牧羊少年咖啡館 (葵青劇院)

營業中

休息中

要係葵青劇院睇舞台劇, 於是揀左隔離的牧羊少年食晚餐, 由於無得訂檯, 所以諗住早少少去等檯, 入面冷氣位唔多, 侍應著我地係出面位置坐住等..........雖然早有早準備既隊長已經貼左蚊貼, 但著住裙既我仍然覺得對腳好痕, 如果大家要坐出面感受自然, 請準備好一切防蚊物品!我地6個人叫左個4人餐+2個意粉, 其實個餐都幾多野食, 有沙律, 2個main, 大食拼盤, 小食, 窩夫同埋飲品, 如果真係4個女仔食, 應該食唔晒. 大食拼盤真係有好多野食, 全部煎炸, 都唔會炸到油"林林", 係隻蝦就"un"左少少至於個buffalo wings就有點失望, 佢唔係唔好味, 炸得似KFx的炸雞, 但buffalo wings唔係有層辣汁包住既咩? 失望位係同我食開的buffalo wings有出入~ Main courses, 我會覺得個肉醬意最好味, 因為佢偏乾身, 唔係茶餐廳燴意粉果種, 唔駛好似食湯意甘, 而且意粉唔會煮到脹晒, 食起上黎有D口感, Pizza都唔錯, 係home made style, 如果D料可以鋪出少少, 去到近邊既位置會更滋味.去到甜品窩夫, 都幾大客, 味

The decoration and the atmosphere here always attract me, feeling peaceful in such an elegantly decorated place.I was looking forward to the latte art coz I heard the barista got so many awards but turned out I only had a normal latte art awBut the latte was pretty impressive. It gave a nutty coffee flavor with a creamy texture. The balance of milk and coffee was just right!

第一次黎呢個間餐廳,環境好令,坐得好舒服水牛雞中翼,炸得夠脆,好香口好食芝士肉醬薯條,見到已經覺得邪惡,上碟熱辣辣香噴噴,白色的芝士好食,少少酸,再配肉醬薯條簡直一流呢個沙律都好食,提子清甜,整碟酸酸甜甜好開胃同埋賣相都好令,加分松子薄荷墨魚意粉,隻汁好怪,唔好食原粒荔枝水果茶,荔枝大大粒,口感一流,甜度岩岩好~ 

星期六晚來到這間店 都多人等位 如果你想坐室內 我等一張枱都等了差不多20分鐘 但幸好早一點到 因為之後已經不安排等室內的位置了等了20分鐘 終於入了室廳內我都好耐冇食過呢間餐廳今次一食 依然好好味 餐牌都更改了我跟1位友人一同來試 我們叫了一個正餐意粉 一個大食既拼盤同一份waffle甜品黑椒味十分濃 但其實係好好味既 意粉彈牙 煙韌 但由於我跟朋友都不是黑椒fans。。食到中後段 我地都覺得有點on.fire的感覺 哈哈 很吸引 岩曬為食既大家入面超多款 有雞翼-好味呀 又皮脆肉滑墨魚丸-好彈牙 入面有墨魚粒架司華力腸-好正 有咬口 好香肉味薯塊-正 脆 而且油份不多炸蝦-脆脆既外層包住嫩嫩既蝦肉 炸蟹-脆脆既外層包住嫩嫩既蟹 比一般酒樓更好吃春卷-多料 皮做到好薄好脆咖哩角-事實上我覺得同春卷內既材料差不多 但都是好香脆的炸洋蔥圈-香脆整個小食拼盤我十分滿意炸物雖然多 但完全沒有油膩感食物香口 又多款 岩曬為食同想食多d款式既我原味窩夫+朱古力雪糕+朱古力醬+香蕉窩夫雖然冇咩味。但如果你加上朱古力醬同雪糕都ok的 而且窩夫好厚 做到又好脆 但咬下去中層又鬆軟既感覺把配料與窩夫一同

