牧羊少年咖啡館 (Fashion Walk)

營業中

休息中

今日約左好耐無見既朋友一齊食飯最後揀左呢間餐廳夜晚七點幾去到大概要等廿幾張枱拎完飛就去附近行下 大概45分鐘左右就有位 坐低之後用電話落單叫左小食拼盤 韓式泡菜西班牙豚肉長通粉 仲有杯凍抺茶可可朱古力 首先黎既係小食拼盤大大盤 乜都有啲 岩哂同朋友一齊share蕃薯條好出色 炸雞翼都好正 韓式泡菜西班牙豚肉長通粉有少少辣不過配埋有忌廉又好出奇地好夾好好味一啲都唔濟 越食越好味添通粉好有咬口 唔會煮到好爛 好鍾意 仲有杯凍抺茶可可朱古力好濃朱古力 入口仲有抹茶味估唔到又係好夾 其實仲好想叫甜品不過真係好飽等下次再試喇

人氣文青cafe是日到訪位於銅鑼灣鬧市中‘’牧羊少年咖啡館‘’"The Alchemist cafe"牛油果香芒烤雞沙律 $108超級豐富，有芒果、車厘番茄、牛油果、雞肉、沙律菜、火箭菜，好新鮮，好清新，沙律愛好者必食 💯💯💯是拉差醬法國雞翼 $68雞翼炸到金黃色，香脆肉嫩，配上醬汁，少少辣，惹味香口👍👍👍流心蛋卡邦尼長通粉 $108當流心蛋遇上卡邦尼，攪拌後，每條長通粉都幾乎沾上香濃蛋黃汁和卡邦尼醬汁，超creamy 👍👍👍總括而言，每次食都keep到水準，難怪人氣十分高企，有興趣嘅朋友仔要關注喔，溫馨提示，平日假期都會見人龍，等候需時，建議先網上訂座後才到訪。

牧羊少年咖啡館（3.5/5分）餐廳位於銅鑼灣Fashion Walk係香港第一間以旅遊為主題既咖啡店除咗提供餐飲服務之外牧羊少年初時仲會定期舉辦同旅遊、藝術、文化公益相關既活動經過咖啡館幾次都見幾多人排隊今次11點幾入座時間較早所以唔洗排隊等位服務態度好用餐時間入座起計個半鐘Brunch 有兩款選擇 ，今次揀咗英式早午餐 $118推介 法國核桃杏脯包配埋挪威煙三文魚同意大利黑松露醬炒滑蛋一齊食Granola 希臘乳酪係意外驚喜包底有少少核桃甜脆，煙三文魚咸香炒蛋加淡淡黑松露既香味絕配日落巴黎 英式窩夫配雪糕 $108(可以選擇 朱古力或士多啤梨味) 上碟個下我 嘩咗一聲，因為一個人絕對食唔曬好大份係三人份量窩夫食落感覺比較軟軟的，雪糕不過不失Brunch會跟餐湯，因為我唔想飲湯所以轉咗沙律熱美式咖啡☕️味道唔會太酸太濃Lunch Menu揀選完食物等餐時間可以閱覽一下牧羊少年咖啡館既文化歷史總括食物質素份量足環境舒適

繼續雙魚月慶生飯😜朋友請我食我超中意嘅牧羊少年❣️灸燒荷蘭汁豬肉排呢塊豬肉排超腍身、好Juicy🤩朋友講笑話無牙都食到😆荷蘭汁係芝士汁，豬肉排仲食到淡淡燒烤味✨金沙鹹蛋黃鳳尾蝦意大利粉雖然呢個意粉偏膩但每條意粉都沾滿鹹蛋黃香😈無敵邪惡！鳳尾蝦爽口彈牙有蝦味🥰牛乾菌汁雜菌大啡菇意大利粉呢個意粉食極都仲有菇菌！同頭先個鹹蛋黃意粉交換咁食😚一膩一輕盈，啱啱好啊！法式蘋果撻 配 雲呢拿雪糕黎到牧羊少年我必叫呢個蘋果撻🤤撻皮酥脆，蘋果甜甜！熱辣辣嘅果撻配凍冰冰嘅雲呢拿雪糕🤓正呀！是日蛋糕 - 特濃朱古力蛋糕第一次食呢度嘅朱古力蛋糕🤗夠細滑、濃味，同朋友都一致好評😉自家調配菠蘿特飲酸酸甜甜，好解膩！藍莓奶昔朋友呢杯奶昔好Creamy，唔算太甜😇佢次次嚟到都會叫架！牧羊少年咖啡館 (Fashion Walk) (銅鑼灣)銅鑼灣記利佐治街11-19號Fashion Walk地下17號舖

