牛牛日式火鍋放題 (北角匯二期) (已結業)

去完一田血併完一輪當然要搵間餐廳食下野補充下體力，在北角匯新開了唔少餐廳，今次試下這間牛牛日式火鍋店，主打一人一鍋，唔使爭食、安全衛生，90分鍋放題任食，店舖有6款湯底，我地揀左一蕃茄濃湯、大地鰹魚湯底，蕃茄湯除左濃蕃茄味外，還有忌廉芝士味，這樣的配搭相當新穎。大地鰹魚湯好少火煱店有這樣的湯底，鰹魚的味相當濃郁，尤其是煮丸時，味道特出。我地比較喜愛靚少少嘅牛，所以叫左$238套餐，包括長期殼飼牛前胸肉、特級羊肩肉、皇冠豚梅肉，所有肉都切得好靚、好簿切，牛前胸肉味道香濃，煮一煮全部都入口即溶、好鬆化。出面放題任夾，食物的選擇都唔少，當中有唔少特式丸，包括芝士流心丸、牛筋丸、豬肚丸、墨汁墨魚球，都好有特式。餐廳還有熟食，有鹵水雞翼、蛋、咖哩飯、溏心蛋、飲品、雪糕有 Movenpick、雪條任拎，整餐飯都好滿意！

好耐冇同 best friend見啦，所以今晚約左打邊爐，佢既至愛，點解可以有女仔咁中意打既🤔事不宜遲，我哋一坐底就叫左最貴既日本產頂級黑毛和牛及極级豚肉放題套餐，既然係食緊係要食質素最好先唔會曬 quota, you are what you eat ! 湯底方面兩個女仔都好養生，一個叫美人豆乳，一位叫骨膠原豬骨，味道唔濃唔淡剛剛好。落左單就即刻出去領野食同菜，雪櫃有唔同既罐裝飲品，冬瓜茶同烏龍茶都唔錯。醬料有齊野，呢個好重要丫，因為成餐都會食呢隻味，當然要撈個自己中意架啦，最欣賞有桔仔，唔使落酸汁都好解油膩。菜都多款式又新鮮，我哋最中意羽衣甘藍，好健康既感覺，而且都有麵食，公仔麵烏冬都有。食左幾啖就上肉啦，和牛充滿雪花，入口嫩滑，另一隻牛肉就多牛味呢同有咬口。豬肉好薄，唔使點趙，我哋加點左一次，女仔既胃緊係要留一番俾甜品啦，食埋個 movenpick 雪糕超滿足!

今日同honey去食～牛牛日式火鍋放題，平日夜晚都差不多滿座，生意唔錯。可能其他人都同我一樣很久沒有出街食飯，要出來食返餐好嘅！😘😘這裏防疫措施都做得好好，每台客人走咗之後都會消毒，枱與枱之間有間隔分開，不透明、不尷尬，很闊落，坐得舒服。我們點了～澳洲產特級M6和牛放題套餐$338，湯底就選了大地鰹魚鍋、美人豆乳鍋，一人一鍋，又衛生又可以滿足到每個人不同的口味！這個套餐可以點選六款不同的肉類，侍應建議我們每款點一碟，食過喜歡哪一款再加單。🐮澳洲產長期穀飼牛前胸🐮澳洲產M6和牛肩胛小排🐮美國直送特級牛胸腹🐮美國直送頂級牛肩胛🐷丹麥直送皇冠豚梅肉🐑特級羊肩肉每款肉類都好高質，尤其M6和牛肩胛小排和長期穀飼牛前胸，肉味香濃、又淋又軟滑。睇啲油花分布就知道正啦！而特級牛胸腹就爽滑。入座後起計90分鐘任食，當然要爭取時間食多啲和牛🤤🤤😎😎自助吧仲有響鈴、公仔麵、粟米、蓮藕、芝士腸、各式丸類、蔬菜🥬，啤酒、冷泡茶、果汁、汽水⋯⋯Movenpick雪糕，雪條！

