牛角日本燒肉專門店 (又一城)

營業中

休息中

食肉獸一星期總要遇上牛肉一次 有時間的話必定會自己到凍肉舖揀選心牛肉食法不離火鍋 和 燒肉 食到原汁原味才是最重要但忙了一星期 沒有時間選購有咩辦法？ 當然係外出用膳 堂食至晚上十時 時間空間多左 要好好善用 牛角會係最近又最稱心既選擇原因係 肉類穩定有質素 價錢需然會貴過自己買但性價比仍然不錯 最緊要近！！排隊等候接近40分鐘 食客仍然繼續取票等候需求可見一斑點了燒肉盛合六款 燒肉汁有牛、豬、雞 貪心的我就點了這個無論係邊種肉 都相當不錯 這個價錢都滿足左想燒肉既渴望有時豬其實比牛更加惹味有口感另外再點多一個生菜配料韓燒既感覺都可以滿足埋 更加可以消除食肉的罪惡感 何樂而不為？！一條過的牛胸腹肉 肉質係以纖維為主 但相當之嫩口彈牙 而且富有好強既牛肉肉汁 肉質配合牛胸腹本來的紋理散開 唔會因少脂肪而硬綳綳 而且好入味又重牛味 加多個香蔥石鍋拉麵 完美演繹一餐日式燒肉料理自己手磨芝麻 直接倒入鍋中 搞伴 熱辣辣香噴噴 齒夾留香👍🏻👍🏻

有一排突然之間好想食燒肉，試來試去都係覺得牛角最抵食🙈所以特登download返個app，遙距攞位，去到直接入去就得，唔使排隊👍🏻———牛角特選牛五品燒肉盛合 $135同朋友一人叫咗一款燒肉盛合定食，佢每款肉都有兩塊，包括牛肋肉、厚燒牛舌、牛舌、肩脊肉，同埋腹胸肉。唔好以為每樣得兩塊好少，食完真係好飽🤤呢個定食仲包昆布湯、前菜、牛角飯，同埋飲品，個人認為一個咁樣嘅lunch set非常之抵食🤩牛角啲肉果然冇令我失望，一如既往嘅都係咁鬆軟彈牙，牛角飯亦都係冇得彈👍🏻佢啲紫菜加埋燒汁配落個飯度，再配埋啲燒肉，簡直係絕配😍依家一路打呢個captain都仲回味緊佢有幾好味😋食完10塊肉真係好想再嗌多幾碟散碟，不過實在太飽食唔落，睇嚟下次都係食放題先滿足到我食燒肉嘅慾望🥳

近排間唔時要出job, 所以冇得帶自家飯😥加上堂食限人數，因此要物色下出job 附近有咩會做外賣的餐廳，在 Openrice 碌碌下時發現，牛角經openrice 外賣自取有6折優惠，一個 燒牛肉飯牛餐 只係$43.2，唔洗五十蚊，即時心心眼😍😍😍仲可以直接網上落單，餐牌有咩揀，一目了然，唔洗打電話落單咁麻煩；用埋信用卡/其他電子支付方式，夠晒方便最正係而家有埋迎新優惠，首次經openrice落單，滿$40仲要平多$20，呢個優惠好似到12月底咋🙊結果 我加埋$6要溫泉蛋，都係$49.2，減埋個迎新優惠，係$29.2 咋🤩🤩🤩一個字：抵👍🏻落單時會提供埋取餐時間，唔洗浪費時間等一般網上外賣會預40分鐘製作，我12:40左右落單，約13:24就拎得，自己再預返時間行過去拎；以超sharp 的外賣袋裝住，講返個飯的質量先，因餐廳離出job公司都有少少距離，步行都要5分鐘左右，拎到返位，依然是8成溫熱，毋須翻熱外賣包裝簡潔，牛肉飯以一大碗盛載，而燒肉汁 及 溫泉蛋 則分別置於小膠兜內開蓋一刻，可能因為個碗都係黑色的關係，所以感覺上 與 在餐廳內享用的外觀 有些相似😆飯面舖了一少 大葱，葱香撲

E 牛肋肉四品燒肉盛合 $159F 牛角特選牛五品燒肉盛合 $135+$2 飲品 * 2杯+$12雪糕 * 2杯$11溫泉玉子飯 * 1碗喺又一城食lunch去牛角食燒肉等咗10分鐘！叫咗E餐同F餐！燒肉嚟度啦，賣相啲肉都唔錯，牛肉唔鍾意太過熟，燒到啱啱好就very good，個爐都幾好燒唔會好容易燒濃👍🏻肉味幾濃又juicy，配麻燒肉汁都幾好味😋牛餐仲有一碗紙菜飯，我就追加$11要多隻溫泉蛋😂紙菜本身已經有鹽，唔洗落豉油，篤開隻溫泉蛋都幾流，撈飯一流，一啖飯一啖肉，yummy 😋餐飯就普通嘢啦，雪糕有落啲木糠粉，我自己唔鍾意食木糠粉，因為一定食到係咁咳，呢個時勢你仲喺餐廳到咳到癡肺咁，玩咩，餐廳可以考慮走咗啲粉會仲好囉🤣

