牛站(駅)麻辣火鍋放題

營業中

休息中

📍 牛站（駅）麻辣火鍋放題觀塘觀塘道414號1亞太中心6樓 🦔⸒⸒最近牛駅係觀塘開左間新分店~ 新店裝修得好靚同好大 佢哋係一間台式火鍋店 有唔少食材都係由台灣直送😍美國特級肩胛肉眼片 $288/ppl佢哋晚市有三個套餐可以選擇⭐️ 小編揀咗中間嗰餐揀左美顏花膠竹絲雞鍋同滋潤雪梨蘋果豬骨鍋😋嗰套餐包括SRF美國特級得牌肉眼片、澳洲羊肉片、美國牛肩胛片、花雕酒雞翼、巴西牛脷托、日本帆立貝、西斑牙豬五花片、紐西蘭青口、美國豬梅肉片、白鱔片、手打蝦滑、手打墨魚滑、秘製滷金錢肚、秘製滷牛筋等除左呢啲 出面有唔同蔬菜、熟食、甜品同飲品選擇😗小編好鍾意食嗰糯米糍 食落好煙韌😜 雪糕都有好多款！飲品幾乎講得出都有🙆🏻 坐得舒服 嘢食又多 推介！🔖 @beefstationtst

今次同朋友去了間新開嘅火鍋放題店，地方闊落寬敞，佔用了全層，一出升降機都企滿了人，幸好朋友一早攞位，一到就差不多入座，先選湯底，選了鴛鴦鍋一邊美顏花顏竹絲雞鍋另一邊滋潤雪梨蘋果豬骨鍋，上枱時見到湯底材料十足，落單掃瞄二維碼，選擇多之餘，餐廳內還有個自助吧空間，包括了一般火鍋配料有菜，有丸，還有醬油、沙律、冷盤、甜品、飲品等讓客人按喜好自由取用，而必食就有麻辣小龍蝦，鹽酥雞等餐前美食，佢嘅自家冷泡茶亦十分推介！而台式口味士林豬血糕、台北鴨血亦十分特別好味，日本蟹棒超大條，落單即出，超有效率，食物質素十分新鮮，美國牛肩胛片肉，SRF美國特級肩胛肉眼片都十分嫩滑肥美，牛味香濃！而個人對這裡嘅甜品亦十分滿意，有自製軟雪糕外，還有細細杯裝嘅甜品杯同不同雪糕雪條選擇，打邊外還要留肚食不同嘅甜品美食，真係一個價錢食得超級滿足，所以只見不停有人排隊等位！這裡絕對可以再同朋友再來試吓其他湯底食到飽嘅選擇！

Welcome to Beef Station🐮 All you can eat😋🥢..天氣凍冰冰又係時間打邊爐♨️，今次去左牛駅位置觀塘既新分店🤗，環境更寬敞舒適，而且自助區比尖沙咀更多選擇更大！質素真的不賴喔！而家餐廳新張優惠：晚市人頭送【日本A5和牛一份】十分吸引😍！冬日仲有新鍋底：美顏花膠竹絲雞 & 滋潤雪梨蘋果豬骨鍋，都係推薦💕。我就揀左竹絲雞🐥 夠補！total有9款特色湯底 (鴛鴦湯底+$48)，十分多選擇。今次揀左中價位既【SRF美國特級肩胛肉眼片】 $288，牛肉質素已經唔差，CP 值高，難怪新店晚市都咁多人排隊啊！套餐肉類無限供應，仲有其他美食 & 飲品係自助吧任意選取，其中熱食仲有麻辣小龍蝦🦞，估唔到吃火鍋都可以食到，鐘意食既朋友唔好錯過。呢個套餐當然首選吃SRF美國🇺🇸 特級肩胛肉眼片，相對軟淋油香既日本🇯🇵 A5 和牛，肉味會再濃郁有咬口一點，都不錯吃！牛魔王仲有美國牛肩胛片、巴西牛脷托、秘製滷金錢肚、秘製滷牛筋等等。其他肉類亦有美國豬梅肉片🐽、西班牙五花片🐽、澳洲羊肉片🐏。海鮮類有：日本帆立貝🐚、紐西蘭青口、白鱔片、鮮甜海蝦🦐、鮮甜沙白、手打蝦滑、手打墨魚滑、

