牧羊少年咖啡館 (屯門市廣場1期)

營業中

休息中

每個月都會到訪既飯堂～（笑）諗唔到食咩嘅時候就會過嚟⋯今次點左之前未試過既野食English Brunch新鮮出爐，上菜時仲係出緊煙～但味道比較普通，炒蛋黑松露味好淡，尚好唔算太油是拉差醬雞翼炸得剛剛好，皮脆肉嫩～香噴噴好邪惡（但真係好熱氣～哭）大阪燒風味煙三文魚薄餅好普通，個人不太喜歡芥末醬整體幾樣食材加埋唔係太夾⋯餐湯Menu冇寫係咩餐湯，店員上菜時亦都冇介紹應該係薯仔湯，但飲落似BB食嘅糊仔⋯比較之下，之前嘅南瓜湯會更出色blueberry yoghurt (+$12)唔會好甜好杰身，值得一試（後面賣緊望月流心月餅廣告～笑）

剛好在屯門找朋友一起午餐, 聽說這家有特色咖啡的餐廳, 於是等了一個多小時, 還好能試到.因為我少飲咖啡, 所以我點了抺茶朱古力, 外相很吸引, 味道方面, 和一般的凍朱古力差不多. 我們叫了一個千島海鮮薄餅和意粉. Pizza味道不過不失, 但勝在超多Cheese 和料多.  意大利粉有勁多鹹蛋黃, 與牛油果味道很夾. 不會太鹹.

牧羊少年果然名不虛傳，星期六夜晚排晒長龍，人山人海等左咁耐，緊係要飲返杯水果茶解渴先甜度適中，果味濃香，亦好清新芝士沙律醬吞拿魚焗酥盒，金黃色既酥皮，外層鬆脆，咬開入面全部都係芝士同吞拿魚好邪惡但係好好食忌廉牛油果烤雞肉長通粉，長通粉彈牙清爽，加上芝士碎碎，令到更多香氣散發，雞肉既鹹味亦平衡返整體既味道黃金鹹蛋忌廉鳳尾蝦意粉，口感非常creamy，表面仲有d鹹蛋粒粒，但食落唔覺得膩，鳳尾蝦有4隻，份量慷慨千島海鮮薄餅，pizza係薄批，香脆可口，千島醬同海鮮佈滿成個pizza

🍽牧羊少年咖啡館☕️⁣⁣屯門市廣場2樓2151號⁣⁣⁣⁣🐽豬豬美食團今次去嘅係牧羊少年咖啡館，餐廳嘅環境都幾靚，擺左好多唔同國家嘅小擺設，坐落都好闊落同舒服，最啱同fd悠閑咁食個飯啦🐖星期日中午等左半個鐘左右就入得啦，即刻介紹下食左咩先！⁣⁣⁣⁣英式早午餐 🥓$118⁣⁣ （🧡🧡🧡）⁣⁣佢個All-day breakfast 🍳 嘅配搭同其他舖頭有少少唔同，亦都係行精緻路線，每一食材都細細件，方便入口。味道上都正常，但係冇特別出彩嘅味道。⁣⁣⁣⁣黃金鹹蛋苦瓜忌廉雞肉意大利粉 $88⁣⁣ （🧡🧡🧡🤍）⁣⁣打開Menu見到鹹蛋涼瓜呢個配搭就覺得好特別，食落去好重鹹蛋味，而苦瓜清新嘅甘香可以中和返鹹蛋嘅膩。雞肉亦好嫩滑，只係份量對肉食獸來講會比較少。⁣⁣⁣⁣旭日（紅蘿蔔、菠蘿、橙）跟餐 $24⁣⁣ （🧡🧡🧡🧡）⁣⁣一杯好嘅飲品，對於一餐飯來講真係好重要！最有驚喜嘅一定係呢一杯「旭日」，本來以為紅蘿蔔應該會伏伏地，點知橙味同菠蘿味都好突出，紅蘿蔔🥕嘅味道亦都好和諧咁融入左，飲完即刻覺得好清新。⁣⁣⁣⁣小結：環境同食物都唔錯嘅咖啡店，不過份量就未必滿足到大食嘅人🐷啦！同類型嘅餐廳會推薦荳子。⁣⁣⁣

再訪屯門牧羊少年cafe唔記得左係星期六無下午茶Menu！加上都好多人～要等大約15分鐘先有位好在食物質素同服務都無令我失望！黃金鹹蛋忌廉鳳尾蝦意粉睇相都feel到色香味俱全！醬汁好香濃，但唔會太鹹！大蝦啖啖肉配埋鹹蛋黃碎，口感好豐富！厚切雞扒番茄沙律菜意大利包拼薯角配蜜糖芥末醬 面包要趁熱辣辣既時候最好食！雞肉好juicy唔會好乾，賣相同味道一樣咁吸引番茄同菜清新啲中和返啲熱氣野（笑）份量好夠，兩個人share都有啲飽～值得一提既係，佢地用緊100%可降解大米飲管！做到環保效果之餘，又唔會好似紙飲管咁快變糊～成本應該貴左，但都肯推廣環保好難得！外賣餐具都係用紙製品！讚！窗外綠悠悠景色～放鬆！

