牛市 (已易手)

今日同朋友行街經過見到開咗間新嘅牛腩店, 走入去試下, 點知幾有驚喜。 同朋友叫咗個清湯牛腩河, 咖哩牛腩河， 咖哩魚蛋同埋洛神雪梨茶。 估唔到一間小店嘅清湯牛腩 清新有牛味， 牛腩用料唔錯, 咬落去有陣陣嘅牛香加少少根位，又有牛肉味，而家香港好少食到啲咁出色嘅牛腩, 加上個湯底 真材實料 冇味精。 我就好唔鍾意食到有好多味精味， 所以個牛骨湯突出到成個清湯牛腩啲麵又滑。之後試食埋朋友嗰個咖哩牛腩仲驚喜， 啲咖哩牛腩炆得又淋又入味, 咖哩味道調得幾好， 好驚一大陣椰奶溝落去嗰啲咖哩, 呢個唔錯有少少辣辣地又有個人特色， 值得再幫襯 ,估唔到咖哩配幼滑的河粉係可以咁夾。前面兩碗粉真係太突出，所以個咖哩小食相對正常， 如果要係咖哩牛腩河同埋小食之間揀可以食咗碗咖哩牛腩河先。 另外唔好忘記過洛神雪梨茶 ，酸酸甜甜又健康, 有問過店主點解個味咁清甜，佢話唔係用糖而係用蜂蜜加落去調味。 香港好少而家見到有小店咁用心去製作又顧住食客嘅健康冇加味精, 值得推介返尋味。唯一問有咩可以改進? 就係餐牌如果可以多啲選項係食物同埋飲品方面就好啦, 期待日後有新作，會再返嚟幫襯。 如果大家唔鍾意食味精鍾意清清

終於搵到間牛腩有質素而有咬口牛肉味濃嘅牛腩米，唔係一般一咬就散曬，唔知燜咗幾多日的牛腩。如果要搵食到一口油，入口要阿婆阿公無牙先食得到嘅就唔係你杯茶，飲咗D湯確實真材實料，唔係味精湯，值得推介👍🏻

今天去完英x金融買貨,行過見到一間新開的牛腩舖，叫牛市，對所有人來講係好意頭，在情在理入去一試。叫咗個淨崩沙腩，好對辨，肉質鮮嫩味濃，不像中環x記一味肥滑，湯頭清甜，一定冇味精，我成碗飲哂。但隔離個肥佬話淡過師姑水，可能佢成日出街食慣味精喇。喜愛健康的人，一定要試下呢間新嘢，我敢話灣仔獨有。

有日行過灣仔見到呢間舖頭新開張，就入去試吓啦，老細介紹完之後我叫咗個崩沙腩河，老細話個湯底不斷熬製而成，個湯又真係好好飲喎，好濃郁既牛香味，係可以飲晒成碗嘅湯😋崩沙腩炆到好軟淋，啲肥膏冇得頂👍🏻👍🏻完全值得再試！

今日行過灣仔，見到一間新開既食肆，之後同個仔買左兩碗試下，一碗係牛腩河，另一碗係咖喱牛腩河，咁跟住我個仔比佢老婆試第一啖，當事人大叫：嘩！舊牛腩硬到好似擦膠咁，仲要係一舊無味既擦膠，然後再試下啖湯啦，諗住有少少驚喜啦，點知啖而無味，跟住再試埋佢個河粉，嘩！我從來未食過咁硬咁厚既河粉，咁另一碗就係咖喱牛腩，反而咖喱味道ok舊牛腩都淋既，不過個河粉都係一樣太硬太厚，如果以呢一區咁既價錢去賣，我自己真係唔會再幫襯，貴少少唔緊要，係質素太差