牧羊少年咖啡館 (屯門市廣場1期)

營業中

休息中

Café 人打卡必到既餐廳。黃昏時分來到，人不多。一路食到夜晚，開燈唔多，慳電又浪漫。餐廳後方有一棟漂書櫃，啱睇可以攞走幾本扮文青。放低書又有coupon。錢銀嘅嘢唔記得咗，不過呢個Pizza幾好食。食完唔飽嘅。叫多盆菜青心又健康。煮得恰到好處唔會太老。漢堡包係正常嘅。以為隔離嗰堆係薯條原來係番薯薯條🍟。整體來講幾出色。重點嚟啦。講到攞晒獎嘅咖啡一杯。唔係好識欣賞。可能平時飲開齋啡多。感覺就係似好甜嘅香蕉忌廉拿鐵☕️。可以就少甜啦。打卡係好睇嘅飲就麻麻啦。

星期六的晚上安排睇戲，當然要揾地方先食飯啦，剛好6年前幫襯其他分店，太太提議屯門都有分店，所以就咁決定了。時間可能尚早，6：15已入座，未爆滿，可以在GULU系統攞飛，方便好多。環境好正，我們坐窗邊位置，仲有陽光照入，加上音樂播放，超Relax。餐廳採用掃QR code落單，有幾款Special Menu，不過飲品另計，上菜速度都快。今餐吃意粉+Pizza+雞翼+甜品+芝麻Coffee. 意粉d雞肉好味，Pizza加了牛油果都係第一次吃，幾特別，咸蛋味的雞翼怪怪的，Tiramisu甜品，獲獎的芝麻Coffee，初飲都唔錯喎👍👍👍，想舒服吃餐飯，會推介這間比大家。

⁡晚市恢復番，🐻當然要同好友晚聚啦 😌 屯門區要坐得舒服、容易傾計、野食好味既好地方唔多，但即刻諗起尼間好多人都識既黃店 💛 今次三人行叫左唔少之前未試過既野食，大家都讚不絕口 😆😆😆 果然無揀錯❗️⁡🐻の體驗‼️⁡✨ 千島香芒牛油果雞肉薄餅 $138✨ 小食拼盤 $138✨ 拿破崙蕃茄煙豬腿肉長通粉 $98✨ 黃金鹹蛋苦瓜忌廉雞肉意大利粉 $98✨ 蘋果蜜桃鮮打紅茶 $54⁡整體來說，食物味道真係無得輸 💯 可以形容佢色香味俱全，最估唔到係苦瓜同鹹蛋黃醬可以咁match 🤤 佢既pizza雖然係餅乾底，但因為餡料夠豐富夠熱夠juicy，令佢唔會dry仲剛剛好 😌 多人一齊食就當然要叫小食拼盤，最驚喜是香脆蕃薯條 🍟 而且解渴又想清新就要叫蘋果蜜桃鮮打紅茶啦 🍎🍑🍹

行山前揀左係牧羊少年咖啡館食中午。等位等左半小時左右終於可以入席用餐～ 呢到用餐時間為90分鐘。我地揀左一個all day breakfast (有greek yogurt) 同埋長通粉，兩者味道都可以。值得一讚係all day breakfast既蛋炒得好滑，所以係笑住咁食曬野飲方面我地分別叫左cappuccino 同水果茶。Cappuccino 沒什麼特別，正常發揮；可惜水果茶就有點淡，原本諗住會係濃濃的水果茶。咁岩坐位係窗口位，可以一路食一路望下風景，唔錯

呢間長期排晒長龍，好彩醒目，出門口之前喺The Gulu拎咗飛先。下午茶唔想食太飽，兩個人嗌咗小食拼盤同士多啤梨窩夫（其實都好飽食唔晒）小食拼盤有腸仔、炸地瓜條、春卷、炸雞翼，八爪魚丸，炸得好香口，食完炸嘢食個甜品滋潤吓感覺冇咁熱氣，窩夫整得好鬆軟，cream好香滑，推薦👍🏻

