牛舞日本燒肉‧涮涮鍋放題

營業中

休息中

☀︎ 𝗦𝘂𝗺𝗺𝗮𝗿𝘆：元朗YOHO新開左一間主打和牛燒肉放題既「牛舞」分別有四款和牛放題同一款豚肉放題當中，「樂天澳洲和牛放題」就最抵食$378/位包左111款，任食100分鐘仲送埋牛舞拼盤，一定滿足牛肉控嘅你🥰◈ 牛肉 - ©4/5分主打四大產地嘅頂級牛，分別係1. 美國黑安格斯牛肉2. 美國SRF極黑和牛3. 樂天澳洲L'grow和牛4. 鹿兒島薩摩牛而呢個$378 set除左薩摩牛外，其他都可以食勻哂😎其中首推樂天澳洲L'grow和牛黎自澳洲昆士蘭區樂天自家飼養既和牛每片牛肉嘅雪花分佈均勻，色澤紅潤而安格斯牛肉中最推薦肩胛牛肉薄燒巨切有成A4size咁大，仲大過我塊面🤣香燒後，油香滿溢，入口即化，牛味極濃呀！仲有安格斯肩小排樂天澳洲和牛復肉都值得一試架～◈ 海鮮 - ©4/5分海鮮嘅質素都唔錯！推薦牛油清酒煮蜆同香蒜牛油帆立貝蜆肉吸收左牛油香，加上清酒提升鮮味而帆立貝軟嫩多汁，勁香◈ 刺身。炸物。熟食 - ©4/5分除咗燒肉，仲有超過30款嘅食品有刺身，炸物，天婦羅，串燒，烏冬等推薦天婦羅，蟹肉忌廉餅同炸芝士年糕特別係芝士年糕，軟熟又帶流心效果仲encore左幾次添！◈ 甜品 +

去完元朗大棠落返嚟西鐵站，拖着疲憊嘅身軀最啱就係食放題😍 第一次去到「形點」商場，除咗驚嘆有齊出邊嘅大品牌外，食肆種類豐富，小編好似大鄉里出城😂見到哩間好似牛X嘅燒肉放題，除咗燒肉仲有涮涮鍋，今次叫左中價位嘅「 𝘊套餐」，有齊94款食品，100分鐘任燒相當夠食😎👍🏻《 美國和牛放題 》 $328/𝘱𝘱𝘭 4.5 / 5價錢唔算貴中規中矩👍🏻 可能入座已經係尾圍，兩個人都舒舒服服坐到4人大檯👍🏻 一開始會先上一盤比較靚嘅肉 — 牛舞拼盤🥩 雞牛豬都有齊，仲有本身餐無包嘅「薩摩牛」，肉質頗嫩😋隨後開始𝘘𝘙 𝘤𝘰𝘥𝘦落單，雖然每份只限兩塊，不過上菜速度快，有效率，所以可以逐少嗌😛 加上其實個燒烤網都偏細，一次過燒唔得好多塊肉😂94款野食試唔晒，幾款牛肉肉質偏鞋，尤其是一口牛！😵‍💫 而比較好嘅牛係「牛舌薄片」、「牛仔骨」👍🏻 好幾款燒海鮮反而有驚喜，「魷魚鬚」、「蒜蓉牛油帶子」同「墨魚仔」新鮮惹味👍🏻 另外「雞腎」係必食，超爽一咬就爆汁嘅口感😍 刺身款少，不過不失都新鮮👍🏻 熟食質素尚可，較好嘅有「忌廉蟹肉薯餅」同「海鮮炒烏冬」🤤 甜品有多款雪條同朱古力噴泉，今次太飽無試到🙈整體環境舒服

今日約咗朋友在元朗行街，真係好耐冇見今日終於可以一齊食飯，行街！行到Yoho mail 有間任飲任食火鍋，燒烤，日式放提店，有任食牛，我當然唔放過，入去到店舖空間感十足，環境舒服，地方整潔，枱面上有QR code可以落單，我哋叫咗燒肉餐，第一轉食物好快就到，好肚餓嘅我哋一開始就燒牛肉，店舖好細心在每塊牛肉上都有小標籤寫明係咩部位，牛肉好快熟，轉眼已經可以食，先來個牛舞拼盤，眼看牛肉肉質鮮紅，脂肪分布均勻，最大特色是油花豐富，牛肉的嫩度，香氣都非常明顯，無論燒或者唰唰火鍋都絕佳美味，入口即溶，不單止牛肉靚，仲有刺身添，油甘魚腩，劍魚腩都好肥美，甜蝦，三文魚，八爪魚，元貝，每一款刺身都很新鮮。出面有蔬菜，飲品，甜品等等的自助形式。疫情期間，出去攞嘢記得要帶返個口罩，注意個人衛生，個雪條櫃雪條有好多款式，好多口味我都冇試過，個人覺得主力食牛一定回到本

