牛大人台灣火鍋吃到飽 (銅鑼灣廣場二期)

營業中

休息中

朋友話之前見我介紹牛大人好吸引，佢話 牛大人咁出名，自己竟然未食過，叫我一定要陪佢食一次🤣中午12點一開門就上到去，已經好多人等候，好彩餐廳地方夠大，大把位吾洗等好耐。有3個任食套餐選擇， 揀左＜極上和牛吃到飽＞。呢個餐可以食埋平啲啲兩個餐既肉，所以差幾十蚊梗係揀呢個。QR code 落單好方便，有圖睇，清晰易揀。湯底揀阿嬤養生濃湯鍋，落單後湯鍋好快送到，有效率。自助區就有各式丸類、蔬菜、飲品及麵類，仲有滷肉飯提供。醬料區都好多選擇，火鍋店較少見嘅腐乳醬同蘿白蓉都有。牛肉吾洗多講，食開都好高質，豬肉同鴨血都正。🍺🍻見手工啤18+冬瓜茶好似幾有趣，叫杯試下，冬瓜茶好清甜，飲到酒味，好特別。甜品仙草凍好味過好多甜品鋪，食埋甜品滿足曬。

估唔到原來呢間牛大人係咁難先攞到枱食火鍋架，黎過幾次walk in都無位....最後才得知原來要fb預約book枱，否則有枱嘅機會都比較微呀，大家記得要先網上預約比較穩陣。疫情期間，帶埋老人家都驚好多人，所以選擇了閒日的下午時間，點知都仍然係爆場咁多人....同朋友分開到達，他到先過我，但唔知係咪溝通上嘅失誤，佢以為我預約的是兩位，所以最初被安排坐share的大圓枱，及後到我入場職員再跟我confirm是3位，隨後即刻被安排我們去坐較舒適嘅卡位了都未坐低，一位職員已經好醒目咁問係咪其中一位有長者卡？原來有長者價，我都完全不知道，真的多謝職員細心的提醒！兩小時任食火鍋，全程電子點餐，雖然唔多like電子點餐，但上食物速度真心快、有效率！飲品同部分食物、醬汁等都係自己出去攞的，但食物質素又一d都唔hea喎，而且飲品種類亦都唔少，令人花多眼亂最後半小時會截單last order, 仲送埋雪糕甜品，到最後15分鐘會再提一提客人夠鐘，雖然食客係超多，但職員反應快同敏捷，食物又有質素，所以基本上服務同食物都唔錯，值得光顧

之前食開牛大人嘅晚市，琴日少有咁試下午市火鍋放題 （ 90分鐘午餐吃到飽），$198 食到更多款牛類，唔單止升級左做澳洲M5和牛牛肩卷，仲有多左牛🍍台灣鳳梨雞鍋 有2 大件雞髀，湯底較清淡，鳳梨味唔太突出。但係，無咁重口味，可以食到多啲野。平時飲開自家製養生茶，有白桃烏龍、洛神花茶等。今次試咗牛大人嘅手工啤酒，第一次見有18+ 🍻冬瓜茶啤酒（$35）先飲到冬瓜嘅清甜，飲落感受到啤酒嘅回甘，容易入口。除咗出面拎到嘅蔬菜同丸類，可以落單嘅配料都有唔少選擇！ 🥩M5和牛牛肩卷，比較鮮嫩，肥瘦均勻。如果對牛肉有講究嘅可以升級。今次$198 嘅餐可以試埋$168嘅牛板腱，紋理都靚，相對瘦身。牛肚都唔錯，滷水汁幾入味。台式火鍋點少得台灣直送既漿物，店舖推介蟹籽墨汁漿、乾貝鮮魚漿等同埋 期間限定嘅章魚珍珠漿。仲有必食嘅鴨血，盡早落單係常識吧！之前試過晚市等左一排先叫，就會售罄，太受歡迎了。🥓如果肚餓可以食住有台灣特色小食先。鹽酥雞夠香脆，台灣香腸、皮蛋豆腐都幾滋味，甜不辣比較少見。最後仙草凍幾足料，有花生、椰果、紅豆同QQ珍珠，口感豐富。