牛駅今日咁啱得閒就同老婆去咗觀塘頭有咩好食啦，見到有一間新開嘅打邊爐，當然就要試下啦，由於餐廳屬於新嘅裝修，所有嘢都係新既令眼前一亮坐低就立即睇吓有咩湯底啦，今次就叫咗個鴛鴦鍋，牛駅秘製麻辣鍋(小辣)同藥膳牛骨鍋。另外，我哋選擇咗SRF美國特級肩胛肉眼餐，SP F食落口牛味濃有口感，另外美國牛肩胛片肉 （3-4 片）另外佢哋都有好多唔同嘅配料，配料都比較有特色，特別可以試吓佢哋嘅奶黃魚蛋，識落去鹹甜交集好特別除咗配料，佢哋仲有好多唔同嘅餐前小食，今次就試咗佢哋嘅小龍蝦同埋鹽酥雞，2個小食好特色好出色飲品方便佢哋都有好多唔同嘅選擇有罐裝嘅汽水更加有茶類，另外比較特別嘅係佢哋都竟然會有珍珠奶茶飲，真係喜出望外整體來講佢哋嘅環境都好舒適，而且通風做得非常之好，下一個舒服嘅環境，打邊爐，配料同埋牛肉都非常高質，屬於價格比高的餐廳，係觀塘又多一個打邊爐嘅熱點#hkfoodstagram #hkfood #hkfoodlover #kaygorfoodie #hkig #hkfoodie #foodiehk #hkigers #hkfoodblog #hkfoodblogger #hkboy #f

觀塘又有一家CP值高 主打台式麻辣的火鍋店出現啦 - 牛駅🐮招牌仲有紅紙包😂😂 餐廳環境乾淨 以木系裝潢 燈光亦好舒服😌餐廳有分3️⃣個不同的餐 時間不同價錢也不同 ～入座先選好湯底+價位的食物選擇了喇沙海鮮鍋🐟🐠x 藥膳牛骨鍋🦴🌱（+$48選鴛鴦鍋）喇沙湯好香 小辣 內有海鮮藥膳豬骨湯好足料 連人蔘都有👍🏻👍🏻~除自助區 亦可scan code 落單 📃SRF美國極黑肩胛肉眼片、美國牛肩胛片肉、澳州羊肉片、美國豬梅肉片牛肉油脂分佈均衡 肉味濃郁郁豬羊雞亦供應俱全 羊肉同豬肉都好腍滑～多款海鮮好吸引 選擇都不少 新鮮大大隻😆😆重有美顏花膠、手打墨魚滑🐙、日本帆立貝、白鱔片🐟等食過返尋味~小食的也比較有特色 水牛芝士條 醉豬手 醬爆糍粑 泡椒魚皮 都是比較少有 而且味道也不錯自助吧重有麻辣小龍蝦、水牛芝士條🫔小龍蝦辣度好足🌶 蝦頭好多膏😗~自助吧水準都很高！好多選擇全部都係任食 豐富程度令我大開眼界👏🏻👏🏻有基本蔬菜🥬 連羽衣甘藍，水蓮菜都有👍🏻👍🏻👍🏻水蓮 質素得高 絕非行貨麵類都多款 烏冬、王子麵、新竹米粉、壽桃麵、寛粉、出前一丁🍜丸類都有2個雪櫃 牛筋丸 芋頭貢丸 珍寶魚蛋 糬來寶（

牛駅麻辣火鍋放題 觀塘發現觀塘亞太中心上面新開咗間「牛駅麻辣火鍋🍲放題」樓下等lift嘅時候就發現超多人排隊上到去見到差唔多滿座咁濟座位好多 空間夠大 坐得好舒服出去拎嘢都唔覺得逼SRF美國極黑肩胛肉眼套餐$288湯底有好多款選擇 包括美顏花膠竹絲雞、豬筒骨、藥膳牛骨、喇沙海鮮湯、雪梨蘋果豬骨湯、清甜椰子雞鍋、蕃茄豬骨湯、胡椒豬肚湯、牛站秘制麻辣鍋我地揀咗鴽鴦鍋 分別係麻辣鍋同豬骨鍋麻辣鍋比較多香料食落去香口 夠辣夠刺激我就鍾意豬骨湯 配料好多 夠清甜 呢個套餐最正就係有SRF美國極黑和牛同美國肩胛肉兩款都好好食😋 油花分佈均勻 牛味濃郁佢地嘅手打蝦🦐滑都可以試試自助區有好多嘢食甜品🍮有泡芙、雪米糍、冰卷、布甸、乳酪、芋圓等等😍沙律冷盤區有水果、雞翼尖、裙邊、泡菜等等最驚喜係見到熟食區有麻辣小龍蝦🦞😍😍我食咗好多轉😂😂第一次見放題有小龍蝦🦞仲有鹽酥雞、奶酪魚條等等仲有好多手丸類蔬菜🥬真係想食咩都有#852food #觀塘美食 #打邊爐 #放題 #任食 #觀塘放題 #和牛放題 #hkkol #hkfoodie #hkinfluencer #hkmarketing

