牛涮鍋もっと

同學見面緊係要拾下拾下先過癮架嘛,所以就去左office附近搵間火鍋舖，點知最近嘅火鍋舖原來係牛涮鍋佢，呢間舖雖然無我之前去果間分店咁大，不過地方都ok的，都算係個乾淨地方，坐低叫肉嘅種類之後，我地就開始狂食牛牛喇，牛質素都ok, 唔會好似平時啲普通任食邊爐，連上嘅牛肉都結晒冰，入口成陣冰味一啲牛肉味都無，換碟嘅速率都好快, 我地成班一口氣都差唔多食左十碟, 但係完全唔覺有等候嘅時間, 跟住火鍋配料嘅種類都多，畀到我地呢啲食客唔同嘅享受，估唔到牛涮鍋都幾令人驚喜