牛舞日本燒肉‧涮涮鍋放題

營業中

休息中

Yoho 新開既燒肉火煱放題, 當然要一試, 呢間系尖沙咀Beefar's 鹿兒島燒肉既分店, 平日跟週末週日不同意價錢, 由$178-$588, 有黑豚/安格斯牛肉/美國和牛/薩摩牛放題,有唔同價錢選擇, 時間100-120分鐘.當然要一試, 除了燒肉外, 仲有牛舌、雞翼、內臟、刺身、其他小食, 仲有甜品雪糕，相當豐富, 當日5點幾經過已經見到條人龍, 於是都排隊等5點半入座. 地方闊落唔會迫, 仲有機械人送餐, 好特別. 我地點左安格斯牛肉餐放題，坐低店員送黎嘅招牌肉組合而成牛舞拼盤，一次過有7種唔同種類既肉，薩摩牛肋肉, 澳洲和牛肩胛肉, 美國和牛板腱, 美國黑安格斯下肩胛翼板肉, 牛舌薄切,  美國雞腿肉, 呢碟牛既肉質地鮮嫩, 充滿牛味.  魚生好新鮮叫左兩次, 仲有推介既黎自日本既雪糕. 不過可以任叫的安格斯牛肉就有點韌. 但以兩三百蚊的放題質素算不錯.

元朗形點又有新食點，這次開了一間日本燒肉·涮涮鍋店。看到店名很特別，「牛舞」是會跳舞的牛嗎？餐廳門面亦頗有賣相，看起來間隔寬落，筆者又愛吃牛，便勇於一試。餐牌分別有A-E五項放題選擇，分別在於吃不吃牛，以及想吃哪一款牛肉來區分。不吃牛肉的朋友可點D項，那是豬和雞肉的放題。而吃牛肉的朋友則可選：A項：樂天澳洲和牛放題B項：美國SRF極黑和牛放題C項：特選美國黑安格斯牛肉放題E項：日本薩摩和牛放題 （可以說是珍品級別）客人更可以加$48追加涮涮鍋放題，以及另加$48追加酒精類放題，價錢豐儉由人，悉隨尊便。放題可在指定時間內任點任吃各式刺身、天婦羅和飯麵等主食。甜蝦和帶子刺身新鮮鮮甜，北寄貝及八瓜魚則比較乾身。雜錦天婦羅一客有兩隻天婦羅蝦，以及炸茄子、炸南瓜和炸番薯各一件，即叫即炸，香脆可口。筆者感覺吃燒肉是要配送啤酒的，所以點選了SAOPORO冰凍啤酒來解渴。餐廳內亦有任取區域，客人可自行取蔬菜、水果和甜品。建議各位可取一點唐生菜，包裹著燒肉來吃，減低肥膩感，也吃得比較健康。客人凡選擇牛肉套餐的，每桌均奉送「牛舞拼盤」一客，拍照打卡一流。而「牛舞拼盤」內包含的有美國安格斯牛肩胛、澳洲和牛、

元朗yoho mall既牛舞係來自日本鹿兒島既著名品牌，第一次係香港去可以同時炭火燒烤+打邊爐放題既店❣️一次過滿足2個願望😍 仲好貼心有埋口罩套，方便食野果陣可以放口罩。去唔到日本唯有係香港食薩摩牛肉放題餐。一坐低店員好快送上一盤不同種類牛肉拼盤，留意返裝牛肉既盤係用左有牛樣既盆🐂感覺上好高級同好適合打卡。餐廳既自助區有不同食物，每樣食物獨立包裝，非常衛生👍🏻值得一讚！而且好特別有用鋁盆裝既紅薯、粟米同金針菇，放係燒爐上燒超方便。而熟食以炸物為主，有蔗雞棒、豆腐、魷魚及炸雞，都幾香口😋醬料方面竟然有分刺身同涮涮鍋，真係好細心❤️ 另外仲有沙嗲醬同胡麻醬，都算多種類雪糕全部都係日本雪糕，好多都未見過😍 亦都有好多唔同口味選擇拎完野食記開始燒烤喇，炭火燒烤燒既肉特別好食😍 保留返d肉汁 好juicy而涮涮鍋個湯底係濃湯，d食物吸哂d湯底好好味 粟米好鮮甜🌽第一次係放題見到有咁多海鮮食，中意海鮮既唔好錯過元貝，勁大粒真係啖啖肉而蟹膏亦係必食單品，陪埋白飯真係一流😋 所有肉都好新鮮，脂肪分佈剛剛好，而且好夠肉味🐂甜品都係獨立包裝，而且份量細細粒，可以一次過食哂唔同口味❣️朱古力既好好食，超濃朱古力