今日放假特登同男朋友入元朗行街睇戲食飯,喺荃灣入元朗好方便搭西鐵一陣就到,去到元朗西鐵站已經連接住大型商場,有好多野買好多嘢食,行到差唔多於是上OpenRice望吓有咩好食,見到一間有燒牛肉食又可以打邊爐嘅舖頭牛舞日本燒肉涮涮鍋放題去到舖頭見到人流不算多但當我食完大約兩點嘅時候已經坐滿人，好彩我今日早去唔使等位入到去地方都好大而且裝修得好光猛，坐得都幾舒服。我哋今次就試吓個B餐，100分鐘，美國極黑和牛放題今餐好豐富又可以食燒牛肉又去食刺身又可以點食物打邊爐一次過滿足晒幾個願望極黑和牛，一陣已經可以食得而且脂肪比例好均勻，唔會特別肥膩令到牛肉味好突出肉質非常嫩滑，有入口即溶嘅感覺。加少少鹽調一調昧仲正牛油帶子帶子都算厚身，味道鮮甜，入口非常爽口，有夠彈牙口感一流牛舌薄切，牛舌好爽甜，而且有咬口，牛肉味都好重三文魚刺身保留到三文魚嘅鮮味，加上有少少脂肪，三文魚味更加突出，食入口夠晒凍好新鮮燒大蝦🍤蝦好鮮甜，完全唔需要調味，肉質爽口彈牙，鮮味十足。主打嘅食物都非常新鮮如果鍾意食蔬菜嘅朋友，出面可以任取蔬菜洗得非常乾淨，又新鮮款式又多100分鐘不停咁食，食到飽住個肚走最後仲去食埋雪糕，今餐真

自牛舞在YOHO Mall開張後，我老公一直也渴望試一試，但次次都人頭湧湧，令人卻步。今晚經過見到難得不需等位，即刻入去試試。內裏地方寬敞，最重要是沒有油煙味，環境衛生。我們選了澳洲和牛餐，但第一盤送來的是包含不同種類的牛肉，還細心地有咭紙介紹，食完第一碟已覺得好滿足☺️之後看看餐牌再點菜，發現種類繁多，由刺身至熟食均有齊，每種試一碟也未能食得完。第一輪先選海鮮類，有虎蝦、帶子、鯖魚、蜆、蠔⋯，食物質素佳，特別喜歡燒鯖魚，外脆內軟😋接著選擇不同種類的肉類，我至愛的牛舌也有多款選擇，令我喜出望外😍這裡的牛一看便知是新鮮的優質食材，肉質嫩滑，脂肪與肌肉分佈比例適中，遠勝其他的燒肉店。最後選了燒菠蘿、日本小甜番薯及菇類，平衡一下食得太多肉類。最後不得不提甜品，連我老公不好甜的人也吃了2條杏仁朱古力雪條，味道不是太甜，外面的朱古力脆皮香濃，充滿杏仁味，令人回味無窮。還要盛讚餐廳中的職員，每位也很有禮貌，而且換網及碟的速度快，還細心地教我們如何燒各款食物，值得表揚👍

