牛車水餐廳 (美孚新邨)

營業中

休息中

夜晚上完堂去呢度宵夜，叫左個焗豬扒飯餐，先來一碗羅宋湯及餐飽，碗湯入面有十粒八粒檸檬核係度，我唔知正宗既羅宋湯係唔係有檸檬的，不過我覺得真係唔好飲，個餐包用微波爐叮得太過火，又乾又硬兼且味道怪怪的，吃兩啖丟低左。到個焗飯，D汁係淡紅色，無味道的，好在D豬扒都還可以。最後叫左杯熱檸茶，杯茶好深茶色架，不過厲害之處係杯茶味道似一杯水一樣，無茶味既。

通常星期日我哋倆公婆都盡量晌屋企煮飯食，因為有多啲時間準備，唔似平日要返工比較趕。但今次就因為晏晝都各有各忙，咁就費事煮啦，搵埋舅仔一行三人出街食！本來諗住去食點心專門店，但好似唔太就腳，最後費事煩走返美孚搞掂算。揀咗牛車水，都係因為依間嘢係舅仔嘅飯堂，美孚查實都有好多茶餐廳，但佢就稍為情有獨鍾依間。美孚幾實都有唔少選擇，不過星期日嘅話就好多好食嘅都人滿之患，唔爆嘅有可能唔好食，又或者係一般，牛車水就屬後者，對我嚟講，佢唔係太差，亦講唔上好食。依晚，星期日，黃金時間，都係7乘幾滿，除咗味道，普羅大眾當然好考慮個價錢，反觀隔幾個鋪位嘅大家樂就爆晒，始終人哋都係平啲。牛車水食晚飯個價位就$50位左右，不過，老婆唔算大食之人，我就多有多食，少有少食，舅仔牛高馬大都只係稍為叫食多少少，所以，叫兩個小菜搞掂。佢依度有幾款晚市套餐，其中一款叫「自選小菜二人套餐」，任揀兩款精選小菜或煲仔菜，配例湯或湯羮（粟米雞茸湯、海鮮豆腐羮、牛肉羮），加白飯兩碗同熱飲兩杯，賣$102（另加一）。本來打算就依個二人餐扑鎚，不過幾款湯羮佢哋都唔太啱，如果飲例湯，不如散叫小菜，因為每款精選小菜或煲仔菜，都送例湯、白飯同

同朋友夜晚去食晚飯！叫左兩個扒餐，一個肉眼扒餐，一個西冷扒餐~羅宋湯好咸！不過可以接受，(因為其他餐廳都係好咸)忌念湯唔係湯！係忌念水！好稀！肉眼扒>>>唔係扒！得幾片好薄既牛肉！又多根，又難食！跟餐d意粉碎晒！每條得3寸長！仲要好難食！失望。

要去幫襯有咁多劣評的食肆, 都要有些少天時與地利的因素. 今日中午去銀行, 辦完事情行出門口, 已經下午三時了, 總要搵地方食點東西吧. 不想去大家樂或美心, 又看見這裡的下午茶都okay, 不算貴, 就試試吧.我偏好焗的食物, 所以揀了芝士焗意大利雜錦通粉, 配熱奶茶.熱奶茶先到, 用長身杯盛著, 不過只得七成滿, 感覺像被人偷喝了一啖似的. 茶是濃, 但沒有香味, 亦有點苦. 焗通粉送來時, 十分熱, 但沒有煙昇起, 所以一不小心就被燙了一下, 其實侍應是有責任提一提客人的. 吃第一啖, 沒太明顯芝士味, 有點兒失望, 加上所謂雜錦只是腸仔, 火腿及青椒粒, 所以一定沒有美味可言, 長通粉算okay, 整體份量較正常略細, 由於不太肚餓, 所以是夠吃的.沒太大期望, 以下午茶價錢, 人不太多, 環境算舒服, 所以okay的, 但最好不要坐卡位, 因為椅背太直, 坐得辛苦.

