影片
更多
2022-06-12
941 瀏覽
今日去沙田新城市買完野已經四點幾，晏都未食， 行過偉華中心見到勁多人，原來呢度都有牛大人，五點開始有晚市第一輪，隊友就話直接喺度食埋野先返去，開頭我仲諗住咁多人，排隊入去都有排等啦，點知佢地有晒經驗，一到五點就超快安排入座，呢度地方超大，有兩座位至到圓枱八座位都有。隊友可以話係牛大人粉絲，所以食親都係叫極上和牛吃到飽，貪佢只係俾多少少，已經有靚好多既M5和牛食。我地揀左牛大人紅燒牛骨鍋做湯底，原來都幾濃味，可以連調味都唔使點。牛大人就梗係食牛架啦，澳洲和牛M5 牛肩卷，安格斯特選牛板腱，美國PRIME極級肩里肌同手切封門柳都係必食既，另外北海道十勝豚都好好食，唔算薄但都快熟。個餐包左個澳洲和牛丸一定要食，彈牙重牛味又Juicy。自助區乾淨企理，一目了然，丸類多選擇，仲有魚腐，峰巢豆腐，皇帝菜都係我首選。飲品有台式茶飲，又有教主代言既0糖0卡汽水，不過我都係鍾情自家制冷泡茶。醬料區有好多選擇，我鍾意佢有白蘿蔔蓉，中和左個熱氣感。海鮮我叫左新鮮沙白同脆肉鯇魚腩，沙白又肥又大夠爽甜。熟食方面，我地每次都會叫梅甘酥脆薯，真豬小香腸，鬼馬老油條同即炸午餐肉，脆薯即到即食超好味。其他仲有私房鴨血，
隊友可以話係牛大人粉絲，所以食親都係叫極上和牛吃到飽，貪佢只係俾多少少，已經有靚好多既M5和牛食。我地揀左牛大人紅燒牛骨鍋做湯底，原來都幾濃味，可以連調味都唔使點。
牛大人就梗係食牛架啦，澳洲和牛M5 牛肩卷，安格斯特選牛板腱，美國PRIME極級肩里肌同手切封門柳都係必食既，另外北海道十勝豚都好好食，唔算薄但都快熟。
個餐包左個澳洲和牛丸一定要食，彈牙重牛味又Juicy。
自助區乾淨企理，一目了然，丸類多選擇，仲有魚腐，峰巢豆腐，皇帝菜都係我首選。
飲品有台式茶飲，又有教主代言既0糖0卡汽水，不過我都係鍾情自家制冷泡茶。
醬料區有好多選擇，我鍾意佢有白蘿蔔蓉，中和左個熱氣感。
海鮮我叫左新鮮沙白同脆肉鯇魚腩，沙白又肥又大夠爽甜。
熟食方面，我地每次都會叫梅甘酥脆薯，真豬小香腸，鬼馬老油條同即炸午餐肉，脆薯即到即食超好味。
其他仲有私房鴨血，手工大黑輪同炸魚皮。
最後就梗係飯後甜品Movenpick 雪糕啦！
張貼