同個朋友仔慶祝生日 lunch time食好少少 我哋揀咗yoho一期嘅牛舞 來一個豐盛的燒肉放題有A至E套餐選擇 E餐有三十四種食物$198 是最平的 沒有牛肉類提供 A餐則有125種食物選擇 價錢是$568是最貴的一個套餐 我同朋友揀咗B餐 有111種野食 當中包括豬，牛，雞，海鮮及刺身個人覺得自助吧的處理非常好 每種食物都有蓋冚住 中如：華沙律、泡菜、帶子裙邊獨立包裝 乾淨又衛生！蛋糕亦如是 細細件獨立包裝 食幾多拎幾多唔會造成浪費另外還有幾款熟食提供 牛肉醬配飯 一定要食 個味道勁香濃雪糕雪條櫃入面放滿明治品牌的產品 口味多 白朱古力雪條、藍莓乳酪 這些味道都不是常見的重頭戲梗係燒肉啦 先送上牛舞拼盤 試試水溫 哪款比較好吃 豬牛雞有齊其他嘢食就用QR code落單 刺身不錯 有甜蝦、三文魚、吞拿魚、油甘魚、帶子 、北寄貝等等 整體是新鮮的沒有雪藏味，甜蝦我最鍾意食 非常鮮甜海鮮控當然不能錯過燒海鮮啦 牛油蒜蓉燒扇貝夠香 海蝦夠大隻肉質夠彈牙 蠔肉厚肥美牛肉超高質 全部都係靚牛 靚部位 燒到緊緊熟 勁juicy 個人特別推介和牛腹肉 燒完之後真係有種入口即溶嘅效果

知道間店主打薩摩牛，就帶家人去試下，約6點排隊，打算食薩摩牛放題，結果比想像中更有驚喜。點選薩摩牛套餐，送左個拼盤，可以試埋其他種類的牛，自問對牛唔係好熟，但食落去都有明顯分別，私心覺得薩摩牛好食啲，特別鍾意牛赤肉，油花冇咁多，有啲咬口，而且牛味濃，全程叫咗8碟，正！除左牛，仲有好多刺身同海鮮，尤其甲羅燒同牛油帶子，好香好鮮味。一般放題都係得主打嗰幾樣好食，呢度連其他食品都有素質，冇欺場，就算全家人唔同喜好，都食得好開心，好滿足！join咗會員有優惠，可以再試。

老人家提議一家人3人行晚餐即興打邊爐/燒肉，於是來到walk-in 取票，店員亦很有禮貌叫我們按制取票等叫號碼入座，結果等了差不多一個鐘就有位，滿心歡喜終於可以入座。但是店員要求我們在場人士一定要掃安心出行先可以入座，原因是坐C類區域是要掃安心出行方可入座（餐飲處所/表列處所的運作模式規定），店員再講如果唔要張枱，坐B類區域就要等多一個鐘先可以入座。問題來了，老人家是沒有用智能電話，是沒有可能用安心出行app登記出行地方，加上店員招呼我們按制取票時，沒有解釋清楚我們等候的枱屬於哪一個區域。最後我地太肚餓，沒有可能再等多一個鐘，轉左食foodcourt。結論係3人食野點會估到會係俾C區6人枱，店員如果一早講解清楚就唔使我地白等一個鐘，時間大失預算，又食唔到好似好好食的食物（雖然未食過），咁樣的服務令我十分反感亦都唔會再幫襯。*都係俾貴d食牛角放題*

滿心歡喜去食燒肉，唔記得叫咗澳洲和牛定SRF極黑和牛，5:00左右去排隊，很期待，點知….肉：無肉味，肥膏都唔多條，韌到完全咬唔開，啲肉又黑；三文魚：又感覺不像三文魚；自助吧：不太多選擇，熟食好像約2-3款；飲品：選擇不太多炸雞：全部都係油；同個主任講，話啲牛韌到完全咬唔開，啲肉又黑，佢竟然話，如果想食靚啲，就揀薩摩牛，超失望，跟住嬲嬲地叫埋單，有個高級些的店員前來，了解後，做咗優惠比我哋，仲比咗一碟靚啲嘅牛我地試，叫我哋下次食最貴嗰隻薩摩牛，其實yoho 都唔係走平路線，一間食物店質素係好重要，好難有下一次

元朗烤肉放題唔錯既選擇，每次放假都見到好多人排隊，今日閒日lunch唔full，唔洗等位終於可以試下。除咗放題之外都有d lunch set，不過牛肉就只有一份，出面飯同湯仲有小食都係放題。我地選擇咗和牛level，308一位再加10%服務費除咗和牛之外，仲可以叫海鮮🦞蝦、扇貝、生蠔有限每次最多叫10碟，一d都唔會衝動下叫多左浪費食物最高級有甲羅燒，但係五百幾蚊一位lunch over budget，如果特別節日慶祝都不妨試下環境舒服，而且檯面都多位置擺野，每次食放題最怕就係叫咗野食冇位擺，呢度完全唔需要擔心上菜速度都好快，有AI服務員車到去我地檯隔離牛肉唔算太肥，肉味好鮮，唔會食到濟同埋全部牛都唔係冰凍，一燒就食得唔會出水，呢點好值得一讚

