牧羊少年咖啡館 (葵青劇院)

營業中

休息中

疫情期間，牧羊少年推出咗外賣自取$80優惠套餐，有意粉+野飲+蛋糕，都幾抵食！三文魚籽車打芝士蝦意大利粉三文魚籽用黎整意粉都幾有新鮮感，D蝦都算大舊同埋都彈牙，芝士味都濃，幾好食!明太子鮮蝦意大利粉 睇落份量唔多，但其實都夠食!明太子再加上芝士粉，D蝦都爽口，意粉彈牙煙靭同埋夠哂D汁，幾好食!藍莓芝士餅、紅絲絨蛋糕一向都鍾意食牧羊D甜品，正常水準，好食!美中不足係件蛋糕痴咗小小上個盒度～ 檸檬利賓納好飲！整體黎講，牧羊D野食一向都有返咁上下水準，信心保證。疫情期間既外賣自取套餐真係幾抵食，值得嘗試! 我去買當日都無乜人幫襯，希望多D人可以幫襯下！

今日同朋友出嚟食飯，太耐冇見啦，抗疫左咁多日見疫情穩定少少就出嚟傾吓計啦。因為都擔心，所以都盡量搵一啲防疫好啲，同唔好咁擠迫嘅餐廳啦！呢間餐廳非常之啱心水因為座位非常之歡堂，枱同枱之間都有一定嘅距離，所以食得都好放心。食物質素都好好，啲嘢食好精緻，啱晒我呢啲貪圖美色嘅人啦。咁識落個質素都OK嘅。餐廳好好氣氛，係一個好適合傾偈嘅好地方。我諗下次都會再嚟。另外都想睇一睇個食物嘅份量我就覺得好足夠啦，尤其是個甜品-窩夫。兩個人食都食唔晒。超級抵呀！

是日上半場同姐妹們掃完葵廣，覺得都係要食個正餐dinner，和你eat一search, 附近選擇唔多, 知道牧羊少年咖啡館出名, 雖然冇book檯可能要等位, 但係係黃店就一定要go喇!下雨天, 去到冇位, 等左陣, 侍應安排左室外既位置俾我地. 姐妹推介話呢間樣樣都好味, 完全唔會點中伏, 所以我地最後揀左:1. 明太子鮮蝦意大利粉 🍤🍝果然唔錯! 驟眼睇好似有d乾身左d, 但食落就岩岩好! 意粉軟硬度適中, 蝦正常爽口! 2. 珍寶雜扒大會 🥩🥗🍟呢個大會有雞扒豬扒魚柳薯角同西蘭花! 事隔差唔多兩個月, 剩係記得個豬扒真係好腍身!! 好好味!! 😋3. 千島海鮮薄餅 🍕好足料!! 鮮蝦蟹柳魷魚!! 薄餅底唔太厚身唔太薄身, 所有野都岩岩好!! 🤩4. 抺茶朱古力冰沙 真係太鍾意抺茶加朱古力呢個combination!! 🥳 抺茶味再多番d就perfecto喇! 食完傾左陣計侍應都冇趕我地走, 但為左再去葵廣血拼, 歎左陣就走嚕! 👋🏼

如果來到葵芳，我覺得葵芳地鐵站附近的牧羊少年咖啡館餐廳都係不錯的選擇的，因為環境清靜而舒服，最近裝修完成更加美觀了！而且食物質素都不錯呢！ 例如我自己叫了個煙三文魚意粉餐，個西蘭花🥦湯都有驚喜！

這間餐廳有幾間分店，尖沙咀，沙田，葵芳等！今次去的是葵芳的分店，位置方便容易搵到，在葵芳地鐵站C出口，過去對面葵芳劇院，幾分鐘就到了！點了一個三文魚子鮮蝦意粉🍝：蝦肉好大塊又彈牙，一啲也不楷，芝士不會太濃非常啱我，三文魚子通常用在日式餐廳的壽司，現在用在西式餐廳的配搭也有創意！出乎意料之外的是有少少辣（非常非常少的微辣），我不吃得辣也接受到！吃到去帶出了另外一種感覺！另外叫了一個英式早餐：我不食黑松露的，所以叫侍應走了黑松露！🙏🏻有鮮奶奇亞籽布甸，奇亞籽也是一種健康的食材，含有高鈣的物質！另外還有煙肉，車厘茄，煙三文魚......好豐富的all day breakfast 😍

