牛角日本燒肉專門店 (又一城)

營業中

休息中

好耐冇食過牛角lunch set 覺得冇咁好食我叫左腹胸肉同豬扒 都得冇咩肉味普普通通咁 不過呢個價錢又唔可以要求啲咩過下想食燒肉嘅癮算🤷🏻‍♀️同埋d職員態度唔係幾好 有待改善不過佢個雪糕又幾好食 雲呢嗱雪糕但有黃豆粉同黑糖

放工後去左九龍塘做facial，另一半放工後直接去左九龍塘同我會合，時間差不多21:00，又醒起HSBC呢個月有優惠，所以一於去食牛角啦😆其實我地只會去日本先食燒肉，因為質素及價錢都係第一，總覺得香港食唔到日本既味道！我地叫左6樣食物：牛角嚴選特上5品燒肉盛盒 (2人前)和牛牛肋肉6片 (鹽醬)雞翼 (辛味醬汁)海蜇柚子醋沙律牛角冷麵牛角飯2人拼盤包含牛、豬及雞，但我通常食燒肉只食牛，所以另點一份相對比較靚既牛肋肉！燒肉拼盤還可以，相比下當然係單點既牛肋肉較優勝，肉質相對比較多汁，口感又比較好🤗呢餐食左約$600，扣埋HSBC既優惠只需$400，即刻抵左好多👍🏻

訂咗枱9點鐘⏱企到9點半先入得去，ok fine，我哋人多多，等大枱係慢啲我接受，但係啲侍應態度係最大問題囉......食物食晒又唔上菜，上菜又唔收走吉碟，放到成枱都係🙄🙄🙄最過份係我哋嗌咗6杯生啤放題🍺，叫佢refill次次都等足半個鐘，仲要三催四請先有，撳個掣啫，乜好難咩？啲侍應行來行去，淨係執啲冇下一round嘅枱，偏偏死都唔肯同我哋refill，喂大佬，一餐飯食嗰1個半鐘2個鐘，下下等半個鐘先有得飲，你叫乜嘢放題呀😡😡😡最搞笑係，最後其中一個侍應放低一句「麻__煩」之後，鬥氣式咁一次過上咗10幾杯啤酒，咩玩法😑😑😑咁嘅態度咁嘅效率，唔會再去囉！

同老公係又一城睇完戲都7點幾，佢話想食燒肉，又唔想出返油尖旺，行過見到牛角就更係入去食啦！當然先叫個牛肋肉四品食吓先啦！牛肉非常新鮮，呢個四品可以試到唔同既牛部位，另外網燒一口牛及厚燒牛脷都係我每次都會必叫既食品之一。另外叫左佢地其中一樣皇牌之撰，就係王樣！腹胸肉（鹽味）呢個牛腹胸肉燒完仍然有好多肉汁，口感先嫩。佢地主打係牛肉但其實豚肉都好味美，由其是黑胡椒蜜糖豚肉，燒好入口都好有焦香味而所有燒肉再配合牛角飯一齊食更顯得美味。

今日一行三人去左又一城， 上次試左温野菜， 今次試下牛角， 估唔到初六， 仲要星期六，都有信用卡優惠。三個人叫左個二人餐， 再加左一碟肉， 同一個飯。 下面就係二人餐包既食物。沙律都幾好味， 明太子好味。蕃茄都幾甜。不同的肉， 牛當然好味， 豚腩都幾好味。海鮮盛合有5款海鮮。 菇都好多款。

完全冇諗過午餐時段可以食到燒肉，今日有同事提議到又一城牛角，這裏有午市套餐，都值得一試。店內環境都舒適，有卡位，只是燈光暗了一點，而家周圍都係電子化，呢度用notepad 點菜。午市燒肉套餐包括昆布湯、雜菜沙律、兩款肉、一碗飯及飲品。個白飯可加$18轉牛角飯，好大碗，上面鋪滿紫菜，非常可口，很喜歡。飲品有多款選擇，冷/熱也可，柚子茶、咖啡、檸茶、汽水等等。肚餓嘅同事先點左一個午市燒肉套餐，她不吃牛，揀咗丹麥皇冠豬扒及雞腿肉，雞肉連皮非常肥美，豬扒賣相也不錯。我自己選擇丹麥皇冠豬扒及牛肋肉(4片)，新鮮肉類上枱時已經很吸引，燒熟之後當然非常美味，豬扒有肥肉很香，牛肋肉豐富肉味，不要太熟，否則會乾。另外兩位同事都點了最貴嗰餐，選了牛肋肉及肩脊肉(牛)，共八片，都非常可口。網燒牛肉真係好正。除了這個燒肉套餐，另有一個三合一餐，柚子沙律、一款肉及牛肉飯/雞肉飯/炒麵，也包括飲品。原來午餐都可以食到燒肉，不需要花太多時間，很滿足呢！

