牛車水餐廳 (美孚新邨)

營業中

休息中

是但入一間，因美孚但無乜特別食店。晚市要加一，但幾豐富架。豬扒焗飯，豬扒切開就可以更方便食，又用無骨扒。飯有炒底加雞蛋，雖然雞蛋量不多的說。個汁都唔錯，撈埋飯一流。羅宋湯夠甜，蔬菜多又腍，但人家提醒是加了糖才喝出甜，間中喝好了。 加6蚊轉紅豆冰計鬆軟的小餐包，微熱抹上牛油即吸曬，食入口更香滑豆腐班腩飯，夠鹹好下飯。中飯有跟中湯，紅羅白豬骨湯。 要扣小小分就是汁比較油，女生唔慣但男人口味做出發就無問題，同衛生比較一般，可能是開了好多年，但成日滿都好受街坊歡迎

今年除夕約了好友倒數，一年最後一餐好友突然想去牛車水食，說起來我第二次在這兒堂食，數月前曾經光顧下午茶外賣（下午茶外賣價錢幾抵）其實美孚新村食肆眾多，呢間能夠有多年歷史，相信有d值得人喜歡的地方~~~舉起餐牌發現晚餐唔係特別平，但眼見鄰枱有兩位大叔食鐵板餐，喜歡鐵板餐落汁時噴出炸炸聲感覺的我就決定食九十幾蚊的西冷趴餐一開始上餐飽和白湯，白湯感覺ok，餐飽暖又軟，幾好食~~~沒想到個趴本身有薯菜，仲包埋意粉，我淨食趴就已經飽晒，有d後悔唔叫侍應唔駛加飯或意粉~~~件西冷趴夠軟熟，勁好食，薯條唔太熱氣，超鍾意呢個餐好友叫六十幾蚊的海南雞飯，我試咗一件雞肉，感覺冇乜味(￣∇￣)呢間餐廳的鐵板餐和下午茶真係值得幫襯，怪不得有咁多負評都能夠營運多年(^_^;)俾味道分高係因為個鐵板燒真的好食

今天的午餐解決在深受老街坊歡迎的港式新加坡餐廳（要加一的，所以不會是茶餐廳）下午茶價格範圍是三十多四十餘元，包飲品一杯。細看餐牌能察覺食物款式是有港有西，要選有東南亞風味的會有炒貴刁、喇沙及海南雞飯。焗芝士雞扒意粉已經預算會吃到港式茶記的肥意粉，但没想過這焗意粉的出場會打破我的想法。意粉竟然仍有彈度，吃落不腍;芝士白汁的質地不似漿糊，吃出有奶味而非馬虎的麵粉糊，雞扒被焗至皮脆帯香而雞肉不柴還有它們的『鮮醬油』調味。味道 3環境 3服務 2.5衛生 4抵食 3

d侍應生唔想做就返屋企啦！行動緩慢，行都唔願行，扮睇你唔到，5分鐘先攞到餐牌，10分鐘都叫唔到人落單，企曬响水吧扮攞餐，唔順路唔洗指意佢見到你，唔洗講啦！即走。唔只1次係咁樣，檢討下啦！

如题，总之是又贵又难吃，不会再去第二次了…点了个扬州炒饭，以为不会差到哪儿去吧，但却发现饭不香，没什么配料，又干又硬，也不够味道。还有小炒皇，几乎全是芹菜，腰果，肉只有可怜的几粒，也一样没什么味道…哎…太失望了

呢度既叻沙正宗就一定唔係最正宗，勝在夠快有得食，但茶餐廳黎講算咁60蚊碗勁多餸，有蝦，魷魚，雞蛋，豆卜，肉碎，芽菜，蜆肉，不過豆卜真係好鹹，可能煮之前有調味過? 食完都幾飽😂味道都有6分~

美孚其實都有好多好野食, 今日就試下一間茶餐廳啦！點了一客海南雞套餐, 有油飯同菜同湯,再配飲品, 以份量來說絕對足夠的但味道就真係差左少少啦首先d雞就有少少硬, 無乜滑既感覺, 好似有少少擺太耐好乾咁其次個飯真心好油, 食食下都覺得有少少濟, 同埋無乜飯香咁, 菜就好正常, 不過得3條就避免有點縮水吧

下午茶種類繁多，我獨愛沙爹5串（可選雞、牛或豬）。試過一次下午茶鐵板餐但就唔係太好食，肉質唔得，又或者係熟過頭了侍應成日好似好忙，叫極都無人理。下午茶時間到1830是一大吸引力。

今天趕時間，見呢間茶餐廳午事有位，二話不說就入去了。選擇基本上係茶餐廳正常選擇，本來就無乜期望，諗住穩陣起見叫個印尼炒飯。賣相已經係好麻麻，飯既份量係多，但配料就少得可憐。本來就無乜要求，算啦食左再講啦。出事啦，味精味極濃，而且飯夠晒油利呀，咩事呀！以我食炒飯年資係二十年以上，成個味道根本係揚州炒飯味道，除左色澤係黃色外，仲有何特色說明係印尼炒飯！加上佢碟飯既配料係又少又細粒，蝦肉蜆肉仲細過塊指甲呀，食左都唔覺落肚啦。賣相，材料，味道無一可取，加上職員視而不見，落單都要等五分鐘先有人肯走埋黎，失望。咁樣既質素加埋一仲要成50蚊，唔值囉。

