爸B燒

營業中

休息中

重慶燒開到成行成市，網上見到介紹新蒲崗抵食又好味泰式燒烤，上星期日特登同太太去試下鹽燒海蝦（$6）- 門口見到新開張6蚊隻蝦，入到去問伙記確認後就叫咗5隻，隻隻都彈牙唔會鞋燒龍蝦（$88）- 寫明約4両唔呃人，係大蝦再大啲，燒到啱啱好肉唔靭連個殼都咬得碎，除咗個頭啲膏，連腳邊都有蝦子咬落卜卜聲燒雞皮（$12）- 好似食緊燒蜜糖雞翼個皮，唔似日式燒雞皮咁乾身卜卜脆金菇肥牛（$7）- 是日特價，記得叫伙記改價錢，一串有3件，金菇燒得乾咗啲，個汁都落得重手咗燒雞全翼（$14）- 食落有陣陣香茅味，雞全翼燒得平均，唔會個頭未熟尖位又太乾燒雞腎（$12）- 細細粒好有咬口鹽燒厚切牛舌（$18）- 厚度令人感覺同隻牛打茄輪一樣，咬落軟綿綿，但我覺得都係切走脷胎啲邊去燒個感覺會較好韮菜（$12）- 燒出韮菜香甜味，唔落炸蒜比較好菠蘿（$15）- 菠蘿燒完甜味提升唔會太酸咸檸七（$18）- 坐係出餸位見到枱枱都叫，一早篤散既咸檸檬個味勁出，倒入七喜咋咋聲超解渴

同想公心血來潮去左新蒲崗搵下有咩宵夜食！行行下見到間爸b燒 見到都幾新淨 好似新開咁，入面都幾多人，咁就入左去啦！入面鋪頭細細，加埋應該有十幾張枱左右。之後就嗌野食野！價錢都係普通串燒咁既價啦！嗌左杯野食？咸檸七 都幾好飲之後就嗌左啲串燒，好特別！有燒燒賣😂😂 係好食既！燒得幾靚！牛舌好厚，好juicy! 每日優惠！依串墨魚餅五蚊咋！錫紙金菇！好食！好多蒜蓉 仲加左啲牛油添！好香！串燒必食燒茄子！ 好食！仲有必食既燒粟米！ 正！整體黎講都不錯！嗌左中辣 唔係好辣！下次可以再辣啲！

第一次黎食野。。因為預先打去訂左位。。唔洗等。。同朋友一齊黎食。。入到去環境暗暗地。。幾好feel。。地下冇食物殘渣、冇積水、冇油。。侍應好好禮貌。。老闆又親切。。樣樣野都好好味，d海鮮係即開既，好新鮮，蒜蓉唔會蓋過鮮味，但又夠香，岩岩好！仲有個牛油金菇真係超級好味！但掛住唔記得影相😂記得食之前撈勻左先呀😁價錢方面其實一D都唔貴，比起出邊食海鮮既地方，大家都係新鮮開既，但呢度價錢比較出邊平。平時食野都唔會特登寫食評，但呢間店樣樣都岩我心水！一定要介紹俾大家！

咁岩同朋友黎到附近,開openrice search到呢間爸b燒,見到評論都唔錯,價錢又唔貴就去左試下。去到見到爆哂場,好野先多人食..所以就決定等佢啦…不過好彩都係等左10分鐘左右就有位。本來想食龍蝦,但賣哂唯有下次啦～食物水準高,其間老闆周圍問客人食物水準如何,有咩需要改善即管出聲,呢樣值得讚揚。員工服務態度都好好,只係有點忙。呢間值得回頭有d野食都唔記得影相,仲有個蒜蓉蝦,燒蠔同埋扇貝,呢道既海鮮真係好新鮮,價錢算係平價,食完真係好想食佢個龍蝦

見到爸B燒facebook有新鮮燒龍蝦食,當晚就沖左過去自私食😂第一時間叫左龍蝦同埋生菜包先！龍蝦真係新鮮到爆,肉質爽口彈牙..鮮味十足！生菜包就唔講啦⋯上次食評都講過..而且亦係佢地招牌菜..呢次黎既然食開海鮮就食埋佢,點埋海蝦,蟶子同扇貝..認真佢d海鮮真係掂！又唔貴..重點係真係新鮮..同埋面食海鮮開定既爭好遠..同老闆傾左2句..老闆話佢地海鮮全部新鮮開..佢話寧願請多兩個廚房都唔寧願做爛品質..呢樣係佢既堅持..香港又多左位良心老闆了！