牛舞係yoho mall新開既一間和牛燒肉放題，開店以黎日日都大排長龍，今日終於有機會可以去試下喇。一入去環境好靚又闊落，每個位都有電磁爐同燒烤爐，既可以食火鍋又可以食燒肉，仲有呢間餐廳係好先進咁用機器人送餐，十分得意。我地點左日本薩摩和牛放題，坐低無耐店員已送上一碟牛舞拼盤，拼盤由各種招牌肉組合而成，一次過有7種唔同種類既肉，其中最推薦薩摩牛牛肋肉，呢隻肉質地鮮嫩，一入口充滿牛味，一食就知係高質素，唔洗去日本都好似係日本食緊牛咁！ 牛舞係用ipad點餐，提供左超過100種放題食物選擇，食完牛舞拼盤可以繼續係ipad翻點覺得好食既和牛。除和牛外，餐廳亦提供多款海鮮，其中最推薦蟹蓋，食落非常新鮮，好食到我地都忍唔住encore左幾次。另外餐廳自助區亦有多款前菜（泡菜、海帶）、火鍋配料（如丸、菜、烏冬），熟食（湯、飯、炸雞、炸豆腐等等）及甜品（雪條、蛋糕、和果子）提供，全部係任食。而雪條全部都係日本牌子，我簡左鹿兒島朱古力脆皮雪條。餐廳提供既甜品實在太吸引，如果唔係太飽，我一定會食多幾條！ 總結黎講呢間火鍋燒肉放題係十分抵食，餐廳offer 既肉高質，食物種類又多，既可以燒肉又可以火鍋，一

一開始經過被環境吸引然後睇到餐牌 都好吸引不過奈何野食太難食啦🙃叫左牛嘅套餐 一人258但d牛質量 口感好差 甚至連擺盤都好差🤣送嘅牛拼盤就擺得靚啦 不過d牛都係唔好食嘅🙃可以選擇嘅小食唔多 但雪條好多 全部日本牌子🍵

諗住新開見多人排隊諗住試下，點知一試就中伏！首先我同男朋友叫左和牛放題set, $300幾一個人，但黎到d牛根本就唔係和牛，仲要比普通牛更難食！又老又咬唔到喂，大佬呀，如果唔係和牛就唔好呃消費者啦，餐單寫返普通牛咪算囉！體驗非常差，服務態度又差，甩單，嗺左幾次先真係幫我去跟。咦間除左小食同雪條比較合格之外，真係無任何值得再次幫襯的機會！賣單$700幾蚊，咦個價位可以食到比佢更好食既燒肉或放題店！如果店家仲係冇任何改善，應該真係好快就88了

今日去左Yoho 食牛舞燒肉放題，環境超級好，仲要有卡位，門口職員都好細心介紹有咩食有咩唔同，有換網，有服務，態度好，夠鐘都無即時趕你走！但食物質素認真麻麻，夠夠牛都好鞋，一樣味，個爐點燒都好痴，落埋油都係咁，燒肉汁同柚子醋都唔好食！出面主打既日食雪條全部都超級勁甜同藥水味，今日唔覺有日式雪糕杯！出面既小食，入到去既時候同走既時候都好似我呢一張圖咁，問經理會唔會Refill , 佢話幫我問下，一陣答我：係得出面咁多架啦！我心諗，同廚餘有咩分別？個一個咩和牛筋肉飯，雖然圖片只供參考，都唔係差咁遠呀？走左要即去食返個tea 🥲好似無食過野咁！現實與想像第一次食燒肉食左2個Yogurt , 真係好食既，因為係Movenpick , 不過係Yogurt 唔係雪糕！仲有無糖烏龍茶同低糖綠茶好飲！伏到出門口撞到隔離枱一齊話，未食過咁難食既牛肉🙃！佢仲要食最貴個一隻，我好在好縮左沙叫咩 SRF 極黑口就算，呢期好多廣告同打手，夜晚Full book 到4月中，不過住元朗既朋友講，元朗區燒肉選擇小，所以咁full book !

