牛極 (樂聲大廈)

營業中

休息中

近年 香港開咗唔少日本石燒牛專門店🐂牛極更係當中數一數二嘅連鎖店😉銅鑼灣分店地點方便📍所以尋日就同朋友去咗食lunch了~首先 一入去我哋就係自助售票機點餐🤖等嘢食期間 可以出去自助區 有沙律🥗 白飯🍚 湯🍲 調味料同餐具🍴牛肩排🐂 180g $80一上枱已經聞到香噴噴嘅燒牛肉味🔥佢哋亦非常貼心 💕有張紙擋油 咁就唔使驚彈到🤣當過咗一段時間開始冷卻 就可以切牛肉🤤調味料方面 我個人偏向中意食原味所以剩係加左枱上附設嘅岩鹽同黑椒反而咁樣簡簡單單 牛味先至係最出😋另外 店內亦提供較稠身同偏甜嘅燒肉汁、蒜蓉🧄 絕對照顧到唔同食客既需要👍🏻

今日係銅鑼灣想食個lunch，見呢間石燒牛排嘅餐廳新開，就同朋友去試一試。我就叫左個牛柳（200g）（$110），塊牛柳係半生熟，我可以自己用塊熱石去控制牛柳嘅生熟度，符合你自己嘅口味。而出面亦設有自助區，可以攞白飯、牛肉湯、沙律，而且呢d都係任食。講返塊牛柳先，塊牛柳非常厚身，一咬落去就感受到牛嘅油香味，而且都好易咬，肉質唔錯。牛味十足，亦可以自己加少少調味，將檯上面放左pink salt、pepper、同埋bbq鹽，可以自己選擇。

假日黎銅鑼灣食個lunch，就試下呢間新新地嘅石燒牛😆量完體温，可以去呢部機👇🏼㨂想食咩...我㨂左200g牛柳（$110），好厚🤩，一開始上檯會用櫥紙遮住，防止彈油👍🏼好貼心，塊石板會加熱舊牛柳，可以由自己決定幾多成熟。到最後，牛柳就算燒到好熟都好淋，牛味唔算重，但味道都👌🏼。中間係放題bar，有燒肉汁，辣醬，蒜蓉，而枱面亦會有黑椒，鹽，七味粉調味。湯，白飯，沙律菜任飲任食。湯係味道似羅宋湯嘅日式牛肉湯，飲到牛味，都有蔬菜嘅甜味，唔會好咸。沙律菜幾新鮮，有芝麻醬同柚子醋調味。白飯旁邊有芝麻紫菜粉，可以自行加入白飯，令飯無咁單調。除左牛，仲有其他選擇，唔食牛嘅朋友都可以試下石燒🙂

Lunch 去左牛極食，晏晝唔想食咁貴就試下佢個午餐。午餐有幾款揀，分別係雞扒、牛脷同豬腩肉片等等，我最後揀左牛脷試下～落單既方式同其他鋪頭差唔多，都係要用自動售賣機買卷，記得準備好足夠現金。今次食午餐都可以自助任添白飯同湯，驚唔夠飽既人可以放心添飯添到飽為止。想飯前食沙律既人都可以自助添，本人對沙律冇咩興趣所以冇試到主菜嚟到，打開塊紙巾發現佢份量都唔算少，有成4-5大舊牛脷，足夠你食曬碗飯再添多碗。見到佢有3隻調味粉俾你試下，有黑椒、鹽同bbq粉。佢隻bbq粉勁香口，一試就停唔到口，極力推薦大家嘗試。整體嚟講價錢唔貴野食份量又唔少，出餐都唔慢5-10分鐘就有得食，就算等得耐都可以飲住湯先，食次食飯感覺唔差

素食了幾日又係時候食番啲肉類，均衡飲食營養。行經糖街見到牛極開了分店，比起去過的佐敦店座位寛敞少少。牛肩排 180g牛肩排雖然是最平的一款，但肉質不遜於其他部位。肉質軟腍，肉味香濃。熱石上梢微煎一下己經美味的一口牛在口中，肉汁滿溢，抵食之選。自助區有白飯，湯，沙律，食具和醬料，可任意享用。攞放得整齊衛生，可安心食用。要讃一讃是例湯的牛肉什菜湯，材料十足，清甜鮮美。沙律絲絲幼細，淋上柚子醬汁，惹味開胃。