北角開左個新商場，一直都未有時間去行咁啱約左朋友就一齊去行下街 ，太耐冇打邊爐，行過3樓見到有得食日式火鍋放題就入左去 ，雖然唔洗等位， 但裡面都幾full下 。我地選左日本頂級豚肉放題，每位$238，好快快就上左個湯底比我地。一人一鍋夠哂衛生 ，今次嗌左個番茄芝芝同牛牛秘見鍋湯底 。蕃茄湯好濃稠越滾越濃， 加埋芝士十分邪惡，牛牛秘見鍋好似係加左D醬料去入去，味道甜甜地。熟食有滷水雞翼同牛腩，炆到好入味，而牛腩又唔會太肥。食物嘅冷藏做得好好，保持新鮮。呢到嘅丸類唔係普通個d，尤其推介芝士豆腐，十分好味。 雖然係自助形式攞野食，但餐廳擺放食物都好有質素同衞生。美國頂級牛肩胛，每塊厚薄都好平均 ，又唔會太肥，花紋都好靚，口感都幾滑。頂級豚梅肉脂肪分佈都幾平均，淥完食都幾嫩。甜品方面 movenpick有三種口味 ，而且會不停refill十分抵食 ，唔會雪到實晒，好易就不到一大碗。

早幾日同個姊妹傾電話，話想去打邊爐，但又擔心兩個人一個火鍋會唔衞生，於是我好姊妹Betty 就帶我去左 北角滙入面既 牛牛日式火鍋放題 shabu shabu 下☺️日式打邊爐一人一鍋 我真係食得好安心又開心🤤♥️未入店前，職員先幫我們探熱，然後俾我地裝口罩既紙袋，店裡坐位唔迫，客人可以坐得好舒服咁打邊爐，而且圍板都高，所以唔怕隔離既飛沬走埋黎，衛生程度相當高，怕死既我真係十分安心😌 講返啲食物，Betty 同我都貪食又貪靚，所以我地分別叫左 美人豆乳鍋 同埋 骨膠原豬骨鍋，未食之前 我地互相試飲湯底，湯底健康不味精 香濃既豆乳湯底令我好想飲哂成個湯底😆個湯底咁正，聰明既我 緊係嗱嗱聲6啲牛、豬、羊肉享受下啦😛我地叫果個係 HK$238 每位既澳洲產長期穀詞牛放題，牛肉既脂肪比例啱啱好！ 返工揾錢咁辛苦，真係要食好少少奬勵下自己，先可以行更遠既路。💪🏻跟住就緊係要試埋放題裡既丹麥直送 皇冠豚梅肉，豬肉就一定要6熟，佢地切到簿簿地話咁快就6熟 可以即刻入口☺️ 特級羊肩肉都係佢地既推介，羊肉既香味在口中停留真心覺得正😋試完肉類，我就緊係要出去行下自助區睇下有咩正野食啦，食材方面有很多選擇 而

今晚在北角打邊爐，自從北角新樓盤落成，新餐也一間接一間，北角街坊有福了！六點多到達餐廳，餐廳已有不少客人，裝潢光潔明亮，座位與座位之間有板隔開，大家可以放心用餐。有不同價錢的牛肉和豬肉放題，價錢由$178至$328。我選擇了$198的美國頂級牛肉放題套餐，任吃美國頂級牛肉和丹麥皇冠豚肉。湯底有大地鰹魚鍋、美人豆乳鍋、日式麻辣鍋、骨膠原豬骨鍋、芝芝番茄鍋和牛牛秘見鍋。⭐️ 大地鰹魚鍋鰹魚鍋湯底比較清淡，味道極為清淡。⭐️ 牛牛秘見鍋湯底是壽喜燒湯底，入口味道較香濃惹味。火鍋醬料齊全，有炸蒜蓉、紫天椒、蒜蓉、胡椒粉、芝士粉等，一應俱全。火鍋配料選擇不少，有不少特色丸類和蔬菜，蔬菜有蟲草花、蓮藕和羽衣甘藍等，十分豐富！⭐️ 美國頂級牛肉牛肉薄薄一片，肉味不太突出，蘸上醬料比較好吃。⭐️ 丹麥皇冠豚肉不過吃了一次就沒有再追加，因為吃配料也吃飽了。另外竟然有溏心蛋、咖喱飯，咖喱飯味道濃郁，很好吃。最吸引還有MÖVENPICK®雪糕無限吃，共有三款，分別是朱古力、雲尼拿、士多啤梨味，三種味道都很好吃，哈哈！

