牧羊少年咖啡館 (K11購物藝術館)

營業中

休息中

K11商場被稱為「全球首個購物藝術館」，融合藝術、人文及自然三大元素，每層放置了不少藝術品和展覽陳列窗。全球雖然有點誇張，不過K11比起現在那些倒模般的商場，絕對是其中一個好去處。逛了一圈，不算太餓所以找了一間咖啡店~牧羊少年咖啡館是和台灣咖啡界前輩 GaBee. 合作之店，台灣咖啡師大賽中的冠軍作品【啡你莫薯】以及亞軍作品【Orange Days】更首次出現在台灣以外。看到這，已經很心動，所謂心動不如行動，我倆立刻找個位置坐下，由於時間尚早，晚餐人流未到來，有不少位置給我們選擇。除了點了兩杯獲獎咖啡外，還點了香草醬雞肉蘆筍意大利粉、煙三文魚凱撒沙律和黑椒蜜糖牛柳粒。(吃後才發現，其實點二人餐會更好)啡你莫薯--面頭有一條長長的焦糖蕃薯，店員還有教你怎樣品嘗，可先吃一口焦糖蕃薯，再喝一啖奶泡，最後喝下咖啡，之後可以混埋一起品嘗。我急不及待地先嘗一口焦糖蕃薯，很香的焦糖味，再來是奶泡，清清的奶香，再喝咖啡，咖啡內還有蕃薯蓉，焦糖香氣和蕃薯的甜味與咖啡互相結合，很有驚喜!橙色歲月--賣相很好，初時還以為杯邊那些是鹽…(哈哈)原來是糖，想甜一點，可以在不同位置喝起(?!)一開始喝下去有點像果

牧羊既餐廳無論太子定葵芳 都好有質素！今次黎到尖沙咀⋯一入去見到枱面既碟好靚但鋪頭缺點係無飯食布根地紅酒燴牛肋肉☝🏻呢個好好食啊😭係好食到喊既牛肋肉 下層鋪滿薯蓉🥔配埋cream cheese! 再配埋有口感既彼得包⋯好滿足！！另外綠色果碟係香草醬雞肉蘆筍意大利麵🍝估唔到幾好食 但油左d👀 如果改善下油既分量應該會再好食d!芝士蕃茄意粉⋯意粉口感佢做到幾彈牙 唔錯

下午十分hea hea mode，去左K11揾食，見到平時既牧羊少年鮮有地有位，就入左去速食個下午茶。同朋友叫左個三文魚蛋多士，下午茶黎講好大份，好適合兩個人share黎食。麵包用左蜜糖包，醬汁用芥末同蛋沙律好惹味（不過減肥中既友人話食完會爆quota XP），兩塊三文魚size大過手板，d料多到滿瀉，厲害。多士配杯cappuccino 簡直系一流！咖啡味道比較淡，不太苦亦都唔酸，岩曬我既口味，而且都幾大杯，可以飲半個下午。牧羊少年系一個hea 時間既好地方，menu 上既選擇又多，早午晚下午茶餐甜品都有。 

本人經常幫襯牧羊少年的沙田分店, 那兒的食物跟飲品也很出色, 見到K11有分店就打算試試. 叫了兩個意粉, 分別係車打芝士海鮮意粉及香草意粉. 份量很多, 但是意粉完全吸收不到汁的味道, 好似汁還汁, 意粉還意粉,感覺是事先預備好汁, 然後mix在意粉, 比我自己煮的還差, 先說說車打芝士海鮮意粉, 蝦只有三四隻, 而且蝦肉有點"梅", 成個意粉好水, 另外說說香草意粉, 香草汁完全唔得, 比超市的香草醬還差, 另外我們還叫了炸雞翼, "章"粉吾夠,雞翼肉"梅", 比沙田分店差很多.

又一篇幾個月前的食記，所以菜式可能跟現在有點出入O_O牧羊少年在尖沙咀K-11開設了分店，名為牧羊少年創意咖啡館 by GABEE.一直想試牧羊少年，之前終於有機會了店內裝潢很有文青風格跟繁華熱鬧的K-11形成強烈對比餐具和托盤也是女生會喜歡的類型我點了香蕉樂園香蕉片好像燒過似的，灑上不少玉桂粉在表面香蕉下方有一層忌廉然後是咖啡，入口順滑無比感覺較甜，愛喝黑咖啡的朋友未必適合煙三文魚凱撒沙律的份量比我想像中大，三個人剛剛好煙三文魚亦足夠三個人分享酥脆的麵包粒加上杏仁片，感覺相當清新亦因為醬料不會很多，所以沒有很膩車打芝士汁鮮蝦意大利粉，配料只有車厘茄及鮮蝦幸好醬汁十分豐富，味道亦算濃郁令整道意粉不會過於單調乏味特式焗薯盤的味道很讚！每個多士的配料也不同，有牛肉醬、磨菇及蝦我選了最左邊的一款焗薯的餡料酥脆可口，連薯仔皮也是烘得香脆的，所以我忍不住吃清光不過我略嫌蝦沒有味道，感覺很淡，有點失色我覺得牧羊少年創意咖啡館 by GABEE.的食物及飲品還不錯而且店員服務很好，地理位置亦算方便座落於熱鬧的K11，卻不像旺區般十分嘈吵，感覺舒適十分適合和朋友聚會，所以可再次光顧

