牛扒先生 (新都會廣場) (已結業)

Mr Steak 提供半自助晚餐，價錢睇落唔算太貴，而且地方同裝修睇落都唔錯，趁五點半剛剛開始晚餐時段就入去試吓，由於限時個半鐘，坐低就嗌左個秘製醬烤英國豬背排，跟住就即刻去自助沙律吧度攞嘢食，食物都有好多款(如下)，不過沙律味道就普普通通，甜品方面，唯一得焦糖燉蛋做得最好味，豆腐花非常之硬，芒果布甸好硬。至於主菜秘製醬烤英國豬背排(即係豬肋骨)，份量好夠大，有五條肋骨，做得唔夠入味，肉質偏硬，而且好難切得開，喜歡鬆軟豬肋骨嘅人，會覺得唔合格，我自己就真係覺得麻麻哋，好硬，只係食得夠飽，整體來講我覺得Mr Steak 份量夠，質素普通，以呢個價錢，有其他更好嘅選擇。呑拿魚沙律煙鴨胸肉蜜桃沙律香草醬烤南瓜日式螺肉沙律紅菜頭粟米胡麻醬豆腐輕芝士蛋糕焦糖燉蛋芒果布甸小蛋糕Lamington豆腐花和菓子蘋果批紅豆糕啫喱水果

一向都好喜歡食沙律嘅我，早前發現Mr Steak 係晚飯時間有半自助餐供應，所謂半自助，係沙律，湯同埋甜品係自助，而主菜就係要落order嘅。由於本人真係太喜歡食沙律，任食沙律後又點食到main course 呢？ Mr Steak 嘅好處係可以選擇唔要main course，平日可以以＄118嘅價錢任食沙律，甜品，同埋餐湯。我地一行兩人，一個叫左純沙律吧，一個叫左迷迭香檸檬燒春雞。沙律材料相當豐富，唔單止有好多選擇，顏色仲好鮮豔，每樣拎少少，都會拎左一大碟返埋位。唯一美中不足嘅係餐湯得返一個選擇，如果唔合口味嘅話就無其他選擇啦。主菜我地只係要左一個，迷迭香檸檬燒春雞有一大隻咁多，除此之外，仲有薯仔同其他配菜添。春雞醃得好入味，肉汁滲入放係春雞下面嘅薯仔後真係非常好味。甜品方面，有蛋榚，豆腐花，啫喱同水果等等，配埋套餐附送嘅特色飲品，為我地嘅晚餐劃上完美嘅句號。

近年好多餐廳都推出半自助餐，即係一個主菜加自助沙律甜品吧，但多數都只限於午市，要搵間有半自助晚餐嘅餐廳實在唔係咁易，之前經過Mr Steak見到有得食，就梗係要試下啦。半自助晚餐有平有貴豐儉由人，包一杯熱蜜桃茶，喜愛沙律嘅朋友亦可選擇單點沙律吧，細食嘅女仕們就唔駛驚食得主菜黎食唔到沙律啦。落單後當然第一時間睇下沙律吧有咩食啦，款式都算多，有幾款火腿，沙律菜，日式麻醬豆腐及炸雞塊，每樣都不停refill，都幾新鮮。是日餐湯係薏米雜菜湯，湯料豐富，但味道一般。主菜揀咗迷迭香檸檬燒春雞，春雞算幾大隻，雞皮燒得香脆，雞肉仍保持嫩滑，燒烤汁味道唔太濃，唔會食到好口渴，伴碟有翠肉瓜，甘筍及薯仔片，但建議餐廳唔好將配菜放係雞下面，咁配菜就唔會因為吸晒油而唔好味啦。食完主菜就到甜品時間喇，甜品有啫喱糖，泡芙及芒果布甸等等，味道唔錯，但啫喱糖實在太大粒了，食一粒已經好飽。另外仲有木桶豆腐花，非常香滑，但因為唔係好大桶，所以一出就要排隊拎，唔係就要等下一桶架喇。總括黎講，呢度嘅半自助晚餐都幾抵食，希望多d地方可以提供類似嘅半自助晚餐，咁就可以有多d選擇啦。

