牧羊少年咖啡館 (屯門市廣場1期)

營業中

休息中

凍果茶 - 好香嘅橙味，清甜，茶味ok，無苦味，正白桃烏龍茶 - 未飲已經有好香嘅白桃味，飲落，有少少白桃嘅白味，但唔甜，正雲士雞肉藜麥香米飯配炒鬼佬雜菜 - 好健康嘅餐單，雖然又雞肉、又藜麥、又雜菜，但好好食，佢個雲士雞肉入面嘅汁，好有KFC嘅蘑菇飯味道，而d雞肉，好滑，又唔會熟過頭。龍蝦汁鳳尾蝦意大利粉 - 龍蝦汁本身都好食，但佢仲要好大方有成5-6隻大蝦，值得一讚，唯一可能係要批評係辣少少，話雖如此，佢同以個價錢黎講，都值返晒

今日就去扮吓文青，所以就揀咗間Cafe去食下午茶，見到都有好多人推薦呢一間所以就入咗去食！-1.英式窩夫配草莓雲呢拿雪糕配奶泡咖啡 $92 首先個賣相都幾靚，而且窩夫都有啲士多啤梨果醬裝飾，窩夫上面都有啲糖霜，窩夫食落去又脆又軟，有輕微嘅空氣感，而且個雲呢拿雪糕好滑同埋淡淡嘅雲呢拿香，士多啤梨配埋啲果醬食好香甜。咖啡就好香豆味仲要拉埋花。-2.伊雲士雞藜麥香飯配黃金蕎麥茶 $82首先飯粒粒分明，有紅蘿蔔洋蔥配搭疏菜磨菇汁，而且雞肉分量都有5-6塊，好嫩滑，啲醬汁唔會膩，都幾清爽。蕎麥茶仲有個茶包，令茶味好突出。-3.厚切芝士豬扒漢堡包配凍檸茶 $72首先佢個麵包都幾厚同幾脆，豬扒都好大塊，唯獨是個豬扒可以再多汁啲，不過佢成個組合都好match，同埋有啲生菜清新啲，檸檬茶個茶底都ok唔錯-總括嚟講食完都好飽，而且個環境好舒服，唯獨是服務質素可以更好。

其他分店都食過今次就去左屯門分店🤣等位都等左幾耐下🥱忌廉鮮菌日本帆立貝意大利粉 $98意粉煮得軟硬剛好 好彈牙🍝配料有新鮮嘅草菇同三粒大大粒煎過嘅帆立貝掛上忌廉汁加埋上面有芝士碎 🧀入口香濃又唔會好膩香草蒜茸牛油焗春雞(半隻)配燒汁$138雞肉嫩滑juicy 配燒汁係最match🍗我連雞皮都食埋😂配菜個薯蓉都好好味🥔抹茶可可朱古力 $52兩層分明嘅抹茶同朱古力🍫🍵飲到濃厚嘅黑朱古力味同時抹茶味無被掩蓋到仲有超級邪惡嘅cream☺️

今日放假陪2小姐去整野，Lunch中場休息，肚餓添，不如出去試下牧羊少年聽人講味道都ok.依家真係要多謝網上拎飛呢個系統 Lunch時間我地拎到網上飛，去到都見到吾少人等，其實我地去到過左2個號碼，好彩可以補返，等左太約5分鐘就可以入去

裝修很好，很舒服，坐位很寬敞，不會因為要坐多幾枱客就安排得密密麻麻，傾計都不用就住就住，侍應更值得一讚，年青有活力，主動及有禮，實屬難得，我叫了一個和風pizza,一個牛油果雞意粉，一個春雞，pizza很好食，賣相很討好，很脆，足料，而意粉就有少少唔夠味，要加辣椒仔同黑胡椒，春雞嫌有點細雞（$138），但配菜好食，尤其係個薯蓉，真係想一食再食🤭，用餐期間，不停主動斟水及執枱，很好，下次會再來，很好食

