44
2
4
港鐵灣仔站 A3 出口 繼續閱讀
電話號碼
28121232
營業時間
今日營業
12:00 - 20:00
星期一至六
12:00 - 20:00
星期日
全日休息
付款方式
現金
食評 (56)
等級4 2021-01-18
3183 瀏覽
今日完成工作後經過灣仔這邊~見到這間牛市,顧名思義當然牛是皇牌啦!又試下新店吧!疫情關係已過6時沒有堂食,唯有乖乖叫外賣回家吃!在沒有想頭既情況下,經店員介紹下點了這裡馳名的牛腩感覺似自家式,服務親切有禮。價錢主要視乎揀牛既種類而定牛坑腩湯河$78牛坑腩確是非常林滑,加上配上牛骨濃湯,坑腩經烹煮後很入味不加味精~食落都原汁原味!坑腩既份量都唔少,粗略估計都有9-10粒左右!足料又真材實料蘿白都好入味,不過有點根另一崩沙腩都是其另一重頭戲,有機會下次再試咖喱牛腩飯$68咖喱牛腩飯出奇地比我預期更為好味喜歡吃辣的應該都覺不錯。無論辣度、牛的肉質都一流,這個還食到停不了牛腩份量大約6-7塊左右,頂瓜瓜一清一濃試勻了抗疫價外賣9折 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-11
1423 瀏覽
早前要去灣仔做嘢,搞掂差唔多到晚餐時間又餓又攰,於是就入咗「牛市」坐下,順便食啲嘢。小店細細,廚房同座位區面積各佔一半,但其實都算裝修得幾四正😄。小店用得「牛」命名,當然主打牛啦,牛,全部都係牛🐮!老闆大哥好友善,我問佢有乜推介,佢就話牛腩同咖哩一樣咁正,咁我就一於兩樣都試吓😝。馬泰椰香咖喱牛腩🍛,老闆專登整咗個迷你份量比我,因為得我一條友食嘛,正價份量多好多。咖哩香味撲鼻,但食落辣味都唔嘢少🌶。牛筋腩口感唔錯,另外亦有蘿蔔同薯仔。坑腩粉($78),由於食完咖喱都過咗六點,冇得堂食,所以唯有外賣個粉返屋企食啦🥡。外賣碗有經過精心設計,因為可以將麵同湯分開,咁就唔驚河粉會浸到淋晒啦👍。坑腩紋理清晰,🐂牛味濃郁。湯底用牛骨熬製🦴,完全無味精,飲完唔會口渴。另外,客人可以揀芫荽蔥同炸蒜嘅量,加少少落湯底吊吊味,最適合不過。堂食嘅客人仲可以使用枱上嘅調味料🧂。總括嚟講,小店用心經營,客人係會感受到的。我認為整體唔錯,但略嫌價錢稍為貴啲啲,不過支持下素人嘅出品嘛😚。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-04
1482 瀏覽
灣仔是香港有名的商業地區,但說到美食,就見仁見智了,但今次讓我發現一間不起眼的黃店,而且價錢相宜,是上班一族的福音。位置:在皇后飯店那個街口轉左就會看到,正在英皇集團中心地下,離地鐵站約十至十五分鐘。環境:比較小,只有四個座位,兩邊兩個,門口的正後方就是廚房,牆上就是寫有招牌菜單,簡單裝修。服務:細心,會主動問客人對食物的要求或意見,例如牛腩要不要少肥膏。午市:咖哩牛腩飯$68+洛神花雪梨茶$10我和妹妹都很喜歡它的咖哩,因為又香又濃又辣,有椰奶的香,咖哩味道濃郁,帶有點點的辣勁,但不是麻辣,冬天吃真是一流。牛腩肉質軟腍腍,吸收了咖哩汁,送飯一流。我們真是一汁都沒有浪費掉。為了吃咖哩,加多一碟小食。洛神花雪梨茶比我平時喝的更酸一些,顏色亦更深色,是真材實料熬製,清熱解毒。牛腩河$60+金羅漢果花旗參茶$17呈上時帶有濃郁的牛香,師父給的爽腩不帶油膏,不肥膩,肉質爽軟,口感帶韌性。湯色是淺啡色,喝起來不油膩,但我略嫌氣味過濃,帶點牛騷味,只是蘿蔔未夠軟腍。花旗參茶有花旗參渣,喝起來潤喉,很適合需要養生的女士。咖哩三寶$25三寶是魚蛋、豬皮和蘿蔔,以豬皮吸引汁的能力最好,亦最好吃。咖哩帶有許多蔥蒜,比前者的咖哩牛腩汁更重口味和鹹香。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-21
1391 瀏覽