雖然香港大極有個譜，但將軍澳人一諗到朗屏人又要係大熱天時貢出去九龍區咁遠，於心不忍，就搵左間一家便宜兩家著既cafe—牧羊少年咖啡．茶．酒館（葵涌）。Cafe位置好易搵，只要你搵到葵青劇院，行入去，唔好掛住低頭襟電話就會見到。Cafe本來有分室內及室外座位，可惜當日狂風暴雨，所以只可以坐係室內。　雖然無緣係露天地方嘆coffee，但牧羊少年既室內環境都足以彌補我地既失落感。簡約既室內設計、充滿情調既歐美流行曲、隨時間改變既燈光光暗，直教人儘管將一切煩惱拋諸腦後，盡情享受當下既寧靜氣氛。言歸正傳，今次推介既食物有西班牙咖啡、凍榛子朱古力＆比利時之戀。西班牙咖啡—朗屏人飲完第一啖，粒聲唔出，隔好耐先見佢拎黎飲。平時唔好咖啡既將軍澳人一試，咖啡味偏淡，係一杯帶有淡淡苦澀味既凍飲。朗屏人最後表示，都係甜甜地既咖啡岩佢飲啲。凍榛子朱古力—同其他cafe一樣，朱古力面都會有一層cream，哩度就額外附加一粒榛子。哩杯係將軍澳人人生第一杯既榛子朱古力，飲落感覺同普通朱古力差唔多味，但勝在有濃厚既朱古力味。比利時之戀—曲奇雪糕唔會太甜，但將軍澳人就比較鍾意將窩夫配煉奶食。同場仲有轉一轉，舔一舔既ore

牧羊少年三間舖都去過，但最中意都係葵芳分店一黎地方夠大，二黎地點就腳。今日晚餐叫左set dinner，可任選一個沙律，兩個主菜，兩杯特飲(不限價錢)，同有兩份cheese cake，$298，價錢還可以。兩杯特飲單叫都要50蚊一杯，所以叫餐較平。份量偏少，典型地x蜜桃，地x最偉大係提供左罐頭菠蘿，蜜糖，唔無出產奇異果等水果，個醬都ok香，因為牛油果醬較健康，所以叫依款沙律。雜菌意大利燴飯，個味有啲古怪，酸酸地咸咸地，好似有啲醋味咁，個人認為難食。雞胸肉忌廉意粉，個汁做得好好，夠creamy，雞肉都唔鞋口，都幾好味，意粉韌度適中。水牛芝士雞翼，雞翼似老麥果啲，配芝士唔太夾，成個味都好咸。不過雞翼都炸得幾好。雞翼係用優惠價加48蚊叫的。cheese cake細細件又幾好味，有少少咖啡味，正！小朋友都食得好開心架呢👶🏻👶🏻👶🏻

星期五同朋友去咗呢間新式嘅西餐廳，試咗一個二人餐，價值$298。大約等左半個小時，我們先等到有冷氣嘅室內位置。餐廳內環境尚算舒適，主打年輕旅遊感覺。我哋兩個人叫咗一個二人餐，套餐包括兩杯飲品、沙律、兩個主菜及甜品。飲品我哋叫咗蘋果蜜桃手打綠茶及青蘋果梳打，蜜桃手打綠茶果味濃郁，好Fresh；青蘋果梳打則較酸。值得推薦的是煙三文魚凱撒沙律，有四大塊炸麵包粒，好脆，生菜新鮮，三文魚好大塊。主菜叫咗牛肝菌意大利飯和煙肉拿破崙扁意粉。牛肝菌意大利飯的意大利飯好硬，但牛肝菌好入味;煙肉拿破崙意粉就好惹味，但不太喜歡上面的酸忌廉，太酸。甜品係藍莓芝士蛋糕，芝士忌廉好實淨，落足料。順帶一提，餐廳的服務質素頗好，店員雖然年輕，但很有禮貌。總括來講，主菜味道不俗，用餐環境及服務態度良好。

<<牧羊少年咖啡．茶．酒館>>是適合細味生活、談天說地的好去處! 在公眾假期，四處人多車多的情況下，便想想到這裏享受慢活的時光。。。餐廳以咖啡館西餐廳作為招徠，All Day Breakfast也是招牌菜!我跟友人便點了拿破崙雞肉意大利粉($64)、All Day Breakfast Set B ($80)，互相Share，要特別注意的是：飲品跟餐(星期6、日、公眾假期另加$15)。拿破崙雞肉意大利粉配料好豐富，不得不提的是意粉上的忌廉慕絲及碎芝士醬，把它慢慢拌合微酸的拿破崙意粉，口感更有層次感。。。而且配料有雞肉、磨菇、蕃茄片，吃得滋味又有營！可惜餐湯只有雜菜羅宋湯，否則可以試到煮忌廉汁的功力！餐包也没有焗過。。。All Day Breakfast Set B外觀好吸引，但味道就一般。。。香腸吃下去感覺實而有彈力，只是外皮未煎至金黃色、及脆皮！燒烤菇比較熟，没有水份比較乾＠＠　雞蛋還停留在半熟的狀態，有嫩滑的口感。可見廚師烹調時間掌握不錯，還在半熟的狀態便要離火上碟。路易博士奶油焦糖茶的味道清而不膩，令人喜出望外！茶包內中含有奶油焦糖碎片，當打開茶壺蓋