明太子鳳尾蝦意粉🍝好鐘意食明太子😝 明太子醬比得一啲都唔孤寒，撈埋意粉真係一流🥰鳳尾蝦爽口彈牙，夠晒新鮮🦐日式大阪燒風味煙三文魚薄餅係pizza 薄餅底，但個人覺得個餅底太硬太脆。而且個醬料唔夠味，煙三文魚份量亦都唔多。但普遍來講幾好食👌🏻炸法國雞翼配蜜糖芥末薯角🐣雞翼都幾大隻下，而且炸到好脆口。雞翼肉質好嫩滑，唔會好乾身，仲見到有啲汁滴緊出嚟😍法式蘋果批配雲呢拿雪糕🍎呢個真係不得之了🤩我本身唔食蘋果批嘅，但食過一次之後發現原來蘋果批係好食到咁樣🤤個底係用好多蘋果片砌成，之後焗到脆卜卜，上面再加凍冰冰嘅雲呢拿雪糕。加埋一齊食，冰火交融，真係好食到一個點👍🏻

平日中午約三點多到店，不用等位點了一甜一鹹的下午茶餐，很快就上餐～就算有限用餐時間都不用擔心～🍓英式窩夫配雲呢拿雪糕入口香脆，撈埋雪糕食都唔會好快變腍。如果士多啤梨肉份量多番少少會更滿足～忌廉鮮牛油果烤雞肉長通粉比較普通，味道比較淡～但份量很足夠！值得一讚店員的服務態度很有耐性地覆單，一直保持笑容和禮貌！餐廳有落地玻璃面向翠綠山景，室內裝潢很有書卷氣息，整個用餐時間都很放鬆～享受～下次會再來試試其他食物！

餐廳reception 態度差，叫枱號只叫兩次，10秒都唔夠便過下一張，當時我剛接電話發現過號已即時和餐廳reception 反映，但當然是一堆藉口，你自己miss左，我叫號有停頓…..當然最後也只能等下一張…….但當時已等了40分鐘！食物方面，同行兩位朋友點了pizza, 沙律，薯角，他們說食物ok。之前已試過這間餐廳，亦知食物尚可，雖然不是什麼星級餐廳，但reception 服務態度不行已經大打折扣，用餐心情大減, 所以最後我沒有點餐也不會再光顧。

未食過嘅，或者想食第一次既就睇吓呢一篇文章，同你客觀分析一下環境：4/5乾淨整齊，裝修風格唔錯，但未去到文青路線，職員好多，不論廚房定樓面。服務：2.5/5雖然樓面職員好多，但係落單嘅時候都需要等一段時間，係因為職員冇留意到。一般嘅魔術語都有，但侍應聲線比較細，有時要重複先聽到…食物：2.5/5食物比預期差，意粉完全冇味道，應該圾嘅時候冇落鹽，或者唔夠多。有明太子嘅味道但係意粉吸收唔到，而且意粉有啲乾。豬扒超乾，附有一小塊石紙，埋單既時候都有同返經理講，注意一下….薯角算係成餐最好食….中規中矩餐湯正常，飲品叫左冰果茶…er…檸茶底加兩片蘋果加一片橙🌝無咩特別性價比：2/5如果以呢個價錢，食呢個質素…自問試過一次就夠。唔知係咪分店問題，葵芳果間比呢間好食…..

屯門呢間牧羊少年咖啡館，食物質素高，裝修環境都好靚，有一大個書櫃比客人可以揀書嚟睇，內質有玻璃窗可以望住隔離座山，好靚。黃金鹹蛋忌廉苦瓜雞肉意大利粉($98)食物一上台就聞到鹹蛋黃非常香，面頭亦都鋪咗鹹蛋黃碎，撈勻之後更加入味，苦瓜一啲都唔苦反而好清甜，雞肉十分嫩滑可口。呢個價錢呢個味道超值得！！千島香芒牛油果雞肉薄餅($128)預先切好左6塊，只需要輕輕一cut就可以拎上碟食得，pizza配料均勻，每塊都有一相約嘅份量。芒果好甜好好味，食完一啲都唔濟。灸燒荷蘭汁豬肉扒($78)有兩層豬扒，肥瘦恰到好處，醬汁酸酸地幾開胃而且可以消濟，同埋佢份量都唔少。藍莓奶酪($56)好Flash好新鮮，有藍莓味。顏色都好靚好吸引。法式黑糖薑汁梳乎厘配雲呢拿雪糕($88)梳乎厘好特別，黑糖薑汁格外地match，好有驚喜！疏乎厘同雪糕撈埋一齊食好正！都推薦試一試，哩款甜品性價比幾高。