行經北角匯見到上面呢間「牛牛日或火鍋放題」，二話不說即上去打下邊爐先啦！有得堂食之餘仲可以外賣返屋企又得。火鍋分六款套餐，牛既類別都有好多款我就揀左「紐西蘭綠之草原羊肩肉放題」$248可選三款不同級別既牛肉，包括有：「澳洲產長期殼飼牛」、「美國頂級牛」、「美國特級牛」豬肉分別有：「丹麥皇冠豚肉」羊：「紐西蘭綠之草原羊肩」湯底六款，今次我就揀左「日或麻辣鍋」麻辣辣度夠香夠麻，超惹味「牛牛秘見鍋」即壽喜燒，和風風味甜甜地，滾牛肉超正！自助式，有好多款食物，打邊爐緊係唔少得響鈴啦又脆又香火鍋必食！火鍋材料呢間算多選擇而且都算新鮮羊肉配麻辣湯都好好食，羊肉脂肪比例剛剛好亦唔會太蘇味！豚肉又嫩又滑，薄薄一片快熟又好味！牛肉脂肪不會太多，色澤新鮮無雪藏味，肉質超鮮嫩好味！飲品多款選擇包有一款岩口味，仲有啤酒添！甜品區仲有雪糕及雪餘任食！

愛食放題，所以去到任何地方都會留意附近的美食，今日來到北角，留意到渣華道的北角匯有一間新開的牛牛日式火鍋放題，於是就到來試嚇。餐廳間格位寬敞，裝修新潮舒適。一人一鍋我要了個日式麻辣鍋，而朋友則要了個大地鰹魚鍋。放題選擇都較多元化，套餐由$188~$398都有，除套餐指定的食物外，放題任食有很多自助任取的食物，及飲品任取任食。我們揀了個澳洲產特級M6和牛放題套餐。有澳洲產特級M6和牛、特級羊肩肉及美國頂級牛肉...等。特級羊肩肉，廚師將每款的羊肉及牛肉都切得很薄，放到鍋內滾上4~5鈔經已可食，羊肉有少少羊肉騷味，羊肉點上自調醬汁，很是美味。澳洲直送長期穀飼牛前胸也是切得非常薄，不會太肥，肉質鮮嫩有牛味。澳洲直送M6和牛肩胛小排牛小排切得很大件，味道感覺比牛前胸濃一些，也是較為高質。自助放題非常多款式，有肉類、丸類、菇類及素菜…等。當中的雞肉及魚肉最得我愛，生菜非常爽口，羽衣甘藍雖然有點帶硬性的口感，但對健康有益，也是深得我愛。

今日嚟到北角呢個新開嘅商場晚飯, 幫我地揀咗間日式火鍋專門店，呢間餐廳提供五款套餐，我哋揀咗中間價位嗰個日本極級豚肉放題套餐， 90分鐘一人一鍋，呢個套餐嘅牛肉同埋豚肉都有分唔同嘅級別, 我哋梗係揀頂級嚟食啦😍😍我同朋友各自揀咗唔同嘅湯底, 朋友比較喜歡濃味嘅, 所以揀咗牛牛秘見鍋, 係日本傳統的壽喜燒風味鍋，而我就梗係揀個令皮膚靚靚嘅骨膠原豬骨窩啦，鍋內有豐富嘅骨膠原同大量豚骨熬製, 各有風味🥳🥳頂級牛肩胛🥩🥩同頂級豚肉放上枱面嘅時候，你會見到牛肉脂肪分布嘅紋路非常之靚, 豚肉亦都一樣唔會太肥, 望見已經覺得高質，由於切得薄薄的, 所以一放落湯底就好快熟啦，肉味香濃, 果然係頂級👍🏼👍🏼, 呢度嘅丸, 菜類都係自助, 種類豐富而且啲菜都好新鮮, 熟食方面有滷水嘅雞翼, 飯等等, 另外仲有糖心蛋同凍豆腐, 我就特別鍾意糖心蛋, 飲品除咗一般罐裝支裝之外都有自己自己調製嘅激爆青檸同滿杯橙橙特別想提嘅係佢哋嘅甜品都係用Movenpick嘅雪糕，一定可以為你呢餐畫上一個完美嘅句號🥰🥰