high tea 係OK 的，4個人order 了3個餐，唸住不要食得太飽，所以這個份量是OK 的，賣相都幾好，都幾有心思，咪道方面薯條是好過M記的，又長又大條，只是不夠薯味！D炸野方面魷魚圈就一般，應該是D油未夠熱時就拿去炸，所以成口油！個包都幾好食，又大個，加埋D料豐富，份量足夠，沙律菜夠新鮮，沒有苦味，配埋D醬一流！三文魚都新鮮，只是簿了一點，但配埋D蛋都幾好口感。

本身在葵芳上班的關係，很多機會會經過葵青劇院旁的牧羊少年餐廳。白天從外面看來，一直以為這家餐廳是類似快餐形式的，原來晚上是完全不一樣的感覺。前幾天終於有機會跟同事到此共晉晚餐，餐廳分為室內及室外，兩者的燈光都調得暗暗的，非常有情調。當天天氣有點熱，我們選了室內的座位。餐牌上可選擇的菜式不是很多，最後三個人點了三道菜及飲品。最先上的是前菜拼盤，拼盤內共有九種小食，如炸雞翼、香腸、炸蝦等等，真的好有PARTY的感覺。說真的，味道沒有太大驚喜，只是真的非常熱氣。剛炸起的時候吃也不錯，因為我們要吃其他菜，所以有三份一是留到最後才吃，放涼後的雞翼及薯皮真的很硬。這個意大利粉很乾很硬，好重的黑椒味，但是鴨胸很腍，整體感覺一般。這個PIZZA上面的炸蝦是跟拼盤的一樣的 ，哇！是六隻，每人可以享用兩隻，好熱氣！不過這個PIZZA好好味，個青瓜味好清新，跟千島醬汁出奇地配合。海鮮有炸蝦、墨魚仔、蟹柳，好豐富，值得一試！蜜桃紅茶味道偏甜，不過夠大杯，正！ 整體來說，食物還可以，但環境非常好。

原本我和男朋友今晚打算去銅鑼灣吃飯的，但他下午突然要去荔枝角見客，於是我們把晚餐地點改為葵芳。由於他要拿很多東西，包括工事包、手提電腦和雨傘，我們要找個座位較寬敞的餐廳，結果就選了這間牧羊少年咖啡.茶.酒館。其實我早已聞說過牧羊少年的大名，一些文青舊同學對這餐廳評價不錯，今天經openrice 才發現，原來他們在葵青劇院有分店，既然順路，不妨一試。 餐廳正門是一個帳篷，旁邊有一個很大的燈牌，即使在晚上也不怕找不到餐廳。由於不能訂座，我們7時多到達時，室內已經滿座了，我們只能坐在帳篷中，想不到星期一的晚上也那麼多客人光顧⋯⋯其實我是有少許失望的，因為聽說室內環境和情調不錯的。 店員招呼我們到一旁坐下，枱椅都是實木造的，坐得久時導致我屁股有點痛😅 帳篷內較為昏暗，主要照明只有幾盞吊燈，天花下還吊著一串串的黃色LED燈作裝飾，每張桌子上有一枝玫瑰花作點綴。我留意到每張桌上的玫瑰花是不同顏色的，我們的是紅色，隔離桌是粉紅色的。隔離室內還傳來陣陣悅耳的歐美流行歌，如果這時桌上能加一個小爉燭，氣氛將會變得相當浪漫呢。我最初還怕帳篷裡會很焗很悶熱，幸好今天較涼快，而且帳篷也不是密封的