屯門呢間牧羊少年 長期大排長龍不過呢間分店可以用THE GULU拎定飛咁就可以唔駛等咁耐啦😉香煎加拿大保濕豬鞍 配 蘋果泥 🧆 $138豬鞍好厚肉 肉質夠juicy 口感嫩滑蘋果泥夠creamy 配埋薯蓉有種清新感覺💚🖤芝麻開門 (凍) 跟餐 $42濃厚嘅芝麻香 帶少許咖啡味飲落有啲似 比較稀既芝麻糊🖤素肉醬意大利粉🍝 $72意粉煮得啱啱好 軟硬適中蕃茄味香濃 配上蕃茄仔令味道更加提升肉醬係用純素代替豬肉碎 味道同口感都同普通豬肉碎幾分似🤤牛奶可可朱古力🍫 (凍) 跟餐 $28朱古力奶味香濃 面頭灑上可可粉 唔會太甜鮮忌廉野菌煙三文魚長通粉🐟 $82煙三文魚夠燻 份量都算多 長通粉軟硬適中忌廉濃稠掛滿每條長通粉😋美式黑咖啡☕️ (熱) 跟餐厚切芝士雞扒蕃茄沙律菜漢堡包🍔 $88（配酸忌廉蕃薯條 ）雞扒好大塊 塊皮煎得好香脆 肉質鮮嫩美中不足 漢堡包烤得有啲過火 比較刮口😢蕃薯條甜甜地 好香脆 南瓜湯🎃 跟餐南瓜湯好稠身 好濃厚南瓜味😋 💛 牧羊少年咖啡館 @thealchemistcafehk 📍 屯門屯順街1號屯門市廣場2樓2151號舖📍 葵芳興寧路12號葵青劇院地下2號舖📍 銅鑼

趁着疫情開始緩和，終於可以見下朋友仔同佢好得意既囡囡。相信大家對牧羊少年咖啡館依間餐廳都唔會陌生，好多人食過都好評嫁！係一間幾好坐有舒服的cafe 所以今次就同埋朋友仔過黎食返個Lunch Set 明太子鮮蝦意大利粉$108每一條意粉都沾到明太子醬，成個意粉唔會話好creamy反而比較乾身，上面仲有啲櫻花蝦同三文魚子，令口感更加豐富！呢一個係lunch menu, 仲會跟一杯嘢飲，抵食！千島海鮮薄餅 $138啖啖都食得出🥰薄餅係薄批，好脆！上層配料豐富、千島醬幾多，整個配搭充滿夏日風情。白酒香蒜蜆肉意大利粉$118蜆肉新鮮，蜆肉嘅量都算多，意粉口感好好，唯一要改善嘅位係蒜味唔夠 朱古力英式窩夫配雪糕$108好多人推薦既甜品🥧窩夫上枱熱辣辣，唔錯，窩夫有四大塊加上兩球朱古力雪糕，外脆內軟口感豐富，另外仲有朱古力粒加果醬，小朋友最愛甜點🍮好好食！呢度個環境唔錯，文青feel，坐得幾舒服，好啱喺度過一個好chill嘅下午，水準都非常穩定，價錢都唔會太貴，可以再encore🥳

🍔 厚切芝士雞扒蕃茄沙律菜漢堡包 配 酸忌廉番薯條 $108有被ＳＵＲＰＲＩＳＥ到 ～💕Burger入面 #塊雞扒超級Juicy，勁入味小編食每一口都滴曬汁🤤#Burger是外脆內軟的，加埋D source真係超正！👍🏻配番薯條🍟幾特別，亦令道菜升級了~（不過小編J還是比較喜歡吃茄汁點薯條😂 hahahaha!!）🍝鮮忌廉黑松露醬雜菌長通粉 $88小編J本身對於這道菜沒有甚麼期待的，因為它從名字到樣子都是平平無奇的😂但它 #比我想像的好味太多了～長通粉上放了一層層的碎芝士，鮮忌廉不多不少，唔會dry又唔會太多汁，剛剛好黑松露醬雜菌亦很重，中意黑松露的小編J非常滿意！👍🏻🫐藍莓奶酪（跟餐 + $14）超級超級濃，藍莓味很足~#飲落好甜好fresh！！！推推推💯☕ 牛奶咖啡（跟餐 + $14）#預期中的味道沒有說被驚歎到，但也沒有失望啦😂~

疫情過後，終於回復晚市返堂食啦！今次選擇左牧羊少年館，都好耐無去。始終係第一晚恢復堂食，去到排隊拎左飛都要等一段時間，大概四十五分鐘。入座時職員安排咗二人位，坐得都舒服。叫咗總共三樣嘢食，一杯飲品。✔️黃金鹹蛋忌廉鳳尾蝦意粉🍝鹹蛋味好重 有四隻鳳尾蝦 份量適中✔️照燒汁煎乾蒜牛柳粒🥩幾惹味 份量多 不過上到枱時就唔熱 已經凍咗✔️慢煮 BBQ 醬美國豬仔骨配 酸忌廉蕃薯條🍠蕃薯條份量都幾多 豬仔骨都好入味✔️凍玫瑰可可朱古力🌹🍫重玫瑰味 飲唔到朱古力味