一個悠閒的午餐環境舒適，一個人放空最好不過。咖啡味道適中，咖啡味濃亦不太甜我本身很喜歡吃三文魚炒蛋多士，這個炒蛋的濕度很適中，味道亦都非常好，唯一只是那個夾在蛋及多士中間沙律醬有一點兒不配合，但勉強也可以接受。一個人到這裏吃午餐感覺也非常好，不太擠迫環境裝修尚算特別，因為他的位置於地庫偏入，所以相對其他食肆少人，但於午膳時間不用排隊也是一個好處價錢方面不算太昂貴，尖沙嘴吃午飯的價錢一般也是這個價位。總括來說，值得一試

約朋友之前仲有一段時間,肚有少少餓又唔想食咁heavy,最後決定去呢度~~~見到下午茶個menu都有咁多選擇真係選擇困難症無都變有!諗左一大輪,最後都係忍下口食沙律算~~如果大家覺得呢度D沙律又係純粹R痕你就大錯特錯!!我叫呢份紫薯小甘筍藜麥沙律絕對同一碟飯的飽肚感係一樣的,你睇個size就知道唔惹少,而且裡面有大大舊紫薯 仲有一堆藜麥 真係好飽好飽的~~D紫薯佢切到好大舊,所以食起上來都有少少麻煩,不過番薯味香濃而且唔會太硬上面仲有好多粒提子,令沙律甜甜地~~最驚喜係佢加左唔少杏仁片,所以食gei時候有埋脆卜卜口感,層次豐富我無諗過佢會有咁多甘筍,好開心~~~我又好喜歡佢連D碟都係精心選購過,有特色又有格調~其實呢度最出名係咖啡同甜品,因為得我一個人食,所以甜品就放棄了,但咖啡我就選擇濃情蜜意(蜜瓜咖啡)!佢有好多款創意咖啡,好多都好特別,蜜瓜咖啡雖然細細杯,但慢慢品嘗其實都差不多~由於佢係expresso,所以苦味比較重,好彩有蜜瓜果甜補救,成件事即刻勁清新~最後佢仲有個飯後甜品,呢個綠茶雪糕真係超~~~~~好食,好奶,好棉滑,好想食多球,哈哈哈哈咁樣一堆菜+咖啡做一個下午茶都幾豐

第一次光顧，整體用餐環境很舒服，不會太嘈雜，選擇了二人套餐，可選擇沙律、意粉、三文治，還有飲品、芝士餅，基本上餐牌上列出的都可以選擇，雖然是套餐，但每一款食物份量均非常足夠，而且味道不錯。香草羅勒露筍雞肉意粉，青醬味道濃郁，雞肉嫩滑。藜麥紫薯甘筍仔葡萄沙律，這樣配搭很新鮮，所以毫不猶豫便選來吃，味道很配合。熱帶風情菠蘿咖啡一試難忘，一口喝下先嚐到清甜的菠蘿味道，之後回甘就嚐到咖啡的甘香，大愛！整個二人套餐，份量其實已經足夠三人分享，所以這夜很飽足。

去完瑞士之後人回港了但個心依然留在那處置身在童話飄零燕既實景令人樂而忘返到處看見悠閒的牛、可愛的羊還有悠哉悠哉的牧羊人-今日約左朋友黎K11 上cooking class 難得扮下熟女上完堂之後，朋友提議去飲杯野、食下甜品先番歸-路過依間餐廳個名幾特別wor 試下啦等左大約15 分鐘位就可以入座餐廳簡約既裝修令人舒服餐具都幾靚叫左杯「玉米卡布」本身好鍾意飲粟米湯玉米濃湯既味道配上cappuccino 既風味口感特別商場冷氣有d 凍飲番杯暖笠笠既野最好不過-香蕉巧克力花形窩夫餅正呀唔太甜，又香脆唔會好重牛油味，食完唔會好飽滯香蕉同朱古力是天生一對的😂

