牛角日本燒肉專門店 (又一城)

營業中

休息中

止旅行癮日式燒肉🥩數數手指已經兩年冇返過鄉下見到網上同雜誌嘅日式美食真係牙癢癢為左止下舖旅行癮就約埋朋友一齊食下燒肉香蔥溫泉玉子飯 🥗 $38呢個每次必點！温泉蛋勁香蛋味熟嘅情度啱啱好配埋紫菜同珍珠米其實我閒閒地食到兩碗日本佐賀産A5極上和牛牛肋肉(6片) $129牛肋肉塊油脂分布平均醬油同芝麻粒腌得剛剛好唔會搶走肉味燒到七成熟左右食得！香葱牛舌(6片) $75牛舌嘅蘇味唔係人人受到所以店家細心地配上大葱粒醬汁牛舌切得厚薄均稱Very nice 👍🏼 日本佐賀産A5極上和牛肉眼 $349最期待係呢塊和牛肉眼望落較為多油脂而且帶比較多肥肉食落肉味濃洧不過略嫌油膩左少少🤏整體都合格有餘石鍋香蔥拉麵 $52大食嘅朋友點都要食返碗麵先搞得掂拉麵量多湯清清地不算特別環境方面都算闊落油煙味唔算誇張而且地點方便就腳

星期六想食燒肉，知道牛角要等好耐，去左又一城慢慢等，1點15分左右拎票，等40張枱左右，2點零左右入得。叫左2個set，一牛set一雞豬set。牛角豚雞六盛合-$139(4/5)辣汁，豚雞set好推薦叫辣汁，好好味同辣汁好夾。有豚肉，雞翼，豬頸肉，熊本豚梅肉，雞腿肉同雞爽肉。其本上隻隻都唔錯，豬頸肉仲爽口彈牙。特選牛五品燒肉盛合-$159（4/5）牛味本身已經好濃所以牛就選左燒肉汁，都唔錯。牛舌，牛胸腩，厚燒牛舌，肩脊肉同牛肋肉。厚燒牛舌好好食！啖啖肉得黎好彈牙同爽口，肩脊肉都好重牛香味。下次我都會再叫！佢每個set仲包一杯野飲(凍飲+2蚊然後走飲管又減反2蚊)仲有一碗無味既菜，一碗好難飲既昆布湯，一碗飯/烏冬，一個小食。其實幾抵。我地叫左一個牛角飯同一個香葱溫泉玉子飯，有蛋有紫菜個飯真係無得輸。小食叫左一個牛油本菇同一個牛油帶子，本菇落反小小調味會好d，帶子比較細粒，不過牛油煮都香底既。最後，也是重點，燒雞泡魚干!!!!!跟餐+$39（5/5）你無睇錯係滿分。39蚊真係好抵！以前係日本居酒屋食人地煮好果d都近$100港幣。39蚊自己燒，燒到兩邊金黃色就食得。第一啖其實個味唔算好出，慢

今日突然之間好想食燒肉，就果斷入咗牛角去食～因為香港高質燒肉真係唔多，而且大部份價錢都好貴，牛角嘅價格同埋質素就相對上親民啦！我哋嗌左兩個套餐，呢兩個套餐都係飯任加～同出邊唔同嘅係，呢度嘅牛角飯真係超級好食，佢唔係就咁一碗白飯，佢係上面有啲紫菜，撈埋個溫泉蛋入去食真係超級入味，超級好食！驚食唔飽嘅話就瘋狂加飯我相信點都食得飽你！至於呢到肉嘅質素就大家有目共睹，都係相當之唔錯，送上嚟嘅時候啲肉係冇雪，亦冇血水滲出，質素好好，嗰啲部位亦唔會太過難咬，我同朋友嗌咗同一個餐，兩碟之間質素嘅差別亦都唔大。

食日本燒肉大家都搶住食神户牛，飛禪牛，近江牛等，但最近依款由日本直送初到香港嘅「高森和牛」就比佢哋更加矜貴✨ 全年產量少於150只，而今次首次引入一頭高森和牛，一共有十個部位提供，比較稀少部位例如牛柳及肉眼可以話係非常限量❗️餵飼嘅仲係超有名嘅獺祭製造出嚟嘅酒糟，真係比人還要豪~ 和牛可以單叫想要嘅部位，想一次過試唔同部位嘅可以叫五品盛合~ 如果好似🍔咁大食，就一定唔可以錯過佢哋9道款嘅Tasting menu，食完捧住個肚返屋企♥️*特選高森和牛Tasting Menu ($638/1人前)全日供應*<前菜>•蜜糖梅子蕃茄、青瓜墨魚咀、明太子蕃茄豆腐•海蜇柚子醋沙律 大大碗沙律，配上海帶，海蜇 以及油子醋，爽脆清新🥗*<和牛盛合- 廚師發板>•嚴選高森和牛(四品)及佐賀和牛(兩品)廚師當日精選左 高森和牛牛腿肉，牛胸腹，和牛上肩胛肉 & 西冷上蓋肉 以及 佐賀極上黑毛和牛牛西冷 & 和牛牛肋肉。高森牛嘅雪花分佈細密，油脂非常豐富，但就唔會有好膩嘅感覺，相反係食落好香牛嘅油脂香，質量柔軟細嫩，完全係入口即溶嘅感覺😍 可以話係食過咁多和牛入面嘅Top 1 🥇

