牛舞日本燒肉‧涮涮鍋放題 (利舞臺廣場)

營業中

休息中

今日做嘢好忙特別肚餓，好想食放題，拍檔帶路去「牛舞」食蕯摩和牛，日本蕯摩牛屬於「奇蹟牛」，即是產量比較少，在牛舞以每位$628食放題是抵食的，呢款價錢最高級別的放題更包括涮涮鍋及酒精飲品放題，計落比次一級的仲扺。放題食品百多款，掃 QR 碼網上點，先來參觀放置在自助餐枱上，有各款沙律蔬菜、咖喱牛、炸咖喱角、炸魚、豆腐、湯及飯，甜點有糕點、啫喱、糯米糍及日本雪條，咖啡茶自助。仲未下單，牛舞拼盤自動送上，有七種肉，好吸引，蕯摩和牛牛肋肉、澳洲和牛腹肉、美國牛肩小排、厚切豚腩肉、安格斯一口牛、牛舌薄切、美國雞腿肉，蕯摩和牛唔會認唔到，脂肪豐富的樣子！為了盡快吃我們分工，我負責燒，拍檔負責點菜。之後追加蕯摩和牛不同位。海鮮類必食甲羅燒，亦點了大蝦，帶子、鰻魚及鮑魚。揀咗牛骨湯做涮涮鍋，牛奶牛骨料混出白色。我取了咖喱飯，自己加隻蛋，非常好，大滿足。之後在菜單上載點一款溫泉蛋牛肉醬飯，一樣咁好食，所以我覺得，中午定食應該都會幾好。老火胡椒豬肺湯唔差。

香港人最鍾意日本🇯🇵 鍾意食放題😍鍾意❤️燒肉😋更鍾意打邊爐🥳牛舞一次過滿足哂☺️🥰我同朋友食完嘅感想係呢間正喎 可以再encore揀左Set A-E 可以食日本薩摩和牛，同酒精無料放題 toral 146種選擇，咩都可以揀😌食得放啲不過想食平少少都可以揀少啲種煩套房都抵食又有得shabu shabu壽喜燒 ☺️好sweet & warm🥰😋😋燒肉逐款食 之後就可以揀自己想encore 嘅牛手 個人喜歡和牛牛肩同薩摩牛肋肉同牛舌 燒賣食法特別juicy 壽喜燒我覺得款款肉都岩shabu 薩摩牛肋肉同牛腹肉 再叫少少蔬菜🥬金菇同埋豆腐 食得均衡🥳有酒飲就更加好 叫左杯梅酒 同清酒🍶摸住酒杯🍺邊食邊傾 好舒服😌 大滿足！

今日過咗嚟銅鑼灣利舞臺附近，見到呢間有燒肉食，又有涮涮鍋食，再望一望餐牌原來午餐嘅定食係非常抵食，仲有八款唔同嘅選擇，最重要係可以任食日本雪糕同埋甜品，食完個午餐唔夠仲可以去自助區任食😍由出邊望入去餐廳燈光非常光猛，坐嘅位置又夠闊落，今日試咗個午餐定食，下一次一定要你試吓個燒肉+ 涮涮鍋蒲燒鰻魚飯 $128 元、鰻魚飯賣相 十分吸引，份量仲要好多，鰻魚肉味道好香，加上少少鰻魚汁，令到魚肉味更加香，入口鰻魚肉非常新鮮，加上邊位燒到有少少焦香，令到味道層次更加豐富，用嚟送飯真係一流，出面嘅餐廳啲鰻魚做到好林，但係呢度嘅鰻魚肉做得好爽口，口感真的不錯，食到停唔到口，真係好好味，鰻魚同飯上面都放有少量嘅紫菜絲，令到賣相更加吸引泰式牛肉碎煎蛋飯 $108 元，平時去到泰國餐廳我都會食呢個煎蛋飯，因為好有泰國風味，看似簡單嘅菜式，爆香左嘅肉碎味道更加香口惹味，香辣多汁嘅肉碎配上一隻煎蛋，用嚟送飯真係一流，將蛋黃篤穿，蛋汁流入飯入邊，每一口飯都有蛋香，加上泰式嘅香料調味，味道層次更加豐富，呢個肉碎煎蛋飯真係必食推介，無論賣相同味道都做得好出色午餐嘅性價比真係非常高，下次要來試埋另外果六款午餐定食