今日中午一個人去開維園附近，見到呢間門口午餐寫有鰻魚飯60蚊諗住入去食個晏，入到去先發現原來係牛扒專門店，個鰻魚飯可能係因為疫情先有嘅外賣飯盒（？）。Anyway, 已經入左去甘我就叫左點餐機上最平80蚊嘅牛扒，然後侍應叫我可以自己去拎自助任食麵豉湯白飯同沙律。 其實嗰刻我驚驚哋， 而家日日都過百宗確診， 仲自助好似好危險，不過見舖頭客人吾多甘就試下拎一round啦…但湯好多湯料，沙律係日本椰菜絲睇落好新鮮， 而且仲有兩款醬汁，我揀咗芝麻醬， 然後再裝咗一碗白飯， 我都未搞掂返埋位牛扒已經到咗。原來個牛扒係用石板上枱，而且份量都吾細，80蚊嚟講真係好有誠意，我終於坐到埋位個石板仲係熱到咋咋聲。睇得出塊牛扒好生（後來切開估得3成熟），因為我比較鍾意食熟牛扒所以影左一張相就拿拿聲切開牛扒放石板上煎熟啲。 雖然係店裡最平嘅牛扒， 但都好有肉味而且煎到8成熟都好軟吾會係柴皮，白飯係珍珠米好煙韌粒粒分明， 麵豉湯同沙律都好好味， 睇得出用嘅食材 吾差，80蚊真係好抵食，等疫情好番啲會再去幫襯。Ps. 比餐廳嘅少少提議, 如果疫情期間可以停止自助, 全部由侍應上菜會令客人比較放心少少。

過往食過嘅食石燒牛一般價錢都小貴，牛極既所有牛肉都以套餐奉上，包埋沙律，飯同湯任裝。款式有平有貴，平則80蚊已經有選擇～200g牛柳牛柳好厚，唔算大舊。切落去粉紅色非常多肉汁好juice，靠熱石燒熟埋中間，燒耐左都唔會變到好鞋身。180g牛肩排比牛柳薄啲，肉質比較紮實，切落無牛柳咁軟淋，但肉味比牛柳香濃。出面吧枱嘅麵豉湯味道都不錯，入面仲有豆腐同蘑菇，絕對唔係hea到淡的，同朋友都飲左2碗，仲有啲沙律菜都係任食，落埋啲有子醋同芝麻醬好正！整體價錢同食物質素都不錯，可以再嚟

諗住同朋去試下新開既牛極，我其實搭車去既，唔係大熱天時行過去，去到門口量體溫話我37.4度，個女職員淨係俾個温度槍我望，冇講任何野但唔俾我入，咁我覺得你可以同我地講聲因為温度過高叫我地等陣既。我地就係門口等左幾分鐘再度過，期間我係不停吹風扇，第二次度就38.1度，咁委屈無謂等啦走人了，因為我兩個好肯定冇發燒，亦廢事大熱天事係出面等咁耐（舖入面係冇其他客人既），唔知支額探槍咩事（建議店主買返支精準啲），不過應該冇下次。

早前去咗銅鑼灣食平價鐵板牛肉餐。一打開個門口已經有好香 好濃烈 嘅牛扒味沖出嚟。服務員即刻畀兩個menu我哋， 之後大家要出去vending 到買票/叫服務員都得。喺等待牛扒泥嘅時候， 大家可以去中間位置。 枱上面白飯沙律菜牛肉湯都係 任裝 ( 量力而為, 切勿做大嘥鬼)。 沙律菜有芝麻醬及柚子醋配牛肉湯好足料， 紅蘿蔔白蘿蔔牛展， 牛展煲得好冧， 湯味道偏鹹， 但係我都encore左🤣白飯可能擺得太耐， 米身冇味質感一般重頭戲牛肩扒及牛柳。 服務員啱啱攞過嚟嘅時候千祈唔好太快就攞走張紙巾， 白色衫嘅你一定會後悔🤣等待啲聲比較靜之後， 就可以攞起牙籤同紙巾， 肉切開， 一嚿一嚿又得一次過又得， 根據返自己嘅喜好泥整熟。牛肩扒肉質較硬， 肉味一流， 唔建議整太熟， 如果唔係好似咬緊乾柴咁。 可以配出面嘅蒜蓉燒汁非常正牛柳一向普通， 肉身好林冇乜肉味， 可以加少少wasabi同埋燒汁絕對係回頭之選， 銅鑼灣搵咁嘅價錢食牛扒Ps. 要心理準備行返出去你成身都係煙味

銅鑼灣嘅餐廳更替速度都幾快～舊CEO（而家嘅Cinema City）樓下新開咗間牛牛燒專門店個名叫牛極，全港有多間分店～同日本同類型石頭燒餐廳形式相似，都係喺售賣機先撳飛揀好食咩再搵位等送餐～餐廳嘅裝修係摩登和風風格，近大街，夠晒光猛！等餐期間可以先食下沙律一開始冇搞清楚啲碗碟，攞錯咗個醬汁兜嚟裝沙律兩啖就食晒。。。除咗沙律，仲有白飯、湯，仲有蒜蓉、紫菜自助提供～白飯係珍珠米！口感軟糯，飯味香濃，好味過屋企啲泰國米多多聲！揀咗個牛柳嚟試下，上枱見到咁厚切都幾有驚喜！但又驚咁厚塊石頭燒唔熟啲牛肉喎但係呢個擔心完全係多餘嘅～石頭嘅熱力同餘溫可以煮到嚿牛肉啱啱好！鮮嫩多汁，肉質好軟熟，好好味呀！牛極值得大力推薦！！