大年初一 , 晚輩來過我家拜年之後 , 就輪到我們一家五口享受天倫之樂 ~我們去到就近的 葵芳 - 新都會廣場 的 Mr. Steak 吃晚餐 ~可能我們比較早到 , 餐廳還未有太多客人 , 這樣很好 , 一家人真正可以寧靜地吃過晚餐 ~Menu ~ 我們五人全都點了 " 龍蝦生蠔 半自助晚餐 " $ 288/位 , 這個晚餐包括 : 紅酒、白酒或果汁一杯、海鮮拼盤 ( 生蠔2隻 海蝦蜆青口 ) 、自助沙律吧、主菜、自助精選甜品吧、餐飲 ~ 生蠔、海蝦、蜆、青口 , 的味道還算鮮 , 其質素和價錢是成正比的 , 只要期望不太高就會覺得好吃 ~ 自助沙律吧 的冷盤和沙律的選擇還真豐富 , 種類多之餘 , 味道還不錯 , 比起某些酒店的還要好吃得多 ~ 主菜 : 我點了 法式芝士焗龍蝦配美國特級牛扒 , 龍蝦焗得剛好 , 龍蝦肉都算爽口彈牙 ; 牛扒 , 我點的熟度是 medium, 廚師都尚算掌握得到 , 味道就是正正常常也合乎期望的 ~由於當天早上已吃過很多甜點了 , 所以晚餐沒有吃甜品 , 故此不作評論了 ~總括來說 : 侍應生的服務態度良好 , 食物的味道不錯 , 性價比高 ~本

今日係波子頭生日，作為為食妹嘅我一定要搵間平靚正嘅餐廳同佢食生日飯。大多數嘅生日飯我哋都會食午餐放題或自助午餐。一來可以平啲，二來食放題自助餐都會食到好飽，如果食晚餐嘅話會飽到瞓唔到，第三係最重要嘅，食中午自助餐食到飽飽，連晚餐都唔洗食，可以唔洗咁肥。好喇講返間餐廳先，因為波子頭姐姐今日都想同波子頭慶祝生日，咁我就上openrice 搵吓有冇啲餐廳有自助午餐食而地點又方便大家的，最後搵到葵芳廣場Mr. steck。選擇呢間餐廳因為覺得佢價錢合理，而且食物質素又好似幾好，最重要嘅係佢冇限時，可以由11點半食到4點。不過，我覺得冇可能食咁耐。因為我哋食咗個半鐘就已經好飽。我揀咗龍蝦意大利飯，波子頭揀咗牛扒海蝦烤雞豬肉腸，姐姐就揀咗慢烤豬柳。落完單就去自助吧枱攞嘢食，呢度嘅款式當然冇酒店自助餐咁多，但係前菜沙律都大約有10多款，另外有3款火腿，有沙律菜，甜品大約6至7款，麵包2款，湯只得1款。呢度嘅南瓜沙律超好味，我攞咗3次。薯仔沙律都唔錯。嗰湯係雜菜湯，好濃幾好飲(本來想飲多碗，但係太飽喇）。兩款麵包比較乾，浸湯會好食啲。主菜方面，嗰豬柳一上枱我哋以為好乾，但係食落去超嫩，超好食。牛扒唔錯

要揀一間水準唔錯，價錢亦合理的西餐，的確是十分傷腦筋 最近約咗個保險agent， 都唔知買唔買得成， 無謂去㗎間咁貴嘅餐廳食lunch 啦，於是相約去葵芳牛扒先生 ！呢個lunch buffet係半自助的，起碼有需要時可行開行埋攞嘢食，而且都坐得幾舒適，啱哂我地一邊食一邊傾保單！吧檯有餐湯，餐包，水果，沙律蔬菜，甜品……等等。而我就點了一個炭燒牛扒，呢個價錢嚟計，牛扒質素已經合格了！加上環境都唔錯及坐得舒服，值得推介俾朋友！

今朝去睇早場，完咗都係11:30，行咗一陣最後選擇呢間。曾經幫襯過九龍灣分店，但發覺呢間午餐選項較多。沙律吧亦有很多款式，但甜品就少咗D. 我點了豬柳及牛排。豬柳份量真係抵食夾大件。算係偶然偶上的驚喜，十分推薦。環境亦相當宜人。如果可以食耐D，唔限時的話就更加好！

