牛涮鍋もっと

營業中

休息中

今日試了深水埗牛刷鍋，非常值得推介，首先本人10分喜歡吃蟹棒，而該店蟹棒泡菜沙律亦是任食的，另外蒜香炸蝦片亦是該店自家製作，味道非常好味，蒜蓉味濃烈👍🏻打邊爐方面本人選擇了麻辣湯底，麻辣湯底亦不算太辣打邊爐可接受，該店有上級牛胸腹放題及美國雞肉可供選擇，牛肉有牛肉味而且非常爽口，雞肉亦非常柔嫩，不會有很硬的感覺！該店亦有自家製的甜豉油，與一般食店之味道不同，配合上級牛肉非常好味！除了打邊爐的食品外，我還點了一款香辣雞翼作小食， 雞翼非常脆身，而且加上小小辣味，非常開胃！

同學見面緊係要拾下拾下先過癮架嘛,所以就去左office附近搵間火鍋舖，點知最近嘅火鍋舖原來係牛涮鍋佢，呢間舖雖然無我之前去果間分店咁大，不過地方都ok的，都算係個乾淨地方，坐低叫肉嘅種類之後，我地就開始狂食牛牛喇，牛質素都ok, 唔會好似平時啲普通任食邊爐，連上嘅牛肉都結晒冰，入口成陣冰味一啲牛肉味都無，換碟嘅速率都好快, 我地成班一口氣都差唔多食左十碟, 但係完全唔覺有等候嘅時間, 跟住火鍋配料嘅種類都多，畀到我地呢啲食客唔同嘅享受，估唔到牛涮鍋都幾令人驚喜

一人一鍋好方便，因是新建的商場+非超旺區，人流不是擠擁到要等位或吃得有壓迫感，超!如不愛吃打邊爐，仲可即轉呔到另一邊燒烤（牛陣，同一公司），超方便+有彈性。除了叫自己愛吃肉外，其餘自助食品算好足！仲包有凍熱飲（我飲咗凍巨峰提子+hot cappuccino)和小小甜品（我吃自己技的三隻味軟電糕）添，扺食，下次再幫趁。

吾錯, 商場新開無耐, 係匯璽個基座, 成個商場得2層, 最後簡左呢間去食,百令蚊火鍋, 雞同豬,，本身對牛敏感,吾食得, 果陣無咩人係度, 自己羅野食, 原來台下面有部平板, 自己落單, 食咩落咩, 快好多。。。

商場新開張，聽聞有埋炸物放題，於是我同朋有黎食晚餐。選擇打邊爐聚會最好，可以邊食邊傾訴心事！我地選擇$448套餐，套餐是黑牛放題！雖然新開幕，店內人流算多，滿座！從爐上的煙霧,便知道食客人數！刺身，非常新鮮，掂！食得出係新鮮製作！有誠意！至於炸物放題都有，不過我鐘意刺身多一些放題有九十分鐘的時間，我地平均食左十碟黑牛除左牛肉，仲有好多配料，我鐘意食菜，平均食肉類的罪惡感至於醬汁方面，我鐘意多多蒜頭，多蔥，加上芝麻醬，一流啊！

最新最潮最大型商場開幕第三日，來食此店的特牛套餐。美國sRF和牛，是此分店才有。90分鐘無限放題。178元一位是合理。美國sRF和牛脂花滿滿（下圖下方），遠比同檯雞肉和豬肉吸引。但第二次上檯的牛太瘦（上圖上方），整片是紅色。牛味當然較濃，所以我沒有要求更換。下圖是第三次，則肥瘦適中。此商場檔次高，店組合則平民化。故多店包括超市都是「細舖」。店面積比同集團大舖細一半，食物區比其他分店明顯細，幸好顏色分明。有海鮮濃湯等。味道普通。新地保持水準。熟食以紅豆糯米煎堆仔最好味，比蛋糕仔更勝一籌。座位區設計成為日本火車站，是此店特色。通風系統似不太掂，從下圖可見煙霧彌漫。免治雞肉是我首次看到，如免治牛不同，另有風味。混有軟骨，卜卜脆。其次是芝士魚片最好味，香而滑。「夏祭」是指牛肉涮後加冰，蘸壽喜燒汁拌凍烏冬。