北角匯係上年底一個新開嘅商場，有時都會嚟行吓，經過見到牛牛呢間火鍋店，近來都好想食，所以今晚又同我的他一齊試吓☺️原來火鍋店係一人一爐，好啱我！因為我食辣，我的他無咁嗜辣，所以我揀咗日式麻辣鍋，他就揀咗骨膠原豬骨鍋🥰由於只有1.5小時打邊爐，店員非常快手地問我哋點咩牛？我哋係光顧$238任食火鍋餐（日本極級豚肉/美國頂級牛肉/美國特級牛肉/丹麥皇冠豚肉），店員介紹我哋一定要點頂級牛肉、極級豚肉👏店員已立即端上豚一盤、牛兩盤，見到兩款肉都油花均勻，湯亦已好快滾起☺️饑腸轆轆！攞咗少少熟食、丸丸同飲品後，立刻起動🤪牛雖然係薄切，但夾起都唔會爛！放滾湯後好快就熟，入口一啲都唔「鞋」，濃香牛肉味，不會過肥，正🥰全晚我哋食咗3盤靚靚牛😋😋😋豚亦係一樣，完全不會過肥，不會有腥臊味，淡淡豚香，感覺很好👍是晚我推介菠蘿蘆薈飲品，因為我喺其他地方無見過🤣同埋我喜歡菠蘿🍍食完一輪豚、牛後，丸丸我哋嚟啦😍呢度嘅魚柳好嫩滑，我哋好鍾意❤️另外要推介墨魚丸！好爽滑，但又有粒粒墨魚肉，味道新鮮🦑好彩我個麻辣湯底亦唔會太辣，剛剛好😉唔太嗜辣嘅他亦有試我個湯底，都接受到🤣值得一讚嘅係，我見雪糕櫃內朱古力雪糕已經見底了，提醒

光顧了幾次，真心覺得好食，性價比高，而家仲有啤酒飲，忍唔住真係要讚下呢間牛牛👍🏻一人一鍋，湯底多種選擇，我最鍾意芝士蕃茄同麻辣，好正🤣牛嘅質量有分幾個價别，當然越貴越高質，最平的牛質素也很好，但岀奇的最貴那和牛超高質超值啊！配料方面，我覺得很足夠，菜類很新鮮，有很多熟食選擇，我最愛糖心蛋和炸雞😋環境冇得輸，落地玻璃開陽海景，好多高級餐廳都冇啦，何況係任食。。。服員有禮貌，服務好；總結整體高分，正真係食得滿足！！！

北角依家多左個商場,所以都多左唔少食肆，其中一間就係今年年頭先開既"牛牛日式火鍋放題",依間日食火鍋價錢唔貴，最重要係地方寬趟，唔似其他放題咁枱貼枱。價錢方面都幾多選擇，豐儉由人，我地就間左個中間價錢$218/任食，都有唔少肉類選擇，豬/牛/羊都有，依個價錢有咁樣選擇，邊度揾。環境乾淨，服務又好，最重要坐得舒服，最貼心係每人俾一個紙袋袋住口罩，出去拎野食又會提番大家帶番口罩，確保大家健康安全。佢地d肉上得好快，每人一鍋又食得安全放心，d服務員仲會經常見你d肉食晒，仲加唔加，收碗碟速度又快，唔駛追十萬9千次。90分鐘真係夠晒時間食，一d都唔趕。配菜都有好多選擇，又多款，最緊要係新鮮。菜都10幾款選擇，又有我最愛既羽衣甘蘭最後要提番，最後冇浪費野食，埋單仲有95折，不過就算有冇折都好，都唔應該浪費野食，所以我地都係剛剛好食晒。

