54
2
1
港鐵荃灣站 B1 出口, 步行約6分鐘 繼續閱讀
所有分店 (2)
電話號碼
39539330
開飯介紹
台式任食火鍋,提供九種不同的湯底款式。客人可選擇牛肉的種類,包括安格斯、和牛等。餐廳更提供台灣直送美食,如豬血糕、花枝丸等。 繼續閱讀
營業時間
今日營業
17:00 - 23:45
00:00 - 02:00
星期一至日
17:00 - 23:45
00:00 - 02:00
公眾假期
17:00 - 23:45
00:00 - 02:00
公眾假期前夕
17:00 - 23:45
00:00 - 02:00
付款方式
Visa Master 現金 AE 銀聯
其他資料
網上訂座
Wi-Fi
深夜營業
酒精飲品
切餅費
VIP房
賞訂座積分
有關獎賞計劃
食評 (64)
等級4 2020-03-18
297 瀏覽
之前響社交網睇到大鴻輝有間新開既牛大人, 趁而家少人出街食飯, 一於試下.放工六點左右到, 入口先量體溫, 同埋有酒精搓手液搓手, 夠衛生.環境大, 雖然餐廳已經有一半人, 但唔會坐得好近, 而且地方乾淨.有九款台灣湯底選擇, 揀左紅燒牛骨鍋, 夠晒大鍋, 好足料. 祗於吃到飽套餐有三款, 包括既肉質同款式相應不同,最後要左澳洲極上和牛餐, 每位仲贈送澳洲M9和牛牛丸2粒.用手機QR CODE下單, 好快已經有食物上枱.和牛牛肩卷, 安格斯牛板鍵, 上腹牛五花, 一口氣叫左幾款唔同既牛.牛肩卷大片夠口感, 彈牙夠嫩, 有肉鮮味.牛板鍵脂肪較多, 但又唔算太油膩, 口感彈牙.上腹牛五花類似肥牛, 較薄, 所以食左好多片都唔算太飽濟.贈送既M9和牛牛丸, 非常彈牙, 牛味濃郁, 好味.仲有呢度牛滑同墨魚滑, 兩款都好彈牙, 墨魚滑入面有一粒粒墨魚, 好鮮味.牛筋爽薄薄地, 好快熟, 食落唔油好爽口.仲有出面自助配料區, 蔬菜, 菇類, 丸類樣樣都有, 而且好衛生有盒蓋著.除左普通既汽水, 紙包飲品, 呢度仲有自泡烏龍茶, 拎左白桃烏龍, 好香白桃味, 但唔會太甜, 夠解喝.最後每人仲有一盒雪糕, 有三個口味選擇. 繼續閱讀
(以上食評乃用戶個人意見 , 並不代表OpenRice之觀點。)
地方黎講算係坐得舒服, 地方大, 環境黎講絕對唔錯,一入黎就會有探體溫, 需然唔知有無用, 但起碼食起上黎會更安心!野食分二種, 比我感覺印象最深係全部都用盒裝住, 比較衛生, 睇黎呢間餐廳真的很認真抗疫!以上的野食係任拎的自助吧, 野食選擇十分多, 標得十分清楚,呢到鍋底最重要係湯既味道, 味道黎講算係十分唔錯,牛骨湯, 味道望落去都合十分濃味, 湯濃先會好食!我地食既係M5和牛餐, 口感黎講係薄身小滑, 煮一陣就可, 牛味偏濃, 口感黎講算係唔錯,仲要任食M5和牛 份量比較大件, 一淡食落口個口感會覺得幾彈牙!而一口牛方面就會比較硬身小小, 但牛味就會更重一D.另一方面比較感慨既係, 醬料選擇真的很多! 不過我無最中意食既沙爹醬!!但有好多新既醬料, 例如豬肉醬和自制的牛肉汁大家可以試試!黎得食台式, 通常都會叫下佢地既小香腸! 味道唔錯, 主要口感爽口,但係溫度唔夠熱, 有小小凍飲品都有好多特色野, 大家可以試試佢地自家出既飲品,茶包飲品黎, 不過就唔會預有咩甜味!整體黎講算係樣樣野都做到足! 服務認真, 性格比算高, 環境十分舒服, 種類又多, 值得一試! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-17