今晚一家三口去又一城食晚飯，呀仔堅持要去食燒肉， 所以隻腳就自動行咗去牛角， 去到大約六點20分左右， 當時人唔太多，可以直接入座。由於阿仔話好肚餓的關係，所以我哋一家三口叫咗好多野食， 擺到成枱都係……我們點了:厚燒牛舌黑糖牛油蕃薯牛油本菇壺漬牛肋肉牛角沙律豬頸肉青瓜墨魚咀 石斑魚柳原味牛油帶子另外牛角最近推出美國和牛系列， 阿仔身為和牛fans, 我哋分別叫了六件美國SRF和牛肋肉 及日本和牛肋肉比較, 當阿仔食第一件美國和牛時， 他就吐了出來， 然後再試日本和牛， 食完叫我哋成碟畀曬佢食， 結果顯然易見，日本和牛勝！另外要讚下服務員的服務態度， 忙碌中仲會同我哋傾下偈，講下牛肉嘅質素， 一眼能關七，抵讚！

又一城不太貴的食肆 在四樓food court忽然聽到朋友介紹 牛角的下午茶(2點至5點) 都幾抵大約 60零蚊 有一餐今日同同事 去吃, 我點了一份牛舌和牛肉， 燒烤的， 再上一碗白飯， 和一杯飲料牛醃得非常好味， 非常juicy， 牛舌 很大的一片。 同事打趣說有冇這麼大的牛脷， 牛舌不過不失反而那碗白飯 非常好味， 軟綿綿， 連我平時不吃太多飯的 也清了底我點了一個凍咖啡，埋單70多元， 在這高級商場都算不貴了。 因為 一碗燒味飯加一杯飲料 在 food court 都要50多60元整體來說， 又可以燒烤又可以吃飯， 牛角真的不錯

<<生在美食天堂，點可以唔識食>> <<I born in Paradise of Food，but what Food do we have?>> 牛角開左好多好多間不時會加入不同牛款當然入面其實我最不推介比大家的是王X系列，留多點銀蛋食牛肋肉就好了XD不過今個晚上就係試試佢既新產品/期間限定。0.5正~佐賀和牛，油花見得出比較平均，但係位置切得唔係咁好，會有筋係小小敗筆普通~牛板腱，是冰肉來的，肉味有，脂肪少(不過好似已經唔存在係Menu上面了，唔知今年冬天會唔會再見)到店鋪裝修，有長枱，適合多人用餐。算係新店，設計乾淨，燈光偏暗。沒有油煙味，不會太嘈吵，是不錯的用餐地店。比較起九龍塘的其他食店的性價比算中上的順帶一提，員工唔多，繁忙時間既服務有點遲緩

今日午餐黎牛角食燒肉😋見晚餐較貴，就諗住中午黎食會抵食啲！果然！自選燒肉都係69蚊起，就選揀一至兩款牛都係100蚊前後、抵好多！🥳我揀左個燒肉定食、要骨付牛肋肉同雞脾🍗肉。男友就揀左個貴啲晚牛角特選牛五品盛合🐮🐮🐮🐮🐮🐮Honey話呢間牛角係佢去過裝修最好既一間，一來新啲，二來呢度啲抽氣空調做得幾好，入到黎冇咩好大陣煙或燒肉味👍🏼兩個餐都有沙津🥗、湯同飯，唔算係好驚為天人但都好合理用iPad點餐之後，就有點完好快攞返張單嚟請你去對返用iPad點餐之後，就有點元好快攞返張單嚟請你去對返單，效率好高下。之後就好快送上啦哈跟餐嘅沙律，然後未食完前，其他肉類、飯同湯都分別送上了。自選燒肉餐既牛肋骨同雞腿🍗都各有4件，份量都唔少！😂而honey叫既牛五品盛合就每樣兩件，有兩款牛舌、牛肋肉、腹胸同肩脊肉🐮。不過講真，食起上黎三隻肉都差不多🤣最好食係厚切牛舌，肉夠嫩又香，其他都唔錯既。Honey次次黎都揀食呢個香蔥溫泉玉子🍳飯，揀個牛五品餐加10蚊就食到，咁仲有埋紫菜、撈蛋同蔥係真係一流🤣我就揀加個甜品🍮，要左牛角雪糕🍦，即vanilla加啲糖漿同啲黃糖粉咁，又幾夾；不過舊雪糕送黎時仲係太冰，要等左

