牛陣 (德福廣場1期)

營業中

休息中

星期六日要喺德褔搵位食飯真係一件好艱鉅既挑戰⋯下午一點幾鐘，我同朋友早餐都未食🙄見牛陣竟然不用排隊，正👍佢午市放題有兩隻價錢，一種食60分鐘、而另一種食90分鐘的。我們都覺得打邊爐好難60分鐘食得晒，貴啲就貴啲啦～好多唔同類型既蔬菜揀，好新鮮，佢哋將啲菜放喺一個煙霧離漫嘅雪櫃架上面😂感覺啲菜都靚啲👍👍日式嘅邊爐就係有呢樣好，好多正菜食～牛肉同豬肉都係任叫的，但係我哋都只係食咗兩碟牛同一碟豬，第一碟既牛肉靚啲，第二碟就⋯😅🙄OKay啦～睇唔睇到個湯好黃呀？因為我哋真係拎咗好多鮮蟲草花，真材實料😂👍有維他檸檬茶同Haagen-Dazs雪糕任拎😝😝👍👍👍

心情大好～決定放lunch黎「牛陣」大刷一番二話不說，跟同事一行6人一致揀左「上選定量套餐（牛肉）-日式清湯」！價錢只係$69/位+10%，就可以60分鐘放題+每人有一客靚牛唔好以為lunch無乜野食提供～種類真係唔少架！菜方面有4種，再加蕃茄、南瓜、、豆卜、芋頭、秀珍菇同雞肶菇！另一邊就有墨丸、魚肉片、魚蛋、菠菜丸、腸仔、獅子狗、烏冬、公仔麵等等！而果碟牛肉雖然無最平果種，但已經食得津津有味，質素很好呢～肥瘦適中，油脂均勻除左火鍋之外，仲有咖喱飯提供！但小妹太飽無機會食～最後一環就係食Haagen Dazs雪糕～大滿足！實在太抵喇～$77/位可以食到咁多野CP值非常高！

牛陣。這間分店已經黎食第三次。因為真係食物質素好啲，環境靚啲。所有野都好啲啲。(因幾年前食過世貿分店，感覺真係麻麻地，食物唔正，令到我幾年後無再食牛肉火鍋放題！)牛陣這間分店好在於1)食物 ， 包括牛肉，豚肉，其他配料都新鮮。而且配料排放位置乾淨。又有我鍾意食既南瓜，金菇，等。。2)Haagen Dazs 雪糕無限量任食！ 真心好正，因為佢真係有5,6款口味任你食，仲要係好正既味。例如夏威夷果仁， 焦糖脆脆，士多啤梨，芒果肉雪糕，等等等。。你只要食夠5球都感覺回報了！3)咖喱牛腩飯任食。 當打邊爐未食得住，又勁餓，食少少飯真好。咖哩味唔錯又不辣。而且有好多薯仔，同牛腩，足料任食！ 以上三點就係令我本身唔鍾意食牛肉火鍋放題既人，重新入去大肆咁食，食，食。。

好耐冇試過打邊爐啦, 今日突然口痕痕, 於是就去牛陣試下打邊爐啦…..我地叫左個壽喜燒湯底, 因為味甜而且令到食物可以更加鮮味…..呢到打邊爐既其他食物種類唔算多, 都係得啲平常會見到既例如: 栗米, 生菜, 丸類, 腸仔, 豆卜等等……食落味道都OK, 不過不失。一上枱既牛肉同豬肉都幾新鮮, 不過牛肉略嫌切得比較薄身, 食落味道都唔錯, 牛肉味道都OK。至於豬肉方面都好爽口彈牙, 味道都幾濃郁…..佢有個食物盒係附送埋俾我地, 裡面有餃子, 魚柳, 蟹棒, 魷魚仔, 響鈴…. 味道都OK….而且呢到都有好多唔同種類既野飲都可以任飲, 都算值回票價既, 不過如果可以再加多點唔同既食物種類就好啦……