有時想同閨蜜傾下計又想食小小嘢, 串燒是最佳選擇。這間小舖主打串燒同ㄧ些泰式炒粉麵飯為主, 店内裝修以簡約工業風播放住八, 九十年代的中文歌, 很地道。每天都有指定的特價串選擇燒蠔 $28/隻, 必食, 每隻蠔都有手掌咁大隻, 啖啖肉, 記住飲埋啲蠔水, ㄧ流鹽燒蝦宜家做緊 $6/串, 當日特價串雞腎 $4/串, 唔係唔食吖? 可惜豬仔脾燒得唔夠熟。燒韮菜, 必食翠玉瓜, 脆囗多汁當日驚喜, 鹽燒魚, 掛住食連個名都唔記得咗, 燒得剛剛好, 肉質嫩滑又唔"鞋口"㕑師整得好有心, 將醃料放在魚内燒, 好入味

今日同朋友行過新蒲崗呢間爸b燒,見佢裝修幾靚..個名又得意就行左入去試下啦..因為太肚餓既關係,有d野食都係食到一半先影相。開頭冇諗住寫食評,但食完個生菜包之後我覺得要寫黎讚揚下佢,蝦先$6蚊隻,抵食到爛,但唔好以為一定係唔新鮮,肉質彈牙..鮮味到呢…$6隻真係超驚喜..老闆又超nice,仲有每日特價..價錢我就唔po啦…佢餐牌都有..佢所有串燒都要到岩岩好,仲有好肉汁..唔會乾哂,非常希望大家過黎試下

見新開鋪，又有優惠，所以入去試下。可能因為系夜晚，好多人，而入面位又唔多，所以都等左段時間先入到去食。但我覺得間餐廳食一次就夠，唔抵食。首先，入面比我嘅感覺好迫，坐得唔舒服。餐牌食物種類算多，有海鮮，燒烤，丸類，蔬菜，涼拌。因為有優惠，所以叫左幾隻$6蝦串燒，食落口好乾身，蝦唔算大隻，所以如果無優惠，原價就唔太抵食。燒娃娃菜，佢系切開一半攞去燒，好乾同唔太夠味，要自己再落啲醬。唯一一樣值得推介嘅系燒茄子🍆，茄子切開一半，上面放滿蒜蓉，燒完都幾入味。總括而言，我覺得間餐廳只值我食一次，可以貪新鮮，叫佢啲優惠食品試下。加上，價錢唔算便宜，對學生黎講，實在太貴啦。

一大班朋友食飯，通常選擇餐廳都係最令人頭痛嘅事，唔係打邊爐就韓燒放題，今次我地一行9人試左呢間開張冇耐嘅串燒店，順便預祝朋友嘅生日。餐廳位於新蒲崗，雖然家住新界西，但旺角有車可到，落車亦唔係行好遠，總算方便。因為睇過之前嘅食評，話店內位置唔多，所以我預先訂位，都花左一輪時間，因為店方留俾op嘅電話係冇人聽嘅，最終喺fb搵到正確電話，成功訂位。都好感激店員嘅安排因為本來只有7位，臨時加多左兩位，要麻煩店方嘅調動。小店一間，位置唔多，估唔到平日晚上客人不少，慶幸有先行預約。雖然未至於逼狹，但空間感一般，所以貼心地安排左可以放置個人物品嘅圓櫈，方便客人。燈光稍暗，帶點工業風嘅裝潢，水泥色牆身地板、木枱、好靚嘅吊扇，加上播住8、90年代嘅流行曲，我地就真係一邊食一邊哼唱，首首都識，相信同店員生於同一年代吧。餐牌選擇豐富，一般嘅串燒都有，定價就唔係特別平，但個人認為亦都冇特別貴，喺香港有個鋪位食串燒本來都係差不多價位，總唔能夠同國內相比。串燒 $8起，例如雞翼$13/串、雞軟骨$12/串、台灣腸$12/條等，另有佐酒小食、涼菜、海鮮，怕齋食串燒唔夠飽，亦有飯麵供應。星期一至日一款優惠串燒，例如當

這幾天都沒有食慾，突然想起朋友介紹的這家新店，所以就來試試看。很久沒有一個人爽吃去了。先來點個生菜包，這是我來的目的，再來個茄子還有台灣腸。生菜包很香，咸度跟辣度（中辣）都剛好，聽老闆說調味料是他自家調的喔！份量也足，我生菜包光了還有剩，要叫老闆加生菜。茄子一到簡直是香到不行，不像外面吃的滿滿都的調味粉加蒜味，這能吃到茄子的味道，而且份量也是滿滿的..！讚..當然喜歡吃蒜的可以叫老闆多加點..台灣腸燒的剛剛好，皮不會乾掉..這台灣腸口感很好，不會太油。遺憾的是，吃完我已經飽到不行了..他們家特價的新鮮海蝦$6跟每日特價都沒吃到就GG了。總結的說，環境、價錢、味道、份量都非常不錯👍下次會叫一大幫朋友來..多吃點不同的菜～