同屋企人想輕鬆食個LUNCH去咗附近嘅牧羊少年豬鞍扒煎得剛剛好加埋依款蘋果泥醬好清新蘋果泥醬仲有少少果肉有得咬下咬下鮮甜又提升到層次！湯都幾香濃！加多少少忌廉，好CREAMY！

最近各大商場都推出好多優惠，所以今次我都專誠來到屯門市廣場，買嘢兼食好嘢👍今次嚟食屯門市廣場嘅牧羊少年咖啡館嘅下午茶時段，呢度餐廳採用落地玻璃，陽光充足，再加上充滿藝術感嘅裝修擺設，係一個放鬆用餐傾下計嘅好地方，用餐時間係1小時45分鐘，有充裕嘅時間品嚐美食同傾計休息，冇諗過喺大商場入面都有咁休閒嘅地方👍首先想講鮮忌廉黑松露長通粉，平凡嘅外表但一入口真係好有驚喜，鮮忌廉濃郁口感，面頭灑上芝士碎，完美配合菇菌同通粉，清香黑松露香味，值得一讚既係用洋蔥蒜蓉令整個味覺可口感提昇👍炸法國雞翼熱辣辣外皮香脆，入面鎖住滿滿嘅肉汁，伴隨著香草嘅香味滋味無窮😋番薯條脆口香甜，配上乳酪醬啱啱好中和油膩感😎藍莓乳酪口感濃滑又飽肚，配合埋藍莓竟然有啲醒胃，鍾意飲乳酪一定要試，提醒返鍾意飲凍飲嘅記得唔好走冰，因為走冰真係會唔凍ga😆下次會試下其他唔同嘅分店，再有機會分享下😁

牧羊少年已經開始發展成連鎖式嘅餐廳有啲人覺得佢品質大不如前 但其實我覺得OK喎叫咗一下窩夫同埋小食拼盤窩夫見得到其實冇乜特別但係分量十足另外小食拼盤其實都係保持到水準唔會話要求佢嘅食品勁出色但係味道同價錢相符因為佢價錢都唔貴推薦嘅

這幾個月，晚市沒有堂食情況下，不同店舖也在做不同優惠。光顧較多的是牧羊意粉+飲品套餐。每星期也推出不同系列意粉供選擇。明太子鳳尾蝦意粉份量比想像中多，明太子明顯掛在每條意粉上，出乎地有鳴門卷，鳳尾蝦也有好幾隻，這是我在牧羊當中最喜歡的一款意粉。香草青醬露筍意大利粉味道清新，有松子仁，蘑菇，露筍，青醬意粉在其他店舖會比較少吃到。加$28配上酸忌廉蕃薯條份量預期地多，啖啖蕃薯條味，好像比起薯條來得健康。牧羊套餐來的意粉，比預期無論味道、價錢來得物超所值。

幾年前試過喺葵芳嘅牧羊少年咖啡館分店試咗個意粉同熱水果茶覺得質素同一般咖啡廳無異 係環境比較適合文青/ 偽文青打卡 今次都係朋友熱烈推薦下再試另一分店～叫咗個凍水果茶同我個人超偏愛嘅英式早餐幾有驚喜嘅配搭 首先由cereal 開始食起 有燕麥片 有果仁類 唔同嘅口感幾有層次 加上酸奶好開胃！就咁望落好平凡但卻係意想不到地好食仲有好大舊蕃茄同一啲長豆 平衡吓呢餐嘅營養另外仲有捲到花之戀咁嘅煙三文魚 超厚超大舊😻勁滿足～最後佢嘅黑松露炒蛋都好香 不過如果可以再滑啲就更好喇！熱水果茶柑桔味好出 好清香 唔會太甜

味道係好味嘅，但拎餐嗰陣少左一盒，當時唔知道，返到屋企食到一半先發現，於是即刻打去鋪頭問啦，佢地叫我返去拎，唔...好啦去拎啦因為唔夠食呀嘛...來回行多轉，拎到返嚟係諗住有啖好食，點知盒野已經凍晒囉...sad