牛八和牛燒肉屋 (已結業)

現在有好多放題形式的餐廳，每一款食物都會有不同的質素，一路食有好多食物質素都會下降。絕對唔係好似一些網上的片段咁，係網上別人介紹就好好味咁，但去到就第二個樣。係燒肉放題中食反個石頭煱泡菜飯，係一種享受，但肉太了，可能人地都係想到你係黎食燒肉放題。但如果想要白飯既都有，紫菜白飯，圖片中的紫菜白飯有四片紫菜的，但黎到既時候就得兩片，想要佢比多幾片唔係唔得，但我覺得有少少面色睇喔！還有我覺得出食物的時間有點耐。又有飯又有燒肉好滿足。肉類方面，質素食左幾次都保持到。我覺得特別好食既牛肉有腹胸肉（醬汁），叫醬汁就可以了。「提示：如果你有點了其他肉類是其他味的，係會食唔出既，因為無論你點的是什麼味也是會放埋一齊的。」豬肉方面，我覺得1cm豬腩肉和豬頸肉都是不錯的。如果有海鮮的$288/成人，沒有海鮮$238，差$50。但我絕對絕對認為不需要食有海鮮的，因為之前食過，海鮮的太差勁👎了。蔬菜就每次都會點牛油粟米和牛油雜菌。我地煮牛油雜菌有個方法的。首先每次都會點兩份，將兩份放成一份，之後把錫紙兜做蓋，這樣雜菌不會流失太多水份會更好吃。今次係新年前去食可能太多人了。大家睇下我既粟米去曬邊。。。

第一次食唔錯第二次肉質比第一次差很多而且服務態度和效率有待改善打電話book 20:00員工話今日只接受walk in但我去到距同我講趕唔切清枱所以今日都冇位但之後我不停聽到距叫號但都冇人入座然後再問多次先俾入

因為工作需要，近這幾個月調到鑽石山荷里活廣場工作，同事話呢間燒牛唔錯，所以一星期都會食一次，我和幾個同事都會約埋在2:30左右一齊食飯，但近排發覺服務方便越來越差，之前一座底叫完嘢食，服務員會幫我地開個爐先，但呢排沒有這服務，試過幾次一座底就見到個網沒有換過，網面上很明顯有燒完嘢食痕跡😤我地唔出聲都唔會換個另一個比我地😡落單時服務態度很差，又時常漏單，套餐上包括的食物上了一半，另一半又要吹幾次才到，員工時常掛住傾計，不理會在場客人有什麼需要，環境同食物都不錯，可惜有這樣的服務態度，不會再來光顧👎🏼👎🏼👎🏼👎🏼

今天放工後，相約朋友到鑽石山。看見有一間燒肉放題，也有很多人在門口等候於是便試一試。他有很多套餐選擇，我們選擇了有牛的，然後有一個餐多$40便有海鮮，但因為海鮮的選擇不太多，所以我們決定叫$258 雞豬牛的任食。😛坐下後店員會先上一碟小菜給你燒，有秋葵，茄子，雞肉，牛肉，豬頸肉等等。。。之後我們便叫了很多牛肉，牛脷，雞翼，腸仔，豬腸，看上去也很新鮮。但是叫多幾次之後，我們便發現無論叫什麼味道也是好像原味的😅而且漏單次數嚴重。。。其實燒的時間不太夠，因為無論我們叫多少件他也只上三件，然後牛肉的肉質真的非常普通。。。😢有一些更咬不開😭😭反而熟食方面，更令我們驚訝，質素更高。所以最後我們叫了很多石頭飯和韓國冷麵，而令自己飽的，這間餐廳我會光顧一次便夠。

我幫襯呢間主要因為佢就腳同埋商場有三個鐘免費泊車。 入面啲枱為set得好寬敞坐得好舒服。 佢個放題有幾款嘅我哋通常食中間有牛嗰款， 以前食過佢有買海鮮嗰款但發覺海鮮攞嚟咁燒唔係咁 值得。 老老實實 佢啲燒肉叫做可以， 尤其係啲牛舌其實好正。 佢個日式冷麵超一流我通常起碼食三四碗反正任食任叫。 不過有一樣嘢係我覺得極之唔好嘅就係佢哋個會員系統一定要人裝apps落手機 如果你唔見咗電話或者換個電話或者換左sim卡你係分分鐘展示唔到個member出嚟嘅咁就冇咗個折扣。 鋪頭入面冇wi-fi 電話訊號又唔好所以如果要現場安裝番佢個apps係好困難嘅事。 店員似乎又唔係下下都願意幫你人手搽番你個member 狀態。 呢一點我只可以用愚蠢去形容。 我唔肯畀個好評佢 亦都係因為呢一個原因。