-牧羊少年咖啡館今日做完facial 去左屯市食晏見好耐冇黎食過 就望下有冇menu update 左平日下午都好多人 拎飛果陣要等10個排左大約30分鐘先有得坐而家冇左下午茶餐 得lunch set 包左餐湯 主菜同飲品一杯✨香草青醬雞肉蘆筍意粉（$98）賣相相當唔錯 材料豐富 意外地幾好食有nuts， 洋蔥， 菇，大量蘆筍同 雞肉雞肉肉質嫰滑入味 蘆筍都好爽口 唔會好油 調味都剛剛好 好唔錯呢！✨餐湯- 薯仔煙肉湯真材實料既薯仔蓉 好香 好綿滑 唔錯 ✨熱白桃烏龍茶非常香既白核味陣陣飄出嚟~ 唔錯😋整體黎講 呢度野食其實都高質以Lunch 黎講有啲偏貴 但服務都好唔錯既個個都好有禮貌👍

第一次去牧羊少年，因為以前每一次都見到好多人排隊等位，而唔鍾意等位嘅我今次見只需要等兩張枱，所以好快就有位啦😁雖然佢哋好多客人，侍應都好忙，但我仍然覺得佢哋好努力希望做好佢嘅Service，無論我提出轉位，又或者我見到佢哋嘅大書架有疑問，佢哋都係好耐心咁幫我轉位，亦好有禮貌咁向我解釋原來佢哋嘅大書架咁多嘅書係做「漂書」，可以隨便攞嚟睇，如果想攞返屋企，只需要放$10落去捐款箱就可以攞走，對於帶小朋友去嘅家長，又或者一個人去食嘢，呢個都係一個幾好嘅環境同服務👍🏻食物。。。。。。。。。。。。。*Lunch set - 有餐湯同嘢飲1. 紅菜頭香芒葡萄藜麥沙律配蜜糖芥末醬 $98- 紅菜頭同芒果份量比較少，菜嘅份量就幾多，味道亦清新好味2. 紅酒燴牛肋條藜麥香米飯配炒鬼佬雜菜 $92- 牛肋條夠味亦夠霖，分量及味道亦OK總括嚟講，一個舒服寬敞嘅環境，好嘅服務同好嘅味道，再加上合理嘅價錢，難怪經常都係要排長龍入坐

這間餐廳有咁多分店，但今次都只是我第一次試，全因為每次想食既時侯門口都超多人。難得今次係平日下午茶時間，唔洗等位，當然要試下是否真的咁出色！餐廳環境幾清雅闊落，剛巧我地可以坐到窗邊位，景觀開揚，感覺不錯。下午茶MENU都好多選擇，原本想叫蘋果撻，可惜當日無提供，最後我同朋友2人叫了：｜炸法國雞翼配酸忌廉蕃薯條  $52｜(Rate: 6.5/10)｜英式窩夫配雪糕  $78｜ (Rate: 8/10)｜跟餐配冰果茶 （走甜）｜(Rate: 7/10)炸法國雞翼配酸忌廉蕃薯條  $52 (Rate: 6.5/10)［前提：由於當天冇蕃薯條，改了用普通薯條。］-  可能MENU的圖片實在太靚，雞翼一到的時候我打左個突，這個擺盤會唔會太頹。-  雞翼看上去冇乜特別，就是炸了的雞翼，炸皮不脆，不過味道上加番唔少分，厚肉及多汁，幾好味。-  薯條賣相好似已經話你知佢係淡然無味。果然，薯條真係冇味，仲有少少乾，一定要點茄汁。其實佢仲有配酸忌廉，但好難食，苦澀的。｜英式窩夫配雪糕  $78｜ (Rate: 8/10)-   這個賣相不錯，但份量不算多，窩夫SIZE偏少，得兩塊。伴碟有香蕉片、朱古力雪