這間火鍋店之前在尖沙咀行街的時候已經見過，近日知道他們於觀塘開了新分店，而且環境更大更闊落，所以就相約朋友一齊去試試!餐廳位於觀塘1亞太中心，佔上整層的位置，裝修以木系為主，而且座位亦已卡位為主，坐得舒適!放題共分了3個不同價錢的套餐，我地當然要揀一個有和牛食的套餐！特上牛小排餐已包括其餘兩個餐的食物，淨係牛肉都有多種選擇!湯底我們揀了鴛鴦鍋，分別是麻辣鍋和椰子雞鍋，麻辣湯可以揀選辣度，我們揀選了小辣，小辣的味道都算幾辣，食得過癮!椰子雞鍋入面有椰子肉和雞，湯底味道清甜，可舒緩麻辣湯的味道!牛肉都有多款可以選擇，包括牛小排、SRF美國特級肩胛肉眼、澳洲M5和牛，牛脷、手切封門柳等，當中M5和牛肉質鬆軟，牛肉味濃，非常惹味!另外亦有多款豚肉、羊肉可以選擇!海鮮方面有海蝦、帆立貝、廣島蠔、鱔片、蜆等，海蝦都幾新鮮而且爽彈，而蜆都幾大隻，脹卜卜，幾鮮甜!另外亦有蝦滑、墨魚滑可以食到!自助區有多款蔬菜同埋丸類可以選擇，另外這裡亦有前菜、水果、熟食可以拎到!飲品方面有兩大個雪櫃可以俾你任揀，而他們亦有自家製冷泡茶，無糖不錯!最後還有甜品及雪糕可以食到，真係非常豐富又抵食!

同事話亞太中心呢度開咗間新嘅火鍋放題店，叫我過嚟試吓先，再返去報告。三個級別嘅套餐可以揀，揀咗中間嗰個【SRF美國特級肩胛肉眼片餐】，$288任食兩個鐘。新裝修，座位寬敞，樓底亦都好高，空間感充足。揀咗滋潤雪梨蘋果豬骨鍋同喇沙海鮮鍋鴛鴦湯底，兩款都用料十足，我就鍾意滋潤雪梨蘋果豬骨鍋，滋潤清甜。牛肉同豬肉質素唔錯，火鍋必點。海鮮控嘅我哋叫咗好多海鮮，日本帆立貝、紐西蘭青口、海蝦、沙白、手打蝦滑⋯⋯連白鱔片都叫幾多嚟幾多，款款新鮮彈牙。出面有很多火鍋配料、小食、前菜、生果、飲品選擇。 連我最鍾意嘅珍珠奶茶都有，陣陣茉莉茶香味，幽香醇厚，只係珠珍稍嫌過硬。蔬菜類嘅水蓮菜、冰菜、紫羽衣甘藍呢啲比較貴價嘅菜都有，抵讚！最後食埋糖水、小甜品、台式手工芋圓、軟雪糕、雪糕杯、雪條、雪米糍，超級大滿足！真心，係今年食過最高質嘅平價火鍋放題店，推介俾同事先！

而家天氣咁鬼冷架最啱打邊爐🍲，所以今日就同家人到觀塘亞太中心6樓「牛駅麻辣火鍋放題」打邊爐。而我地book左6點半，但已經全場爆晒。我哋就算左$288 校今晚SRF美國極黑肩胛肉眼。湯底就選左胡椒豬肚鍋，佢啲牛肉真係好靚及好有牛味呀，又新鮮又好味😋。而自助區都有好多火鍋配料選擇，方便我地食幾多夾幾多，而麵類都有好多款，如出前一丁、烏冬、新竹米粉，最特別係有王子🤴麵。熟食區亦都好多選擇，最正嘅係可以任食麻辣小龍蝦🦞及糍粑，重有一點點炸物及肉燥飯。飲品區又係好多選擇，如汽水、紙包飲品、仲要有幾款鮮果汁🍹，鍾意飲下酒嘅朋友可以任飲清酒、梅酒及各款啤酒🍻。