159 瀏覽
近期熱爆嘅人氣火鍋店「牛大人台灣火鍋吃到飽」新開左荃灣分店!早左一個幾月訂座,滿心期待!進入店內之前,店員會為客人量度體溫,亦設有酒精搓手液,夠晒乾淨衛生店內面積好大,裝修簡約潔淨。被安排至兩人卡座,寬敞舒適吃到飽火鍋套餐有三款可供選擇,我同朋友就揀咗最貴嘅澳洲極上和牛餐,價值 $288位。九款湯底有辣有唔辣,任君選擇。仲有台灣直送配料、手工水餃、特色小吃、台式飲品、自家冷泡茶等等過百款選擇阿嬤養生濃湯鍋湯底由紅棗、杞子、桃膠、雜菌等等組成,味道清淡不油膩,打邊爐就啱晒澳洲M9和牛牛丸凡惠顧澳洲極上和牛餐,每位會獲贈澳洲M9和牛牛丸兩粒,肉味好濃郁,仲帶陣和牛肉脂香安格斯牛小排油脂分佈充足嘅牛小排,肉質香軟,有種入口即溶的感覺,口感極佳,但卻不會過於油膩感澳洲和牛M5牛肩卷脂肪比例相對為低,因此會顯得肉味較為濃郁,再配上和牛的油香,就算不需要任何調味,亦已非常可口安格斯特選牛板腱肉質軟嫩多汁,又帶有均勻的油花分佈,不論是油脂還是肉香都極為飽滿手工啤酒🍻從云云手工啤酒中揀左:掌門 - 山霧,啤酒味適中,帶有花香最後仲會每人獲贈一杯Movenpick雪糕🍦 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-16
292 瀏覽
火鍋吃不厭,台式火煱都係我喜歡的, 台式湯底好特別,比較濃,是我的喜好。跟老公返荃灣探奶奶,老人家好耐冇食打邊爐,今日帶佢試新嘢~ 台式火鍋。荃灣眾安街大鴻輝中心除咗可以唱卡拉ok,仲有好多食店,《牛大人》今期熱爆,出名食物好、服務好,位於16樓有靚景。手機選菜,方便快捷。這店特別之處是火鍋底有濃味的牛骨鍋,也有清清地素湯底,仲有台式的,當然有麻辣湯底......我們揀咗台灣鳳梨雞鍋拼四目養生素食鍋,鳳梨雞鍋有半隻春雞,加上甜甜鳳梨味,感覺好特別。四目養生包括杞子、菊花、蟲草、龍眼..... 絕對係一個養生鍋,食到後段依然好香菊花味。輕輕鬆鬆叫多杯啤酒試下,店員介紹味道有款淡啲,有款濃啲。澳洲極上和牛套餐(吃到飽)一定要試,和牛任叫已經抵返曬,且每人送兩粒和牛牛丸,平日怕韌唔食牛丸的我,今次都愛上了"和牛牛丸",除了爽口彈牙,仲可以食到牛的脂肪香味,正!澳洲和牛M5牛肩肉是要讚。安格斯特選牛板腱也是好選擇,肉質較淋,一淥就熟,食得。牛胸爽原來是這個樣子,今次第一次吃,淥完之後有少少似花膠,爽爽地好好食。手切封門柳,記得唔好淥得太耐,牛肉味香濃。豬雪花肉片~爽口。牛媽秘製滷大腸/牛媽秘製滷牛筋/牛媽秘製滷牛肚樣樣好食,最正係豬大腸,一啲都唔韌,邪惡脂肪好吸引。豐原排骨酥,淥完依然仲有炸排骨的香味。