因為疫情，一排冇去牛角，本身係會員，一早係個apps度book咗台，訂咗6點，提早5分鐘到，同門口個姐姐講訂咗6點，個個姐姐只用眼角瞄下我完全冇出聲，繼續執菜單，完全唔理我，企咗陣，等佢執完菜單，佢就嗌出面等緊的人入座，嗌咗5，6張台都冇理我，個時已經6點05分，我係佢面前企咗10分鐘，後尾忍唔住再問佢，究竟幾時到我，先話跟佢入去，服務差到爆，做咗好幾年會員了，未試過咁差！雖然係會員，但唔會再去了

今日打風，好多餐廳都唔開。見牛角有開，今日又竟然唔洗點排隊，就去食個牛角lunch set。🥩燒肉定食 $95牛角lunch set嘅燒肉定食真係幾抵。每個set可以揀兩款肉，我揀左肩脊肉同牛肋肉，揀左燒肉汁。朋友就揀左原味。每款肉有四片。配燒肉汁嘅牛肉上面有芝麻，增添香味。肩脊肉比牛肋肉明顯好食好多，燒到半熟之後咬落去肉汁多好多，油香亦豐富好多。牛肋肉都有啲肉味嘅。啲牛肉就算唔點汁都好食。下次如果再食，會想睇下可唔可以兩款肉都揀曬肩脊肉。每個set都配昆布湯、迷你沙律、飲品同埋任食白飯。我地每set都加左$21將白飯改左香蔥溫泉玉子飯，好食好多，強烈建議大家揀呢個飯。個香蔥溫泉玉子飯入面有溫泉蛋、紫菜同埋蔥。將所有野同啲飯撈埋一齊，蛋汁滿佈每粒飯，每啖飯都有紫菜同蛋汁，有曬鹹味同鮮味，齋食個飯都好好食。每碗飯都好大碗，食完一碗其實都飽。不過貪食嘅我食左兩碗。昆布湯淡淡地冇乜特別。迷你沙律酸酸地，可接受但唔係好啱我口味。飲品方面我揀左橙汁。佢附送杯茶都幾好飲。不過服務方面真係麻麻，我每次黎呢間分店都覺得啲員工好唔主動留意食客嘅需要，我見其他食客同我一樣，每次叫加飯或者埋單都要揮好耐好耐

人來人往為了食飯吧,一間餐廳外有幾十人等位,信心大增。牛角餐廳有燒肉,有前菜有飯有麵有甜品~咩都有,當然我食既是散叫,選擇很多,燒肉的質素及味道GOOD!!不迫,坐舒服,抽風理想更不會一身油煙味!牛角四大最愛(牛肋條 雞翼 牛舌 牛角飯),不能小其中一樣!!!牛肋條當然懂得去燒能鎖住肉汁 原汁原味肉香口,切忌不要心急轉反,雞翼耐心燒至金黃才反轉,有圖有真相,100分~^^燒牛舌再加牛角飯,一轉眼已叫了4碗,高手在此~由於牛舌不要全熟,集中望實,出血即反,待幾秒又反轉後的口感最佳，建議別太熟。不是同我,係舊肉,咬開後，中間有少少的粉色都沒問題。

今日到又一城的牛角午餐，12:30已經要排隊，等了大約15分鐘我們便先度體溫再入座，座位有大膠板作分隔，而侍應也提俠收納口罩的紙張，並請我們未進食時要戴口罩。我們點了牛角流自選三色，選擇了海蜇柚子醋沙律、肩脊肉、豬頸肉、迷你牛肉飯及迷你膳良豬拉麵。海蜇柚子醋沙律超級大碗多菜，海蜇海帶配上柚子醋酸酸甜甜非常醒胃好味，充滿纖維。肩脊肉及豬頸肉也好味，份量夠，味道也好。迷你牛肉飯及拉麵都好味，份量剛好不會浪費。

晏晝約左幾個老友相聚，想搵個坐得耐嘅地方傾偈，又想食好嘢，記得牛角都幾好食，所以決定試吓佢2:30七折優惠嘅套餐係唔係保持水準。其實真係抵，因為佢用返平時午市定食烤肉套餐做七折。有七折，梗係叫最貴嘅和牛三種及牛角燒肉兩種嚴選盛合套餐啦，折咗同普通套餐無折個價錢差唔多咋嘛，但就可以試多幾款靚啲嘅肉。呢個餐有一隻嘆佐賀產和牛牛肋肉，牛味濃，軟滑，有肉汁，和牛控必試另外美國srf嘅和牛牛肋肉仲有牛板鍵嘅牛肉味都重，吾錯比起百幾蚊嘅餐黎講，呢個餐都值嘅我都鍾意個牛角飯，上面嘅紫菜爽脆，吾係出面稔稔濕濕咁，配烤肉吾錯