夜晚去，唔洗等就有位坐。咁岩落完雨，地下濕濕地，我地坐露天位。不過個環境好靚，好岩打卡。嗌左3碟5個人食，啲侍應都好好有主動比一人一個碟比我地。份量充足，又幾好食。

環境一流，有我鍾意嘅outdoor😍 , 仲要唔係對馬路，雖然天氣係熱，不過我本身唔怕熱，所以一定係坐出面，淺啡色嘅木檯，上面擺咗小盆栽，係我好鍾意嘅配搭, 位置喺葵青劇院側邊，感覺更有文藝氣息。🎻點咗個雞扒配牛角包，44蚊，如果用份量去衡量其實唔貴，因為除咗牛角包同雞扒外，仲有蛋，火腿同餐飲，但如果用質素去衡量就唔抵了，因為雞扒真係好雪味，牛角包好油，唔脆，唔香，唔新鮮🤨餐飲要咗煎米茶，當然都係茶包，幾香，唔錯。

牧羊少年葵青劇院分店重新裝修又重開了，這晚特地去試下有沒有很大改變。新裝修以白色為主，看上去比較簡潔。餐牌也是新的，可是食物價錢和原來的相距不遠，也是親民價。晚飯時間很熱鬧，差不多全部滿座，這裏好的地方是不限時，聊天也比較寧靜。點的沙律很合口味，因為入面有提子、木瓜、生菜、沙律菜、藜麥等，清新又健康！煎帶子大大粒，肥美又啖啖肉，啱我！明太子大蝦意粉比較濕，份量都算多！入面有大大隻蝦，爽口彈牙，意粉質地都軟硬適中，配上三文魚子賣相不錯。整體來說新店的食物和未裝修前差不多，價錢也差不多。在沒什麼西餐廳選擇的葵芳，它不失為一個不錯的聚會選擇。

有事所以成日來呢邊，雖然唔係近新都會個邊，呢邊得佢同一間劇場，但正因為咁好大的室外空間坐！不過今日太熱無坐出面，入面位就比較少，要等位，不過佢等位有張大籐登坐下等都ok!Breakfast around 40蚊， 可以好好坐低食來講性價比唔錯，午食係意粉menu, 叫左個鮮忌廉帶子意粉🍝，配餐飲，98蚊加一，意粉好好食，口感很好（個人鐘意偏硬身），鮮忌廉好香，不過就唔滑身，同拌得唔均，要自己再撈，整體唔咸但奶香重，鐘意！帶子有2粒，夠大，係焦過另上，嫌老左少少，但都無雪藏味，整體係幾鐘意的～餐飲唔洗另外加錢的選擇都幾好有十款到，叫左款生薑蘋果茶，暖下胃，可以加熱水，唔錯幾香！鐘意到想買茶包！呢個價錢我覺得性價比唔錯，唔到話好平，但環境同食物質素唔錯，傾下計幾舒服！

大蝦明太孑意粉🍝.厚厚嘅明太子味加上魚子，好正🤤意粉淋身，份量夠我哋兩個女仔share🤗黑椒牛柳粒，有少小失望，唔夠熱都偏向多油，睇落有啲肥，味道正常，但保温方面要注意⚠️同下次要叫少油抹茶朱古力😻呢個都幾好飲

除左新都會，葵廣之外諗唔到食咩就黎cafe 坐下其實就不抱期望，因為我食過太子分店，好差！雖然都係意粉基本野，小食都係，仲有意粉份量唔係好足夠不過意粉同雞翼味道都冇失望！ 好食，而且keep 到水準😍😍