首先, 呢間食過幾次, 但之前比較夜去, 好快可以入座, 但今次想早D食, 發現好多問題1. 太約8:00pm左加到, 首先, 最大問題係, 門口位員工完全失蹤, 等咗一輪先拎到, 而我哋之前已經有幾位係度等"員工"出嚟派飛2. 唔夠人手, 眼見店入面唔多過4位員工, 門口位員工同時包辦派飛, 帶位, 落單, 上菜, 清潔3. 門口位員工一派完飛就會自動失蹤唔見人3. 其實店入面當時有6-7張吉枱, 但唔放人入去坐, 最後我哋入去坐個張, 就係一直吉咗個張, 即係白等半小時. 可以想做假象多人等食4. 食哂途中, 聽到講似今日營業額做夠, 所以唔急放人入店, 慢慢做5. 上錯嘢6. 前幾日係電視見過D打針牛肉, 但估唔到連打針豬都有, 今次就正正見識到, D牛肉已經同電視講好吻合, D脂肪同係電視睇到嘅情況好類似, 而最精彩係1cm豬腩肉, 我放上去燒, 有D汁沿住塊肉向其中一面流落去, 睇落無咩問題, 但留心睇, D汁唔係滴落下面, 而係好似鼻涕咁吊住, 睇到即時唔想食7. 最後甜品有窩夫雪糕, 個件窩夫係最失敗之作, 唔熱, 唔脆, 軟奶奶咁, 一睇就知整咗好耐.簡單講, no n

早前到 K-11 打邊爐做左會員, 有張 $200 coupon, 原先都唔諗住用, 但甘岩又睇到網上有人介紹呢間燒肉店好似唔錯, 所以都過黎試下喇😝我地選左個海鮮放題~ 每位送一份長腳蟹~ 另外一入座會即送上小盛合, 可讓客人盡快開餐🤣放題二小時有點急趕, 但食物都上得好快, 所以都夠時間食. 用餐個半鐘到就會截單, 職員會提示再落埋每位一份的甜點~ 任食放題黎講, 肉類質數都幾高~ 每款肉味道都唔錯, 但就食唔出鹽醬同醬汁有咩分別😅雞亦貼心地開邊方面燒同食. 牛舌好厚但略韌.海蝦都幾大隻, 生菜泡菜都是任點任食的👏🏻第二 round 肉. 但飲品每位只包二杯, 而且汽水是一杯杯的唔夠汽. 甜品每位包一份, 有柚子雪葩同抹茶銅鑼燒, 幾有驚喜😋服務方面都唔錯, 職員落單上菜都好勤快, 坐位大多是四人座, 坐得舒服, 而且通風幾好, 唔會食到成身燒烤味, 大家可以一試😆

辛苦咗一個星期，同同事去食燒肉放鬆一下，但原來晚餐時間要等45分鐘先有位，餓死我。餐廳燈光陰暗，枱與枱之間有好多空間，坐得都舒服。我地3個人叫咗極上海鮮燒肉放題晚餐($308/位)先黎個咩都有啲嘅拼盤同長腳蟹。我地用咗好多時間拆蟹，嘥曬啲時間，又唔係特別好味。蠢咗。餐廳有放題通病，就係食物叫三份會淨係黎一份，甚至會漏單。我哋第一輪叫咗粟米腸，結果消失咗冇嚟到。第二輪再叫先出現返。仲有第一輪叫咗嘅雞翼冇嚟到，追單之後先發現原來所有雞翼冇貨但無人主動出聲。牛肉部位唔大分別，無一款特別濃牛味。蝦，帆立貝，三文魚超好食，我地忍唔住要encore。最後店員見我哋未食曬都趕我哋走，我地見無人等位諗住食埋先唔好嘥，但店員堅持要我地離坐。雖然明白原因，但好似有啲浪費食物。

呢間燒肉店我最常幫襯午餐，經濟實惠，份量很足，十分飽肚。呢個爐頭，油煙抽得很好，食完唔會成身油煙味，讚！午餐由六十多元起至百多元，豐儉由人，星期一至五可以優惠價追加燒肉。雖然佢哋幾十蚊個餐有交易，但係燒肉D肉質唔差，很鲜嫩，尤其豬頸肉及牛肋肉。肉類大部份加入麻油、醬油及芝麻調味，簡簡單單已帶出肉類的鲜味。午餐還附上一碗牛尾湯，牛肉味香濃，令人回味無窮。有雞肉、牛肋肉及豬頸肉，肉質鲜嫩牛尾湯每次光顧此店都令人有種很豐富及滿足的感覺，而且環境很舒適乾淨，座位也很寬濶，不會令人有擠逼的感覺

服務特別差，搞到特別唔開心，我哋落咗一次單，結果等咗成半個幾鐘都未到，問咗個女樓面可否睇下追單，結果佢態度極不耐煩，話就到了就到了啲員工一直係度傾解，仲要大大聲，廣東話又唔正，我個爐就一直係度燒空氣，未食嘢就激到飽。之後仲要不停上錯嘢，明明我哋係冇落過單。啲肉嘅質素都係一般般，全部都唔入味，只係表面小小醬料，嘢飲方面只有三款普通汽水選擇，仲要限每人兩杯雖然250幾蚊啲肉嘅質素唔可以要求到去邊，但喺啲服務可唔可以好小小？真係唔會有下次。