隔著堂食限制放寬，不少早前包受影響的餐廳都各出奇謀推出多種優惠希望吸客，受惠的當然是我們這些消費者吧，很久沒有吃火鍋了，左挑右挑之下還是選了這家”牛大人”，兩口子來個午市小火鍋。午市任食的用餐時間為90分鐘，點餐需要掃枱面上的二維碼，乾淨衛生。另外要注意提前半小時就會截單。「吃到飽」價錢分3種，分別是$138、$168及$198，我們選了$198的澳洲和牛任食Set，感覺性價比極高。自肋醬料區及蔬菜區內的食物均以獨立的有蓋膠箱放置，衛生考量值得一讚。湯底方面選了「養生鍋」，淡雅的湯頭更能帶出食材的天然味道。飲料方面同樣是自肋形式，個人推介手工花茶系列，清熱去膩，生津解渴。打邊爐又怎少得蝦滑跟墨魚滑，入口質感不俗，爽口彈牙。澳洲和牛簿片灼數秒轉色入口就剛剛好，入口順滑柔軟，牛香味濃郁。蟹柳、豆類製品及蔬菜大抵新鮮，沒有半點雪藏味。最黎還附送自家製冰粉，冰涼甜蜜的味道正好去一去口腔中的油膩感。

一早都聽朋友講過牛大人啲湯底好出色，但係一直都未有時間去試，難得朋友今日又得閒就特登揀咗lunch時段試下因為lunch性價比較高，銅鑼灣店地方大，坐得又舒服d終於起香港食到間最接近台灣地道風味既秘製麻辣湯底，湯底濃郁，唔會死鹹死辣，有獨特牛骨清香加上辣乾，花椒 同多種中藥香味混合而成， 層次分明叫左極上set 食物選擇多有澳洲 M5和牛必點肉質嫩滑但西班牙豬五花同梅肉片 都值得一試肉味濃沃肥瘦均勻干貝鮮魚漿 蟹子墨汁漿 兩者相對鍾意蟹子墨汁漿比較鮮味 鴨血，口感軟嫩入味，凍豆腐同響鈴吸飽左湯汁辣麻後勁又係必食凍櫃仲有多款新鮮蔬菜同丸類可以選擇， 全部都裝咗喺個盒入面好乾淨 食到咁上下唔夠飽仲有王子麵 烏冬 雞絲麵 飲品方面都有幾多選擇，跟據牛大人官方所講冷泡茶飲完後，可以加室溫水，放入雪櫃一晚，第2日可以繼續飲，不過當然第二泡會比較淡身

牛大人 - 極上牛吃到飽 $198又黎牛大人食 Lunch 因為晏晝打邊爐好似對身體冇咁大負擔。都係叫有澳洲和牛 M5 既極上 set ， 有多啲選擇，今次仲平左10蚊。肉質黎講安格斯腱厚身同肉味濃啲。西班牙豬梅肉片同豬腩肉食落口感好有彈性，豬油甘香。麻辣牛骨湯底落左好多藥材超似係台灣食既火鍋，鴨血，冰豆腐，腐竹係出面拎既，要一早放落索晒湯，後面食好入味，本身中辣係唔辣，但皇帝菜，娃娃菜同啲豆腐沾滿辣油終於食到中辣既程度，要係咁飲桂花烏龍下火。台式小食每次都點梅甘酥脆薯同台式腸，家姐教路係醬料處拎生蒜配香腸食，超惹味。今次一半食肉一半食菜，即刻出面有王子麵，烏冬，維絲麵都冇拎到，幾咁健康，食住火鍋 on diet。p.s. 蘿蔔蓉配任何麻辣湯既火鍋料都好夾，又幫助消化，一流。銅鑼灣店環境幾闊落，坐得好舒服。______________________________🏠 牛大人台灣火鍋吃到飽💵 $198+1 per head📍 銅鑼灣駱克道463-483號銅鑼灣廣場二期5樓______________________________.......

任食火鍋店又一推介, 其實都唔可以話一推介又, 因為冇乜任食嘅火鍋店係十分之高質素。 不過呢間台式嘅火鍋店呢就真係唔錯啦。 今日小試牛刀 , 黎食咗個lunch, 我哋揀咗個最貴既套餐, 嗰個放題套餐極上和牛套餐都係198蚊。地方闊落一啲都唔似傳統嘅放題火鍋店咁坐到逼逼澀澀, 而且抽風系統唔錯因為食完出嚟都冇一大陣打邊爐味人人都有個濕紙巾 ,個套好靚連間板都印咗牛大人三隻字, 裝修用心地方清潔。揀咗個阿摩湯底性價比超高嘅極上和牛套餐 啲牛真係不得了198蚊呢個價錢真係冇得頂佢好多嘢食有醉雞牛肚豬腸仲有好多台式嘢食同埋小食, 但係我好嬲自己唔記得咗影相掛住食。。。。好特別嘅墨汁墨魚滑仲有台式滷肉飯呀仲有市面好少見嘅王子麵 in總括嚟講198蚊食個lunch係放題,坐得舒服,食又食得好 真係真心推介呀, 因為以性價比嚟講真係冇得輸