⭐️牧羊少年今年四月裝修，停業一個月，五月開番，今次係裝修後第一次到訪⭐️裝修後，性價比顯著下降⭐️黑椒鴨胸意粉$88+1⭐️星期六並沒有set lunch，而且份量偏少，大概三至四圈意粉已經食完，味道正常，略偏咸⭐️雞肉磨菇Pizza $118+1⭐️薄底pizza，pizza邊脆，似餅乾。⭐️蘑菇好多，但整體pizza好濕，因芝士並不是鋪上蘑菇上面，而係係餅面上。芝士、蘑菇+雞肉三樣野唔多夾。⭐️裝修後，最大分別是室內的設計風格變得時尚，户外座位增加。⭐️葵芳新都會及葵涌廣場都好旺，牧羊少年位置大概係上述商場五分鐘距離，來到呢到可有私人空間。但餐牌在裝修後貴$30起，價錢對比食物份量，要再想想。

餐廳室內室外都設有座位，而露天座位比較多。下午茶時段人流相對較少，是個享受悠閑時光的好地方。英式窩夫 配雪糕 (草莓 | $68)• 設有香蕉朱古力、草莓及焦糖蘋果選擇。• 窩夫外層口感帶點香脆、內層則保持鬆軟，配搭奶油或是雪糕一齊食更加滋味。• 旁邊的士多啤梨是酸溜溜的，怕酸的朋友要注意了。• 隨餐會附送指定飲品一杯，算是性價比頗高的下午茶之選。藍莓芝士餅 ($42)• 芝士餅口感香滑濕潤、芝士味香濃突出，而且硬度適中，整體不會太膩，很適合做下午茶。• 藍莓味道清新自然，為芝士餅帶來獨有的微酸和藍莓香。• 隨餐同樣會附送指定飲品一杯。

牧羊少年咖啡館 💛葵芳💛-🔍Lunch set：鮮忌廉菠菜長通粉 $68Creamy濃濃嘅忌廉菠菜汁，混合芝士嘅味道，雖然個人覺得唔係太鍾意呢種味道，食落去有啲奇怪，但鍾意creamy嘅人應該幾鍾意-🔍 加小食：拉差醬雞中翼 $48比較鍾意呢個雞翼，熱辣辣脆仆仆😋，第一下咬落去仲爭啲俾佢啲熱嘅油熱到🤣 特別佢嗰個醬汁好吸引😍 小小辣，好正🤤。 --食物質素：6/10環境：8/10回頭指數：5/10-📍 牧羊少年咖啡館 (葵芳)葵芳興寧路12號葵青劇院地下2號舖

小弟第一次出po，淆淆地，揀返間食開lunch既飯堂黎攞個頭彩順便賀一賀佢裝修完之後感覺煥然一新~~牧羊少年喺葵芳都開左6-7年時間，由於位置剛好在食肆密集地帶的邊緣，而且旁邊就是開放式設計的葵青劇院，配合門前一大片難得一見的空地，一開始就成功吸引了一眾文青少年注意，喺葵芳呢個舊區中成功跑出！當然，如果食物質素冇返D保證，又點能夠喺「新都會 X 葵廣」兩大熱點夾擊下成功生存呢？小弟個人黎講係好鍾意食好西...餐，Burger/意粉/Pizza/薯條...等等肥到爆既都係我至愛而我最常食既，就係呢度既意粉喇！！就好似今日介紹既明太子鮮蝦意粉，雖然望落去份量細細，但鮮蝦份量十足，明太子加芝士粉調味，仲有三文魚子作為配襯，淨係講口感都夠回本有餘~ 牧羊少年既意粉一向都偏向彈牙煙靭同埋較為粗身，鞋鞋地既質地會容易D沾滿醬汁，所以我都好鍾意佢既意粉~至於大家鍾意與否真係視乎各人口味了~牧羊少年另一個賣點，就係佢充滿誠意既果茶喇！(因為我對咖啡冇乜心得) 平時午餐係包一杯凍果茶的，而佢地果茶既質素，都非常唔錯~ 主要飲到果味既清甜而唔係糖漿既味道，作為文藝中...err...青年，呢種甜度真係啱啱