牧羊少年咖啡館 (葵青劇院)

營業中

休息中

今日迎黎左一個非常沉重既消息，所以決定食好少少。去左葵青劇院地下既呢間cafe個消息沉重到令我冇乜胃口，所以就咁嗌左個三文魚沙律，點知都幾大兜。啲菜都幾新鮮爽口既，麵包粒麵大粒而且脆卜卜。蕃茄大蝦意粉都係我地鍾意既味道，大蝦新鮮有咬口！榛子朱古力上面竟然有一大pat cream咁邪惡，不過唔理lu個cheese cake真係不得了，已經成年冇食過元X,佢令我搵番X氣cheese cake既味道，好感動！（太鍾意食，每次去都一定會嗌）間野燈光間間地，幾有feel,亦有戶外座位，坐得幾舒服😌

叫左一個lunch set 蕃茄火腿長通粉 有餐湯同一杯野飲$78 超抵平時散叫都過百 餐湯係南瓜湯都好飲 唯一係個意粉有啲咸 其他都好ok推推 環境又舒服又靜 最近仲有裝修完 有outdoor同indoor簡 我坐outdoor(好彩未有蚊)係葵芳難得有咖啡飲又唔紅唔藍

星期日既下晝想搵間cafe坐低食下野，hea下，黎呢間牧羊少年咖啡館就岩啦。呢到地方都算大，雖然天氣有啲熱，但因為入面冇位，我地都揀左坐出面。其實坐低左又唔會話好熱，佢都有帳幕遮下太陽，唯一唔好就係有蚊，大家可以噴定蚊怕水。.野食方面，唔知點解menu得pasta，不過都ok照揀到。揀左個青醬雞肉意粉同黑松露雜菌長通粉。兩個都好好味，青醬意粉加左啲松子仁，意粉夠硬有口感。啲雞肉仲煮得好淋，有肉汁。另外個黑松露長通粉都好香，食到最尾有少少鹹，但個醬好香。意粉配埋野飲，我地揀左熱蘋果肉桂同冰果茶，幾得意，出面都冇咩地方飲到蘋果肉桂。個冰果茶有橙蘋果，少少橙酸味，夏天飲岩哂。我地仲嗌左個牛柳粒，都好好味。個醬岩岩好唔會太鹹，個牛都煮到岩岩好唔會太老。整體黎講，用餐感覺良好，侍應都serve得好好，會再黎試下其他野。

得知佢啱啱裝修完，所以同朋友就想試。🍝星期日晏就烈日當空☀️，不宜坐户外，而入面咁啱有位👍🏻叫左4款野食，千島海鮮pizza：係薄批但唔會焗到好乾，同千島沙律醬配合得好好，怕切痕唔明顯，再附上刀。每一塊的料都分配得平均，擺盤上有心思。🍕小食拼盤：每一種食物大約3-6件，薯角薯仔味👍🏻，同埋有兩款沙律醬選擇👍🏻青醬蘆筍雞肉意大利粉：橄欖油好香，同青醬夾埋啱啱好，不過青醬有啲鞋，蘆筍同雞肉火喉拿捏得到，滿意👍🏻都幾期待個甜品，可惜個pancake出面好硬，入面唔紮實，近乎無粉漿，士多啤梨jam同雪糕正常，pancake反而最麻麻。不過要提：裝水的杯有唇膏印🤷🏻‍♀️

其實都唔係第一次去牧羊少年食嘢，之前去過太子分店，今次就去有室外座位嘅葵芳店。簡單叫個lunch set，有湯有包仲可以補差價叫嘢飲個卡邦尼真係好香蛋黃味整體好creamy，美中不足有少少太多汁。

開心星期五當然要出街食晚飯，呢間個名好耐以前已經聽過，但未食過，今次終於有機會試下。上網search，menu好似無變過，但都有唔少粉絲等位食，心理上都對呢間有翻d信心。紐西蘭肉眼中間好大舊肥膏同筋，要花氣力切走先食到d肉，肉眼質地較韌同鞋，但都有肉味，薯條好幼，好似幼過老麥，感覺有d空，其實味道係唔差，價錢合理，不過有少少改善空間。千島海鮮薄餅餅皮好薄，配料都多，芝士適中，雖然等耐少少，但都值得。疫情關係，座位有限，所以等位耐咗少少，可以理解。

裡面有好多書嘅真文青cafe，以前十八廿二讀緊書個陣成日去太子店hea坐，懷念拎住本旅遊書加杯咖啡扮文青嘅日子😂📚早排武漢肺炎冇咁嚴重個陣去過葵芳店，有室內落地玻璃位又有露天茶座，下晝曬下太陽食個飯咁勁寫意⛱🔹羅勒青醬鮮蝦意大利粉 $72🔸cafe latte $36青醬意粉同餐牌圖片相符，青醬多到變綠色，意粉食落多汁又cream cream地咁，配料有蝦有菇，加埋松子同芝士，味道多層次，啲松子粒粒又有咬口，杯latte夠大杯慢慢飲～平日食可以免費跟$40或以下飲品，星期六日就跟餐飲品半價，跟埋餐湯/沙律。其他lunch set仲有意粉 飯 burger 烏冬 全日早餐 沙律大把選擇，最好係分店多，總有一間係左近～牧羊少年咖啡館葵芳興寧路12號葵青劇院地下2號舖