牛站（駅）麻辣火鍋放題觀塘觀塘道414號1亞太中心6樓我係東九龍呢頭返工，所以經常收工後係附工約d同事朋友開餐，而觀塘亞太中心一直係美食既集中地，知道最近新開左間麻辣放題火鍋，一定要黎試下啦餐廳既感覺好舒服，店員安排左我地坐卡位，首先幫我地落左湯底先，有成9款可以選擇，我地決定左揀鴛鴦鍋(秘製麻辣鍋拼胡椒豬肚鍋) , 豬肚鍋嗰邊好足料，有好多豬肚同酸菜，加上胡椒味非常濃郁好吸引，另外麻辣絕對係招牌鍋底，見差唔多每檯都有點，香味撲鼻，配埋高質靚牛肉就最夾啦我地揀左最貴SRF美國極黑肩胛肉眼set, 當然要瘋狂點牛食啦，呢到既美國極黑和牛同埋胛肉眼都相當高質，脂肪比例好平均唔會太肥，而且望落極新鮮，真係食到停唔到口呀另外仲有好多火鍋配料係自取既，分別有蔬菜類同埋丸類，全部都好新鮮同埋refill得好快，最驚喜仲有我最鐘意食既特長蟹棒除左火鍋配料，自取食物區仲有好多唔同既食物，有沙律，日式螺肉仲有麻辣小龍蝦，而飲品同甜品方面既選擇都好多，緊有一款岩你口味

今日約了一個在外國讀書回來放假的朋友，不知道可以吃什麽，便一起到觀塘亞太中心食飯，由於什麽都想食，於是選擇了牛站（駅）麻辣火鍋放題，環境開陽，色調明亮。餐廳空間感十足，主要喺木系裝潢，不過兩人檯唔算太寬，拎多幾碟食物都無位擺。不過侍應都有keep住黎收碟，效率唔錯。餐廳可以+$48揀鴛鴦鍋，我地揀咗香濃蕃茄豬骨鍋同埋牛駅秘製麻辣鍋，兩個湯底都好唔錯，蕃茄豬骨鍋濃味得來唔會話蓋過食材本身既味道；麻辣鍋叫咗小辣，但個湯底幾辣，不過好惹味。餐廳用QR code落單，可以點埋肉類同埋海鮮，其中主打SRF美國特級肩胛肉眼片同美國牛肩胛，質素唔錯，薄薄一片好快淥熟，牛味濃郁，我地都叫咗幾轉來食；海鮮則有帆立貝、鱔片青口、廣島蠔等。除咗落單叫既肉類同海類，大部份火鍋料，比如丸類﹑蔬菜都喺自助corner俾些客人任拎。自助corner除咗有醬料區、配料區之外，餐前小食﹑甜品﹑飲品、水果任食，仲可以自己吱雪糕食，不過我都吱到一pat pat。話曬台式火鍋一定要有台式料理，小食有鹹酥雞、酥炸魚餅，就連麻辣小龍蝦都有。飲品更有珍珠奶茶同自家製飲品，奶茶奶味香濃，不過啲珍珠有啲難咬。每次打邊爐都好鐘意食甜品，

不論係任何節日任何天氣都好想打邊爐，最近發現觀塘亞太中心6樓開了「牛站(駅)麻辣火鍋放題」， 身為香港人一年四季都愛打邊爐，有新開任食火鍋放題梗要來試試。到店時職員會在入座前讓客人先選好套餐等級及湯底，套餐有3種價錢選擇，湯底亦有9款，如鴛鴦鍋+48蚊。 牛站(駅)120分鐘放題大滿足，包套餐肉類無限供應及更多美食飲品可於自助吧選取。我們揀了「SRF美國特級肩胛肉眼片套餐」，鴛鴦鍋湯底是牛駅秘製麻辣鍋 + 喇沙海鮮鍋。先讚一下湯底，愛吃麻辣控必點「牛駅秘製麻辣鍋」，辣度可按個人喜愛，小辣已經很夠辣，麻辣湯非常惹味，吃到會上癮。「喇沙海鮮鍋」有驚喜，喇沙味勁香濃有椰香，極有東南亞風味，單呷湯頭都不得了。肉類及海鮮或其他火鍋配料scan code 落單，牛肉方面必點 「SRF美國極黑和牛」及「SRF美國特級肩胛肉眼片 」，肉質嫩腍，入口即化，有牛肉香味，薄薄一片都帶點點油脂，不油不膩，吃10盤也不滯。其他火鍋配料如「台北鴨血」、「日本蟹棒」、「美顏花膠」、「士林豬血糕」、「秘製滷牛筋」、「秘製滷水金錢肚」、「秘製豬大腸 」、「紐西蘭青口 」、「鵪鶉蛋」、「手包芝士餃」、「鬆脆魚皮」、「鬆脆