第一次認識呢間餐廳係喺太子，一直想試但都未有機會後來銅鑼灣開咗分店就即刻去食，真係好有驚喜，一直都想再訪當晚約左朋友係銅鑼灣食飯，因為朋友未試過，所以就提議食呢間(˶‾᷄ ⁻̫ ‾᷅˵)以咖啡館裝潢黎講，餐廳比我既感覺係較為華麗採用左落地大玻璃所以通透感十足，而且店內燈光柔和氛圍好好✨-是拉差醬法國雞翼 ＄68💰雞翼炸到好香脆，而且肉汁豐富唔會好乾身配搭埋是拉差醬香甜帶點辣好惹味-千島香芒牛油果雞肉薄餅 $138💰上枱已經覺得賣相好靚好吸引🤤薄餅底好脆口，但又唔會過硬Pizza材料配搭真係冇得輸，入口好清新-冬陰功海鮮長通粉 $118💰香料味同酸味都好出，比想像中辣但好惹味而且酸酸地好開胃，完全係唔夠食太出色😋-旭日 $58💰好清香，甜度剛好🥕🍍🍊

餐廳位置方便，出咗地鐵站，行2分鐘就到，內燈光柔和，很有情調，座位舒適，同朋友傾偈一流，食完仲可以去行街。不過最重要當然係食物，全部食物嘅用料都好高質，好好食😋 價錢亦相宜!!蕃薯條，雖然只係表面微脆，不過好有蕃薯味，平時成日食薯條，而家食蕃薯條更有新鮮感，感覺非常脆，又甜。沙律🥗 ～ 沙律菜好新鮮， 口感夠脆，醬汁係醋，配牛油果，好正！ 材料亦好豐富，蝦又多又大隻，仲要好爽口，好鮮甜， 口感好。餅底脆，驚喜！批邊烤得微燶好fluffy，真心出色，材料好足，食得好飽好滿足！ 整體來說，餐廳的食物質素都唔錯，而且都價錢都好相宜，值得再來。

▪️牛油果香芒烤雞沙律 $108芒果好甜，雞肉幾淋滑，牛油果生熟度剛剛好，撈埋芝麻醬同生菜一齊食，食落都幾開胃，成個沙律好豐富，想叫一個ʟɪɢʜᴛ啲既ᴅɪsʜ呢個係一個唔錯嘅選擇▪️小食拼盤ɢʀᴀɴᴅ sɴᴀᴄᴋ ᴘʟᴀᴛᴛᴇʀ $𝟷𝟹𝟾▫️坎伯蘭腸▫️煙辣腸▫️雞翼▫️八爪魚丸▫️春卷▫️薯角全部都熱辣辣，但味道就普普通通，唔算有咩驚喜▪️日式大阪燒風味煙三文魚薄餅 $128完全係俾佢個名吸引咗😂第一次食大阪燒嘅薄餅第一次食大阪燒嘅薄餅，加埋三文魚又幾好味喎，餅底又唔會太油膩

❤️牧羊少年咖啡館❤️店舖位於銅鑼灣人來人往嘅商場地鋪全日都要排隊 如果要食記得提早拎定飛🌈英式早午餐All Day Breakfast份量足一份有齊蕃茄/黑松露醬炒蛋/挪威煙三文魚/雜菌/法國核桃杏脯包/露筍/Granola希臘乳酪/黑松露豬肉腸🌈南瓜湯🎃淡淡嘅南瓜味 應該有blend埋cream入口軟滑細膩 而且係靚靚橙黃色上面仲會有啲herbs點綴🌈蜜糖芥末蕃薯條🍟🍠大碟又好食😋 蕃薯條外面好脆入面蕃薯夠甜又軟滑配返鹹味蛋黃醬可以點 又甜又鹹好過癮😂🌈香草蒜茸牛油焗春雞配燒汁及炒露筍孢子甘藍&新薯🥔一上碟熱氣騰騰 有半隻焗春雞略微overcooked咗少少 雞肉有少少鞋唔夠滑 燒汁亦淡咗啲香草蒜茸牛油嘅味道停留係雞皮入面嘅雞肉冇乜味道 小小失準🤨🌈是拉差醬法國雞翼第一碟上嘅小食 又邪惡又惹味好食😋炸得啱啱好 超級脆嘅炸皮入面雞肉嫩滑個是拉差醬應該係餐廳自家調製嘅有啲似水牛城汁嘅味道再偏辣少少👍🏻👍🏻🌈瑪琪雅朵咖啡Espresso Macchiato略略細杯咗啲 真係要慢慢一啖品嘗味道一般冇乜特別 🌈白桃烏龍茶飲落去好大陣香甜白桃味但睇真啲係茶包沖製不過係午市套餐配嘅算啦🥲

聖誕🎄嘅dinner，由於我地book左staycation，所以就簡簡單單叫外賣就算啦～今次住Park Lane係銅鑼灣，所以就叫左附近嘅牧羊少年咖啡館嘅外賣😁自己不嬲都幾鍾意呢間餐廳，而外賣仲有折，所以好快就揀好左啦～BBQ青椒手撕豬薄餅 ＄128 🍕呢款Pizza嘅用料都十足，面頭灑滿左青椒🫑﹑芝士🧀﹑手撕豬🐖同埋意大利人大忌🍍（波羅）Pizza係用類似餅乾底個款做成嘅，咬落十分香脆，係我自己鍾意嘅款式。不過overall黎講，我地覺得個Pizza味道不太豐富，就只有單純手撕豬個陣陣嘅鹹香味。食過牧羊推出嘅另外兩款Pizza︰千島香芒牛油果雞肉Pizza，千島海鮮Pizza都更加出色啊👍🏻韓式泡菜西班牙豚肉長通粉 ＄108🍝呢款我都幾推介大家試試～ 自己一向都幾鍾意食韓國菜，無諗過mix埋落西式度都幾好味😍～ 韓式辣醬食落去辣辣地又帶有甜味，所以唔係好食辣嘅朋友都可以試下👍🏻豬腩肉用韓式辣醬一併炒香，所以入口都十分惹味香口。而且醬汁都整得幾creamy，推介大家試下～韓式洋釀雞翼 ＄68 🍗所謂嘅韓式洋釀應該就係韓式辣醬，配上大量嘅炒香蒜。食落其實淨係focus左係蒜嘅味道上哈哈