食物：燒汁焗八爪魚丸🐙食完第一次之後，每次去食牧羊少年都必嗌嘅，真係好好味。啱啱出爐嘅話，外皮有少少脆，裏面彈牙，點埋啲燒汁，真係一流！-白酒香蒜意大利粉🧄正常發揮，要注意有少少辣味。-千島香芒牛油果雞肉薄餅🥭🥑呢個有啲失望，個pizza好厚，同之前尖沙咀分店食嘅唔同。仲有啲配菜可以擺靚啲，有一塊竟然可以得一粒雞肉同車厘茄，皮邊仲有好多位。撇除以上，味道係幾fresh，牛油果好飽肚。-抹茶可可朱古力🍫可可偏苦，夾埋甜嘅抹茶，超夾～-是日蛋糕-荔枝玫瑰芝士蛋糕🍰超甜，好甜嘅人都食唔到…—-服務：Waiter會主動fill水，有禮。—-環境：屯門分店坐得好闊落，同人都隔得遠啲，裝修有書房feel。

之前聽人講過而間人氣既咖啡館, 所以就揀左平日試一試, 估唔到屯門都咁多人, 我地等左差不多40分鐘先入到去, 入座時, 見門口已經貼住停止拎飛, 可想而知係幾多人食。食物質素, 賣相都對得住café, 價錢就比一般café貴啲, 野食冇咩令人不試不可既, 比較有記憶點就係慢煮豬鞍, 如果冇咩人排都可以試下既。冰水果茶 ($46)比cocktail大杯少少既份量, 水果味偏淡。日式醬油蝦 ($98)約10隻, 味道都幾好, 有醬油香外都有帶點甜味, 亦都彈牙。白酒香蒜蜆肉意大利粉 ($108)份量偏少, 男士食既話就未必夠, 但蜆就新鮮的, 冇沙, 不過而個款都偏穩陣, 好少會難食。香煎加拿大保濕豬鞍配蘋果泥 ($158)最好味而道菜, 豬鞍好厚, 邊位微焦, 切開係淡淡既粉紅色, 結實得利都保留到少少肉汁, 但最最最可惜就係唔夠味, 放多少少鹽同黑胡椒會更好, 配菜都有誠意, 唔係就咁白灼, 都有啲味道, 薯蓉好出色, 好好味, 豬鞍連埋薯蓉食好好食。法式蘋果撻 配 雲呢拿雪糕 ($78)男朋友最鍾意食既甜品, 而度都整得好食, 撻皮脆身唔會太厚, 肉桂唔會太濃好搶, 蘋果份量多,

之前試過尖沙咀分店, 今日試下呢間又有咩唔同先, 唔駛點等位好快就可以安排入座, 環境都幾舒適, 加上個場都幾大, 好想坐窗口梳化位, HIGH TEA打卡一流南瓜湯 - 南瓜蓉湯藍莓奶酪 - 好FRESH既感覺, 幾好味煙三文魚凱撒沙律 - 生菜好新鮮, 配埋醬汁就有個正字燒汁焗八爪魚丸 - 八瓜魚丸好彈牙, 好味是拉差醬法國雞翼 - 炸粉比較厚, 味道有點辣, 但肉質嫩鮮忌廉黑松露醬雜菌長通粉 - 濃濃既醬汁撈落長通粉到, 令到每條粉都有黑松露醬汁士多啤梨雪糕窩夫 - 賣相好吸引, 窩夫好鬆軟總結 : 不錯既餐廳, 會再有下一次

其實之前試過將軍澳分店，今次入嚟屯門同朋友聚會，見到有即刻想試吓，結果係冇令人失望！午市時間有送餐湯，南瓜湯味道一流，非常重味。午餐方便，我哋叫咗兩個，一個係三文魚芝士長通粉，另一個係蒜香蜆炒意粉，兩個我都有食，味道真係冇得頂。如果唔鍾意食芝士嘅朋友，可能會覺得芝士長通粉略嫌重味，不過個人就十分喜歡，再加少少胡椒粉，簡直係絕配。另外自己其實唔係咁鍾意叫香蒜蜆炒意粉，因為成日覺得啲蜆會好有海水味，影響食物味道，不過今次佢哋處理得好好，意粉大少少辣，可能蓋過咗蜆嘅腥味，今天來講非常唔錯。最後我哋叫咗兩份小食，一份係小丸子一份嘅雞翼，個雞翼簡直係冇得彈，必食之選！如果醬料方便可以多少少選擇，就會更為理想。