看看餐牌，早餐都有好多選擇我叫了傳統的早餐"雙"蛋+1餐肉沙牛麵，麵係出前一丁係多士，唔駛加錢冷熱飲品同價，又唔駛+$2早餐唔駛加一埋單係$22多士、出前一丁、多左隻蛋、凍飲唔駛+$2通常都可以獨佔一張枱，加上有電視，絕對超值啦！

十二月七日(星期一)同老公仔transit,由尖沙咀到了美孚!在沒有搜集過資料的情況下,就到了牛車水吃了我們都喜歡吃喇沙,於是每人叫了一個我就要了海鮮喇沙米線,老公仔就要了肥牛喇沙米線叫了凍檸茶凍檸茶都可以!而喇沙就比較特別!原來是很"傑"的!是個喇沙撈!喇沙都做得不錯!很香,有椰汁味!海鮮只有墨魚和小蝦,比較差了

今日早左起身，打算去試下牛車水早餐喇早上８點幾，食客唔算多，坐低睇完餐牌急急搵待應ＯＲＤＥＲ喇，大約舉手左好耐，Ｄ待應唔係拎緊野就睇唔到我地，等到唔耐煩就起身去問一個姐姐落單，咁佢個餐牌每個餐都會有幾個數目字既，我地叫２個餐，手指指住個餐牌係雪菜肉絲咩加奄列喇，個姐姐就問咩ＮＯ．（心諗指住都仲要問既），咁第２個餐我地就講ＮＯ喇，點知佢就問係咩，咁寫完佢ＲＥＰＥＡＴ一次單之後，我已話亞姐唔該快ＤＤ，我地趕住返工，亞姐答完得，點知，比我見到佢走左去隔離台（人客食完走了）執台，（但當時唔係冇吉台的）執完Ｄ野再返轉頭都未見佢幫我落單，果時我忍唔住話亞姐，我趕住返工架．．亞姐佢手腳超慢，超唔純熟，佢答我’’得得得’’我當時真係嬲，嬲得黍又睇錶，由我入餐廳到佢未落單要過左１５分鐘，之後我話我唔食喇，你唔使落單，走人，結果我就去Ｍ記買左個包返公司食．．．ＬＥＥ次之前係個幾月前牛車水裝修完，果日係星期日約３點幾去食下午茶，但情況唔同既係果時客人都算多，我地叫左下午茶餐２個炒野食，等左３０分鐘已吹待應有冇漏單，佢話有單，好快到，４５分鐘後又吹，都係話就到，炒緊，再出收銀問喇，佢話Ｄ豬扒要炸所要要耐Ｄ，果

上次去食o既係 海南雞飯.d飯都幾多, ok 香. 唔錯o既.個雞都幾滑.但 d 台 就好似好"立痴痴" 咁.

美孚的好處係居民好多,如果有間價廉物美的餐廳,絕對可以立足!可惜......這間不是!晨早6點跑步,沖完涼,諗住返學食早餐!這間店之前結業,但前排又重臨!於是食了個牛扒拉麵餐,凍飲不加錢!唉,原來牛扒同noodle分開上,牛扒油膩得很!這只是一大塊脂肪! (=_=")食食下,咦?跟餐的油多呢?未到,第二次未到,第三次......都未!飲完杯凍朱古力,我大大聲問,佢先到,漏單漏到咁?唔該哂!第一次比個喊,實在比唔到ok,相都唔影,真係節省少少!如果......你只需要果腹,呢間綽綽有餘!

今晚經過美孚dinner,一心想食大家樂,但原來innovation中,就過左隔離呢間牛車水,見裝修過望落去都ok.坐低叫左一個海南雞飯,一個焗豬扒飯,跟一個白湯.男友份海南雞好快成set咁上.普通.雞油飯麻麻.又唔俾"是"油,要問先俾生抽.@.@我個湯仲未到,又餓,問個阿姐可唔可以上左個白湯先.佢好似我即講佢即幫我落單咁.即係漏左?!?!?!?點知轉頭個焗飯已經到左.食左一半.我個白湯同餐包都黎埋.係食左半個飯先黎呀.仲要係我唔問個阿姐,佢應該係唔記得左.食緊飯都唔想食包同飲湯啦,次序錯曬.個豬扒飯勁少豬扒囉,多骨少肉,又細碟,d豬扒肥到震,我男友都話肥喎.真係大家樂好食十倍,快十倍.起碼平$10 (牛車水係$46加10%,餐包餐湯咁遲上令到你唔想食,湯亦無味好水).呢間野,無第二次!!!!!!!咁既服務態度學人收加10%?!?!?!?!?!?!?!普通到唔普通既三流茶餐廳.無服務學人收服務費?!?!?!??