新開張梗係去試下嗱，點知一試出事，除咗有冷氣之外，又貴又唔好食，加上d位又迫。我哋叫咗雞皮串，燒韭菜，燒茄子，錫紙包金菇，泰式炒金邊粉同埋泰式鳳爪。首先雞皮串： 佢串嘢完全係冇味，而且係直接放落油鑊到咋嘅，出嚟啲雞皮好乾，好難咬燒韮菜：係差唔多咁多嘢入面最好食嘅一個，同埋份量最多嘅一個， 起碼佢係鹹鹹哋有味先。燒茄子： 個茄仔好似俾人開邊，唔係一條原條嘅茄子或者條茄子細，但係佢燒出嚟嘅都係一達有味，一達無味， 有蒜蓉嘅地方就有味，冇蒜蓉嘅地方就無味，直頭淡😂😂錫紙包金菇： 佢嘅做法有啲得意，係將所有蒜茸放喺金菇嘅底燒嘅，咁上面嘅金菇完全無味😂😂 就算撈勻之後味道都係唔夠嘅炒金邊粉：得個酸字泰式鳳爪：鹹到爆（ 嗰啲雞腳係果汁食落去連埋一齊好鹹），又唔拆骨，又細碟總結而言，嘢食唔醃製， 只係依靠汁醬嘅味道， 唔係太鹹道太淡， 而且上野食嘅速度實在太慢

踏入新蒲崗，就想到它的歷史足跡，中部是舊工廠區，也是香港主要工業區之一；住宅樓宇大部份座落於它的東及西面，這里集合住宅與商廈，隨住附近大型商場建立以來，帶旺一帶，各式食肆相繼進駐，非常熱鬧。雖然沒有地鐵，但很多巴士、小巴直達，如果揸車的話，街上錶位甚多，泊車也是很方便。經過時發現附近有新店登場，我和朋友研究了一下它的餐牌，發現食物種類很多，有涼伴、燒烤、炒麵飯、海鮮、串燒、蔬菜…樣樣齊全，最重要是價錢不貴，而且不設加一收費，於是決定進店一試。碎好的肉粒，配上芫茜，蔥等調味炒得甚香。可以直接進食也可以生菜包住進食，肉粒直接食也不會太咸，與爽嫩的生菜匯合，就更加美味。多春魚金黃的外表，炸粉一點也不厚，因為是即炸的所以放入口完全可以感受到它的香及脆，一點也不會腥。材料很豐富，豆干切成絲狀與金邊粉，肉絲和芽菜等混合起來變得和諧而突出，口感非常豐富。魷魚鬚爽口香脆，充滿嚼勁，非常適合飲酒的朋友，可以一邊喝酒一邊咀嚼韌力十足的魷魚，何嘗不是一種享受。豬上脾市面上已經買少見少，不是隨處可以食到，見到這店有得食，而且是鎭店之選，當然要試下。果然沒有失望，肉質鮮嫩，肉汁豐富，絕對值回票價。串燒包括豬、牛

之前喺慈雲山一齊都有幫襯開嘅串燒店，唔知道開咗嚟新蒲崗就即刻去試！估唔到冇咩點加價之餘，嘢食款式多咗，食物保持一貫水準！老闆老闆娘都好後生，超級Nice！可能見到我哋個樣好熱，即刻俾個最涼嘅位俾我哋，細心抵讚所有嘢即叫即整，不過好快就有串燒全部好香口，令人驚喜嘅係海鮮好新鮮！！！同埋老闆真係好好人，我同先生一個食辣一個唔識唔食辣，佢都唔厭煩同我一個個餸較個辣度呢度環境好好，坐得好舒服，好啱一家大細或者成班朋友嚟！我諗將會成為我哋嘅飯堂啦

因工作關係要去新蒲崗，要搵間好西食慰勞下自己，於是見到呢間門面咁光猛既小店就俾佢吸引左，雖然地方唔太大, 但勝在坐得夠舒服，感覺好溫馨，呢度除左有豬牛雞串燒之外，都有燒海鮮食, 我最鍾意就係個蝦串燒，見依家做緊promo 6元隻，原先以為咁平都知係雪蝦，於是就叫左2隻試下，點知一上枱，就見到D蝦腳、鬚、殼都好完整，好食到不得了，我再入左半打食...。另外，俾老闆sell埋條則魚食，90幾蚊，味道都幾特別，香口得黎又有汁，魚怪應該要試，不過都幾大條，我諗要2個人先食得晒。老闆都好好人, 可能見夜, 賣唔晒，就免費送左個生蠔俾我地去試食, 啖啖肉又夠juicy唔乾。最值得一讚係，呢度竟然有泰國既肉碎生菜包賣，而且味道一流, 十分地道。

琴晚約左朋友一齊去試呢間新開既泰式燒烤店，店鋪細細，乾淨企理，食材好新鮮，最正係泰式生菜包同埋燒茄子😋仲試左店長推介既燒海蝦，無諗過泰式燒烤店可以食到咁新鮮既海鮮，放工happy hour 又可以有多一個選擇，今晚我地平圴每人消費$120👍🏻👍🏻