之前食過喺尖沙咀嘅分店 覺得唔錯 咁今次嚟到屯門 就嚟呢度拎飛試下啦 星期六夜晚七點鐘嘅時間 門口排咗超級多人 等咗一個鐘到就終於有位啦呢到裝修都幾靚 好有格調 好啱約埋三五知己一齊嚟呢度傾計食飯 不過佢呢度有限時 90分鐘 所以大家就要留意下啦 主食方面 白酒香蒜蜆肉意大利粉 都幾惹味 而且蜆肉都唔少而個鮮忌廉牛油果雞肉長通粉 都好creamy雖然唔係好食得出有牛油果 但係忌廉味好香 而且長通粉煮得啱啱好 唔會太淋本身我哋想要番薯條嘅 但係因為佢話今日番薯條冇曬貨 所以就畀咗普通薯條我哋個薯條我就覺得一般 炸得麻麻地 酸忌廉醬好淡口 所以如果下次食返蕃薯條嘅話呢就會比較好 壓軸登場嘅就係抹茶可可朱古力 我覺得呢杯嘢好好飲能 首先抹茶同朱古力好夾喇 而且佢上面有 一pat cream 撈埋落啲抹茶朱古力而且成杯嘢嘅甜度啦都啱啱好 好正! 雖然個價錢係有啲貴 因為54蚊一杯嘢飲嚟講加埋一都差唔多要60蚊一杯 但係我覺得都幾值得試下! 整體嚟講呢度無論環境啦 服務態度啦 上菜嘅速度啦 同埋食物質素 我都覺得非常唔錯唔怪得長期大排長龍啦!

每次經過都好多人今次見等十張就決定排一排， 最後都等咗差唔多半個鐘～ Lunch Set白酒香蒜蜆肉意大利粉$108蜆肉分量都唔算少但係食落冇咩味咁 Lunch Set鮮忌廉野菌三文魚長通粉$98長通粉軟硬度適中，配上鮮忌廉野菌，唔錯 ！炙燒荷蘭汁豬肉$78呢個豬扒出奇地好食又唔會好嚡，食落好軟熟！小食拼盤$138拼盤有兩款腸仔，薯條，春卷，八爪魚丸同雞翼，份量超多但味道就真係一般！ 牛油果香芒烤雞沙律$118牛油果分量好少，普普通通 日落巴黎$108窩夫正正常常， 超飽肚

等放假就同一家人去。 屯門嘅牧羊少年餐廳喺屯門市廣場 基本上一早七點嘅時候就要排好耐嘅時間。 建議大約六點至六點半。 等候嘅時間就會比較少一啲點咗 蜆肉意粉/ 牛油果忌廉雞肉長通粉 /一個小食拼盤再加多兩個小食（ 豬排再加牛肉粒）大家睇下個豬扒嘅份量一啲都唔少。而且食落去都唔會好乾身。 不過個蛋黃醬製有啲 膩嘅感覺。 其實本身豬扒都幾夠味嘅 。建議啦可以減少一點嘅蛋黃醬去進食咁個蜆肉意粉啦。 超多蜆喺裏面呀。 味道都幾好食。呢個就係另外一個小食牛肉粒。 佢裏面呢都比較厚身啲。 咁廚師控制生熟嘅程度都幾好嘅。 食落口唔會有柴嘅感覺依一個牛油果忌廉雞肉長通粉。 個人就覺得十分出色。 好香嘅洋蔥加牛油果味。下次我都會再食一間餐廳