牛肉的肥瘦比例適中，脂肪都混在牛肉中間。輕輕淥一淥，肉汁依然停在肉入面。食過後，簡單一句評語：「牛味十足」。比起平時食的，甚至係和牛，佢的牛味都比較濃。柔軟度都算好好，但就比不上貴一倍以上的和牛。

日式火鍋店現在愈開愈多, 但呢間就少有地連食晏都可以打邊爐, 真係太好啦!座位好闊落, 環境舒適.服務都好周到, 見我地兩個人都買到成手shopping戰利品, 就比個靚卡位我地坐同埋擺野。野食方面, 午市套餐$70可以食一粒鐘, 可揀一碟牛或豬.可以用平民價食到靚牛, 真係性價比一流, 牛肉全部都肥瘦適中, 牛味濃郁, 但唔太滑.配菜方面雖然唔係太多, 但蔬都好新鮮翠綠, 又有我至愛– 西洋菜, 海帶, 仲有冬陰公丸 – 驚喜之一.驚喜之二 – 就係有HAGGEN-DAZS 雪糕食了, 其他日式火鍋店多數都是乳酪, 呢間真係夠哂誠意!

去親德福行街都要苦惱晚飯去邊解決好，好多間餐廳都已經食過啦唯獨牛陣仲未去食過今次又去德福行街，見牛陣唔洗等位，仲唔趁呢次去試下侍應好快安排座位俾我o地座位都幾寬敞，醬汁自助區都幾乾淨，無出現醬汁整到周圍都係的情況我o地點個黑豚肉及牛肉套餐$198，好抵飲品任飲鴛鴦湯底，一邊辣一邊唔辣，牛奶湯底真心覺得正好鮮的牛奶味重，好滑轆轆牛肉色澤無甘鮮紅，以爲唔新鮮，但食落又唔會無雪過的味道，亦都唔會鞋，反而幾爽口，肥脂肪更使牛肉好嫩打邊爐我一定要食蔬菜類牛陣蔬菜類又幾新鮮wo食到最後飽到呢

做完運動出左身汗，最好就係舒舒服服咁打翻個邊爐，放題更佳，牛陣係不二之選！黎到門口有幾個人睇緊menu，店員同我地推介佢地有唔同肉類餐同湯抵，但我地累爆完全無聽入耳叫佢即刻安排左位先 哈哈~一坐低,店員就奉上湯底以及肉類menu，同我地介紹最近新推出既肉類同湯底! 光是湯底已經有8種,有辣有唔辣！我地有人不吃辣有人無辣不歡，鴛鴦鍋底唔洗諗！店員介紹最近推廣日本直送既黑豚肉，真係睇見都流口水，唔好諗咁多啦！肉類雪花分明，入口即溶！緊係encore再encore，我地素來有放題殺手嘅稱號，一定食番夠本，哈哈！呢度最邪惡莫過於哈根大屎雪糕...頂唔住喇，操多兩課減走佢啦唯有！！有個小插曲係友人燙到了舌頭大叫，店員即刻問佢做咩洗唔洗幫手，係個女店員來架，好細心，加分！

同朋友難得放假出黎聚一聚, 黎到德福先發現原來有咁多野食,特別係日本野中午等位人龍長又長, 我地揀左間唔多洗等位而又飽肚的shabu shabu爽一下要用平民價錢食靚牛就要係牛陣啦, 佢所提供的牛肉肥瘦適中, 牛味幾濃架德福牛陣坐位寬闊, 兩人位仲有塊板仔同隔住隔離位, 唔會一邊食一邊同陌生人你眼望我眼亦設有卡位, 岩哂一大堆人過去勁食中午可以揀食套餐或者放題, 套餐就只有一份肉, 可能男士都揀返放題好些因為價錢相差唔算太大, 不過放題只有一個鐘咋! 我嫌短得制, 90分鐘會好D!!而且又要食哈根達斯雪糕, 你要回本就要一個鐘內冰火交替, 唔係講笑, 幾難頂架但雪糕口味都好多!有六款架,眼闊肚窄, 每樣試下都好夠! 特別推介西柚味!口味清新有果肉!我地一坐底好快已經黎左兩牛一豬, 我地揀左$108放題, 只有清湯湯底清湯好處就係令到牛肉豬肉味更突出, 但牛肉唔多滑, 好"鞋"但場內有唔少人都揀蕃茄湯, 大家都可以一試! 我見到亦有人一條友仔過黎放題亦得!飲品任飲, 選擇亦多, 維他檸檬茶同樂天都有! 道地檸檬茶好好味!調味料選擇勁多!!蔬菜類算新鮮多款, 特別推介有芝士做餡的魚腐 同埋