海蝦夠鮮甜,花膠夠滑夠淋。沙白堅大隻,脹卜卜。台式蝦餃及台式蛋餃也要一試。珍味牛肉漿~ 唔揀其他都要試下牛肉漿,確實爽口彈牙。水蓮是特別的,除了出面凍櫃蔬菜,這個是需要入機揀選。花蓮手工小雲吞及爽脆炸魚皮是指定火鍋佳品,欣賞你有即炸午餐肉,是小妹喜愛的火鍋食品,食得出是靚午餐肉,並不是那些一般粉質較重。即食小吃都點了一些,木魚香皮蛋豆腐,甜甜梅金酥脆薯,香脆士林鹽酥雞,肥美真豬小香腸,全都是值得推介的。凍櫃飲品琳瑯滿目,讚好facebook送免費台式黑糖鮮奶。最有驚喜係《牛大人自家製凍茶》,我都試了其中兩款,菊花普洱及桂花烏龍,菊花明目,桂花夠香,飲茶可以一解熱氣。吃到飽,白桃烏龍及落神花茶要下次先有機會試到啦。地方企理乾淨,自助區食物全部有蓋好,合乎衛生標準。好開心有movenpick雪糕。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-16
175 瀏覽
我討厭自己的為食!因為朋友一句話牛大人要試,所以我第二日即刻走左去試!!餐廳喺大鴻輝17樓,係限時兩個鐘頭任食,我哋五點到達,先係門口量體溫再用消毒酒精搓手。餐廳好大,而且居高臨下,景觀非常開陽。因為時間尚早,人未算多,所以選擇坐卡位!   套餐有三種,分別係精選嫩牛、美國安格斯牛和澳洲極上和牛。最後揀了極上和牛餐,因為餐入邊的牛肉選擇多很多!湯底是另一重點,有九款可以揀,而且有幾款係出邊比較少見,例如薑母鴨、台灣鳳梨雞、酸菜白肉等,最後揀咗蒜頭雞鍋,貪佢可以殺菌!    落單係用iPad自助點餐,掃描QR code鍾意點咩就點咩。不過都有自助區域,醬料區有響鈴、烏冬、公仔麵,仲有滷牛肉、珍珠米等。兩款特飲要大讚,枸杞養生茶和冬瓜茶都好好飲!    仲有蔬菜區,有丸類和不同蔬菜可揀。因為套餐入面食物選擇已經好多,所以都冇乜點過丸類和菜,主打食肉。落單至上菜都好快,蒜頭雞鍋湯底清甜,雞肉似韓國人參雞咁,細細隻,煮得好稔,啲肉一拆即起!   上左第一round肉,雖然唔算厚切,但放得好整齊,重點係有我最愛的牛白肉!魚肉厚切,海蝦也新鮮,個牛丸好好食,不可錯過。  Ipad內不不少台灣直送的火鍋料,十分值得一試。台灣海鮮漿、水蓮、豬血糕和鴨血都係我推介!仲有皮蛋豆腐,排骨酥都可以過下口癮。    第二轉肉就主要係牛肉,顏色好靚,脂肪紋都好靚,牛板腱、牛五花、封門柳,澳洲和牛M5當然不可錯過。狂食牛是此行目的!所以都Encore了2轉。   呢度另一賣點係飲品,有港女最愛嘅珍珠奶茶,只要like左佢fb就有一大杯,質素比得上出面的台式茶飲店!仲有港男最愛嘅手工啤酒,雖然要加少少錢,但打邊爐可以飲到台灣直送嘅手工啤酒,也是人生一樂也。   仲有枝裝自家製茶飲,成雪櫃都係!有各種不同嘅口味,普通一枝出面賣20、30蚊,但呢度竟然可以任飲,真係覺得好抵。仲有林林總總嘅飲品,真係花多眼亂!    牛大人打邊爐真係好正,等我過兩個星期再去食多次先! 繼續閱讀
(以上食評乃用戶個人意見 , 並不代表OpenRice之觀點。)