1. 食物質素十分一般 真心牛角都好食好多好多 唔好嘥錢2. 所謂既任食bar 如果你食燒肉 簡本上得幾種熟食你食到 其他係好少選擇既 菜 豆腐 冬菇 見到真心笑咗出聲3. Drinks 呢個真係經典 真係未試過去任食見到4款野飲 係4款冇打錯 除咗忌廉溝鮮奶個個 其他全部唔知咩黎 俾$100幾$200 維他檸檬茶都冇得飲4. 員工應對和處理 其實出少單 講錯野真係好少事 雖然連續錯咗三次 但無理由處理個下既態度好似我做錯咁 一開始講野一句唔好意思都冇 到最後個下先好細聲好唔情願咁講句唔好意思btw 成世人冇試過打負評 就算野食幾伏都好

呢間舖頭最厲害嘅係成間舖頭冇一個牛係好食嘅全部都咬五到，衰過食擦子膠完全係食鞋底嗰舊，然後熟食既竟然係唔熟㗎！服務態度仲要係零叫個經紀過嚟跟住竟然有人同我哋講佢唔想過嚟。。。。叫叫個侍應擺個位佢竟然同我講佢淨係負責抹枱。。。。我真係唔係黑佢佢真係好難食！

因为就在家附近就想去试试这家新开的店怎麽样。首先是环境，因为是新店所以装修什麽都好可以 但是等坐到里面之後，桌上用的餐具都洗的非常不乾净，在疫情的情况下不是更应该注意这些卫生问题吗。然後是服务因为是放题 所以通过手机扫描二维码自己点单 这个是可以接受的，但上菜速度真的是非常慢，我们有加钱点涮涮锅，结果锅里面水都快烧干了，点的涮肉还没有来。跟服务员催了4-5次 结果最後一次才跟我们说没点上最後我们又点了一次 结果又上来双份的後来才发现之前是点上的。总之服务就宛如没有服务。最後说一下重点的食物，我们点的是300多一位的和牛放题，结果上来的肉一点雪花都没有 硬到咬不动，自认为街市买的一般牛肉都要比这个’和牛‘要好 。我没有吃到过比这个更差的和牛了。唯一还可以的就是串烧和其他小吃了。总之体验很差 不会再去！买单700多吃其他不是放题的 也能吃到比这个牛质素好很多的和牛。

前幾日同個朋友食晏，試左呢間新開冇耐嘅牛舞，主打燒肉，可以食埋壽喜燒，但都係配角。我地叫左SRF美國極黑和牛放題，100分鐘，$298，星期五至日就$338，所以一至四黎食抵啲我地都係主力食牛，佢啲牛好靚，多油脂，燒哂啲油香出黎，牛味又足我地加$20叫左牛骨湯底，火鍋嘅，一般，食左幾塊牛就冇食了，建議大家主力燒肉佢地有刺身，但都係一般飲野自己出去攞，有汽水有樽裝茶有日本雪糕，OK賣三十幾蚊杯架，保本呀

中午打算到牛舞食放題，取票時螢幕顯示B10，而我與友人取得B14，就打算繼續等待，反正前面只有3個號碼等了10分鐘，螢幕叫到B13，想說:下一張就是我打算繼續等苦等了一個多小時後，見到有數台客人埋單離開了(其中包括2人跟3人的)，但發現叫號碼時都不叫我們B區的人，都是叫A區的號碼上前向貌似經理的人問，才發現原來是按照取票時的時間來安排入座，跟我說前面還有10個號碼。我認為這樣的安排十分混亂，你明明是按照取票時的時間來安排，為何要開放2種不同的號碼？這是在故意騙客人苦等下去浪費時間嗎？安排之差令我不會光顧！