真慚愧，住左九龍灣咁耐，都唔知德福有牛陣，呢個消息竟然係來自我那個不行街的老豆.....今日放假於是乎捉埋報料的老豆同細佬請佢食番餐！識請一定係請午餐啦，抵丫嘛哈哈。環境唔特別提，因為間間都一樣～附上自助吧照一張:湯底方面今次揀左豆乳，因為老豆食得比較清，估唔到有d驚喜wor，有淡淡豆味，感覺清新。牛方面算係中上，唔太"un"，牛陣係唔會令我失望嘅hehe~~ 另外想介紹一下呢度的豬肉，其實我一向唔鍾意食豬，因為硬係有浸"so"味，但牛陣的豬好岩我，無果浸味。另外作為飯桶嘅我，係會一邊shabushabu一邊爬飯的，而我最鐘意牛陣係有炒飯食！最後緊係把握時間食雪糕啦，我整得靚嗎hehe知道德福有牛陣實在係太開心喇，減肥嘅事，下個夏天再算啦haha~

約好友人BOOK 定黎德福食牛陣, 之前我未食過呢度既晚巿, 今次先黎試下佢既午巿先, 1小時任食, 原來都几多人LUNCH 走黎SHABU SHABU 架喎.... 我地UPGRADE 左個SET 做和牛餐, 然後就出去攞左D 丸類同埋菜類, 再調較自己喜歡的醬汁. 枱上已放了2碟豚肉, 其實豚肉也不錯的, 但既然UPGRADE 左做和牛, 我地緊係冇番兜豚肉啦!丸類質數麻麻, 只吃了一ROUND, 好彩我地冇攞好多.和牛油花分佈得好靚, 顏色鮮紅感覺新鮮, 由於牛肉都几薄, 只雖涮5-10秒, 否則就變老了, 和牛味道不算太濃, 但質地細滑, 我個人喜歡配酸汁. 我地4個人總共食左14碟和牛, 質素冇越叫越下降, 同埋即ORDER即到, 每次ORDER 食物, 都只係2-3分鐘就上菜. 服務有水準.食下食下不知不覺就最後15分鐘, 還來不及去食HAGGEN-DAZS, 因為雪糕櫃要排隊, 而眼見裝雪糕的客人都用了九牛二虎之力才成功筆到2小球, 我們決定放棄, 多叫2碟和牛回本.... 食後感: 和牛好味，但1小時SHABU SHABU 確係太趕!