通常約朋友食飯嘅地點不外乎旺角尖沙咀銅鑼灣今日難得在家附近都搵到一間高水準嘅餐廳當然同住係紅色線末端嘅朋友舉腳贊成位置座落於葵青劇院 分別設有室內同室外室內燈光擺設同氣氛令人放鬆適合情侶二人世界或三五知己閒談二位朋友已經選擇好今晚晚餐帆立貝南瓜汁意大利飯 另配餐湯 餐包餐湯: 洋蔥湯唔同一般餐廳嘅洋蔥湯 濃郁而帶有絲絲洋蔥 將餐包沾湯更能用餐湯的熱力將牛油同餐包混為一體 係自己比較喜歡的食法南瓜汁意大利飯 份量適中 意大利飯唔會煮得太淋夠咬口醬汁還算多 每一啖都可以品嘗到醬汁帆立貝相對之下煮得過火 有少少鞋 不過份量足夠水牛雞中翼望落去好似好乾 但咬落好juicy不過要小心d汁 因為剛煮好有點燙口點附設沙律醬可以蓋過雞皮的油膩感建議先食一隻原汁原味 另一隻再沾沙律醬食芝士肉醬薯條個人對芝士薯條情有獨鐘今次芝士薯條能帶比我一隻新鮮感受芝士同肉醬絕配 芝士加薯條又能將薯條層次提高牧羊少年將三樣材料放在一起 絕對係聰明做法一開始先要將材料混好 免得食到最後只有薯條幸好芝士用上比較淡味的一種 否則加上肉醬就會令整個菜式都變得太鹹一定要襯熱食 凍左芝士硬左凍左就浪費牧羊少年的芝士肉醬薯條已列入再

同舊同事成年無見係時候update下大家近況，佢仲推介左位於葵青劇院附近嘅尼間餐廳。餐廳嘅裝修很別緻，而且環境很寧靜，非常適合談天說地，講耐左都唔會俾人趕走嘛。由於我哋都遲收工已經響office打定底，所以今餐淨係叫左一個小食 - 芥末豬髀仔, 88蚊同兩杯嘢飲吹水。個芥末豬髀仔一共四隻，每隻均塗有厚厚的芥末醬，襯肉類一洗。豬髀仔燒得微焦，食落口肉汁四溢，岩曬我這個鍾意啖啖肉嘅人。另外，朋友叫左杯蘋果蜜桃鮮打綠茶，賣相好靚，頂層伴有蘋果及蜜桃切片，朋友話甜度適中，好好飲。我則是點了榛子coco朱古力，盛惠35蚊。除了濃濃的朱古力外更頂層更有厚厚的cream,睇落已經甜入心。入口香濃充滿了朱古力味，加上忌廉的綿綿口感，暖暖入心，如何能抗拒呢？我們於餐廳逗留了約兩小時，邊吃小食邊喝飲料地交流，的確令人滿意！

雖然鄰近的新都會廣場中西食肆多的是，但其實在新都會廣場附近不遠處的葵青劇院內還有一間「牧羊少年咖啡茶酒館」也值得一試。想當年，「牧羊少年咖啡茶酒館」的老闆，曾經在長沙灣開過一間名叫「秘密花園1981」的咖啡店，大受好評，自己也曾慕名前往，對那兒的「士多啤梨朱古力」熱飲更是一試難忘。到了後來，「秘密花園」不知何故結業，之後老闆另起爐灶，開了一間以旅遊為主題的咖啡店，取名「牧羊少年咖啡茶酒館」，更是成功，大受顧客歡迎，店舖也由最初的一間開到現在的三間，而且最近還在尖沙咀商場 K11開了一間「牧羊少年創意咖啡館 by GABEE」，走更加型格和高檔的路線。這一天，我與老婆仔經過大半天蹓躂，來到葵芳，已是下午五時多。想早點回家的我們，決定在附近吃點東西便回家，我想起葵青劇院內正有「牧羊少年」的分店，便決定前往看看。真好，這兒的午餐雖說是午餐，但供應時間原來到下午5;30，正適合想提早吃晚飯的我，於是便與老婆仔一起入內。侍應問我們想坐室外還是室內，我見室外的環境都幾寧靜特別，就對她說想坐室外，後來當我進入店內一看，竟發覺陳設與氣氛跟太子店相差不遠的室內竟是非常熱鬧，不少男男女女正在裡面用餐，心想

來過數次，餐廳分開室內外兩部分，無論室內室外都很滿意，真正咖啡館的味道。特別選定過了最繁忙的時段，才品嚐一個悠閒早餐。早餐與晚餐不同，要親身到收銀處落單。製作花了一段時間，但慢工出細貨，果然沒有令我失望。包熱帶軟，薯餅即炸，很脆沒帶半點油，可見油夠熱才下鍋漢堡扒很美味，沒有乾的感覺，也沒有燶味，轉眼被消滅了。炒蛋可算是整個早餐最完美的，滑得來有蛋味，很多餐廳為了滑而將蛋溝稀了，卻失去了蛋味，這裡拿捏得很好!!跟餐點了肉桂蘋果茶，香味&味道也很美滿。 唔夠喉，再點了焦糖mocha，咖啡與朱古力味很平衡，焦糖甜度剛剛好，劃上一個完美句號。