最近經濟唔多好,股市日日係咁跌,朋友話叫做熊市...唔知幾時先會升反呢咁岩開完會經開灣仔好多鋪都變左, 咁岩睇到有家地鋪既食店好多人企門口等,好自己眼大大既我會睇埋一份唔會睇過龍. 依家食店勁呀, 股民必定最想發生既事: 牛市 ! BULL MARKET!企左係門口睇一陣, 已經掌握到命脈了! 就是食牛的! 睇黎大廚叫陳大哥吧, 係個餐牌到有寫, 當然唔係食佢個人喇, 係食佢既招牌陳大哥牛腩!入到去其實感覺好溫馨,可能佢地係一家人經營, 生 招牌陳大哥親自應客介紹! 睇一睇個ORDER紙先, 我決定打大佬, 崩沙腩粉!! 黎得食招牌菜唔食盡佢點得!另外又心思思叫多個魚旦小食先….黎喇! 終極大佬崩沙腩粉! 肥膏 瘦膏 根 肉 坑紋 不論係紋路還是色水甚至光澤完全係A10牛腩既級別, 神呀!!! 另外老闆有問我要唔要加D炸蒜同東東莞茜蔥, 我就話邊樣好味就邊樣, 感到有點OMAKASE, 廚師發版風格…哈哈!!!崩沙腩咬口異常好,咬落去唔會硬, 口感豐富 根肉好似會適度分離咁. 聽陳大哥講技巧係要火喉夠, 同埋時間的秘密….否則做唔出食個效果......真的考功夫河粉係標準配搭 好味爽口 , 順帶一提, 我上菜後5分鐘左右先起動….都有咁既效果,如果有機會即上即食唔知會係點呢….羅白炆得好林, 岩我口味,我從來唔愛食硬野…入口即溶的感覺…正點! 食用技巧, 可以先飲啖湯先, 試下個功夫嗎, 最後, 我真的連湯都飲埋….好食到呢…後上既咖哩三寶粉到了, 蘿蔔,魚旦,豬皮 , 爽口,新鮮無油漬味! 加上秘制椰香咖哩 再特別配上檸檬葉, 同埋店員提醒依D係LASA,  有如極速飛越星馬泰的幻覺. 估唔到地道三寶小食可以咁出神入化….陳大哥你係得既!最後不自覺追加杯烙神花雪梨茶, 真係酸酸地的, 如果女仔喜歡既行過都可以叫杯, 有點似巨峰既味道. 今日食左3個不同口味, 滿載飽暖地離去.鋪面格局4方4正, 其實有點似日式拉面店格局, 細細間鋪,主力做好幾味菜, 見到個大爐就知湯底是靈魂吧.如果日本出名拉面, 我睇陳大哥香港既崩沙腩粉好大機會可做地標同揚威海外. PS. 店舖坐位唔多, 可考慮外賣. 主力做牛腩 體會真功夫 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-08
1234 瀏覽
牛市在股票市場內,代表股市向上的趨勢,不過2020有一個很奇怪的現象,就是這個新冠病毒的疫情,令股市在三月大跌之後,極速反彈,就像牛市已經來臨一樣,不過現實世界,疫情未受控制,那麼真正的牛市什麼時候來到?每次探望朋友,都會途經這裏,今天晚上發現有間新開的食肆,以牛腩為主打,名稱居然以「牛市」為名,好奇心驅使之下,便入內一試。店內牆上看到店主曾經從事金融業務30多年,因為美食的原因,開設了這間食店。牛坑腩河粉$78,店主以新穎的手切方法,將坑腩切成薄片,擺盤一流。牛坑腩味道鮮甜,湯頭以牛骨熬制,味道鮮甜濃郁,媲美日式拉麵豬骨湯底。咖喱牛腩米粉$68,牛腩和牛筋都已經炆煮得好腍,而咖喱味道帶點椰香味,有馬拉喇沙的特色,不過店主提升了辣度,所以又香又辣,如果不是因為晚市白飯已經賣完,用咖喱汁撈白飯,味道更佳。粉麵轉套餐加$30,小食:牛𦟌、流心蛋。牛𦟌爽口彈牙,配上自家製醬汁,可以帶出鮮甜味道。流心蛋:蛋黃呈現溫泉蛋的樣子,醬油味道香濃。羅漢果花旗蔘茶跟餐加$22,花旗參和羅漢果都具有清熱作用,這個飲品帶點甘甜味道,為繁忙的都市人添加了一種新鮮的感覺。洛神花雪梨茶跟餐加$10,洛神花本來很酸的味道,不過以雪梨茶的甜味,來減低洛神花茶的酸味,又是另外一個創作的意念。飯後店主來到詢問食物質素如何,明顯他很想提升食物質素和聽取客人的意見,這點值得一讚。👍 繼續閱讀
(以上食評乃用戶個人意見 , 並不代表OpenRice之觀點。)