一直都聽過🐂🚗💦既大名剛起床想食個下午茶 雞脾心想雞脾唔會難食得去邊勇闖牛車水對唔住 我錯啦係牛車水點左個 炸雞腿配薯條 $33碟野一黎到 隻雞腿已經被炸到不似腿型食落去 又乾 又冇乜肉薯條 勁油 好大陣油益味（好彩唔多）真係寫個「服」字牛車水 係勁！仲要收加一早知去隔離食大家樂

呢間牛車水真心是垃圾，垃圾食物，服務態度極差，坐係度完全吾會理你。個飯又凍又難食。叫左杯朱古力。淡到好似水咁，同佢地講完。佢地回應係：送既係咁架啦，一定無你屋企自己冲既咁好飲，我回應：呢杯係水。唔係朱古力，之後佢就黑面轉身走開，當你透明。呢間牛車水真心垃圾。從未試過食飯食到咁。永世不幫襯😡😡😡

上次DINNER食過鐡板牛, JUST OK, 想比多次機會再試下佢馳名既海南鷄, 唉.........今日同媽媽食個LUNCH, 諗住同佢一齊懷緬一下昔日既海南鷄飯, 我地叫左個海南鷄二人餐.首先黎個超大碗合掌瓜湯, 幾甜, 預左個湯落左師傅, 我飲左少少再黎主菜, D菜心OK, 不過勁油....海南鶏CLOSE UP , 份量小, 半隻都無, 個賣相又唔得, 點知食落仲要係好一般, 肉唔新鮮, D肉質仲好靭! 唉, 好失望... 唯一做得最好係個油飯, 幾好食, 但因為太少鷄, 無得餸飯, 都食唔哂.....我諗我都唔會再幫襯住了 .... 再見

好耐都冇食過牛車水啦, 我記得當年我第一次來係阿爸帶我來的, 轉眼間原來呢間牛車水都開左咁多年, 都唔到都仲係到 我六點零鐘來到, 估唔到仲有下午茶食, 我諗唔到食乜野, 於是就叫左個鐵板肉眼扒食, 我加左6蚊要左個羅宋湯, 我覺得個湯幾甜同埋幾好味有好多菜, 我飲曬個湯 跟住在上個肉眼扒, 其實我食扒最鍾意的煮法就係用港式鐵板燒, 夠曬鑊氣, 待應哥哥上菜時都唔敢擺得太近我, 因為火氣太勁驚彈到我, 我覺得佢都幾considerate 丫, 不過呢塊扒用梳打粉那得好勁, 我有d肉都覺得太勁梳打粉味無食到, 但係佢個汁同埋個肉質都幾OK架, 份量夠多 今日係平日, 我入到去冇耐都已經满哂人啦, 都算幾好生意, 我諗我下次黎唔會再食牛扒, 因為我相信海南雞飯先至係牛車水的強項

經過上次來美孚走來走去，都只能找到茶餐廳去食男A的生日飯的特別體驗(美孚果然無野食)，今日再來到美孚練習，揀餐廳就決斷得多，一出地鐵站，男A抬頭一看一間像樣的餐廳，便毫不猶豫地跑進去。這家新加坡果然裝修還可以，價錢便宜，而且很有份量，早知有這麼好的餐廳，上次就該來。女A點了一個喇沙麵，男A本來怕辣，不敢多嚐。但原來一點也不辣，而且落了不少花生醬，ok 好味，而且份量好大，食極都唔完咁。今天，我們還飲了有英文字母的維他奶。走的時候，男A問了女A一句: "左撇子喜歡人拖她的左手定右手?""左手。"女A回答前突然笑了一聲。我們便拖着手在雨中離開。

牛車水嘅「名氣」應該好多美孚街坊都知，中伏率無100，都喺中簽率高 ，所以，都甚少幫襯。睇番啲食評，對上一次幫襯已經喺2012年嘅事，嗰次喺難得一次唔錯嘅食下午茶經驗，此外，亦晌度食過晚飯，個人嚟講，都OK啦。趁著星期六唔使返工，又可以偷懶唔煮，出街同老婆落街食 。牛車水雖然標榜話賣馬來食品，但同港式茶記無分別，睇睇佢個早餐餐牌，根本就喺茶記，故此，相信嚟食早餐嘅中伏機會應該相對細 。環境唔多講，只喺對照番以前嘅相，裝修無點變，但就換過晒啲櫈，感覺光鮮咗，此外，又估唔到原來都有幾多街坊幫襯，目測都應該有八乘幾滿，同埋，人嘅流轉好快。 牛奶麥皮配生菜吞拿魚三文治 $28 先送上牛奶麥皮，皆因一早煲定晒，麥皮份量都幾多，真喺一大兜，對比番隻水杯就知有幾大碗，老婆話淨喺食個麥皮都夠佢飽呀，結果，麥皮佢食咗3/4碗，三文治亦只食半份，剩低嘅又喺由小弟包底。估唔到啲麥皮幾滑，味道有少少偏甜。除生菜吞拿魚三文治之外，依個餐仲有另一個選擇，可選配火腿蛋三文治。份三文治吞拿魚落得好足，不過有啲偏濕 ，落得太多沙律醬去撈吞拿魚；此外，三文治正中間有一大撻牛油，一般整三文治喺為咗防止啲濕嘅食材