北角真係好耐冇黎，但今日約左個fd係北角等，咁最重要就緊係揾下附近有咩好野食，以前食野一定去北角熟食街市，但依家發展晒，唔同左，附近有大型商場，又多食肆，就係附近北角匯商場揾到間"牛牛火鍋日式放題",原來依間野年頭先開業，緊係要幫襯下，話晒都新開，一去到已經門口排滿晒人，但冇減我地食佢既意欲，多人排係好食既現象。佢有好多唔同plan,我地揀左個中規中距既plan,$238,有澳洲產長崎殼飼牛/美國頂級牛肉/特級羊肩肉/丹麥皇冠豚肉價錢合理，d肉都好優質湯底有成6款選擇，我地揀左日式麻辣鍋/美人豆乳鍋/大地铿魚鍋/牛牛秘見鍋，湯底多不突止，最重要係一人一鍋，依樣先最重要，大家都食得好安心。佢地d菜又係好新鮮，好綠，爭甜諗走仲見到原來佢地仲有做埋有外賣火鍋，連個煲都有埋，超級方便，下次可以叫個外賣，慢慢係屋企嘆。

牛牛喺北角Harbour North嘅一樓，同個商場一樣咁新淨！門口有清晰的Menu，同其他一人一鍋嘅日式火鍋放題店一樣，都係選湯底同埋肉嘅等級，其他食材就自助，攻頂都只係每位$328，冇理由唔試下日本黑毛和牛嘅！冇食淨嘅話，全單會有95折優惠啊！飲品應有盡有，啤酒鮮果汁都係任飲唔嬲！醬汁和佐料的選擇也是超多！有選擇困難症嘅話，真係會攪唔掂！自助食材的選擇也很多，最正嘅係連羽衣甘藍都有，一定要喪食！大地鰹魚鍋清甜中帶一點點的煙燻味道，喜愛吃食材原味的朋友必選！牛牛秘見鍋即係壽喜燒鍋，濃甜的風味，最適合用黎烚和牛！黑毛和牛肩胛雪花均勻，切得夠薄，烚幾秒就食得！肉味和油香極為濃郁，入口軟諗，真係靚嘢，必需要瘋狂Encore！值得一讚嘅係無論order幾多轉都好，都一定出齊之餘，仲次次都咁靚！極級豚梅肉呢個亦都係不能錯過！除咗勁Encore和牛回本之外，豚梅肉嘅質素亦都係極高，肉香極為突出，配牛牛秘見鍋仲會有意想不到嘅美味，推介！甜品係任吃的Movenpick雪糕同埋朱古力脆皮雪條，滿足～

友人最近生日，今次帶佢嚟北角食佢最鍾意日式放題。湯底我揀咁牛牛秘見鍋，即係日式壽喜燒湯，味道好鮮甜。友人揀咗美人豆乳湯，豆香味濃好養生。生日飯當然要食好啲，我哋揀咗澳洲產M6和牛及日本極級豚肉放題set。M6和牛係肩胛小排部位，肉質嫩滑，牛味好重。豚肉油脂分佈均勻，肉質比較爽口。自助區除咗必有嘅醬汁同火鍋配料外，仲有熟食、雪糕同飲品任取。火鍋配料多達三十多款，仲有比較少見嘅心內美。配料質素普遍唔錯，特別係蟹柳結實鮮甜，雞肉嫩滑，羽衣甘藍爽口。飲品有汽水、啤酒同茶，另外仲有自製嘅水果茶。水果茶飲落唔會太甜，清涼解渴。雪糕有三種口味嘅Movenpick牌子，雪糕好軟滑。而雪條就有三種口味嘅雀巢Mega提供，皮脆內軟好滿足。