話說今日係慈雲山附近，突然想食燒肉，就諗起呢一間。星期日，夜晚七點三左右到門口，等咗45 分鐘總算入到去裡面。燒肉。放題。極上果個餐。一坐低無耐，9 唔搭8 送咗以下嘅野過黎。松葉蟹 + 兩片牛，兩片豬頸肉，兩舊雞。一個字 HEA .... 我寧願你唔俾我好過，下價貨之餘搞到個網燶晒底。之後，不斷叫咗好多肉，根本分唔到，只係知自己有食牛。豬，雞，海鮮。有一樣野，真心推介。就係一口牛，果口牛有5cm x 5 cm x 5cm咁大粒， 底食到呢但真係好難燒囉！！！！ 其次就係佢啲海鮮，都唔鮮，叫乜鬼海鮮。蝦肉無咬口，又唔脆，又唔係林，唔新鮮咁。 啲三文魚，好似人地魚乾伴食，碎到呢，散晒。是次燒肉體驗都幾失望，想過下口癮都可以嘅。反而想食好野。。。。openrice 下其他啦🙈

姊妹們今次揀左位於荷里活廣場嘅牛八燒肉，我地6點到達，無人等位，所以好快就可以入座，店舖環境整潔，座位闊落，我地揀左$238嘅牛豬雞套餐放題，限時兩個鐘，套餐包括每人兩杯汽水，一客甜品，燒肉方面醃嘅方式好多，味道亦好特別，餐廳有提供生菜，夾住燒肉一齊食，令油膩感大減，另外就係餐廳會將雞翼開邊，咁就更加容易熟啦，牛油粟米粒都好受姊妹們歡迎，温玉凱撒沙律味道亦好清新，芝士年糕嘅燒法都好特別，但食落就無咩年糕嘅口感，飲品方面有百事，七喜，薑味汽水，甜品我地就揀左柚子雪糕，窩夫伴雲尼拿雪糕，柚子味比較似雪葩，窩夫就比較淋。大致上呢間餐廳各方面都唔錯。

第一次到這家燒肉店， 沒有訂枱的我們一行四人大約六點鐘入座， 這裏有幾款放題選擇， 雞豬肉，雞豬牛肉和雞豬牛海鮮等等。 另外星期一至四和公眾假期的價錢都有分別，用餐時間兩個小時， 今次我們點了雞豬牛套餐$238加一。牛八的肉種類都算好多，餐牌上可以選擇的每一種肉類都有不同的醃法，我覺得每一種肉食落口都是差不多味道， 我們都分不清邊一款是哪一種醃法。肉質還是可以入口的， 不算太差！餐牌上還有其他熟食例如麵， 飯，湯，冷麵，沙律配菜等等。 每人包兩杯飲品加雪糕甜品一個。而我最喜歡的就是溫泉蛋沙律， 因為食燒肉最好都是有沙律，感覺冇咁油膩！餐廳環境舒服坐得舒適， 店員服務態度亦可以。

雖然以放題黎計佢哋嘅價錢比起出面每位平均貴幾十蚊，不過佢哋啲肉既質素的確比較好， 牛肉同豬肉都有好多唔同部位嘅選擇， 個人覺得牛舌最好食，分咗普通牛舌同厚切牛舌，厚切嘅真係好厚好多肉汁 ， 即使係普通牛舌都比出面一般既厚，又夠晒大塊，雞就主要得雞腿肉同雞翼，不過就有好多唔同嘅味道揀， 飲品就反而冇咩選擇，得三款俾你揀， 甜品得兩款一款係正雪糕一款係雪糕家窩夫，窩夫加雪糕幾好食，坦白講食物質素係唔錯嘅，不過服務質素就一般啦， 好明顯人手唔夠，所以每次要舉一段時間手先有人睇到我哋想落單， 不過都明白飲食業而家比較難請人，雖然人手唔夠，唔夠人清枱同service客人，但係佢哋見到我哋舉手都會即刻行埋嚟，不過出嘅食物數量係我地最唔滿意既地方，因為份量係求其出，有啲寫咗但係唔嚟，有啲寫數量好少但係落枱就多左好多，有啲數量寫好多但係最後就嚟得嗰一兩片

假日黎百老匯睇戲，喺荷里活廣場度搵食。想食燒肉，預先上openrice見到呢間所以早一日book定。日式燒肉店開得太多，黎之前都無太大期望，但見淨係荷里活廣場先有又試下~今晚七點已經要等，好彩book左位，剛食完走果陣，門口仲有人排隊。。都幾受歡迎。有多數價錢嘅餐，可能包靚啲嘅肉或海鮮。~ 最後叫左$258 嘅餐，無海鮮。 包兩杯汽水一份雪糕， 酸青瓜，牛油菇都好好食，記得試下牛肋肉同肩脊肉好食，每款有幾種味~