近來聽朋友講呢間食肉專門店係新界九龍都好大熱，今日終於黎到港島區了!係愛牛之友的喜訊。佢哋主打用係火山石燒牛扒，師傅將牛扒加熱至兩成左右就上枱。大家可以按自己所喜好既生熟程度，切開再加熱或者原塊加熱都一樣咁興奮!一入舖頭右手邊用自動售票機揀想要既牛肉部位同分量，最既80蚊有交易！沙律、湯、白飯都係一律任食的，非常岩平時係西餐廳一塊扒再跟一碟仔飯覺得不足既朋友仔。 最近都大熱自助燒牛扒，唔需要太好招呼最緊要係食物質素，買完飛入座後就可以先去自助吧道揀所需既醬汁、配菜、餐具，當中沙律同兩款沙律醬（芝麻醬同柚子醋）、湯（我去當日係日式牛肉湯）、白飯（仲有紫菜散提供）同檸檬水，都係無限添加的! 牛肩肉眼係最平嘅，$80已經有180g，女士們如果食埋沙律飲埋湯都幾下，連我自己比較大食既都夠食，男士們就可以考慮按需要加量或食完再加都得。牛肩肉眼特點係中間會有一條筋，但都不令人失望，因為油脂唔多，對於唔太好油脂分佈豐富既女士黎講係最好既選擇，肉味香濃。湯不可不讚，雖然可能係用頭頭尾尾既筋部所煮成，但係可以比美大餐廳的西湯，每一件牛筋都又冧又香，入口即溶。呢個價錢加質素，性價十足!

2020年7月11日。晴。銅鑼灣。呢日同男朋友睇《幻愛》，支持高質港產片！非常好睇，真心推薦！！睇戲前先嚟食個晏～見到呢間新開嘅牛扒專門店，咁就入去試下～店內光猛，樓底好高，裝修簡約，感覺舒服～入咗舖頭先揀定食咩肉，再買飛搵位坐低～枱上面有三支調味料：喜瑪拉雅山粉紅岩鹽、原粒黑椒同埋牛扒專用嘅BBQ香料自己鍾意咩味就落咩調味料，乜都唔落，原汁原味亦得～趁牛扒未到，去餐廳中間嘅island睇下有咩先～椰菜沙律，$0Island上嘅所有嘢都係任食！！唔好睇呢個任食沙律個樣平平無奇，但睇得出佢嘅用料一啲都唔馬虎點解咁講呢，因為啲菜係完全乾身爽脆嘅，就算食到最底嗰啲都唔會soggy菜要係新鮮先做到呢個效果～再加埋個柚子沙律汁，真係超級好味！！！我哋兩個人食咗3、4兜沙律醬方面有呢兩款，鍾意酸味嘅我極度推薦柚子沙律汁！開胃又消滯～～～日式牛肉湯，$0除咗沙律，湯同白飯都係任食～免費都算喇，仲要食物優質好味！白飯冇影到相，粒粒分明，口感綿糯，正～呢個日式牛肉湯飲落似羅宋湯，本身以為得個味，點知勁足料有菜、蘿蔔、仲有大嚿牛肉！每人又飲咗兩碗～啲料喺碗底～攞湯嘅時候都記住攪下個底先，咁樣可以撈多啲料，

前幾日經過見到新開店，便入去試吓，叫左個牛肩扒，上菜速度非常快，好細心咁有張紙嵌着個扒，避免啲又飛晒出嚟，值得一讚。牛扒極之霖又多汁，味道好好。估唔到連個牛肉湯都有極多嘅鮮嫩牛肉喺裏面，我飲咗四碗極之滿足。好想下次快啲去再食。

牛扒餐分別有5款：牛肩排、澳洲牛仔肉眼、西冷、牛柳、日本和牛(赤身 /富油脂)，仲可以根據個人食量去選擇牛扒既大細，180g至400g不等，最平用80蚊消費，就可以享受到1️⃣前菜沙律、2️⃣日本牛肉湯、3️⃣白飯 放題式自助任食🤩，抵到不得了🤑！！.牛肉湯仲要係牛展，好腍好嫩滑，不過湯底咸左少少。.🥩牛肩排 180g💲80好體貼咁舖左廚房紙係上面，等啲油唔好咁彈。180g份量都唔細，肉味豐富，都幾juicy，呢一份牛冇筋添呀😍，不過燒耐左有少少鞋口，要睇住時間去燒。.🥩牛柳 200g💲110200g明顯係大舊啲，牛柳質感好腍好嫩滑，不過肉味比起牛肩排冇咁濃郁。