約咗朋友嚟利舞臺廣場睇展覽，之後一齊食晏。本來仲心大心細，唔知揀邊間餐廳好，原來友人非常細心，一早已經喺廣場 8 樓呢間「牛舞燒肉‧涮涮鍋」訂咗位，到埗後便可以即時入座。店鋪主打日本自家農場直送嘅鹿兒島薩摩和牛，餐牌有全日同午市燒肉及涮涮鍋放題供應，另外平日晏晝亦有定食可供選擇。我哋每人揀咗個便當定食，套餐包 60 分鐘自助區任飲任食，有沙律、熟食、湯、日本雪糕、甜品及飲品等供應。趁兩個餐未上，先外出拿些熟食及熱湯埋位，春卷同洋蔥圈都好脆口，咖喱牛筋腩炆得很入味，軟腍鬆化，用嚟送飯一流！另外碗紅棗雞湯味道亦唔錯，喝起來非常順口，甘甜味美。兩客定食接著送上。日式咖喱吉列豬扒飯 ($98)  賣相很吸引，吉列豬扒炸得剛好，外脆內 Juicy，咖喱汁香甜微辛，甘甜有層次，用嚟撈飯就最合適不過。另外呢份蒲燒鰻魚飯 ($128)  定食亦唔失禮，鰻魚燒得好香口，肉嫩肥美，而且魚油味都幾突出，醬汁份量亦啱啱好，配埋便當內嘅中華沙律、椰菜同米飯一齊食，好滋味。食完飯，當然係輪到甜品時間，睇下幾豐富，有日式卷蛋、和果子、泡芙、啫喱同新鮮水果。幾款卷蛋嘅味道都唔錯，不但小巧的骰，而且鬆軟綿密，食多幾件都

星期日午餐去咗食日式打邊爐放題，原本去咗利舞臺廣場牛一，點知去到門口既外籍服務員態度非常麻麻價錢又唔平，於是即刻轉去利舞臺廣場牛舞，呢間就主打燒肉放題多d。午市放題餐有5款，最平個餐叫特上豚肉放題，成人$218，小童$168，另加一，限時100分鐘。可以加$58加湯底就可以打埋邊爐。個餐包以下食物，落單用QR code：美國肩胛豬梅頭肉：好韌，失望豬頸肉：就脆脆地，質感稍為好d，燒肉汁好食過原味厚切豚腩肉：其實都唔覺厚切，質感算可以台式一口腸豚肉芫荽卷串：其實無特別雞中翼：都幾大隻，唔錯煙鴨胸：個人就好唔鍾意鴨胸既鹹味美國雞腿肉：一如預期雞無雞味，質感可以，不過有軟骨豬大腸雞腎：好爽口，好食雞心脆皮香蕉：幾好wor，皮脆肉滑炸紫芋丸：就唔夠芋頭味，差過好多放題店枝豆：正常八爪魚刺身：正常啦泡菜豚肉炒年糕生薑豚肉蓋飯柚子冷麵自助吧有以下食物：熱食有紅蘿蔔蓮藕粟米湯：好飲足料，唔似有落味精紫菜白飯日式咖哩牛筋腩同香辣牛肉：話用薩摩牛，香辣牛肉味道都幾辣，牛肉質感頗韌，配有青瓜同菇粒一口牛炒菇粒：牛肉粒好嫩吓，只係較油膩少少炸三文魚炸魷魚圈雞胸肉沙律有車厘茄，紅腰豆，粟米，菠蘿粒，椰果，提子