係咁多間牧羊少年裏面，最鍾意都係葵青劇院呢一間嘅設計。天氣好嘅時候，可以坐喺出面感受下清幽嘅環境，有時又可以坐喺入面，聽住音樂同朋友隨心傾吓計。今日同朋友坐咗喺室內，入面裝修好文青。有啲旅遊書同postcard，燈光比較昏暗，但係每一處嘅設計得好有心思。我叫咗個窩夫食。朋友就叫咗一份小食拼盤。然後我再嗌左伯爵茶。牧羊少年嘅食物一直都好有質素，窩夫脆脆地，加上綠茶雪糕味道剛剛好。士多啤梨都好新鮮。朋友鍾意窩夫加cream，我個人就唔係咁鍾意食cream。 朋友嘅小食拼盤就係炸嘢比較多，有炸薯條，同埋如果冇記錯好似係炸墨魚丸，朋友都覺得滿足

要係葵芳搵間舒適既cafe,牧羊少年cafe係一個唔錯既選擇。呢度既價錢唔算太貴，仲要有室內同室外，如果想空氣流通啲可以坐室外，而我哋今次就坐咗室內，因為我地覺得有啲熱。我哋一行兩個人叫咗個雞翼同埋意粉，意粉係lunch來的，而雞翼係下午茶，侍應好好人，俾我地坐到2:30先叫另一個餐。之後仲叫左兩杯飲品，都幾大杯，我地都坐左個幾鐘，侍應態度都好好，不過好明顯人手不太足，侍應都幾忙，呢度食物味道都唔錯，又唔貴，性價比幾高！

今天帶媽媽去這家文青咖啡店吃下午茶，這裡的裝修很有文青風，坐得很舒適。我們點了迷你煙三文魚漢堡包，本人覺得賣相還可以，但吃起來麵包比較乾身，評價一般。黑松露薯條值得一試，薯條幼身，炸得很鬆脆，上面灑滿黑松露，沾沙律醬吃非常好吃。媽咪都吃不停呢幫媽咪點了一杯熱朱古力，上面都是雪凍的cream，吃起來媽咪說像雪糕，朱古力不太甜，她非常喜歡。我就點了焦糖茶，熱熱的焦糖味，非常特別。總體來說，這個下午茶如果十分滿分的話，我會給六至七分

/✴️黃店之選！放假特登搵間黃店幫襯下😋依間都叫出名既黃店！lunch啲野都唔貴下值得黎懲罰下佢👏🏼.💥羅宋湯睇圖都見到好足料下，完全冇偷工減料！酸甜味岩岩好呀🤩跟餐送架🤣仲送一個超足料既餐包🥖.💥日式燒汁牛肉意大利粉（$68）正餐到啦上到黎個賣相有啲似係茶記果啲中式牛肉炒意粉🍝但係高級啲既，黑椒味都重😂如果比我簡多次我唔會再簡佢🙈隔離飯好似香啲😌

星期六下班後，到了劇院附近的牧羊少年咖啡館午餐。平日上班的日子一般比較難等位，今日等候了5分鐘便有了。餐廳分了室內或室外，今日我選擇了室內，比較寧靜。午市套餐包括餐湯及餐包，隨餐可享飲品半價優惠。今日點了厚切烤雞扒漢堡配薯條，加配了Ice Cappuccino。厚切烤雞扒漢堡配薯條 $72 新鮮的沙律菜，蕃茄。肉質鮮嫩的厚切烤雞扒配上竹炭漢堡，香脆薯條，美味😋Ice Cappuccino $34 以半價享受，香濃咖啡味道配上圖案，值得一試。

去到2019年最後一日，去葵廣行街，食好啲唔想掃街就去左呢間牧羊。好彩我哋早食，估唔到呢個日子都會多人。室內已經滿哂，我地坐係出邊戶外嘅座位，幸好唔算大風同凍。（環境有點暗，可能較光啲個螢光幕睇餐牌）叫咗套餐，係幾抵。前菜沙律，份量ok，算係新鮮。小食可以揀三款，左係牛柳粒，右係帆立貝。牛柳粒就硬左小小，味道剛好，蜜糖唔會過多。帆立貝煮得幾好，加左柴魚上去又會再香啲。八爪魚併腸仔，正常。要左咖喱雞配珍珠飯，味道唔錯，咖喱唔算辣亦唔咸，幾香。千島海鮮簿餅，幾好味，餅底脆口唔硬，醬又唔會過多。叫啲暖笠笠嘅榛子朱古力，我覺得甜左啲。我比較喜歡自己個杯薑茶，飲完好舒服。抹茶拿鐵，個拉花好靚。支持💛

係葵青劇院參加完個活動之後要醫肚，近近地黎左呢間cafe食個lunch！侍應一開頭問我要坐出面定入面，雖然天氣涼涼地，但都係想坐入去，暗暗地食飯好似舒服Ｄ！lunch set揀左carbonara，my all-time favourite! 首先上個羅宋湯同麵包，個湯酸度同咸度都適中，麵包如果輕輕焗返熱佢先上會好Ｄ！意粉好快就送上！份量足夠，幾香芝士味，意粉亦唔會過林，醬汁稀度都適中，不過不失！飲品加多少少錢，要左杯熱irish coffee (whisky+cream+coffee)，whisky味好強，配埋cream同咖啡就中和返，唔錯！

葵芳地方比較大，又可以坐露天，呢個天氣係出面吹下風真係好正！除左芝士蛋糕唔好食之外（3款都唔好食！藍莓、朱古力味道唔出，好膩）其他主食都好食！佢其他即制甜品都要等60分鐘，可以一來就落單先！（就係因為其他要等先叫左芝士蛋糕）拼盤普遍的好食，最好真係款多有8款（洋蔥圈正！）又有3個醬，炸得幾香脆！意粉叫左3款，全部都鐘意，醬汁夠濃味，意粉彈牙，料都算多，就算係素意都好多料，值得一讚！呢間算坐得chill 又好味，價值又唔會貴得太離譜，可以encore