牛八和牛燒肉屋 (已結業)

姊妹們今次揀左位於荷里活廣場嘅牛八燒肉，我地6點到達，無人等位，所以好快就可以入座，店舖環境整潔，座位闊落，我地揀左$238嘅牛豬雞套餐放題，限時兩個鐘，套餐包括每人兩杯汽水，一客甜品，燒肉方面醃嘅方式好多，味道亦好特別，餐廳有提供生菜，夾住燒肉一齊食，令油膩感大減，另外就係餐廳會將雞翼開邊，咁就更加容易熟啦，牛油粟米粒都好受姊妹們歡迎，温玉凱撒沙律味道亦好清新，芝士年糕嘅燒法都好特別，但食落就無咩年糕嘅口感，飲品方面有百事，七喜，薑味汽水，甜品我地就揀左柚子雪糕，窩夫伴雲尼拿雪糕，柚子味比較似雪葩，窩夫就比較淋。大致上呢間餐廳各方面都唔錯。