話說今晚約左媽媽食飯 去葵芳ge 新裝修的新都會廣場 好耐冇去啦 嘩個商場開左間新無印超大呀😍😍book 左2030食飯 牛扒先生都唔係第一次食嫁啦 但每次黎個前菜都唔同 今次有紅酒🍷🍎 味道好有🍷味 唔知自己整唔整到呢 主菜 大部分都係食牛 一個係雜扒餐 一個係巴黎式牛扒 最後一個係香料牛扒 最後有個流心朱古力 肚到嘔都要食 呢個做得好正中

we try the half buffet(have sala and soup and dessert all you can eat).and ordered 2 set of main.fired chicken and rip eye steak.nice cooked chicken very juice.but a bit dry on some part. taste is good.steak is the famous food. the rip eye really nice as my wife only accept well done steak. u know if steak cooked well done. normally will be very dry. however they still can keep the soft and juice inside. really good

午餐吃Mr.Steak是一件挺奢侈的事情，因为lunch hour有限，而且要取票排隊一段時間才吃得上。但這天去吃可以直接入座享用半自助午餐，心情有點小興奮。沙律選擇多元，吃完都已快飽了一半了，主菜點了牛扒（medium）還有豬扒，都很好吃，牛扒更美味些。甜點飲品都是自助的，甜品沒有太多選擇，味道上沒多大驚喜。

第一次食mr steak , 見到有半自助晚餐就試下，叫左半打生蠔，肉少到一個點，仲好似爛容容甘。😂😂😂野食又唔係特別好味，兩個人食左六百幾，不值。失望失望🤖🤖🤖

難得 朋友放假搵我食lunch今次決定去試新野等左10分鐘內就有位一坐底便急不及待出去自助沙律吧取食物出面有甜品又有不同種類既前菜沙律選擇，仲有農夫飽食，可惜時間有限食吾到甘多野。而自助飲品區就是一般奶茶咖啡食到一半沙律既時候，主菜都比想象中黎得快。由於還有事情要做，食完後便快快埋單好彩侍應們手腳都好快。兩個人食了293蚊，以這個食物質素及環境也算也合理。如果下次不用這麼趕時間便更好。

我好少食到咁差嘅牛扒，特別係安第斯牛，簡直垃圾，要等好耐，等足一個鐘，食牛腩咁，又咬唔開，簡直垃圾中既垃圾，冰水都無一杯，雞扒仲要唔熟！真是執左去啦！但係收我500蚊價錢，完全唔值得推薦！

食左個細細既tea set, 因為只想飲一杯coffee.一個salad, 配一杯coffee latte.這是一杯好美麗的coffee latte, 因為一層一層顏色分明。我enjoy Mr Steak Cafe的座位，可以好好享受不用上班的假日下午。

今天去完葵涌劇院參加畢業禮， 很久沒有去過葵芳廣場 ，打算在哪裏搵食。 我們兩大一細行到去Mr Steak, 突然想吃西餐， 再看見有半自助晚餐的選擇， 從外看內裏環境很舒適 ，又有沙律甜品吧， 自己很喜歡吃沙律， 小朋友也很喜歡自助的模式 因為可以行嚟行去選自己喜歡的食物。沙律選擇也有數款:包括薯仔,茹類,青椒等， 甜品種類也不算多 ，奶凍，蛋糕仔，蘋果批同豆腐花 etc。主菜我們選了 "特式香料牛扒" 和"羊扒"( 七成熟)。 兒童有規定需要叫一個半自助餐 $108 包括一杯果汁及一 款意粉 。意粉阿仔選了忌廉汁，非常creamy!牛扒冇得揀幾成熟， 比較乾而且韌。 還有附設的焦糖洋蔥。洋蔥似蒜頭比較細粒不是太甜， 燒得不太淋， 感覺仍然很生， 所以不能吃太多 。相反羊扒燒得剛剛好，非常嫩滑 ，裏面勁juicy，配菜也不錯。這裏還有飲品巴包括咖啡茶凍熱檸水檸茶。 每位食客離開的時候都是非常滿足!