放寬左限聚令，終於今晚可以約返好耐無一齊食飯嘅friend聚一聚啦！今晚我地去左YOHO mall，見到有間新開張嘅餐廳，所以入去試一試。入到去環境都幾好幾舒服整齊。枱面上有QR code可以落單，我地叫咗燒肉餐，第一轉食物好快就到。好肚餓嘅我地一開始就燒牛肉，佢地好細心係每塊肉上都有小標籤寫明係咩肉，不過我地好肚餓，都無咩點看就燒！幸而牛肉好快熟，轉眼已經可以食，牛肉好香軟，和牛粒都好軟滑，入口即溶，可惜唔記得影相。我地仲叫咗刺身同雞肉串食下，不過味道無咩特別。但最正不得不提佢地嘅甲羅燒，真係好好味，好新鮮同蟹味好重，我地都忍唔住再返order。牛油帶子都好香，燒緊時牛油味撲鼻，食落都好嫩口。後來我地燒到啲食物好易燒焦，同佢地職員講返，佢地都好貼心幫我地換爐。最後食埋佢地嘅雪糕甜品我地就離去。雖然之後我地order嘅食物有啲慢，但我地追單時職員態度都幾好，之後好快上到俾我地。餐廳仲有個機器人係度走嚟走去幫手搬碟入廚房，問返原來部機器人識唱生日歌，等下次有friends生日再過嚟食先。

聽聞有高級燒肉嚟到元朗，身為元朗人又點可以唔去試~ 又咁啱開放返4人一枱，咁就梗係要同啲fd子一齊去拆餐勁！😎👍嚟到門口，裝潢主要用木，感覺都幾好幾高級，而且聞唔到一般燒肉店嘅油煙味，第一印象唔錯。我哋揀咗最多嘢食嘅薩摩牛餐，所以基本上所有嘢都任點~ 一嚟就梗係試咁多款牛先，一上就成枱都係牛，真係「牛，全部都係牛」😂就算店員同我哋講咗係咩品種咩部位，轉頭都唔記得哂，又要再問過個人嚟講最鍾意係薩摩牛赤肉同牛肋肉，肉質好軟，又有牛味~ 澳洲和牛嘅封門柳都唔錯，淨係食牛都值回票價！另一樣要推介嘅係甲羅燒🦀，啲蟹膏香到呢，哋成枱都翻叫咗3轉，所以話食放題就係任性😎喺食食吓嗰陣，突然有個白色嘅物體靠近，原來係貓貓送餐機械人上菜🐱，佢仲識講廣東話，有人阻住佢行會叫人借借，好搞笑~🤣🤣總括嚟講，牛舞嘅食品質素真係幾唔錯，好少可食到咁高質嘅放題，如果上菜速度再快返少少，價錢平返少少就更好。今次冇試到佢哋個招牌牛骨泡沫涮涮鍋，下次再戰嗰陣一定要叫~

午巿和媽媽去試新開日式燒肉。點了兩份 美國安格斯牛肉午巿套餐 90分鐘，套餐包含限量的 美國安格斯下肩胛翼板肉、牛腹脅肉、牛舌薄切、牛肩胛肉薄燒 及 一口牛，另包自助餐區放題。燒肉： 賣相不錯，本人把牛肉大致燒至5-7成熟，安格斯肉味濃，但有些部位入口比較靭，有些口感和油分不錯。自助餐區看起來不大，但感覺都豐富，食物的質素也不錯，現在介紹一下：前菜漬物：麻醬豆腐、木魚絲漬茄子、中華沙律、帶子裙邊、韓式泡菜。全部都用小碟分裝好用保鮮紙包著，衞生，味道全部都不錯。蔬菜：粟米、茄子、南瓜、冬菇、金菇、杏鮑菇、新鮮菠蘿，食物的大小無論燒烤或火鍋都合適，而且很新鮮，另外，我特別欣賞那密封的salad jar，爽口鮮甜的蔬菜沙律配烤肉同吃很是美好。丸類：有牛筋丸、貢丸、花枝丸、蟹子丸、魚腐......還有爆芝士的芝士腸，款式多樣化，未能儘錄。湯：蘿蔔牛肉清湯 很有牛的油香，但沒有調味，建議自行加鹽。炸物：唐揚炸雞、餃子 和 鱈魚豆腐，保温都得不錯，入口仍然外脆內軟。日式牛咖喱 香而不辣，牛和牛筋大大件不吝嗇，牛筋入味，口感Q彈，好吃。白米飯：建議食法為 加上 香蔥、紫菜 及 温泉蛋，我跟著指示弄了