之前有去過尖沙咀分店，今次嚟到觀塘新店，環境更加寬敞更加舒服，自助區比尖沙咀店大好多，仲多好多選擇添！👍🏻期間限定新湯底，有美顏花膠竹絲雞🐣同埋滋潤雪梨蘋果豬骨鍋🍎🍐🍲，我就揀咗雪梨蘋果豬骨鍋拼喇沙湯底🍜，鴛鴦鍋可以試到唔同嘅口味，啱晒唔食得辣嘅媽媽，同埋超鍾意喇沙湯底嘅我！而家餐廳啱啱開張，晚市人頭會送一本A5和牛一份。今次我就試咗套餐B，係中價位嘅套餐，可以任食SRF美國特級肩胛肉眼片🐮、西班牙豬五花片🐷、白鱔片🐟、手打蝦滑🦐、手打墨魚滑🦑等等。是日自助任食熱食有 南投滷肉飯🐷、台灣鹽酥雞🐔、麻辣小龍蝦🦞；冷盤前菜就有 帶子裙邊、泡菜蘿蔔、麻辣雞軟骨、中華沙律、泰式鳳爪等等，超多選擇！牛站有好多其他餐廳少見嘅小食，包括有 麻辣炸雞🍗水牛芝士條🧀士林台灣腸🌭醉豬手🐷醬爆糍粑🥖泡椒魚皮🐠，淨係呢幾款小食已經吸引到我已經計劃下次再嚟食過！仲有好多自家製餃子🥟，例如手包蝦肉雲吞、手包芝士餃、台北燕餃、台式魚皮餃、蛋餃，總有一款啱你口味！其他火鍋配料都好新鮮，份量隨意選擇，真係食得好滿足！😆

朋友住觀塘，最鍾意去食放題，今次帶我哋去新店，原來係牛站（駅），之前食過口尖沙咀分店已經覺得唔錯，觀塘新店更寬敞舒適，自助區比尖沙咀更大更多選擇，空間感大好多。食6:00pm 已經人山人海，可能因為餐廳新張優惠，晚市人頭送日本A5和牛一份，CP值高上加高！特式湯底坐低首先揀咗湯底，天氣乾燥，店長推薦我們試吓新鍋底，美顏花膠竹絲雞、滋潤雪梨蘋果豬骨鍋；小朋友先要選擇，why not both?! 一於決定鴛鴦鍋底。期間限定，賣相不錯！滋潤喉嚨的雪梨 🍐蘋果豬骨鍋，還有潤肺養顏的美顏花膠竹絲雞，必吃推介！特濃湯底好香，打邊爐都一樣可以清香滋潤。減肥嘅女士好緊張要食多啲蔬菜🥬尤其是吸收湯汁，鮮甜美味！雖然沒有台式的麻辣，不過也可以加火鍋醬料火辣爽一下。選擇好湯底之後就可以出動去攞自助區小食啦！牛站好吸引有麻辣小龍蝦🦞任食真係好重本，麻辣汁好惹味，小龍蝦飽滿肥美，好食！另外仲有多款台式特別小食，即叫即食各適其適，特色就有秘製滷牛筋、水牛芝士條外脆內軟、爆漿糍粑爆汁好味。士林台灣腸 、泡椒魚皮味道麻辣，魚皮口感爽脆。特別鍾意❤️ 醉豬手，希望出年橫財就手。仲有多款台式火鍋配料，鍾意外面比較少食到的

呢間麻辣火鍋放題主打台式食品，坊間比較少見。而的確部份食物，食得出台灣的原味道。小食的鹽酥雞和炸花枝丸，新鮮即炸，食到停唔到口，是久違的味道。食品如牛筋丸，芋頭貢丸，珍寶魚蛋，糬來寶（魚漿包麻糬），水蓮的質素得高，絕非行貨。最令人驚豔的是麻辣湯底，用量很足，麻味和辣味都做到。牛肉也很高質，肩胛肉和胛甲肉眼的油脂分佈均衡，肉味濃郁，配上麻辣湯底，辣得很過癮。飲品款式花多眼亂，餐廳自家制的冷泡茶，飲落舒服，味道清新，值得一試。另外有一款柑桔梳打水亦都也正，果汁成分高，又夠氣。呢度的甜品也有很多款式，首推dadolce的綠茶和芝麻雪糕，味道香濃幼滑，平時1杯已經要30多元。另外餐廳的軟雪糕，韓國雪條和脆皮朱古力雲條都推介俾甜品控。呢間餐廳環境光猛整潔，從小食，湯底，牛肉質素到甜品都做得出色，而且埋單都只是200多元1位，可任食2小時，下次一定再來光顧。