見未食過, 諗住同女友去試下啦,點知湯唔好飲, 牛油有陣味都算..女友叫左塊T骨扒, 嗅的, 舊肉壞左,因為有D汁, 都唔多覺原來舊肉已經變左黑啡色,食到女友馬上都嘔左出黎, 叫餐廳亞叔過黎,都心知不妙叫個經理過黎, 經理仲要好串咁,態度非常差,話"換過個俾你囉"咁唔敢再叫肉, 米叫個龍利柳食囉, 點知仲衰, 完全未解雪, 入面好似食緊雪水咁.結果最後都冇食, 埋單走人,咁樣既質數, 都仲要成162蚊,兩位, 痴線, 都唔知點解呢D餐廳仲可以生存.真係食杯麵, 食麵包都唔會再考慮去呢間嚴重不知所謂既餐廳!!!

很久冇黎呢度食飯,佢比我既印像係一般,但今晚路過美孚想"据扒"心想應該好過"大家樂"掛. 大約20:00入到去都見有6,7成客..同另一伴叫左'咸豬手"and"枊眼牛扒" HK$56.00一個餐有湯,有飽,有熱飲....但凍飲+HK$3.00...跟飯or意粉+HK$5.00 (仲有收加一). 羅宋湯 --- 味道好淡.枊眼牛扒---冇問妳要几多成熟...求其比兩件扒過妳,好鞋同有個種雪藏味個隻...(勁難食)咸豬手 ------- 好細隻豬手,我把刀差d切唔開...都有好大雪藏味...意粉 --- 好小,好油出左門口同自己講,以後都唔會黎呢間野食呀....真係"大家樂"都好過佢.

牛車水個名都聽過下，今日有緣見你，就會一會你拉。叫了洋蔥汁豬扒飯、羅宋湯、熱華田個湯都好水下，配料少得可憐，帶些辣味。華田就奶味好重。個飯不可以帶些飯焦，個汁俾得太少唔夠送飯，個扒唔使用刀切，用羹輕輕一壓就可分開，味道就唔掂，價錢貴過附近食店，咁樣質素點會再有客番吃呀。

見到之前咁多劣評，我本人覺得都不是太差。剛剛上星期五與男朋友到這裏吃晚，我們分別叫了咖哩軟殼蟹飯和荷香海鮮飯。我們都覺得咖哩軟殼蟹不錯，咖哩汁味道不錯，my boy friend 更把整碟咖哩汁撈，我本人則喜歡軟殼蟹。荷香海鮮飯味道OK。但是侍應忘記了拿餐湯給我們(態度一般)。

今日世叔突然來電, 問我放工沒有. 正準備走的我, 未食飯, 8點半食飯亦能趕得切. 阿姨亦在場, 老爸亦準備join. 雖然是自己 Ban 左十世的牛車水. 又是尊敬老人家, 破例食一次, 亦準備送個喊臉俾佢. 果然, 叫餐附上的紅湯, 真的是第一個喊臉.紅湯, 樣子看來不錯, 但飲落味道怪怪, 尤其是菜既味道怪怪的, 沒有鮮菜味, 是否夜間, 成煲湯由朝早煲到夜晚. 煲到過晒火侯. 搞到D味道怪怪. 焗牛仔骨飯, 味道方面冇事, 但牛仔骨, 異常地煙韌, 咬不開之餘又弄到滿嘴油. 少一點牙力, 根本咬不開. 幸好有把刀仔, 明白了為何港式焗飯要派把刀俾我, 沒有它, 根本沒那牛仔骨辨法. 其中有一塊仲韌到咀嚼完依然是彈牙彈口. 惟有靠胃酸去幹掉它. Auntie食一個荷葉飯, 奇異的是, 荷葉飯為何要用錫紙包????焗的???? 賣相絕對不吸引. 其他叔親的鐵版餐, 咖喱雞飯, 海南雞飯, 感覺很一般.最後Coffee, 相信使用了比Nexcafe更差的咖啡粉沖調, 味道怪得可布....回想起點解要Ban呢間野. 曾叫下一個回鍋肉芥蘭......竟然是罐頭回鍋肉芥蘭.....至此,