牛極 (樂聲大廈)

營業中

休息中

牛肉係所有肉類最好味嘅，再加上好耐冇試過食鐵板燒，所以黎到依間平時好多人食嘅餐廳。入到去餐廳，見到一間自動售賣機，係果到可以揀自己食咩牛同克數，由買野食，到食野都係全部自助形式，揀自己食既份量，唔怕做大嘥鬼。湯係麵豉湯，佢有昆布、豆腐，冬菇，飲完唔會覺得口喝，係依家咁凍嘅時候，飲一啖熱湯好舒服。沙律幾新鮮，可以揀焙煎芝麻醬或者柚子沙拉汁，兩種都試左，都幾好食。係攞緊飯嘅途中，牛肩排就已經到左，聞到佢香噴噴，聽到牛肉燒緊既聲，就已經流曬口水。牛肉係自己即燒，可以控制牛肉嘅熟度。牛肉係石上面燒幾秒，就已經熟左出面，切開舊肉，仲有少少血水，再燒一燒就得。食落嘅時候，肉汁仲鎖住係入面，牛肉味好濃，同時都好juicy。

今個月又同朋友嚟食牛極，今次個湯唔同咗！上次係牛肉湯，今次係麵豉湯，雖然係同一間舖但係有新鮮感！因為疫情嘅關係我哋三個人要分開兩張枱坐，大家要注意身體健康！一食再食！牛肩排 180g ($80)呢個又平又大舊，$80蚊仲可以任食白飯、湯同沙律相當抵食！一上到嚟熱辣辣出曬煙，打卡一流！切開之後見到佢鮮紅食嘅肉好正，想生啲又得、熟啲又可以，同朋友唔同口味都可以。我自己中意半生熟。牛柳 200g ($110)我中意牛柳多啲，切開之後啲肉食更加靚，食落都滑啲。呢到有燒汁同蒜頭，點埋落去更加滋味。我都中意加鹽同胡椒粉食，一樣咁好食。嚟呢到就可以試曬啦！另外湯、白飯、沙律都係任裝，唔使驚食唔飽！我鍾意呢度啲白飯，係大大粒好好咬口嘅，撈埋啲肉同燒汁超好食！沙律我就用咗芝麻醬，健康又好味。麵豉湯都幾好飲，有啲紫菜同埋豆腐。

今日同同事係銅鑼灣放lunch，見到一間食牛嘅舖頭，作為食牛專家當然唔會錯過，即刻衝入去試吓，入到去發現係食石燒牛，見未試過呢款食法，一於試吓！去完部自助售賣機買飛之後，就可以自己裝白飯同沙律，無限任添。裝完飯之後，返埋位等牛肩胛($80/180g)同牛柳($110/200g)嘅來臨。店員係送上牛肉嘅途中已經聽到石頭燒緊牛肉嘅聲音。將牛肩胛切開之後，入面都仲係好生，將佢少四至5秒之後就啱啱好五成熟，牛味非常之重，仲有好多肉汁鎖咗係入面，一啖牛肉一啖飯，超正嘅午餐😋

行銅鑼灣經過有一間食牛嘅店好多人排隊，原來係食石燒牛！見有時間咁就排隊試下🤣 全部都係自助形式，要自己喺自動售賣機嗰度買咗飛先～•牛肩胛 ($80/180g)•牛柳 ($110/200g)店員會將牛扒送上黎，用紙巾蓋住，但係都會聽到牛肉燒緊既聲，石頭高溫到牛肉一路燒，啲油一路彈出黎，要好小心唔好辣親🤣牛肉切開入面仲係好生，放係石上面燒幾秒就已經熟哂，肉汁仲鎖住係入面，牛味好濃好juicy，性價比幾高，外面仲有白飯，沙律，任食唔嬲🤪

係銅鑼灣行街，見到呢間日式牛扒店就去試下一入去先係自動售賣機到點餐有好多部位選擇　愈大份就愈貴上菜前可以去自助吧拎湯拎沙津同飯，全部都係任食麵豉湯係自家整，夠濃幾好飲沙津都新鮮呢到牛扒都係熟到２，３成熟放係一塊加熱左既鐵板上面俾客人自己將牛扒熨熟到心宜既熟度呢個方法好有趣好似自己做左大廚咁我同朋友分別叫左牛柳同牛肩扒牛柳肉味重，牛肩扒肉質較軟各有各好我地交換左半塊食都好滿意呢個價錢食到呢個質素非常抵食

