾好好味，甜度啱啱好，口感清新。但係炸雞塊嘅口感同味道都好差，特別係係凍嗰啲，令我感到好難食。如果可以改進炸雞塊嘅口感同味道，呢份套餐就會更加完美。

今日經過諗住同朋友買兩杯嘢飲解渴， 成間舖頭總共有三個女士，唔知佢哋係staff定係店主！ 不過點都好啦， 其實呢點我唔係好care。 但係我最care就係佢哋嘅服務態度， 可以話係差出全宇宙 （ 真真正正嘅宇宙最 （差）強）！ 其實啲飲品係冇問題 ，但係佢哋嘅服務態度係好有問題！ 同佢講其中一杯飲品少甜，無回應 （ 冇回應我點知你收唔收到呀 ）， 兩杯嘢飲總共幾多錢又唔講出聲， 到兩杯嘢飲ready，都冇人出過一句聲…… 我仲以為我喺度幫襯緊一間專請聾啞人士嘅社企！ 定係我去咗 “A Quiet Place"？ 一有少少聲就會被異形殺死？？講真我一定唔會再比第二次機會呢間店， 如果冇幫襯過呢間店嘅朋友，其實都可以唔需要去貼錢買難受。 呢間店喺中環街市活化後出現，簡直係一個污點！ 衷心希望佢哋可以盡快消失，真係唔想呢件老鼠屎影響到一個咁有特色嘅地方/景點。