係牛角的放題啊，好多人都話牛角好好食，我地今次係無預約的情況下上去。排隊的時候已經好期待，出面walk in的人都唔少，我地大概等左30mims，因爲我地9.00先上去等，建議大家去食的時候去book位。牛角的放題都分左幾種，有平有貴，我地就選擇左大概250多元的價錢。因爲呢個價錢的食物種類就夠我地食la，有雞有豬有牛，還有其他款色的前菜同面食。燒肉的質數都真係幾好，如果你係牛魔王的話強烈建議你地黎食！！Refill肉的時間都好快，我地食到好飽 。

牛角屬於連鎖式經營食店, 此店位於九龍塘又ㄧ城, 走高檔路線!!! 雖然有HSBC Credit Card會有30% off, 但二人套餐都要4百餘元!! 不過香港人有錢, 所以在門口輪候的人也不少!! 每枱用餐亦只限90分鐘!!!枱上三枝醬料, 一枝是燒汁，一枝是蒜汁!另一枝就不清楚! 枝蒜汁應該是制過, 所以味道特別濃烈, 因此只適宜將肉點少少蒜汁便好了！生肉的賣相和品質唔錯, 不過數量就真係少, 每款肉也只有幾片!! 幸好的是都幾好味, 算值回票價!!另外一提的是服務。 友人喜歡清潔, 所以每燒一次肉後都會要求侍應換網。每次要求換網侍應都即做, 換了幾網侍應也沒有black 面, 服務都只唔錯!! 所以友人指定要來此, 話一分錢一分貨!!!

同家姐2個人行行下街見到有牛角重要唔多人等位，唔洗諗就衝左入去！最衰d野太吸引，成日都係食食下先記得影相。先黎左個牛油帶子，帶子本身熟，比預期細粒，但燒到d牛油熔哂同帶子裙邊脆脆地，正！到今餐主食六合盛！（食淨2樣先醒起影下相）六合每款有4件，包左2款牛肉，脂肪分布均勻，燒到d滲走，少少脆邊，肉味爆炸上圖係五花腩同牛舌，五花腩d脂肪直頭可以燒到熔，但入口唔覺得肥重要爽脆。講到爽脆就要講埋豬頸肉同牛舌，又係燒到脆脆地咁，好正！最後就係雞肉，要燒耐d但又唔會乾，重幾鮮甜！一邊食燒肉一邊食配個牛角飯，1個飯夠2個人分，食肉食得冇咁濟。另外員工幫手換網都好快手👍🏻

偶然路過發覺牛字輩食肆竟然進駐高檔商場又一城，當然要捧場。週末晚二人枱十張飛等了45分鐘，此分店不做放題，有限時。第一次食日式燒肉，看見複雜的菜單都覺頭痛，點了較平價的匯豐二人優惠套餐。場地環境企理，夠暗，不少單人座卡位，傾偈方便，油煙不大，正。食物質素一般，大部分燒肉味道 ok,唯柱狀牛舌靱到要回吐，廣島蠔略腥。沙律好味，芝士粒，煙肉粒有香味有口感。我見識淺，把金菇走錫紙盒上網直燒，但一樣爽脆鮮甜。最滿意是二人餐包4杯飲品，有不少選擇，最後叫了兩杯啤酒，一杯威士忌梳打，一杯荔枝梳打（含酒），所有飲品無論甜度及温度都啱口味，平燒肉的乾燥，餐後有幾粒強力薄荷糖清口氣。我與朋友食量不大，有兩大杯飲品撐肚啱啱好，但一般相信要追加才夠飽。整體用餐經驗舒適，比涮涮燈影牛肉簿片放題有更大幸福感。題外話，懷疑人手不足，翻枱效率較慢，結賬後約八分鐘才有員工換烤板，然後待另一員工清理，加上場地曲尺長廊設計，員工要十米穿梭跑，以致場內吉位，場外等位。做好期望管理免影響心情。

There is serious problem with the management of this restaurant and attitude of staff. People are always queuing outside when there are empty tables inside. Upon confrontation, the receptionist at the entrance first claimed tables were not ready but when we told her we saw table already cleared and set, she said nobody had time to serve tea yet. She then told us not to stand in front of her as she had to call people in. We were indeed waiting for our turn outside the restaurant not blocking the