平時對吃到飽嘅火鍋店冇乜期望, 但係今次 因為有朋友之前食過, 佢介紹後, 就一直心思思想試。 今日就同埋個同事, 喺銅鑼灣呢一間牛大人入面食個中午飯, 佢係任食嘅火鍋, 有三個價錢揀。 我哋就揀咗極上和牛餐, 價錢都唔貴已經係最貴價嗰款。 大人198蚊 ,小朋友就138蚊 。電話自己點單 快準第一次嚟食, 入到間舖頭感覺良好因為地方十分之闊落, 當然啦我係講銅鑼灣呢一間啦,因為我只係黎過呢間。連個電磁爐都印咗牛大人個名湯底就點咗個阿嬤養生鍋, 一啲都唔味精仲不咗一碗嚟飲添應該係墨魚汁墨魚滑, 彈牙又好味皮蛋豆腐, 佢仲有好多台式嘅小食 但係唔記得咗叫, 激死我呀仲有滷肉飯你食添自助麵牛嘅質素十分之高, 198呢個餐實在物超所值飲品好多選擇,淨係搽都有唔同味道最後仲送多個甜品㖭總括嚟講地方又大, 坐得又舒服食物種類繁多, 講明係台灣店, 當然有好多台灣小食啦。 另外198呢一個價錢真係物超所值, 你其他嘢唔食淨係食牛都抵返曬。

已經食過2, 3次牛大人台灣火鍋吃到飽, 真係食極唔厭, 午市性價比更高, 相對容易入座!打邊爐除左食材, 湯底都好重要! 牛大人有9款湯底可以選擇, 每次揀唔同嘅湯底, 都會有驚喜!鴛鴦湯底 (需另加$50)牛大人紅燒牛骨鍋湯濃味厚, 牛味突山, 同食材好夾, 亦充滿台灣風味, 正!台灣濃香蕃茄鍋濃郁番茄鮮味, 酸酸甜甜, 好開胃！極上和牛吃到飽 $208/位澳洲和牛M5牛肩卷係必食之選, 牛味香濃又嫩滑, 正呀!自助區大量特色丸類, 新鮮蔬菜及飲品, 都唔可以錯過呀!

太掛住台灣，朋友同我來呢間餐廳，除左裝修舒服有台風，最重要有好多台灣地道食物同飲品，俾我一解相思之苦，任食鐘意食幾多都得。出面有食物任取亦可以用平板電腦下單，見到飲品櫃有樽裝泡茶同萍果梳打仲有王子面，超有台灣感覺。我地叫左個養生鍋好足料，而且湯底味道清甜，唔肥唔油，好香。台式鮫台式丸都係我最愛，好味又彈牙。正牛肉除左肥牛仲有牛肚我覺得好特別，凍食又得，我鐘意滾兩滾熱食又得。牛肉加芫茜一齊食，超香超好味。最後送碗台式糖水，好滿足的一餐呢。

已經一年無去台灣，每次去台灣都會吃台式放題，價錢平、選擇多，真是餐餐都吃得很飽。香港台式放題不多，這家幾原汁原味。午市時段餐廳已經坐滿八成，非常熱鬧。裝修以木為主調，感覺很親切。我們吃極上和牛吃到飽的餐，可以無限點澳洲和牛，正！一坐低要選擇湯底，大約九款湯底。我吃台灣特產芋頭、貢丸等，感覺真係好似去左台灣！除了肉類，我覺得這裡的配料都超級多，而且以台式麵、配料為主。面類有台灣雞絲麵、寬面、冬粉和王子麵。特別是王子麵，只有台灣才有，麵條比較彈牙。飲品方面也有不少台式飲品，例如冷泡茶、桂花烏龍、菊花普洱、洛神花茶、白桃烏龍、仙草蜜、蘋果西打、古早味紅茶等。火鍋配料整齊擺放夠衛生，冷氣又夠凍，保持食物新鮮。有台式香菇貢丸、龍蝦沙拉、特級花枝丸、芋頭貢丸、海膽包、拔絲芝心包、麻辣丸子，我最喜歡山水滑豆腐和麻辣丸子，微辣很正。

中午在銅鑼灣吃火鍋放題，有幾個價錢的放題選擇，見差別不大，所以選了極上和牛吃到飽$198。二人一鍋，湯底選擇很多，例如牛夫人秘方麻辣鍋、牛大人紅燒牛骨鍋、台灣濃香番茄鍋、台中蒜頭雞鍋、阿嬤養生濃湯鍋和帝王食補薑母鴨鍋。我選擇了眷村白玉酸菜鍋，湯底都好足料，有好多豬肉和白菜，味道會淡口一些。無限點澳洲和牛M5牛肩卷，一次有三片，肉片好薄，肉味夠濃夠香，一次就KO，當然不夠，最後叫了大約10底。另外，火鍋配料可以選擇私房鴨血，鴨血入口好QQ，味道很好，我點了兩份。牛筋口感好，煮過好軟。還有不少台式小食，例如鹹酥雞、梅甘酥脆薯等。鹹酥雞入口微脆另外梅甘酥脆薯即是炸蕃薯粒，灑上梅子粉酸酸的，特別有台灣風味。最後還有台灣的仙草凍，超好味，仙草好QQ，配上淡奶好香滑。