今既ot到9點幾，黎到又一城想食果間西餐休息..上一層見到有牛角，即時諗起好耐無食燒肉，門口仲有9點後既宵夜限定入到去環境好闊落，入場時會派張紙可以包住口罩！ 入到去先叫一份2人份特上5品燒肉盛，之後既追加既食物有7折，5折選擇！ 太餓啦，追加左肩脊肉，腹胸肉，豚肉，仲有牛舌！5品燒肉有雞，豚肉，和牛！ 份量都幾足，見到原條腹胸肉，折左$5x, 真係好抵死！ 岩曬我2公婆係牛魔王😍😍😍😍💞豚肉好香口，牛舌大塊又彈牙，食到一半忍唔住叫多2碗牛角飯！燒肉汁送飯一流， 埋單都係$518！

下面依三樣係我每次去牛角都一定會叫🤪🤪依家仲有得外賣 送上門 有次我lunch叫 安在家中都可以好滿足🥰🥰-✨和牛牛肋肉x黑松露月見汁我認為牛角咁多款肉來講 最有牛味最好味嘅一款 再加埋黑松露蛋醬一齊食🤤🤤💓-✨海蜇柚子醋沙律齋食肉一定有d寡 再加菜會balance d本身一向都好鍾意食海蜇再加左少少柚子醋酸酸咪咪 食落更開胃😋😋-✨溫泉蛋紫菜飯雖然好簡單得兩個配料 但係已經足夠我食晒成碗飯🤪🤪😚

黎過又一城分店好多次了今次無特別影相，賣相方面次次都保持水準所以都唔洗次次影新相😋😋😋之前休店一排真係好心癢癢一開返已經去食左兩次了因為返工地點好近我亦都有幫襯嗌外賣返去食以為咁平既價錢唔會好多份量啦！點知份量又好夠，味道亦都好牛角🤤正呀！就算開返店之後水準都仍然係好滿意，之前因為就朋友方便有去過其他分店幫襯邊間就唔特別講了但始終都覺得又一城係最好品質希望品質可以繼續保持等我可以一直幫襯啦！😁

繼續疫情外賣系列。外賣打邊爐玩了幾次，今次轉玩外賣烤肉。預先打電話落單，話要30-45分鐘準備。嘩。來到店前人頭湧湧。其實廣告優惠都唔係話好勁，使唔使咁多人先。2人餐一個袋裝晒。首先有一盒枝豆。牛肉拼盤、一口和牛、菇類、蔬菜。牛肉唔錯，油份夠晒。喺屋企烤肉，個廳無抽風設備，煎左一陣已經煙霧瀰漫。Anyway，自己的烤盤，烤得似模似樣。跟了醬汁，同喺現場食一樣。腸仔就一般正常啦。兩個牛角飯跟溫泉蛋同紫菜，依然係咁正！全家福（墨魚片是自己加料的）始終喺屋企真係好油煙，75折又唔係抵到無可抗拒，下次都係玩返打邊爐。

放假緊係要搵啲野獎勵下自己，難得搵到間位放大型商場既日式烤肉店，就決定去試下。排左陣先有位，一入到去已經忍唔住要落單。店員好認真同細心咁教我地用teblet落，超好人呀。冇幾耐野食送到黎，啲牛肉全部都鮮紅色㗎，勁新鮮。雖然價錢唔算好平，但絕對合理。牛肉質素亦都好好，另外我仲推介石班魚同牛舌。當然唔少得牛角飯啦，係呢間餐廳既名物黎㗎～軟棉棉既白飯加左醬汁，再蓋上勁多紫菜，同啲燒牛肉一齊食真係好夾，好好味呀

今期牛角做緊優惠，某d地址食90分鐘燒肉放題$298，所以我地就Target去又一城啦。又一城牛角環境唔錯，疫症下會為入座顧客量度體溫，又會提供信封俾客人放口罩，而且又有消毒噴霧機，幾貼心。雖然話食午時，但都幾多野揀。所有食物都經IPAD點餐。版面前菜沙律燒野菜牛肉豬肉雞肉海產內臟和牛王樣？即係乜野？湯／飯／麵飲品有熱有凍，而且有一枝枝裝。未order前每人會有一碟拼盤。前菜：芥末辣章魚特登叫個牛角飯配肉食牛舌拼盤覺得牛舌肉切得太細，冇乜咬口。和牛類，但比較鞋。蝦算唔錯蠔都好juicy大腸OK後來order豚肉類真係咸到咬落去好似食啖鹽咁，真係頂唔順。個帶子都係一樣，個汁好咸呀。之後雞翼都係，個雞皮我要吐出黎。個凱撒沙律好味。因為越食越咸嘅關係，所以我都叫左3 round飲品。其實總體食品唔錯，但醃料太重嘅關係，所以要扣分呀。其實2個人食90分鐘都夠嘅，但係始終2個人所以唔算食好多類型，而且黎野食同飲品都算慢，可能要夾埋一齊先送餐掛。依餐食左6百幾蚊。