見KOL介紹有薩摩牛放題就book枱試吓，點知。。。原來係直升機。。。伏伏伏。首先，一入去，根本十枱客都冇都知有啲唔妥，我哋食最貴個薩摩牛餐，價錢包埋所有酒精飲品，但所有員工，係‘所有’員工嘅服務態度超差，完全唔想做咁款，要叫先會收枱面嘅嘢，記住，當時情況係冇乜客人架。我俾$690一個人食120分鐘，完全覺得係唔值，千祈唔好俾KOL騙入局。同樣價錢，大把選擇。

今日朋友生日知道佢鍾意食燒肉，咁早預早左幾日book定左銅鑼灣依間牛舞，見到仲有開幕優惠兩個人就送一份4%奇蹟之牛巨切，霜降程度係10級以上，應該出面比較難食得到。之後我地依兩個食肉獸緊係繼續嗌其他肉，手舌薄切、安格斯一口牛、美國和牛肩小排、澳洲和牛腹肉、蕯摩牛牛肋肉等等…你講得出既基本都有得食，肉質嫩又新鮮，黎到一d血水都唔會有。海鮮方面帶子係原隻，食得出果種鮮甜味，甲羅燒燒好之後配埋個蛋汁，蟹膏鮮而不膩。

又想食和牛燒肉，第一時間諗起上次係觀塘食過既牛舞好食又抵食，即刻約埋朋友去銅鑼灣店食先😀銅鑼灣店同觀塘裝修差不多，都好感覺好闊落👍又係揀返上次個薩摩牛任食set，$628蚊位，燒肉、刷刷鍋、和食、刺身、沙律、啤酒、梅酒都可以任飲任食！😍首先會黎個牛舞拼盤，上面會mark埋係邊款牛，咁等陣就可以order自己鍾意食果d啦！其實款款我都覺得好好食，入口即溶，不過一定要揀我就會最推薦薩摩牛肋骨肉，厚切得黎又多雪花，超級正！銅鑼灣店仲限量送4%奇蹟之牛，上網睇原來牛隻必須達到A5等級同霜降程度必須達10級或以上，每年只得500隻和牛能達到標準。咁珍貴既牛都有得食，好好爽🤣除左牛肉，仲有海鮮呀蔬菜呀可以用黎燒同打邊爐，選擇都幾多，不過我就主力食牛冇叫到黎食啦🫣熟食有天婦羅串燒等，我試左幾款都唔錯。蕎麥麵同炒飯都唔hea ，可以一試 除左主食，仲有多款明治雪糕任食同生啤任飲，超級開心！

今日同朋友慶祝生日 帶佢嚟到位於銅鑼灣利舞臺嘅呢間牛舞涮涮鍋和牛專門店度食晚餐我哋揀咗個最貴嘅和牛套餐 佢仲有送4%奇蹟 薩摩和牛西冷扒一塊 雖然係送嘅但係質素真係驚豔 油花分佈好平均而且肉質紅潤非常新鮮 雖然好薄不過勝左入口即溶 超正呀薩摩牛牛肋肉 澳洲和牛腹肉 美國安格斯牛肩小排 美國安格斯一口牛等等 全部都夠曬新鮮 最正嘅就梗係薩摩牛牛肋肉啦 牛肉味香濃 而這牛油香氣超正除咗瘋狂食牛仲有 甲羅燒 白鱔 酒清鮑魚 扇貝等等嘅海鮮都係任食 性價比極高

一早Book 左7點。等足15 分鐘入座。（仲要已比左訂金）但就遲遲安排唔到入座。我地一行人10個得兩個飲啤 。酒都就要全枱飲。極唔彈性。服務態度好差 ，食物好一般，只此一次the manager here is really unfriendly as she forces 10 of us must drink wine. Even we ordered only two . She looked at me in a very impolitely way . Really bad feeling