之前在不同地方見過牧羊少年咖啡館，每次都見很多人排長龍，所以一直沒有試。今天剛好早上11點在銅鑼灣想找餐廳，很多都要12點才開，而這間11點剛好開，大好機會當然決定去！.一坐下先打開OpenRice看看食評，除了很多like外，竟然完全零負評，真的嗎？.之後由點餐開始明白為何零負評，我又多了一間十分喜愛的餐廳了😊😊餐飲時間為1小時45分鐘，很合理，比個半小時多15分鐘，沒那麼趕👍如果每枱坐多15分鐘，其實餐廳少了很多收入，可見還是挺體貼食客，讓大家好好享受吃飯的時光和食物😊.🎈餐牌午市套餐約$100，包湯包飲品，以銅鑼灣來說絕對合理，加上食物質素和服務態度，還有所包飲品都好讚，個別特飲，例如人參烏龍茶、水果茶等都是免費包的。😊.🎈食物評價👇英式早午餐 English Brunch $118 包湯包飲品.材料豐富麵包脆口，好好味Granola 脆口，不硬三文魚兩卷，而每卷攤開有3件兩條腸唔太鹹下次試下個素款🥑🥬.👇水果茶餐飲本身也包一些”特飲”，例如這個果茶是免費包的，茶味濃😊 .👇藍莓乳酪飲這杯好似加$12定$16，好好飲，可選走冰。.👇餐湯.🎈總論非常推介，怪不得長期排長龍，又沒負評

呢一間第一次食真係覺得好驚喜！之前經過見到好多人喺門口排隊！今次終於到我去試果然冇失望！叫咗個甜品 蘋果批新鮮即叫即整，仲有個雪糕係面！雪糕Mix蘋果批個感覺好新鮮！

呢間沙田店食過2次晚餐，只記得有免費泊車🥳🥳銅鑼灣店第一次午餐，就留下深刻印象：忌廉湯內有薯蓉，鰻魚上枱原條大大件，賣相已經靚仔👍重點係配沙律醬用日本芥辣輕輕調過👍講真鰻魚邊度食或者自己煮都係差唔多，配料好重要👍👍炒蛋：滑蛋帶蛋汁👍美中不足就係枱細左少少🤏有機會會再去

上網睇有好幾個KOL recommend牧羊少年餐廳，於是約朋友去銅鑼灣分店試下到底係咪真係有咁好味😍見到menu有個幾特別嘅fusion菜，叫做日式大阪燒煙三文魚pizza $68有少少辣但係可接受嘅辣度黎～pizza上檯夠熱，不過留意返佢冇厚批，鍾意食厚批嘅人可能未必鍾意呢隻口感，但係味道係好味的！！而朋友就叫咗個喇沙鳳尾蝦義大利粉，上檯已經好香，酸酸辣辣幾惹味，蝦好爽口，見D野食質素唔差，我哋再追加個是拉差醬法國雞翼，雞翼炸到脆扑扑,非常香口，雞肉好滑，熱辣辣好好食！實在冇推介錯！

第一次嘗試牧羊少年係太子，佢而家銅鑼灣Fashion Walk都有分店，真係好方便！其實佢意粉方面個個都好好食，但特別想推介嘅係黑芝麻咖啡，芝麻味好濃仲可以咬到一啲芝麻嘅粗粒，我每次去都會叫！

牧羊少年係一間香港好早期發展嘅咖啡店，經過銅鑼灣見到佢個裝修同以前嘅風格好唔同，於是來試一試佢！佢個價錢唔算好貴，不過份量都係偏細份而且銅鑼灣呢間店舖都幾細間，繁忙時間多數都要搭枱或者要等半個鐘以上，座位與座位之間嘅空間好少好逼夾是拉差醬雞翼 $68個雞翼炸到好香脆，雞肉都幾肥美，鎖住左雞肉汁，加埋佢呢個有少少泰式帶點芥末味嘅是拉差醬好好食！個豬肋骨烤到啱啱好，豬肋骨肉質好細嫩，完全唔似食緊豬肉！個烤豬汁都好好食，甜甜既燒烤醬好惹味，甜薯都炸得好好食，外脆內軟，點埋佢個沙律醬！正！長通粉就一般般，醬汁唔係太多，黑松露味唔算好突出，份量偏小，不過幾啱素食人士，正常嘢囉