今日晚上喺Open rice嘅app order左兩份外賣自取嘅300g 亂切牛扒，店家十分準時，喺我order嘅時間內，已經包好兩份外賣，讓我可以準時拎走外賣。可惜有幾點不之處，店家可以考慮參考其他牛極分店嘅做法。第一，喺我order嘅兩份300g 亂切牛扒重量不足300g，兩份都喺只有大幾260g，重量唔夠，欺騙緊外賣自取嘅消費者。跟旺角和佐敦嘅牛極分店，銅鑼灣嘅牛極分店還有很大嘅進步空間，因為喺旺角和佐敦order嘅牛扒都喺好足秤。第二，喺味道方面，兩份亂切牛扒十分乾和硬，與旺角和佐敦嘅分店相比，真係冇得比，大家同樣喺牛極，但旺角和佐敦嘅分店可以燒得好嫩和好juicy。第三，我order左兩份牛扒都係走湯，多沙律。拎外賣嘅時候，見到有四盒小沙律，而胡麻醬全部淋喺沙律裡面。與旺角和佐敦嘅牛極分店相比，走湯，多沙律嘅意思，佢地嘅店員會比一份大盒嘅沙律，而唔係分四小盒，仲會醬另上，而唔係淋落去啲沙律入面。總結而言，銅鑼灣這間牛極真係有好多進步空間，價錢第一唔算平，但係唔係都應該有翻一水準先得？

上個月喺旺角分店食過牛排，印象幾好，知道銅鑼灣有分店，今日就嚟試下專登揀無咁多人嘅下午茶時間，去到已經三点，店內果然無乜人，得三兩個學生客喺度hea緊，成班店員圍埋一檯食緊午餐間店好細，勉強祇可坐廾多人呢段時間，店內無乜人，店員喺度執頭執尾，我也在忙寫食記，各有各忙，互不相干由玻璃窗望出去，對面係富豪酒店同鼎泰豐同旺角店一樣，湯，沙律同飯任攞沙律椰菜照例切絲，無乜紫色椰菜，放飯面嘅配料海苔粉勁鹹湯喺羅宋湯，但無番茄，祇有紅、白蘿蔔，洋蔥同薄薄嘅牛腱，湯好稀，加咗好多水，明顯係整色整水，超多味精，好鹹。本來想食雞排，但㩒機顯示賣晒，唯有揀牛肩牛肩肉厚厚一塊上桌塊牛肉有筋，比較難切放入口細嚼…，唔係嘛？点解同旺角個間差咁遠嘅？旺角間啲牛肉好有肉味同好腍，但呢間真係唔掂，啲牛肉落太多鬆肉粉，無晒肉味。再上網睇食記，果然有食客寫呢度嘅牛肉喺落鬆肉粉去醃，今次親身體驗鬆肉粉牛肩肉眼扒嘅滋味，肉質鬆散無肉味，得個鹹字，質素勁差咪以為人哋食唔出？偏偏我對味精特別敏感，食到我條脷鞋晒重要飲勁多水，最後想問下兩間係咪同一個老細，点解質素相差咁遠？？一句話，無下次

黎幾日寒風殺到，朋友提議去食鐵板牛肉暖暖身🤤🤤知道銅鑼灣開左間唔錯嘅鐵板牛扒店，二話不說走咗去試吓。餐廳裝修好新淨好光猛，一入去就見到個沙律bar，沙律麵豉湯同白飯都係任添，醬汁都係自助式，啱晒我呢啲大胃王😝———————一上枱就聞到好香嘅牛肉味，牛扒上枱後會好貼心咁搵張紙巾遮住塊扒，等d汁唔會彈到四圍都係。牛扒大概三四成熟，切開後再用鐵板燒到自己理想嘅熟成度。牛肩扒食落唔會好似牛柳咁林，牛肉味亦相對較重，唔錯唔錯🤤牛柳比牛肩扒更林更易入口，切開燒完後牛肉嘅香氣撲鼻，食落牛肉好嫩口，成個口都係充滿着牛肉味，同牛肩扒平分秋色🙊🙊

啱哂冇budget但又係牛魔王大胃王嘅你‼️😉不得不承認真係幾抵食😳不過就油膩左啲，邪惡之選😈牛肉一啲都唔un同唔鞋!🥴肉質唔錯，好易切得開😙手殘女今次自我感覺良好😚因為煎到生熟程度啱啱好! ⭐️有個小tips: 燒到咁上下切開細份啲嚟煎，等候一兩分鐘再反🙃▽/ 牛肩排180g / 80♥︎♥︎♥︎♡♡/ 牛柳 200g / 110♥︎♥︎♥︎♥︎♡+ 自助吧： 任食沙律、湯、白飯😋💡𝚛𝚎𝚖𝚒𝚗𝚍𝚎𝚛:▫️自助模式⭐️要係部機到自己買飛先😌再入坐等食/瘋狂地喺自助吧攞嘢食▫️仲有自取外賣

幾抵食, 又可以無限添生菜沙律位置算方便, 起怡和街大街自助售賣機落order, 注意: 收紙幣/支付寶有自助沙律吧有湯有飯, 可按自己喜惡夾整潔, 座位唔太迫亂切牛 $90 - 推介肩排 $80 - 請望完橫切再自己評價

