影片
更多
2018-10-03
1775 瀏覽
呢排天氣一涼真係好想打邊， 鍾意食辣嘢嘅人除咗會食麻辣火鍋之外，相信泰式冬陰功鍋都會係一個唔錯嘅選擇，喺facebook見到牛陣咁啱呢排做緊呢個泰式冬陰功火鍋嘅promotion，似乎唔錯又係時間約朋友拉大隊去試下新嘢啦。呢個湯底都幾特別，平時食嘅火鍋通常都係一早煮好嘅湯底，到時加湯咁，但係呢個係可以畀客人自己玩DIY，用香料加埋和牛脂肪咁落鑊炒，炒香咗啲香料先至再加入湯底，變相就感覺更加新鮮入味。 而且有得食有得玩，不過炒香料嘅過程中，啲香料都幾辛辣，個鼻有少少敏感。湯底入面有香茅、乾蔥、蘑菇、辣椒、南薑、芫茜等等，非常正宗嘅泰國口味，但係唔會太辣。跟餐仲有海鮮配料，有蠔肉、帆立貝、魷魚，比起一般嘅套餐更加豐富。 海鮮嘅質素都ok，加埋落冬陰功湯底到，就更加索味，酸酸辣辣非常開胃。另外仲有牛舌切得非常薄，入口都幾爽口，淥十幾秒就食得。而黑毛和牛質素都相當高，望落已經見到唔少雪花，而且顏色鮮紅，食落入口有非常香嘅油脂味，但係唔會太肥，亦都有好香既牛味。不過最令我驚喜嘅係今次牛陣呢個泰式湯底嘅promotion非常之有心思，由出面嘅小食同蔬菜配料，開始已經見到唔少泰國嘅元素。就好似呢一個
呢個湯底都幾特別，平時食嘅火鍋通常都係一早煮好嘅湯底，到時加湯咁，但係呢個係可以畀客人自己玩DIY，用香料加埋和牛脂肪咁落鑊炒，炒香咗啲香料先至再加入湯底，變相就感覺更加新鮮入味。
而且有得食有得玩，不過炒香料嘅過程中，啲香料都幾辛辣，個鼻有少少敏感。
湯底入面有香茅、乾蔥、蘑菇、辣椒、南薑、芫茜等等，非常正宗嘅泰國口味，但係唔會太辣。
跟餐仲有海鮮配料，有蠔肉、帆立貝、魷魚，比起一般嘅套餐更加豐富。 海鮮嘅質素都ok，加埋落冬陰功湯底到，就更加索味，酸酸辣辣非常開胃。
另外仲有牛舌切得非常薄，入口都幾爽口，淥十幾秒就食得。
而黑毛和牛質素都相當高，望落已經見到唔少雪花，而且顏色鮮紅，食落入口有非常香嘅油脂味，但係唔會太肥，亦都有好香既牛味。
不過最令我驚喜嘅係今次牛陣呢個泰式湯底嘅promotion非常之有心思，由出面嘅小食同蔬菜配料，開始已經見到唔少泰國嘅元素。
就好似呢一個嘅泰式青木瓜沙律，可以畀客人自己加配料，再撈埋啲特製嘅酸辣汁，非常清新開胃。
而我最鍾意嘅就係乾蔥同埋花生，再加少少許酸辣汁咁食。
我食完沙律仲將佢個酸辣汁當火鍋醬料咁用，酸酸辣辣，好醒神。
另外仲可以畀客人自己調製香茅蜜糖茶，非常有心機。所用嘅泰國蜜糖，亦都非常香花味，打邊爐咁熱氣飲兩杯潤喉是必須的。
至於男朋友就嗌咗象啤試下， 同冬陰功湯非常配合，成件事好泰國風。
最後梗係唔少得食甜品啦，除咗有平時提供嘅哈根大師之外，呢一個 期間限定嘅冬陰功套餐，仲送埋芒果糯米飯雪條。
就算幾飽都要食既甜品，因為呢一個雪條真係令人完全心心眼，除咗好香嘅椰汁同芒果味之外，雪條入面仲有一粒粒嘅糯米飯，不得不讚。
今次呢個套餐真係由頭泰國風到尾，食得非常開心。
張貼