今日心血來潮想去食牛陣，而在附近番工的朋友亦都興致勃勃，於是今天的晚餐就係食日式火鍋。一入餐廳就已覺得和味甚濃，以裝修來講，德福呢間係最有心思同最日式。和味咁濃，唔知牛味又如何呢？我同朋友都點左$278的黑毛和牛，湯底則選擇傳統的壽喜燒湯底。湯底夠濃，有日式甜豉油的香味。牛肉上檯後，著實令人驚喜。肉的色澤很好，沒有雪壞。牛肉切得夠薄，夾起至滾熟的過程，亦不見肉質鬆散。不似家中的雪花牛肉那樣，很容易在滾熟的過程中消失得無影踪。而且牛肉無根位，所以亦唔會食出渣。牛味濃亦夠新鮮，入到口中不會成口雪藏味，這一點也令我很驚喜。所以以200元左右的放題來講，性價比的確很高。唯有一點是，當我同朋友點到第3盤後，上菜的速度就變慢，所以90分鐘的放題時間也略嫌倉促。醬汁方面，我地自行調製了幾款，但還是最愛豉油。因為牛肉在滾熟的過程，其實已經入左味，尤其食到後面，湯底更濃更出味時，牛肉本身已帶有湯底的甜味，所以只需點一點豉油再調下味即可。配料方面，選擇好多，但說不上有什麼特別之處。唯一印象最深刻的是豆腐。意外地非常嫩滑，豆味好濃。而蔬菜方面，牛陣的選擇亦較其他餐廳多，食完牛，正好可以食多點蔬菜清腸胃。除左

牛陣係食牛肉刷刷鍋的地方, 午餐限時1小時任食, 我們一行十四個人, 所以要先付訂金, 本來一心係諗住嚟任食架, 但係因為全張單要食同一款及湯底也要一樣, 所以為了有人想食和牛套餐, 我們只好也是食限量供應的和牛套餐.套餐包和牛一客, 飲品一罐. 湯底是清湯底, 出面都算好多選擇, 有好多菜, 通菜, 生菜, 紹菜, 小唐菜等, 還有好多丸, 牛丸, 貢丸等, 仲有金菇菜, 芋絲, 冬菇, 秀珍菇等等.還有咖喱牛腩飯, 公仔麵, 烏冬等等. 和牛賣相都幾好, 不過其實味道我真的食唔出同其它普通牛的分別, 可能我唔係牛精, 亦沒有那麼高要求吧. 一份牛肉有十四塊牛肉的, 份量都好夠. 其它菜都OK, 沒有甚麼特別, 咖喱牛腩飯就好好味啦, 好香, 又唔會好辣呀, 正呀, 用嚟送公仔麵都好好味.雪糕係HAGAZ-DAS的, 有雲妮拿, 朱古力, 還有其它的, 不過我食了雲妮拿及朱古力, 要好大力才可以整出嚟, 雪到好實呀.因係套餐, 唔係任食, 所以都冇限時的, 我們都食左超過一小時. 

星期日大約７點，２位，等左15分鐘，等大台的人多Ｄ。最平係＄１４８，不包野飲，單點野飲要加$12一罐。湯底點左甜豉油，都幾甜。仲有好多丸，材料refill得快，亦好企理，都新鮮。$148的牛冇咁滑,牛味都重。甜品是Häagen-Dazs雪糕, 有六款口味。會不停refill,仲有最新的royal milk tea ! 又有blueberry，焦糖,曲奇，

等了15分鐘就有得入座。湯底:叫鴛鴦湯底係牛陣湯底同豆乳湯底，即係清湯。第一次試用豆乳打邊爐,個湯底愈滾愈甜,甜得有點漏。兩個人都係食左一碟半牛肉,第一碟牛肉比較瘦,食到好濃既牛味,口感也不錯,全因切得夠薄。脂肪多既牛,口感更正,不過肉味較淡：。豬肉無也味,果然這裡不是吃豬肉的地方。不過,因為切得薄,唔洗淥好耐,又唔鞋口,唔靭。除左牛肉同豬肉要一碟碟叫之外,其他蔬菜,甜品,麵。自助吧供應既主要嚟講都係無咩特別,蟹柳是不錯的。蔬菜有很多選擇,不過我就麻麻。呢到都算多唔同既時菜,不過留要佢refill 不定時,第一次出去睇到既菜同第二次出去睇到既有dd唔同。麵有烏冬,幼麵同粉絲。仲有炒飯添,不過都食都好飽,而且都係普通雜豆牛肉粒炒飯,所以無試。甜品係dryers雪糕, 甜品當然係賣點啦,埋佢先值得。