人氣台式火鍋店牛大人，出名高質穩定，每逢晚市定必大排長龍！午市雖然只得90分鐘，但一樣係任叫任食，價錢仲平一截添，啱晒精打細算嘅香港人！醬料、丸類、蔬菜類同埋飲品都係同晚市一樣，選擇同樣豐富，任夾任拎，不另收費！去打邊爐，平時都係嗌麻辣湯多，貪佢夠刺激，又唔洗額外點醬料！今試試下嗌紅燒牛骨拼濃香蕃茄鍋，完全係另一種感受！台灣濃香蕃茄鍋茄香撲鼻，質地濃厚，味道帶微酸，蕃茄的甜味相當突出，營養豐富，最啱配丸類同埋蔬菜類！牛大人紅燒牛骨鍋帶濃郁的牛骨香味，用黎烚牛肉嘅話，味道就好似食緊台灣牛肉麵咁，成個台灣嘅感覺出晒黎！極上和牛吃到飽 $208/位澳洲和牛M5牛肩卷，一睇就知夠晒肥美，烚10秒就食得，入口油香出眾，肉質細嫩軟腍，無限Encore可以輕鬆回本！

第二次Lunch食牛大人，今日黎到銅鑼灣分店，大概11:50分左右到，等左一陣12點正式入座。十分建議大家lunch挑選$198極上和牛吃到飽90分鐘任飲任食，可以任叫既食物款式眾多，而且性價比最高，最推薦係可以一次過食到三款牛，最正當然係M5和牛肩卷，仲有秘制鹵水牛筋同多兩款魚漿/墨魚漿揀。套餐包一款湯底，點了招牌牛骨鍋，鍾意食濃味道既朋友仔唔好錯過入座後，就去到醬料，配菜區同飲品區。每次去到，都總係會囉曬呢兩隻冷泡茶，桂花烏龍同白桃烏龍），健康又好飲。嘢食準備上場！熟食小吃方面點了台式香腸和鹽酥雞，特別愛鹽酥雞，炸到金黃色，而且任叫小食份量黎講都好足夠。火鍋配料：必點真味牛肉漿：第一次食呢個牛滑，感覺好重牛味，但係肉質係結實，配合湯底正啊。牛同豬肉都上場啦！牛方面建議可以一邊叫安格斯牛板腱及和牛肩卷。豬方面點了一個西班牙豬，分布均勻，下次也會點這個豬五花嚐嚐看。自助食區囉左好多配料啊！最欣賞佢提供既丸類有好多選擇，例如龍蝦沙律丸、海膽包、芝心丸、雞肉丸等。看見一桌豐盛菜式，真的食指大動。最後，餐廳還送了每檯一客甜品，椰汁仙草珍珠紅豆，超多配料。以總性價比來說，呢個牛大人lunch放

牛大人 呢咁個名相信喜歡打邊爐既人都聽過嫁啦？我之前試過係尖沙咀分店食完一次之前就對佢念念不忘，今日順路經過銅鑼灣分店時間又早 即刻去碰吓運氣希望唔洗排長龍啦！點知未夠12點已經排到人山人海啦。。。不過好在好快都入到去！我同友人都係嗌咗極上和牛吃到飽套餐！要食梗係食最貴嫁啦係咪先？湯底就揀咗牛大人紅燒牛骨鍋​ 黎到已經聞到好香首先點咗幾碟澳洲和牛M 5牛肩卷同埋等個爐熱既時候梗係叫住熟食等鹽酥雞，小香腸，甜不辣 味道以打邊爐既餐廳黎講算幾好m5和牛入口即化唔洗咬，牛味加埋個湯底濃到 連豉油都唔洗點！鴨血又係必點！不過記得唔可以就咁食要滾一滾佢 大件有厚度，口感腍滑！西班牙豬肉片亦係另一個推介之選！肥瘦均勻除咗牛之外，仲可以出去拎丸類同蔬菜！都有好多款式同好衛生，全部有膠盒盒住全部食物食牛大人點少得烏龍茶呀，個人覺得呢2樣最好飲！唔知你地又會點簡呢？埋單~無論食物款式，環境衛生，甚至係服務質素都係中上級！