又到放假既一天，對自己好一點，中午去到銅鑼灣，食個靚放題。依間選擇比較多，不單可選定食加60分鐘自助飲品及甜品，又或者係燒肉既放題任食，最後，揀左佢既日本薩摩和牛放題，可以120分鐘慢慢食。岩岩坐到位，先取點熱食試一下，返到位已經有野食上：）而除左薩摩和牛外，佢既海鮮都不錯，其中有甲羅燒＆扇貝，另外，炸物都不錯，黎到都係熱辣辣。另外，加埋左涮涮鍋，燒到咁上下，轉打邊爐，試下佢另一種食法。食到最後，個肚已經係無位放甜品了🤭

約了人銅鑼灣食晏，友人要趕返工就在附近食個便當，未到12點都已經一條長龍，這天好多一家大細去食，無論燒肉定涮涮鍋還是便當定食，飲品、甜品和雪糕都是任食任飲，好爽。人均：$119.分別有沙律吧、火鍋配料、熟食、湯及飯、甜品、日本雪糕、飲料櫃.......飯前先食轉水果，兩件蛋糕。.蒲燒鰻魚飯好大盒便當，有中華沙律、雜菜、鰻魚和飯，鰻魚正常發揮，熱辣辣好食。.和風牛肉飯牛肉份量好多呢，牛肉汁可以撈飯，飯上面有紫菜，味道不錯。.飯後再食水果，黑糖、櫻花和果子，黑糖味好好食！另外朱古力蛋糕食了四件🤤蜜瓜和菠蘿都好甜實，頗新鮮！記得食埋日本雪條就滿足了！

如果係銅鑼灣想搵和牛燒肉放題可以考慮下位於利舞臺呢間牛舞。放工後商場人流唔多，去到咁岩有位唔洗等。裡面環境闊落，有一部識送餸既機械人，2人點左薩摩和牛120分鐘放題，新鋪限定2人會送奇蹟之牛一塊。（本人當時7月期間）出面食燒肉既鋪一般都少熟食既，而呢間有較多選擇，口味都唔錯，特別是雞泡魚干。海鮮選擇方面ok, 不過建議自行調味，因為不是醃製過的。奇蹟之牛超級好食。任食當中其他款式既牛都可以叫，但當然比不上奇蹟牛。

今晚同老婆去了銅鑼灣食薩摩和牛放題，餐廳有幾個價位的放題餐，今次就要了個最貴的任食薩摩和牛。店員先送上牛舞拼盤，薩摩和牛紋理清晰，雪花紋均勻，滿口充斥牛油脂香。澳洲和牛油脂不及薩摩牛，而prime牛肩排則肉味最濃郁；雞腿肉味道都不錯，無雪氣味又有肉香。和牛薄燒輕輕燒一燒就食得，牛油脂肪滲出。刺身就要了三文魚、帶子及鯛魚，雖然不算肥美，但都很鮮甜。甲羅燒蟹膏蟹肉鮮甜。虎蝦彈牙、扇貝有蒜蓉香味、鮑魚入味、鮮串鰻魚肉質彈牙。食和牛點可以唔飲啤酒。套餐另外還包火鍋，火鍋料都是丸、腸等，其中薄切和牛必食，入口腍滑而且無燒肉咁肥膩。炸物就比較普通，所以剩食和牛都夠回本。

這間位於銅鑼灣新開的牛舞，主打日本薩摩和牛燒肉放題，另外還有幾款其他牛肉及豚肉放題，價錢由$198起，食物款式百多款，基本上都無可能全部試得完。每枱都有一份的拼盤，有薩摩牛、澳洲和牛、牛舌、豬腩及雞肉等，份量都幾多。薩摩牛有赤肉、和牛粒及牛肋條，三款都有豐富油脂甘香，其中牛肋條入口油脂滲出，香味充斥味蕾。甲羅燒鮮甜蟹膏香味；鮑魚彈牙；生燒鰻魚更是肉質彈牙。虎蝦大隻又新鮮，肉質爽彈。另外還包火鍋，除了一邊慢慢燒，亦都有得滾下，無咁熱氣。放題還包任飲生啤、清酒及紅白酒等，送燒肉真的絕配。最後當然唔少得甜品，有雪糕及蛋糕等。