就在公司付近看了食評就勁想去試試，剛好有位入去就覺得抽風很有問題，點了個最平既牛肩排80蚊180gm厚身好大塊滿心歡喜食落口...咦......點解會用鬆肉粉醃過......以為是我幻覺，再食多舊真係咁，於是問問同事都係咁講就唉，點解會咁架！同之前我去過食"triple steak"差天共地，心想都唔會有下次，食完之後出到門口就聞到油煙味裹着全身，跟住覺得口乾應該係啲湯有味精，去買可樂止口乾！回到公司仲係好大陣味。總結以上問題我都應該唔會再有第二次光顧！題外話，唔明點解冇人食得出係用鬆肉粉醃過呢 : ( 全部都係好評和OK......

突然好想食牛扒，但放學之後四點幾五點好似冇乜地方會有牛扒食咁。好彩同學同我suggest左呢間石板燒牛扒，價錢好平，但質素又唔錯。牛肩扒 180g $80$80有日式牛肉湯、沙律同埋餐飯又唔識，已經覺得好抵㗎啦。點知原來塊牛扒都幾大塊，真係好抵。牛扒係可以自己喺石板上燒嘅，所以完全可以自己控制要幾熟，同埋想燒邊一面咁。我個人就鍾意五成熟左右。燒完之後切開逐塊逐塊食，再灑上少少BBQ Grill嘅粉，食落好香好有風味，啲粉仲有啲孜然味添。另一塊我就試吓點燒肉汁、辛味醬汁同埋蒜蓉，都好好食呀。不過如果唔點知，就咁落粉，食到嘅牛味就會重啲。牛柳 200g $110牛柳比起牛肩扒就再好食好多啦，切嗰陣都感覺到好軟身，一咬落去發現都真係好軟，完全唔expect係咁平嘅價錢可以食到嘅quality。推薦大家食牛柳。再配埋白飯同沙律同埋湯，一定夠飽。沙律 $0有柚子沙拉汁同埋最common嘅丘比芝麻醬。我就揀咗柚子沙律汁，貪佢冇咁Heavy。食落酸酸地又幾香，好味架。日式牛肉湯 $0有啲紅蘿蔔洋蔥同埋牛肉喺入面，鹹鹹地幾好飲架，我都飲左兩晚。白飯 $0白飯有飯素提供，感覺又好味左。呢度提供檸檬水，飲

今日放學去咗牛極，呢間bookmark咗好耐，今日終於嚟到喇！呢度嘅白飯、沙律、牛肉湯、清水任裝！喺鐵板上燒牛肉，最正嘅就係可以自己調校生熟，同朋友一齊食都唔使怕太生或者太熟啦如果呢個鐵板房內凍咗，呢度可以玩另一塊，服務真係好好啊！牛肩排 180g ($80)見到呢個最平，所以試一試佢！雖然佢平，但件牛肉都唔會太韌或者太乾，一切開中間嘅血紅色好靚。不過我都係煮飯熟少少先食，哈哈！我就比較鍾意半生熟，好味道！加咗一啲鹽同埋燒肉汁，個味道更加出！牛柳 200g ($110)同朋友一齊嚟當然要試多幾個一齊分享啦！我覺得呢個牛柳比牛肩排更加好食，佢就更加鬆軟同埋香口，呢個仲要多20克、又好味啲，更加抵食喎！牛肉湯呢個牛肉湯好好飲，我飲咗兩大碗！入邊有啲薯仔同牛肉，酸酸甜甜咁。白飯佢大粒嘅米，口感好好！表面仲有少少飯素添，津津有味。沙律沙律主要係菜、蕃茄，仲可以揀自己想要嘅沙律醬。我就揀咗呢個芝麻醬，撈埋一齊食好refreshing，津津有味。水呢度啲水有落檸檬，飲落好新鮮！

同事話銅鑼灣開左間平價石燒，於是lunch就沖過去試試。。白飯，牛肉湯，沙律，任裝，醬汁都有兩款有辣有唔辣，仲有蒜容碎，芝麻汁，䔝菜芝麻勞飯 ，有lunch套餐唔局限得牛，有雞，有豬，有牛舌，價錢大概60-90左右，我選左牛舌，同事選左豬肉片，牛舌拎到黎比我想象多，有3大塊，都係65蚊埋單，平時外邊，可能一塊都冇，仲要好貴，而朋友叫既豬肉片，都有好多塊，唔夠飽仲可以去加飯，石塊拎到黎好夠熱，仲係到燒緊

非常驚喜 💗竟然可以係銅鑼灣既午飯時間搵到性價比如此高既鐵板料理午飯時間平均六十蚊就可以埋單仲可以任添白飯、牛尾湯同沙律同朋友一人一份鐵板餐鐵板豚肉夠曬juicy 鐵板牛舌就夠曬入味係一次非常滿意既用餐體驗