今日就去咗K11商場入邊其中一間cafè食晏。呢間餐廳係香港都有好幾間分店，入到去嘅時候餐廳暗暗嘅燈光比人一個好放鬆嘅感覺，簡直只可以暫時忘記一日嘅煩惱。最後我嗌左2樣嘢，分別就係蘋果伯爵茶窩夫，白汁誰雜菌意粉，仲有杯咖啡。意粉就正正常常，al dente ~ 白汁亦都算香滑，配埋雜菌一齊食無咁膩。窩夫咬落去果陣伯爵茶味唔算濃，加埋蘋果同雪糕一齊食十分清新，一冷一熱，正！，星形既窩夫好岩同朋友一大班人一齊食，一人一舊唔洗切。係尖沙咀物價咁高既地段，餐廳價錢亦算公道，食物質素亦算合格。喺繁忙嘅尖沙嘴入邊慢慢咁嘆咖啡真係一件好有趣既事！

中午12點幾黎到呢間餐廳，岩岩好坐到最後一張雙人枱。星期日原來無set，一定要單點。我叫香草醬雞肉籚筍意大利粉，朋友叫左拿破倫辣肉腸蜜桃意大利粉。香草醬雞肉籚筍意大利粉：香草醬超級濃郁，雞肉份量超多，食落好香口，意粉唔會太硬或太軟，唯獨橄欖油太多，食到最後有啲太肥膩同濟。拿破倫辣肉腸蜜桃意大利粉：辣肉腸質素一般般，蜜桃有兩舊。幸好以多醬汁搭救。總括黎講，兩款意粉都屬一般水準，以低於$100嘅價錢，可以一試。如果假日有套餐會更佳👍🏻

Service is bad..the waiter has no patience to answer any questions about the food, not to mention the tone is flat and impolite, no smile of course. Food is average. The branding of this place appear very nice, but the service does not live up to it at all.

<REAL FUN FOODIES>同好姊妹行行下想搵野食～好難得去左尖沙咀！就搵左間cafe！見到d野食幾得意咁！但呢由於太累既既關係～又無影過內在環境啦又無影餐牌啦又無影到門口哈哈 其實我係幾懶既：）只係想食野！叫左3樣野食試下！因為呢個係下午茶黎！炒蛋煙三文魚蜜糖麵包＄78佢真係用我地食開個隻嘉頓麵包！蛋仲有蛋汁好好食！但係一定要襯熱食！因為呢d汁會令到塊包好淋架時間關侯！我地掛住傾計 無咩影相～呢個係 水牛雞中翼配藍芝士醬 ＄72！真係好食到癲左！因為本身我好like cheese 既sauce！但的確係有少少熱氣同油！但太耐無食 都值得一試仲有呢個好姊妹最最最鍾意既全綠色意粉！所以呢個係佢request 要叫既！一望到 好fresh 好green！香草羅勒露荀雞肉意大利粉＄82露荀真係好好配搭！又健康又美味！原本我地想叫埋甜品！但由於呢個係下午茶～實在太豐富～所以最後放棄左！唯有等下次啦

有日同老公去k11 食lunch，1點幾，見呢間野環境唔錯，冇人等位，就坐低左。老公叫左哈蜜瓜latte，初頭飲比d cream既味道影響左，覺得唔好飲，後來cream混埋左d latte又幾特別喎，可以試下～意粉佢就叫左香草菇雞肉意粉，可能我唔太鍾意太勁既香草味，我又覺得一般。我自己就叫左cappacino，好好飲，咖啡豆係香d~~意粉我就揀左車打芝士鮮蝦意粉，個汁好好味呀⋯⋯勁開胃，比我清哂hahaha！果然冇揀錯！😚😚

週末天，天氣非常好，於是相約朋友下午到尖沙咀行街睇戲。活動之前，當然就係要去醫肚先啦今次揀選了這間CAFE，一來是因為方便，就在K11內 ; 二來就是貪佢幾有特式朋友點了這個 ~~~ 素食全日早餐(份量足，牛角包好鬆軟，食完之後成口都有牛油香味 ; 炒蛋用上牛奶嚟炒，所以又香又滑。)我就點了這個 ~~~ 鮮忌廉白菌煙三文魚意大利麵 $88(意粉軟硬度適中，煙三文魚味道很香，雖然是用上忌廉汁，但食落唔會覺得太膩)最後，當然唔少得要點返杯回魂咖啡啦CAPPUCCINO $38(這杯是用了北義咖啡豆來沖，所以味道同平時飲開的不同，這杯偏酸)***注意 : 這裡用餐是有限時的***