牛角極上4品盛盒$169⋯⋯折後$118.30肉質鮮嫩，千祈唔好燒太耐；牛肉粒較厚要不停轉幾面燒，好juicy特選牛五品燒肉盛盒$135⋯⋯折後$94.50講真俾貴小小，真係差好遠；呢份唔係話差，不過對比上一份，口感完全不同🥲會員積分到期前，下午茶時段都可以用5200分換三味美國上級牛頸脊覺得都唔錯😊齋食燒肉唔夠飽，唔使擔心…牛角飯無限♾️追加，果日我哋食左5碗飯明符其實，飯桶。因為燒肉咸配飯確係無敵，面頭一大堆紫菜飯內有肉汁，齋食都好好味😋有1.5小時進食，時間充裕；唔使太急放晒落去燒，凍左唔好食Menu跟午餐一樣，不過2:30pm後入座有7折由於有7折，無叫呢個menu

老公心血來潮好想食牛角，於是去了又一城的牛角，因為可以網上用app預先取票，比較方便唔使排長龍，compare to buffet, 我覺得野食好味好多，牛肉高質好多，又唔使親身去㩒飛！一家大小都食得開心，叫了全部牛肉，A5和牛(正），個人最喜愛的厚切牛舌（每次都冇令我失望架）仲可以加$9蚊配飲品！我們點了三杯凍檸茶甜品點了抹茶雪糕，抹茶味香濃，甜味剛剛好，不會太甜！小朋友每次也是必食的!yum yum!

第一次到牛角烤肉，可以點的餐款繁多，眼花繚亂，恰巧我們四人同行，有這個會員四人套餐優惠，便花費了$200入會，點選這個會員限定套餐。這個套餐真的很豐盛。肉類種類繁多，豬牛雞都有，其中牛肉還有各式各樣不同級數的，也有海產、蔬菜，燒烤之後配合各式醬料十分美味。套餐也附有熟食，有凱撒沙律，明太子蕃茄豆腐也十分美味頗有特色，我最欣賞的是香蔥溫泉玉子飯，據聞是這裏的招牌菜，看似簡單一碗紫菜飯配上溫泉蛋，但是非常美味。有會員優惠都算抵食，值得一再光顧。

牛角，顧名思義梗係食牛啦，朋友快移民，指明想食一餐燒肉，唔使諗，識食一定係食牛角！雖然我哋好大食，好想食buffet，不過考慮到價錢同性價比，最終都係決定乖乖等位！雖然而家可以用app預先拎飛，不過由於太多人等，都係等咗半個鐘📍日本佐賀極上黑毛和牛西冷今次冇嗌到韓牛，主攻日本牛，掛住食冇乜影相！不過呢一塊西冷，紋理均勻又夠薄，有少少肥，100 分 📍A5牛板鍵必食系列，唔使多講📍牛肩脊肉個人認為係最好食既部位，味道同咬口都好唔同，食過就知！📍一口牛舌 半生熟最好，外脆內軟，要燒得好唔容易啊，通常唔好翻轉頭燒，要一氣呵成！

今日中午同一個朋友 Lunch 在又一城牛角食燒肉。好彩我們在12點前入左座，唔駛等。12點15分出黎商場洗個手就見到門口排滿人等枱都心感好彩。因為好餓，坐下來我們都立即在午市menu點了餐。餐廳環境偏暗，點亮我們既枱就靠爐上面既燈了。我們各自選三種肉，這個午餐set A，還包括沙律、湯、飯、飲料：上菜後都發覺份量偏少，我們各點3種燒肉都覺得唔夠食。可能因為我係食肉獸源故吧😅，我還升級了紫菜飯。點的每種肉是4片，一口牛就是5粒，每款$40-50，感覺真係少，我們每人都是點了三款，枱面共六款，食完感覺好似無乜食過咁😂茶水就要叫店員添，餐後有糖果讓你食。這頓結帳是$267.9。點睇感覺還是有點貴。