餐廳在大型商場內，元朗港鐵站前來，全天候冷氣通道，8號風球都唔怕，座位環境舒適，燒爐抽煙良好，計嚟計去，入座前要先選定那一款，入座計一百分鐘，用手機落單，今次選擇了 C 餐，加 早鳥優惠，無論選什麼餐，入座就會上一個併盤，比你試食，樣樣有些，包括貴價肉，👍🏻 美國牛肉，封門柳，肉質以價錢計，海鮮類，絕對翻本，（睇下超市賣幾錢就知），沙律，湯，小食，熟食唔多（要試炸雞👍🏻👍🏻），有飯，麵，魚生刺身都可以，自助飲品機，罐裝飲品，雪條食了很多條。。（加用埋迎新優惠），$540.- 兩個人，抵👍🏻👍🏻滿足的一餐😍

好耐無食過燒肉，見呢間牛舞新開又有和牛燒肉又有shabu shabu就諗住試吓，但試完真係無下次。拎飛之後等咗兩個半鐘先有得食，然後明明menu寫住早鳥同宵夜時間係有優惠，但原來試業期間根本係無呢兩個時段嘅😹 好辛苦等到8:45有位入座時佢先講試業閂10點所以唔會食得夠100分鐘😹🥸咁⋯都等咗咁耐都無理由唔食埋佢嘅，但其實佢哋可以整定個牌喺8:00左右痴定出嚟或者叫d staff主動同門口等緊位嘅人講定幾點入座會食唔夠100分鐘，而唔係喺等完有得入座個一個moment先同你講🤷🏻‍♀️ ✧ 樂天澳洲和牛放題 $𝟛𝟡𝟠 / 𝟙𝟘𝟘 𝕞𝕚𝕟𝕤入到去其實已經無咩心情食，所以連shabu shabu都無試。點咗個樂天澳洲和牛放題，因為話晒澳洲L’grow和牛都係嚟自日本純種黑毛和牛血統所以應該唔差得去邊。點任何燒肉餐都會送一個牛舞拼盤，入面會有份薩摩牛肋肉。試過之後發現薩摩牛好食過L’grow唔少，果然一分錢一分貨。但如果要我畀$658（未計加一）去食嗰個薩摩牛放題就應該唔會了。因為用同樣價錢可以食到更好食嘅和牛燒肉或者其他嘢，加上和牛油脂比較多，所以即使係放題都唔會食到好多因為好快會食滯。另外

滿心歡喜去食燒肉，極其失望。選擇左set c，d肉完全無肉味之餘仲無彈性。好似翻雪翻雪再翻雪左好多次咁。醬汁都只得3款選擇，但點完都係無味道。可能本身d肉係無味。海鮮反而令人有些少驚喜，自助吧選擇非常之少，有熟食但款式也不算多，飲品選擇都算少，有幾款枝裝飲品，但係完全唔凍。結論，唔會再黎第2次，咁既價錢真係好唔值得，有更加多更好既選擇，食牛角好過，真係好差好差好差！毫無食物質素可言如果要講唯一既優點 只可以講食物很快就來到

環境服務都可以自取食物少得可憐食中價和牛個餐 大部份都冇味 又肥豬同雞仲好過啲牛 雖然都冇味 但冇咁肥刺身衰過爭鮮 叫左一次冇再叫叫左碗冷麵一樣完全唔店唯一唔錯既係碗牛肉湯 總算有味兩個人 早鳥時間 100分鐘 埋單600幾性價比唔太高

因為星期日既緣故，太多人等位食lunch, 我同老公就簡左呢間食野頭盤牛肉唔錯賣相靚，d牛燒落去都叫ok7成熟我就上碟而且仲有海鮮叫有帶子有蝦有魚生叫三文魚同甜蝦另外有熱食叫飲品方面：汽水係要係汽水機度咁制拎汽水，仲有少量其他口味飲品有罐裝雪糕方面：有幾款日式雪糕（但我無食到）總結： 食物：3分（5分最高）飲品：2分（飲品偏少）雪糕：3分服務：4分（服務員都幾有耐性）總分：3分結論： 不太推薦不過無野食都可以一試