去唔到日本唯有係香港食薩摩牛肉放題餐。一坐低店員好快送上一盤不同種類牛肉拼盤，留意返裝牛肉既盤係用左有牛樣既盆🐂感覺上好高級同好適合打卡。
餐廳既自助區有不同食物，每樣食物獨立包裝，非常衛生👍🏻值得一讚！而且好特別有用鋁盆裝既紅薯、粟米同金針菇，放係燒爐上燒超方便。
而熟食以炸物為主，有蔗雞棒、豆腐、魷魚及炸雞，都幾香口😋
醬料方面竟然有分刺身同涮涮鍋，真係好細心❤️ 另外仲有沙嗲醬同胡麻醬，都算多種類
雪糕全部都係日本雪糕，好多都未見過😍 亦都有好多唔同口味選擇
1
拎完野食記開始燒烤喇，炭火燒烤燒既肉特別好食😍 保留返d肉汁 好juicy
而涮涮鍋個湯底係濃湯，d食物吸哂d湯底好好味 粟米好鮮甜🌽
第一次係放題見到有咁多海鮮食，中意海鮮既唔好錯過元貝，勁大粒真係啖啖肉而蟹膏亦係必食單品，陪埋白飯真係一流😋 所有肉都好新鮮，脂肪分佈剛剛好，而且好夠肉味🐂
甜品都係獨立包裝，而且份量細細粒，可以一次過食哂唔同口味❣️朱古力既好好食，超濃朱古力味🍫