由於好期待想食燒牛，所以等左一個多小時都等。當想放棄時，店員同我地講，可以食下午茶時段8折。於是我地由午餐時間等到下午茶，之後叫左一個咩牛類都有既set。有比較有傷害，就會知邊種牛特別岀色，今次和牛勝。

因疫情 已經1年零6個月（最後一次離港是2020年1月12日 去了深圳）沒去旅行了 好懷念東京新宿的六歌仙烤肉 所以今天就去了又一城的牛角 聊勝于無喇到達時是13.45 等了大約25分鐘 有午市定食供選擇 但我一心想是烤肉 用手機點了C餐 （牛角極上4品燒肉盛合）加配香蔥溫泉蛋飯 凍柚子蜜和白桃雪芭先送上昆布湯 很清淡 生菜配日式麻醬 一般般喇香蔥溫泉蛋飯 不是很香 但始終比白飯吸引D牛肉分有4個不同部位 每款2件 牛肉味頗濃 軟硬度適中 沒有筋和不韌 如果肉厚D會更好味我是甜品控 凍柚子蜜很香甜 白桃雪芭 桃味濃 反而是我最滿意的

星期日原來5:00pm前都仲可以叫假日嘅Lunch set！我哋叫咗三款唔同嘅set，但唔知係咪叫set嘅關係，啲肉真係好一般，埋單$630，食完覺得個價錢其實唔算收得貴，但感覺上又好似唔知食咗啲咩咁🤔 不過以呢個價錢，搭多幾個站地鐵落尖沙咀，應該會有更好嘅選擇⋯⋯

𓃒 牛 角 ࿐ ࿔*:･ﾟ______________________________𓃒 牛角十品燒肉盛合 $538 牛角一向有品質保證 各款牛肉都有不同口感 肉味濃郁多汁✨配牛角飯更上一層樓🥳但個人認為價錢實在太貴🤧______________________________𝘀𝗲𝗿𝘃𝗶𝗰𝗲: 8/10 𝗲𝗻𝘃𝗶𝗿𝗼𝗻𝗺𝗲𝗻𝘁: 8/10 𝘃𝗮𝗹𝘂𝗲 𝗳𝗼𝗿 𝗺𝗼𝗻𝗲𝘆: 7/10

呢次來到牛角試燒肉啦！點知佢星期六無放題，唯有叫定食啦！Order咗兩個B餐燒肉定食，再加左個牛柳粒同一碟肉肉！非常豐富😋😋.不得不讚嘅係佢有求必應，事因我唔知牛角飯係有葱响紫菜底，所以同職員講可否幫我換一個走葱的，職員很爽脆地說「好呀」其實已撩開左一忽紫菜，明顯係搞亂左，但都肯換比我！好感動！😭😭.其次係佢個牛柳粒好好食，燒肉都好好食呀！.環境、衛生、貼心、食物質素都好好！唯獨是假期無放題食得唔夠開心😅😅😅.下次要再黎食佢個放題至得🥰🥰🥰

食牛角夜市，期望越大，失望越大。劣中極品：零雪花巨筋日本和牛唔同鋪頭，唔同日子，肉嘅質素真係可以爭好遠。錢就都係收咁多，但今日啲和牛真係別出心裁。首先係視覺衝擊，色水深，無油花，得條巨筋；燒緊嗰陣，反兩下，條巨筋就將舊肉一分為二，大開眼界；擺入口，味道都係其次，考驗牙鉸耐力先係重點，凡人都係無法戰勝巨筋之力，只得囫圇吞下。和牛雙姝：半斤八兩美國牛其實都真係乏善可陳，無論係賣相同劇情走向都同上面日本牛相若。兩碟（所謂）和牛就好似copy and paste，難辨雌雄，係個身份證有些許出入，唔知係師傅的疏忽，定係命運的玩笑。堅挺小深紅：冰雪肩脊肉今日啲肉色水都偏深。肩脊肉之所以突圍而出，就在於佢附送幾絲冰花。夾落堅挺不屈，幾分鐘前可能仲係擲地有聲。不多言了。你很好只是錯timing：姍姍來遲梳打肉類不如人意既成事實，自己嗌嘅野，點都要食落去。落單後，幾碟肉好快魚貫而至，但，杯野飲嗌咗超過廿分鐘先嚟。食巨筋牛都真係好想有啲嘢飲撫慰下，一路燒一路等一路呻，結果幾近食完先嚟。最後要硬隊大半杯嘢飲，足氣梳打與滿腹怨言混合，一同發酵。好一餐豐富的晚飯。千思萬緒無處解，聊作記錄，與眾分享。