見屯市開咗咁耐都仲晚晚排隊，今日抱住期待嘅心情去試食一下⋯⋯點知仲伏過直升機。直頭係伏伏伏伏伏伏我哋一行3人去食嘢，首先坐位安排混亂，1-4人檯完全無次序亂嗌餐廳keep住有3-4人出嚟，但嗌極都係2人檯嘅飛。一開始以為係按拎飛次序嗌，所以無理，點知等左成粒鐘，嗌嗌下嗌到我之後拎既果張2人飛都入左去坐左個4人位。我忍唔住問佢點解，佢竟然講2人檯多人等緊⋯⋯我3人檯飛等3個號碼等足1粒鐘有多先入得。終於入到去食嘢，我哋3人嗌左2個意粉1個pizza，1個沙律，1個頭盤拼盤同1個蘋果批雪糕甜品。凱撒沙律：同老麥個沙律差唔多小食拼盤：腸仔正常，春卷/八爪魚丸/雞亦/薯角都明顯係市面上一般急凍貨，唔難食但就算計埋租金人工都唔值過百意粉：食落似用罐頭開嘅醬煮成，無論白汁定紅汁都係Pizza:呢樣真係最伏，食落去嘅質感、味道都似係超市買嘅急凍貨，餅底硬到可以打爛玻璃⋯⋯真心想問呢啲嘢都可以拎出嚟比客人食？蘋果批雪糕：又係超市蘋果批加球雪糕⋯我寧願食老麥蘋果批好過⋯⋯佢1個批嘅價錢可以係老麥度買10個⋯⋯總結：服務嘅員工好有禮貌，手腳快，只係安排位置果度完全無秩序，咩飛多人就嗌咩飛⋯⋯我見5人果張由

牧羊少年咖啡館新分店坐落於屯門市廣場，平日中午時間都非常墟冚，等左大約三十分鐘先有位今次坐到窗邊位，望住一大片植物，感覺舒適❊黃金鹹蛋苦瓜雞肉忌廉意粉望落個菜式名好似好複雜，食落好有驚喜，所有食材配合得剛剛好，苦瓜唔會太苦同有草青味，鹹蛋醬好香好creamy. ❊水果茶清新，甜度剛剛好！

名氣大卻令人失望的餐廳，下午茶等位期間，我要等6個籌，期間不斷有客人離開，都竟然等足45分鐘，唔怪之得門口永遠排長龍，入客的速度極慢。我叫左個薄餅下午茶，個侍應通知你話食物未到前唔好除口罩，飲品一早就到，我等到杯飲品啲冰溶晒食物都未嚟到，等左25分鐘薄餅到，竟然係烘到硬晒既餅乾薄餅，仲要用隻細細既碟上菜，兩片薄餅又切唔開，惟有用叉拮開，一拮就飛出碟，可見片薄餅真係又硬又乾，片餅上面又唔係多餡，總之就係唔想再去既餐廳。

平日嘅中午，原本午餐係選擇旁邊嘅牛角，明明我已經係下一張飛，等完又等，放完訂座客人，又要放金會員…門外嘅玻璃可以睇到，明明超多吉枱，但沒有人收拾，等了超過半小時，旁邊的客人更加向店員埋怨…..望一望隔離舖頭叫牧羊少年，等位嘅時候行去望一望，比門口一句說話吸引了….「願你出走半生 歸來仍是少年」畢竟係職場上已經打滾一段時間，過咗人生嘅幾十年，望到嘅時候真係有啲眼濕濕之後即刻攞張飛先，再等多15分鐘，牛角都未入得，牧羊少年已經入得環境一入去已經好有文清Cafe嘅感覺兩旁嘅擺設，仲有一大個書櫃，奈何食飯時間，我哋被安排坐係比較窄小嘅二人位。而且店員入座嘅時候亦講明限時90分鐘但因為午餐時間，所以係可以理解的點了兩個lunch set(食物名可能有少少出入，因為唔記得影Menu，單憑記憶)跟餐湯及飲品鮮忌廉雜菌煙三文魚意大利粉因為太肚餓嘅緣故，餐湯同意粉上左之後秒開動，相都唔記得影意粉 濃濃嘅忌廉味，雖然望落去，感覺份量唔算多，但可能因為忌廉嘅緣故，有啲’留’ ，食咗一半之後竟然覺得有少少飽，所以絕對唔可以睇小依’’少少’’一碟厚切雞扒蕃茄沙律菜意大利包配芥末蜜糖薯角一上枱，即刻心心眼睇到幅相

講到文青咖啡店始祖一定要提這間牧羊少年開業至今無一日不是大排長龍真心佩服其實店內環境佈置確實挺有心思好似去了圖書館一樣書卷氣息超濃厚不過要講多一句此店冷氣亦超強勁涷到好似想趕你走唔俾你坐太耐咁點了一份英式早午餐炒蛋香滑配上黑松露亦惹味德國腸肉汁可口煙肉及煙三文魚都不錯比較驚喜的倒是那一小杯的奇亞籽布甸幾好味喎提拉米蘇一層又一層的蛋糕、cream、餅碎口感好豐富至於心太軟配朱古力雪糕不過不失焗得太熟了,切開並沒有流心食飽飽再品嚐杯美味拿鐵PERFECT池